رد: إ¨°•√♥ ذا أنتي مطلقه شاركينى؟ " الجزء الثاني + دمج المواضيع المشابهه"¨°•√♥
مساء الخير ... أنا مو مطلقة , بس كثير ادخل هالقسم ,, لأني مو مرتاحه من 12سنه , وأنا في داخلي رغبه بالطلاق , بس سبحان الله يتعدل وضعي شوي وانسى الموضوع ,,, بس هالسنة أحس إني عايشه بجحيم وما اقدر اتحمل ..
أبكون صريحه معكم تدرون ليه ماأبي أتطلق, لأن أبوي وامي متوفين الله يجبر كسري فيهم ,وأخواني ماأقدر اعيش عندهم!! ما انسجم مع حريمهم,ولاأتخيل ان وحده من الحريم تتحكم في حياتي على كيفها , وتضبط وقت اكلي وِشربي ونومي !!!
ولو قلت بأتحمل كم شهر بعدين ممكن يجيني نصيبي ,,,أحس مافيه ضمانات من يضمن إني بأتزوج ؟؟؟ ومن يضمن ان يتقدم لي واحد مناسب؟؟؟مو يمكن اطلع من جحيم وأدخل جحيم ثاني !!
قصتي باختصار إن زوجي ما عنده أي قدره على تحمل المسؤولية , يعني شايله يده من كل شيء ,يقول أن بأوفر لك مصروف وانت سوي اللي تسوينه ؟؟؟ وماعليك مني أروح وأجي وأسافر !! انت عيشي حياتك وانا أعيش حياتي ؟؟؟ أجل بالله عليكم وش الحكمة من زواجنا ؟؟؟ كلن يعيش على كيفه !
و مشكلة زوجي الثانية أن عنده مشاكل في الانجاب يعني ماعندنا أطفال , وحاولنا كم مره والله ما اراد لنا خلفه .
والمشكلة الثالثة انفصالنا الجسدي عن بعض , يعني ممكن يحصل اتصال جنسي بيننا مره وحده بالشهر ,,و يمكن ماتتم العملية كامله !!!
طبعا مشاكله اللي قلتها مهي جديده على حياتي , بس كانت موجوده بشكل بسيط , ومع السنين زادت !!
وزادت المشكلة بسبب سفره المتكرر , ماصار يستقر كل مره والثانية يسافر , ويقول عندي عمل !!!
يعني والله ساعات انسى اني متزوجه !!!ولا شيء من اللي يصير في الحياة الزوجية موجود بحياتي !! لا عيال ولا استقرار ولا عاطفة ولاجنس !!!!
انتوا عشتوا تجربة الطلاق , الله أعلم أيش سبب طلاقكم ,,, شوروا علي وش اسوي؟ اطلب الطلاق والا استمر مع شريكي في المنزل ,احس هالتسمية تناسبه اكثر من كونه زوج !!! أبغى نصايحكم بليز
) 
