الربط مع وزارة عن طريق ديوان ؟!

[رفيعة الشآآن]

سلام عليكم

حبيباتي انا مقدمة عالديوان وسمعت بشغلة يسونها ربط مع وزارة

يعني لو سويتها اخذ وقت زيادة بالانتظار او لا ؟!

وتكون الاولوية لي ولا مو شرط ؟!

ومنو توظفت بهالطريقة وجم قعدت تنطر ؟!

 

[fun]

حبيبتي اللي اعرفه

انه اول تقدمين و اذا طلع ترشيحج و رفضتي تقدرين تسوين ربط على الوزاره اللي تبينها

و نفس الشي يكون لج رقم يا يقل او يزيد

و تقعديين تنطريين لين اييج الدور

او اذا سويتي ربط و طلع رقمج 1 تقدرين تيبين كتاب ترشيح من الوزاره و تروحين تتوظفين عندهم

 

[غـلآوي ّ ~]

الـربط يعنيّ

لآ اقبل العمل بغير هـ الوزآره

تسوين ربط ومآيطلع ترشيحجّ بأيّ وزآره . . وتنـطرين الوزاره اللي تبينهـآ لـينّ ترشحجّ للعمل

 

[رفيعة الشآآن]

يعطيكم العافية

ودي اسويها بس اخاف اتوهق

ابي بنت مجربة هالطريقة وتوظفت وتقولنا جم نطرت

 

[Lady Sweet]

انا اعرف وحده مسويه ربط والوزاره الي تبيه عندهم اكتفاء من تخصصها وقعدت سنتين لما طلبوها ولا بعد مو اهم من كيفهم راحت سوت كتاب ترشيح عشان هل الوزاره..... واعرف بنت ثانيه هم قعده سنتين لما ملت وشالت الربط وسبحان الله شالت الربط مني توظفت بوزاره مونفس الوزاره الي تبيها بس وزاره حليوه ما كان عندها مانع انها تتوظف فيها لانها زهقت

وغير هذا كله البنات الي عندهم كتب ترشيح راح يدعون عليج لان ماراح يتوظفون بسبتج ... انا اقول سويلج كتاب ترشيح وانطري لما يصير رقمج واحد وتوظفي اسهل واسرع ... نصيحه لوج الله لان اهو كله على حسب احتياج الوزارات

 

[Lady Sweet]

لان انا وحده قعد سنه بسبت البنات الي رافضيين والي رابطيين تخيلي كنا تقريا 50 بنت ماتحرك رقمنا ولارقم بسبت 8 رافضيين و4 كانو رابطيين .... ونروح الديوان يقولنا *لما يتوظفون الرافضيين والرابطيين* والله اهم من يقولونا جذي احنا نقول حسبي الله عليهم ... مو بس انا هم اسمع البنات يقولون نفس الشي على الديوان وعلى الي يرفوظون ويربطون..... ترى مو من صعوبه انج تحصليين كتاب ترشيخ ترى اسهل منه ماكو ... انا خالتي بنفسها تخيلي بنت بنفسها راحت وزاره الدفاع وقالت انا ابي اشتغل عندك قالولها سويلج كتاب ترشيح وجيبي نوقع لج اذا تخصصج موجود وفعلا سوته و راحت لهم وقالولها احنا ندق عليج وبعد اسيوه دقوا عليها وقالوها الوزير وقعها لها
وراحت الديوان وكان رقم بالرفض واحد وبنفس اليوم رشوحها للدفاع ... وكاهي اللحين اداوم هناك

 

[رفيعة الشآآن]

يعطيج العافية حبيبتي

وكتاب ترشيح شلون احصله و وشلون اعرف رقمي انا بس ارفض ومادري شسالفة الموظفات مايعطون فرصة احد يسال

 

[Lady Sweet]

دشي على موقع الديوان وشيكي على رقمج بالرفض.....
كتاب الترشيح له صيغه معينه انت تكتبيني على الكمبيوتر او تسوينه بخدمه الطالب
وتروحين الوزاره الي تبينها وتقوليهم انا تخصصي جذي ودي اشتغل عنكم واهم راح يدزونج مكان عشان يشوفون اذا تخصصج مطلوب عندهم اولا اذا مطلوب راح يقولوج بس نوقع الورقه راح ندق عليج
والله ماتذكر شنو خالتي كاتبه بكتاب الترشيح بالضبط انتي اسألي واكيد راح تلاقين احد يعرف يكتبها
وانا اسالج خالتي لج :]

 

[رفيعة الشآآن]

يعطيج العافية

مشكورة ماقصرتي

 

[iNoor]

يعني إذا رقمي 2\2 واللي جدامي مسوية ربط اسمي ما راح ينزل؟

 

[Gala_3mri]

بنات انا رقمي 60/252

يعني جم وصل دووري :/

بس والله مو ذابحني غير اللي يسؤؤن رفض او ربط و على حسابنا :/ الله يسامحهم :/

 

[غـلآوي ّ ~]

بنات انا رقمي 60/252

يعني جم وصل دووري :/

بس والله مو ذابحني غير اللي يسؤؤن رفض او ربط و على حسابنا :/ الله يسامحهم :/

رقمجّ 60 اللي ع آليِمينّ . . مـن دفعتجّ 252

وِإن شاء الله تتوظفينْ قريب

 

[رفيعة الشآآن]

نور

ماعندي فكرة بس روحي وحاجي الديوان

غلا عمري

دورج 60