مطلوب بنات يشتغلون كروشيه
- بادئ الموضوع Q8.BA
- تاريخ البدء
بسم الله الرحمن الرحيم
حياك الله اختي
مافيه عندي شي مخفي أو أخافه علشان اكتب بالخاص ، كتبت الموضوع علني والتفاصيل علني
الشغل كروشيه وتريكو حسب شغل الوحدة
نوعيته أنا أعطي الفكرة الأساسية للي أحب أن الوحدة تشتغلها لي وأعطيها المواد كلها ماعدا ابر الشغل عليها هي تشتري اللي يناسب الخيط
الوقت أحدده لها خلال عشرة أيام إلى اسبوعين وأحيانا يكون من ثلاثة أسابيع إلى أربعه أسابيع ، بمجرد ما تخلص حتى لو قبل الفترة هذه تحضر الشغل لعندي واذا مضبوط أحاسبها وإذا يحتاج تعديل ارجعه لها تعدل فيه... طبعاً لازم تلتزم معي بالوقت أنا ما أجبر الوحدة أنا أبين شنو أبي وهي تاخذ الخيط اللي تحتاجه والمفروض ما تاخذ اكثر من اللازم لأن فيه غيرها يشتغل . اذا ماعندها سيارة هي مسؤولة عن المواصلات تحاسب التاكسي حتى لو اشتغلت لي قطعة سعرها قليل مسؤوليتها توصل الشغل لي وأنا غير مسؤولة عن التاكسي وحسابه.
النسبة : تختلف من قطعة لثانية ومن شغل لآخر .. وحسب نظافة الشغل وغرزه الغير تقليديه وحجمه أي مقاسه .. وقبل ما تاخذي أي شغل مني أنا أبين سعره بين كذا وكذا دينار لو ماعجبك ماتاخذيه علشان ما تحتجي بعدين ... ولو نسيت أقول المفروض اللي تاخذ مني هي اللي تسأل قبل ما تمشي.
السعر يتراوح للقطعة الواحدة في الملابس والقبعات والمفارش المتوسطة الحجم مابين 1 دينار إلى 5 دينار ويزيد إلى أكثر حسب الشغل ... فيه شغلات ثانية لو طلبتها وتكون صغيرة يكون سعرها لأكثر من قطعة ابينها وقتها للي تحب تشتغلها لي .
فقط أول مرة أتعامل مع الوحدة أعطيها اسبوع أو عشرة أيام لشغل قطع معينه قليلة لأجل اشوف فكرها كيف وشغلها ... بعدها يا استمر معها بشكل دائم يا فقط شغل معين اللي اشوفها تميزت فيه .
والسلام
اي استفسار بالخدمة
سويت فانيلا
عضوه موقوفة
معزوفة عشق&
New member
انا امي مبدعه في شغل الكروشيه ماشاء الله اذا حبيتي راسليني عالخاص لاني مارجع للمواضيع ..
مووفقه ..
مووفقه ..
السلام عليكم ممكن اللي تشتفل كروشيه تكون من مصر والا لازم الكويت انا بشتغل كروشيه زمعايا مجموعه كمان ياريت لو ينفع تردي عليه جزاكي الله خيراااا
بسم الله الرحمن الرحيم
ياهلا أختي سويت فانيلا
أختي أنا ما اشترطت جنسية معينة ، عندي بنات من كل ديرة مصر ، سوريا ، تونس ، المغرب ، الكويت ، وغيره منهم حتى مسيحين ما اشترطت أنا إلا الشغل ويقبلون بشروطي ومنها سعر قليل للشغل أحدده لهم وشغلهم يكون مو تقليدي من اللي منشور دايماً بكل مكان لازم يكون عندهم خيال وفكر واسع لأن أكثر شغلي أحدده وأبيهم يتميزون في غرزه وموديلاته ونادر ما أطلب شي موجود نفسه بالنت أو المجلات .
بس حاليا هالشهر أنا مكتفية بالشغل اللي عندي ومشغولة فما استقبل طلبات انضمام لأني ما راح أقدر أجابلها الحين ، لكن بعدها حياها الله أي وحدة راح نشوف حتى لو ما اشتغلت معانا اقلها عرفنا شغلها ونقدر نطلبها بأي وقت نحتاجه.
اختك
انا امي مبدعه في شغل الكروشيه ماشاء الله اذا حبيتي راسليني عالخاص لاني مارجع للمواضيع ..
مووفقه ..
بسم الله الرحمن الرحيم
ياهلا أختي
ربي يوفقها ويخليها تاج على راسج
أنا أي وحدة متواجدة عندي بالكويت وشغلها مميز مو بس نظيف اقدر استفيد من انضمامها معاي
وكاتبه بالموضوع هذا شروطي الأساسية علشان اللي تتصل تكون موافقة اصلاً على شروطي الأساسية
والسلام
وعليكم السلام ورحمة الله
حياج أختي ام هجوره
مومهم من وين اصلها
لكن الأهم تكون متواجدة بالكويت ، فيه عندي بنات ياخذون الشغل ويسافرون مصر وبعد اسبوعين أو ثلاث يرجعون ويسلموني الشغل ، يعني يتنقلون بين مصر والكويت ، بس لو مقيمه بمصر لا ما أقبل صعب التواصل هذا
ربي يوفقك واللي معاك لكل خير
اختك
بسم الله الرحمن الرحيم
حياك أختي
طلبي مقيمة بالكويت
لأن شغلي لازم أحدده وأعطي الوحدة الخيوط من عندي وأنتظر تجيبه وأحيانا يكون طلبي كمية فلما تعمل عينة لازم تجيبها قبل ما تكمل لأجل أشوفها وهذا صعب يتحقق بوقت قياسي لو كان شحن من مصر .. أعتذر منك وربي يوفقك لكل خير
اختك
بسم الله الرحمن الرحيم
حيا الله أهل مصر
مثل ما رديت على اللي قبلك أختي
مايهم من وين أنتي
الأهم وين تسكني لأن تواصلي مباشر ودائم مع اللي يشتغل معاي
ما أتعامل مع الحجز صعب هذا على الشغل اللي ابيه
موفقة
صابرة وراضية
Active member
بالتوفيق حبيبتى هذا رقم وحدة تخصصها كروشيه وشفت شغلها رووووعة وراقى جدا واشتركت معى بمعارض هذا رقمها 99986906
