* حلوه وماكو احلى مني *
New member
- إنضم
- 23 أبريل 2007
- المشاركات
- 3,281
- مستوى التفاعل
- 0
- النقاط
- 0
حبيت احط هالموضوع لان وايد وايد وايد مهم .. ولنا كلنا
واتمني كل وحده تشارك معانا بطريقتها او الاغراض اللي تستخدمها
الحين راح اعرض لكم طريقتي
الاغراض المستخدمه :
- صابون غسيل ملابس اطفال .. اللي علبه ورديه عليه ياهل حده كيوت ما اعرف اسم الصابون
-طشت مخصص للملابس الداخليه ولا شي غيرها
- دسوس + ملح خشن + ماي طبعا
الطريقه :
افصل الملابس كل لون بروح .. بعدين انقعهم بماي دافي يميل الى الحراره مده 10 دقايق ربع ساعه و اذا اكثر احسن
عقبها البس الدسوس .. وهذا مهم جدددددددددااا وانا البس اثنين فوق بعض
وابدي انضفهم بايدي من اي شي معلق فيهم ( فاهميني اعقتد)
عقبها اطهرهم بماي جاري :
امسك واحد واحد احطه تحت النل .. الطهاره مهم وما تصير الا بماي جاري .. ويدتي تسمي واتشهد عليهم
عاد مادري صح غلط .. عاد طريقه اهل اول
المهم ...
عقب ما اطهرهم احط بالطشت الصايون وارش فوقه الماي عقبها احط الهدوم .. يعني الصابون ما احطه على الهدوم على طوول
وبس افركهم شوي .. واشطفهم مرتين ثلاث بماي نظيف
واخر شي انقعم بماي دافي و ملح خشن
هذي طريقتي تعلمتها من امي الله يحفضها .. وبديت اغسل هدومي عقب ما بلغت .. يعني الخدامه ما تشوف هدومي الخاصه الا وقت الكواي .. والله تره الخدم لا يعتمد عليهم
المهم كل وحده تعرض لنا طريقتها وشنو نوع الصابون اللي تستخدمه حته لو باختصار
وعندي استفسار صغير : شلون تعطرون ملابسكم ؟؟ والا بس تبخرونها ؟؟؟
واستفسار ثاني : ودي استخدم صابون ديتول شرايكم ؟؟؟
يالله همتكم .. ناطره مشاركاتكم
اختكم * حلوه وماكو احلى منى *
