للبنات المتقدماات في قسم الرياضيات

[شقاوةحلم]

مرحبا بنات اللي عندها جديد تعطينا ..
وعطوو مواعيد للمقابلات
وبالتوفيق للجميع

 

[بسكوتا كتكوتا]

اب اب

 

[وردة ذابلة]

مشكورة حبيبتي أمل السعادة لأنج حطيتي لي الرابط حبيبتي دخلت الأختبار المرة الأولى وللأسف مانجحت بس بغيت أعرف متى تكون الفرصة الثانية للأختبار أنا أروح أسألهم أوهم يدقون علي؟
أسألتي كانت:
1-أرسمي شبه منحرف واذكري مساحته ثم اسنتجي قانون المساحة
2-ارسمي مثلث منفرج الزاويية ثم ارسمي الأعمدة المتوسطة وبعدين قامت تختار زوايا من المثلث وتسألني عن قياسها
3-إذا كانت أرباح شركة في عام 2011عدد موذاكرته يمكن 75000 وزادت بمقدار 4% في عام 2012 فما هو الربح في عام 2012
4-إذاكانت س تنتمي إلى ح فهل العبارة التالية صحيحة
القيمة المطلقة ل س>س

وأتمنى تدعون لي بالتوفيق في المقابلة الثانية

 

[اسماءالعوضي]

اختي الورده الذابله خيره ان شاءالله هم راح يدقون عليك واذ مادقو بعد شهر روحي لتنسيق وهم يعطونك موعد وانا اختبرت الاسبوع الي فات وسقطت الله يرزقنا ان شاء الله:yaaaaaarb:

 

[اسماءالعوضي]

مساء الخير وينك يابنات الرياضيات ساكنين ياليت يابنات الي تختبر تحط لنا الاختبار علشان نفيد بعض بنات العام ماشاء الله عليهم حيل متفاعلين ودنا نكون مثلهم*

 

[وردة ذابلة]

انشاء الله نكون متعاونين واذادخلت المقابلة الثانية بحط لكم الأسئلة بس بسألك حبيبتي أسماء من أي مناهج ذاكرتي للأختبار وشلون تحسين جاوبتي زين في المقابلة؟ وعذريني على الأسئلة الله يوفقك

 

[اسماءالعوضي]

انشاء الله نكون متعاونين واذادخلت المقابلة الثانية بحط لكم الأسئلة بس بسألك حبيبتي أسماء من أي مناهج ذاكرتي للأختبار وشلون تحسين جاوبتي زين في المقابلة؟ وعذريني على الأسئلة الله يوفقك

اهلين اخت ورده اناذاكر ت مناهج7،8،9 وكانت الاسئله منهم انا اجاباتي مختصره وهم يبونك تشرحين لهم كانهم طلاب لانهم قالو لوحده من البنات حنا نبي اجابات معلم وليس طالب وبعدين في نهايه المقابلات دخلت علي الموجه واخذت نتيجتي قلتله شنو اركز عليه قالي ركزي علي المتوسط وعطاني كتابين 7،8 الفصل الثاني قالي ركزي موفقه ان شاء الله يرزقنا الوضيفه باذن الله:yaaaaaarb:

 

[اسماءالعوضي]

اسئله وحده من البنات اختبرت الاثنين رتبي الكسور تصاعدي هل القسمه١٩٥٥ تقبل علي الخمسه اذكري نص نظريه فيثاغورس

 

[وردة ذابلة]

مشكورة أسماء الله يعطيك اللي في بالك وحلوة أسئلة البنت اللي حطيتيها وقليلة الله يسهل علينا المقابلة الجاية يارب

 

[اسماءالعوضي]

صباح الخير نداء لاخت امل السعاده وحوريه بنت حواءهل انتم نجحتو بمقابله العام ولا قدمتوا السنه هذي انا متابعتكم من السنه الي فاتت وحبيت اعرف وش صار معاكم وشكرا

 

[اسماءالعوضي]

ورده دابله بشري وش صار اختبرتي ولا لا وموفقه ان شاء الله

 

[حورية بنت حواء]

صباح الخير نداء لاخت امل السعاده وحوريه بنت حواءهل انتم نجحتو بمقابله العام ولا قدمتوا السنه هذي انا متابعتكم من السنه الي فاتت وحبيت اعرف وش صار معاكم وشكرا

لبيه يا الغالية

أمممممممممممم سؤالج جدا مهم ههههههه لالالالالالالا ما نجحت 3 مرات أدش المقابله والله ما كتب
وهالسنه الي الحين ما قدمت والله
بس تدرين الحين انا ادرس ولدي منهج 4 ابتدائي وولد رفيجتي بسابع احيانا يكون عنده امتحانات رياضيات امه تقطه عندي أاغلب أسأله اللي انسألت فيها قبل وماعرفت اجاوبها موجوده
والاجابات تافهه بمعنا التفاهه
بس شنو تقولين النصيب الله مو كاتب
وانا دايم اقول لعلها خييييييييره

 

[ووغلآآتك]

السلام عليكم
حبيت اسال الي ما نجحت بالمقابلة .. هل يدقون عليها ويسوون لها مقباله ثانية
والا لازم اهيا تروح وتقدم مره ثانية
واتمنى التوفيق للكل

 

[اسماءالعوضي]

مرحبا اختي ووغلاتك اذا مانجحتي المره الاوله هم يدقون عليك وموفقه ان شاء الله

 

[اسماءالعوضي]

بس حبيت اسئل اختي وغلاتك منو الي قابلوكي وممكن تحطين الاسئله للاستفاده وشكرا

 

[نبض الرمال]

اخباركم بنات بكره صديقتي عنده اختبار الله يوفقها ويسهل عليها يارب وانا اسبوع الجاي اختباري بكره رح انزل لكم الاختبار ان شاءالله

 

[اسماءالعوضي]

اخباركم بنات بكره صديقتي عنده اختبار الله يوفقها ويسهل عليها يارب وانا اسبوع الجاي اختباري بكره رح انزل لكم الاختبار ان شاءالله

مشكوره وموفقه ان شاء الله بس اي يوم اختبارك هذي المره الاولي اسفه علي الازعاج:eh_s(7):

 

[ووغلآآتك]

اهلين اختي اسماء العوضي
الي قابلوني موجه وموجهه بس ما اعرف اسماءهم
اسالوني عن الكسور
شلون اقارن بين الكسور باربع طرق بالنظر من غير توحيد المقامات
وما عرفت اجاوب
وعطتني عدد وقالت هل يقبل القسمه على 3 وعلى 6 وعلى 4 وعلى 5 مع ذكر السبب
وسالني عن الاشكال الهندسية شنو الي اعرفه عنهم يعني تعريف عام
وطلبو مني ارسم الاشكال الرباعيه كلها
مربع , مستطيل , شبه منحرف , متوازي الاضلاع , معين
وطلبو مني اكتب مساحه كل شكل
والمعين شلون اطلع مساحته بقانون ثاني غير وهمن ما عرفت
هذا الي اذكره
وانا كنت متوترة وكل المعلومات طارت من مخي
بس الكسور كلش ما عرفت الا طريقتين
يا ليت الي تعرف طريقة للمقارنه بين الكسور بدون توحيد المقامات وشلون اشرحها للاطفال تقولنا
وبالتوفيق للكل

 

[اسماءالعوضي]

مشكوره اختي ووغلااتك بس شلون اقارن من غير توحيد المقامات طيب ماعليك امر شنو الطريقتين الي قلتي عنهم وانا بحاول احلهم ابي اسئل مدرسه عنهم

 

[ووغلآآتك]

اهلين اسماء
الطريقة الاولى اذا شفنا من النظر مقام موحد نشوف البسط والعدد الاكبر يعتبر الكسر اكبر
الطريقة الثانية نقارنهم بالنص
عاد قالي بعد باجي طريقتين بس ما عرفتهم
اي صج تذكرت سالني شنو الفرق بين العدد والرقم وهمن ماعرفت الاجابه