في مطلقه تزوجت وخلت عيالها عند طليقها؟؟

[~ بنت الهدى ~]

بنت خالتي اول ماتزوجوا بناتها عنددها

بس لما ابوهم تزوج و استقر اخذهممم بس متواصله وياهم على طول

مسكينه بنت خالتي حنوووووونه الفراق صعب

 

[*آسوومه*]

الله يعين بصراحه الموضوع شائك و حساس
و مو كل شيء نقوله ينطبق ع الكل

مثلا
مُطلقه و اهلها ( ابوها و امها و اخوانها ) مو مقصرين معاها ولا حاسه بالنقص ولا شي ممكن ما تتزوج !
لكن مُطلقه ثانيه و اهلها ( ابوها و امها و اخوانها ) صاكين عليها و مضيقين عليها فالطالعه و النازله و ينطرون اي احد
يخطبها بس عشان يفتكون من لقب ( بنتهم مطلقه ) ! يعني فهالحاله تتزوج و ترتاح من صكه اهلها لان فيه اهل اعوذ بالله
اعداء !!!!

و الريال لازم يكون متفاهم بعد مب ياخذ العيال ولا يخلي امهم تشوفهم !
و مثل ما هو له حق يتزوج هي لها حق تتزوج
و بخصوص الي يقولون شلون العيال يعيشون بدون ( أم ) يعني يات ع الام بس ؟
و الابو وينه ؟
اذا الام تعطي الحنان الابو يعطي الامان
و الابو له دور كبير مثل الام و الاثنين لازم يتعاونون ع تربيه العيال
مب يطلقها و يقط العيال عليها لا مصروف و لا شي و هي تتبهذل عشان تجيب لهم فلوس تأكلهم !
و واجب المطلق لو الحضانه عنده يشوف له مره طيبه تخاف الله فيهم
اذا الام ما تخاف الله فيهم هو لازم يخاف الله لان هم بذمته يوم ياخذهم منها
انا عن نفسي ما اايد ولا اعارض
لان كلن و ظروفه
فيه مطلقات الزواج حل لمشاكلهم و مطلقات ما يحتاجون
و بس

الله المستعان

 

[بخـــارى]

اسومه كلامج وفر علي وايد حجي

لي عوده للموضوع

 

[بيلسسان]

توني سامعه بوحده تطلقت من زوجها وقطتهم على الابو
والجده ام الابوو قالت ماتحمل مسؤوليتهم بتحسس ولدها بالذنب
لن اهو كل شهر بالمغرب وومادري وين
وخلتهم ينامون عند ابوهم بشقتهم


امه تبيه يرد مرته وخلت عياله عنده بالشقه يتحمل مسؤؤووووليتهم

 

[little kitten]

الله يعين بصراحه الموضوع شائك و حساس
و مو كل شيء نقوله ينطبق ع الكل

مثلا
مُطلقه و اهلها ( ابوها و امها و اخوانها ) مو مقصرين معاها ولا حاسه بالنقص ولا شي ممكن ما تتزوج !
لكن مُطلقه ثانيه و اهلها ( ابوها و امها و اخوانها ) صاكين عليها و مضيقين عليها فالطالعه و النازله و ينطرون اي احد
يخطبها بس عشان يفتكون من لقب ( بنتهم مطلقه ) ! يعني فهالحاله تتزوج و ترتاح من صكه اهلها لان فيه اهل اعوذ بالله
اعداء !!!!

و الريال لازم يكون متفاهم بعد مب ياخذ العيال ولا يخلي امهم تشوفهم !
و مثل ما هو له حق يتزوج هي لها حق تتزوج
و بخصوص الي يقولون شلون العيال يعيشون بدون ( أم ) يعني يات ع الام بس ؟
و الابو وينه ؟
اذا الام تعطي الحنان الابو يعطي الامان
و الابو له دور كبير مثل الام و الاثنين لازم يتعاونون ع تربيه العيال
مب يطلقها و يقط العيال عليها لا مصروف و لا شي و هي تتبهذل عشان تجيب لهم فلوس تأكلهم !
و واجب المطلق لو الحضانه عنده يشوف له مره طيبه تخاف الله فيهم
اذا الام ما تخاف الله فيهم هو لازم يخاف الله لان هم بذمته يوم ياخذهم منها
انا عن نفسي ما اايد ولا اعارض
لان كلن و ظروفه
فيه مطلقات الزواج حل لمشاكلهم و مطلقات ما يحتاجون
و بس

الله المستعان

كفيتي ووفيتي والله

 

[مناير ...!]

ماعليج من كل الردود
استخيري وعسا ربي يكتبج لج الي فيه الخير لج
وضعج مااحد حاس فيه ولاعارفه احسن منج
فاانتي بروحج اتخذي القرار
لاتشتتين عمرج مع البنات والناس

 

[بهبهانيه]

الأم الحقيقيه ما تخلي عيالها

 

[QYtiya.com]

الموضووع حساااس حيييل

انا عن نفسي اشوف اذا الام انجبرت ع هالشي وكااان غصبن عنها والظروف اجبرتها وكانت اقوى منها فهذي مو من الفئه اللي ما تستحق الامومه مثل ماقالوا البنااات ..

بس اللي تبي تتزوج لانها تبي تشوف حياتها وتبي تستانس مثل مازوجها الاول عايش حياتها واللي تقوول مابي اتحملهم هذيل عياله وشايلين اسمه واللي تبي تتزوج لغرض جنسي لانها ماتقدر تعيش بدون زوج يشبع رغبااتها انا اتوقع العيال بهالوضع اهم من هالكلام والرغبه للجنس تقدر اطفيها بالصدقات والصووم والتصدق وتدعي ربها يعينها على تربية عيالها

انتي حطي نفسج بهالوضع لو امج سوت فيج هالشغله وربتج الخدامه و كل من يخانقج بصووب وتحسين نفسج غريبه من غير ظهر شنو رااح يكون شعورج تجاه امج رااح تعذرينها ولا رااح تحسسيين انها هي سبب هالشي اللي انتي فيه

انا انصح اللي بتسوي هالشي تفكر بالسلبيات قبل الايجابيااات حرام هالجهال قطعه منج عااشت وتشاااركت معاج بجسد واحد ٩ شهور بعدها ولدتي وسهرتي معقووله هالشي مايحنن قلب الام ع عيالها انزين لو تزوجت وحملت ماراح تتذكر اول ضنى حملت فيه بنات والله الموضوووع انسااااااااني

هالصغار اللي ينقطون عالابو ترى الريال قلبه قاااسي ومايتحمل الجهال كثر قدرة المرا عالتحمل يعني بالنهااايه راح ينقطون ع خدااامه او مرت ابو او عمات او جده وشووفي عااد رااح يرحموونهم او لا
واصلا لو ارحموووهم احس رااح يزيد كرههم لج لانه بيقولون الاغراب ارحمونا وامنا قطتنا




انا اعرف وحده تزوجت وحطت بنتها عند امها وفي شهر العسل امرضت البنت والام ماراحت لبنتها لانها توها عروس تدرون شنو ردة فعل زووجها طلقها قالها انتي مارحمتي بنتج شلوون بترحميني وبترحمين عيالي اللي بجيبهم منج !!!!!


احيانا الوحده يانبها ضميرها لانها هااده عيالها عند الخدم ورايحه الدوام فما باالج تهدينهم العمر كله
لااااااتقوولين بشووفهم بين فتره وفتره ترا انتي مو مرت الجيران عشان يكون هذا حاالج

صدقيني يمكن اللحين المووضووع هين عليج لانج منزعجه منهم ومن مسؤوليتهم لكن بعدين احتمال تبجيييين تتمنين ازعاااجهم ولويتهم يمكن لما تعيشين الحياة بدونهم رااح تعرفيييين شعوورج الحقيقي تجاه هالمووضووع

ممكن بااجر لما لاقدر الله واحد يدش المستشفى او يسوي عمليه او يصيرله شي تتمنيييين لو انتي يمه وتراااعينه وتحرصين عليه



العيااااال امااااااااااانه ربج يسالج عنها والرسوول وصى عالام ٣ مرات بعدها الابو وهذا دليل على دوور الام بحياة العيال اكبر واهم من الابو

انتي عشتي بحنان امج ليش بتحرمين غيييرج العيال نايتحملون مشااااكلج ولا شهواااتج

 

[لولو سيتي]

الاغلب تاخذ عيالها معها
او يكون عند امها وقريبين منها
بس وحده اعرفها تطلقت وبتحر زوجها رمت اولادها عند زوجها توهق فيهم مااعنده احد يهتم فيهم وربي ندم ويبغى يرجعها بس رفضت وتزوجت لووووول
وهو تزوج بعد ماتعذب بالاولاد وزوجته الجديده اهتمت بالعيال
وهذيك نسيت اعيالها وخلفت غيرهم
بجد قويه قلب هالحرمه

نفس طليقه زوج اختي تركته وعندها ثلاث بنات اصغر وحده عمرها سنه وقطتهم له وهو تفرغ ورباهم ليما صارت الصغيره بعمر ست سنين تزوج اختي الحين وهي بعد كانت مطلقه بس ما عندها عيال زارونا بعطلة الربيع يحليل هم البنات وايد يهيلون ومؤدبات بس تحسينهم ناقصين حنان لان بس يبون حد يضمهم حتى الكبيرة فيهم تفرح اذا ضميناها وتنافس أخواتها الصغار على حضن اختي
الحين طليقته تبي البنات مو راضي يردهم لها قال ومتهم صغار لي ولا سالت عليهم الحين يايه نبيهم اختي قلبها يتقطع عليهم حرام يكسرون الخاطر

 

[ELFAD3Ah]

ما اتخيل اقط ضناي الي حملت فيه تسع شهور

الي كنت ماانام الليل عشانه

الي تحملت النساة القويه والقومة والقعده والمشيه بالغصب

اخر شي اقطه على ابوه لا والف لا

مو مشكله ابي اتزوج لا هو عيب ولا هو حرام

بس الي يحبني وشاريني ياخذني انا وحشاشة يوفي

 

[منورة الكويتية]

الاغلب تاخذ عيالها معها
او يكون عند امها وقريبين منها
بس وحده اعرفها تطلقت وبتحر زوجها رمت اولادها عند زوجها توهق فيهم مااعنده احد يهتم فيهم وربي ندم ويبغى يرجعها بس رفضت وتزوجت لووووول
وهو تزوج بعد ماتعذب بالاولاد وزوجته الجديده اهتمت بالعيال
وهذيك نسيت اعيالها وخلفت غيرهم
بجد قويه قلب هالحرمه

لا والله مو قويه قلب
الا قاسيه قلب
وماتستحق لقب ام اصلا
اعوذ بالله شهالقلب
شذنب الفقاري يدفعون ثمن خلافاتها مه ابوهم

وانا بصراحه استفرب من الي تقط عيالها وتفرط فيهم عشان ريال
عفيه قلوب

 

[بخـــارى]

المشكله اهنالكويت بالنسبه للمطلقه السكن
بتقولون النفقه وبطيخ اي نفقه تتكلمون عنها
رفيجتي تطلقت وتترجى طليقها يرجعها وتقعد على ذمته بس يوفر السكن بس موراضي تقول راتبي ضعيف ومابي اسكن بحولي او مناطق العزابيه فيها وايد البنت ماتنلام والطليق موراضي ياخذ عياله اجرت شقه اب400 بمنطقه زينه المحكمه حكمت لها نفقه لعيالها مع الخادمه290بالله عليكم شتكفي خل نقول 100تعطيها الشوون بدل اجار غير انها تودي واتييب مدارس ومعاشها ماتتهنى فيه لانها تصرف على عيالها وغير الي يروح عالاجار وملابس عيد ومدارس وماجله وبتطلع عيالها

واذا طلع لهم بيت عاد نطري جم سنه حتى اذا سكنت فيه تسكن لانها حاضنه
بعض المطلقات تنحل مشكلة السكن بتوافر مسكن بيت اهلها طيب اهلها مو ملزومين بعيالها اهل الطليق اهما الاولى لكن لاحياة لمن تنادي بمجتمعنا
والله وحده تقول مظطره اتنازل عن عيالي علشان اكون نص عايشه بهالدنيا نصي متعذب بفراق عيالي ونصي اوفرلي لقمتي من غير مذله
يعني مايصير طلقتني وانا اتحمل كل شي المصروف والتعب والريال مايهمه يروح يكمل حياته ويتزوج واهيا عندها 5عيال شتسوي ماعندها سكن واذا حكمت لها المحكمه تحكم لها بالقليل

 

[miss swan]

والله يا حبيبتي اللي مروا علي كانوا يسوون المستحيييييييييييل عشان عيالهم يظلون بحضانتهم، حتى لو بغت تتزوج بعدين تحول حضانة عيالها على أمها علشان يكونون جدام عينها..​

هذا احسن حل وكل يوم تمرهم او تسكن يمهم

 

[miss swan]

المشكله اهنالكويت بالنسبه للمطلقه السكن
بتقولون النفقه وبطيخ اي نفقه تتكلمون عنها
رفيجتي تطلقت وتترجى طليقها يرجعها وتقعد على ذمته بس يوفر السكن بس موراضي تقول راتبي ضعيف ومابي اسكن بحولي او مناطق العزابيه فيها وايد البنت ماتنلام والطليق موراضي ياخذ عياله اجرت شقه اب400 بمنطقه زينه المحكمه حكمت لها نفقه لعيالها مع الخادمه290بالله عليكم شتكفي خل نقول 100تعطيها الشوون بدل اجار غير انها تودي واتييب مدارس ومعاشها ماتتهنى فيه لانها تصرف على عيالها وغير الي يروح عالاجار وملابس عيد ومدارس وماجله وبتطلع عيالها

واذا طلع لهم بيت عاد نطري جم سنه حتى اذا سكنت فيه تسكن لانها حاضنه
بعض المطلقات تنحل مشكلة السكن بتوافر مسكن بيت اهلها طيب اهلها مو ملزومين بعيالها اهل الطليق اهما الاولى لكن لاحياة لمن تنادي بمجتمعنا
والله وحده تقول مظطره اتنازل عن عيالي علشان اكون نص عايشه بهالدنيا نصي متعذب بفراق عيالي ونصي اوفرلي لقمتي من غير مذله
يعني مايصير طلقتني وانا اتحمل كل شي المصروف والتعب والريال مايهمه يروح يكمل حياته ويتزوج واهيا عندها 5عيال شتسوي ماعندها سكن واذا حكمت لها المحكمه تحكم لها بالقليل

جنه يصير تطالب مره ثانيه في شي غلط مو معقوله السكن اهو يدفعه غير النفقه
حرام كسرت خاطري

 

[RowTow]

ليش مو أم؟
الناس مو كلهم نفس الشي, ليش تهمل نفسها و تحرم نفسها الزواج و العشره عشان عيالها ما يروحون عند أبوهم.
و اسمه أبوهم, مو طليقها.
الجاهل يتربى, سواء عند الأم أو أهلها أو عند الأب أو أهله.
بس المرا ما تحصل العشره الحلال إلا بالزواج.
آنا أمي لما تزوجت خلتنا عند أهلها, و حتى أبوي جا يبي ياخذنا و جدي قال ماله داعي, اهو موجود لنا, الله يحفظه و يخليه لنا.

حتى الصحابيات كانوا يهدون عيالهم مع آبائهم بعد الطلاق, ما نقص هذا من محبتهم لهم, و اهم قلوبهم أرأف من قلوبنا.

بعدين الناس أجناس. مو كل الحريم تقدر تعيش من غير رجال, في حريم ما تقدر.
إذا انتي ألحين لأنج متزوجه و بحضن زوجج تقولين أهم شي عيالي لا تفرضين آرائج و أهوائج على الناس.
و إذا الأم حنونه على عيالها هم أبوهم بيداريهم, و يحطهم بعيونه.

 

[انثى عاشقة]

اب اب ​

 

[أورااااااد]

موضوع متشعب ومتعدد الاطراف

والمطلقة طلاقها اكيد غصبن عنها وان كان بارادتها اكيد اختارته لانه الاخيار الاحسن والاريح لها

والام ما تقط عيالها عشان اهي تبي تقطهم وبس الله عالم بظروفهم وان تطلقت بعيش وين مع عيالها اكيد في بيت الاهل

يا ترى هل بيت الاهل يكون مهيأ لاستقبالها واستقبال عيالها ؟؟ هل بتلاقي من يوقف وياها ؟ هل بيساندونها على طول ولا بس اول

الايام وبعدين يتمللون ؟؟ واذا تبي تطلع تستقبل بروحها مع عيالها بشقة يا ترى هل يسمحون لها ؟؟ هل تتوفر مصاريف الشقة

والعيال بالنسبة لها ومعاشها على قدها ؟ هل تقدر تسيطر على شباب اعمارهم 17 و15 بروحها ؟

كل بيت وله ظروفه ودور الطليق واضح في التربية حتى بعد الطلاق انه يكون متعاون معاها عشان عياله ومحد يشد عشا ن

مصلحة العيال مو كل يوم محاكم وبلاوي انا اعرف مطلقات مساكين شاب راسهم من تصرفات ابو عيالهم



الله يعينهم ويعين المسلمين على هالدنيا بس كل حالة ولها استثناء والله خير حافظ

 

[بداية خير]

والله الموقف صعب أجل ليش الطلاق صعب والطلاق لازم يكون بإحسان وإتفاق موب عناد وتحدي

 

[بداية خير]

المرأه ضعيفه والحياة تحتاج صبر وتحمل وإستعانه بالله سبحانه وتعالى ولا فيه شئ يكمل

 

[بداية خير]

والصبر مطلووووووب من الطرفين وخصوصا المرأه