رابطة ما بعد التكميم ونزول الوزن

[دلع طفوله]

غاليه كم طولج؟؟؟

 

[لحظات عابره]

بنات قبل شوي جيت من دكتوري وقالي هاللي تحسين فيه طبيعي وانج بعد مالتزمتي بالأكل المهروس بالأسبوع الثالث. ..قلت دكتور ماأحس أني عايشه بس طايحه بفراشي قال لازم انتي تشدين من نفسج وعطاني فيتامينات تساعدني أسمها b100 مدري في أحد جربها ؟؟؟ وقالي أكلي كل شي موشرط شي حق رجيم مثل الكورن فلكس العادي والحليب والتشريبه حتى الشكر قالي عادي ضيفيه لكلج لأنج طبيعي راح ينزل وزنج لأن أكلج ماراح يزيد عن 3 قفشات. . أحس الحمدالله ألحين أرتحت لأني كنت شاده على نفسي. ..عقب ماطلعت منه زوجي مر الصيدليه جابلي الكاكاو اللي خالي من السكر ودقيت عالدكتور قال عادي تاكل كل يوم مربعه صغيره ماتضرها بالعكس عشان اتنشط وكل ماحست بدوخه خل تمصها لين اتخلص. ... بعد ماجيت البيت سويتلي مهلبيه وكليت منها قفشتين بس. .. وألحين قاعده أشرب عصير مشمش وأحس صرت أحسن الحمدالله

 

[لوولووة]

الحمدلله على سلامتج
انا الحين ماخذه ابر البلازما وسعرها 150 ووايد زينه وحيل فادتني

يسلموااااا عند منو تاخذينهم بنات احد جربهم وشنو النتيجه ومدتها

 

[غالية زمانها]

طولي ١٦٠ ونزني ٨٠

 

[Q8 fashion]

بنات قبل شوي جيت من دكتوري وقالي هاللي تحسين فيه طبيعي وانج بعد مالتزمتي بالأكل المهروس بالأسبوع الثالث. ..قلت دكتور ماأحس أني عايشه بس طايحه بفراشي قال لازم انتي تشدين من نفسج وعطاني فيتامينات تساعدني أسمها b100 مدري في أحد جربها ؟؟؟ وقالي أكلي كل شي موشرط شي حق رجيم مثل الكورن فلكس العادي والحليب والتشريبه حتى الشكر قالي عادي ضيفيه لكلج لأنج طبيعي راح ينزل وزنج لأن أكلج ماراح يزيد عن 3 قفشات. . أحس الحمدالله ألحين أرتحت لأني كنت شاده على نفسي. ..عقب ماطلعت منه زوجي مر الصيدليه جابلي الكاكاو اللي خالي من السكر ودقيت عالدكتور قال عادي تاكل كل يوم مربعه صغيره ماتضرها بالعكس عشان اتنشط وكل ماحست بدوخه خل تمصها لين اتخلص. ... بعد ماجيت البيت سويتلي مهلبيه وكليت منها قفشتين بس. .. وألحين قاعده أشرب عصير مشمش وأحس صرت أحسن الحمدالله

الله يتمم عليج
بس سؤال انتي متى سويتي العمليه؟؟
و منو دكتورج؟؟

 

[لحظات عابره]

هلا فشن. ..أنا بعدج بيوم بتاريخ 19 /3 عند محمد العجمي

 

[مذهلة 78]

تنصحوني اسوي تكميم وزني ٨٠ وعند منوووو ؟؟؟
ووووصج تعبتواااا من هالعمليه

حبيبتي هالعمليه تعتمد على كتلة الجسم اذا كانت كتلة جسمج 35 وفوق يسوونها لج

 

[مذهلة 78]

يسلموااااا عند منو تاخذينهم بنات احد جربهم وشنو النتيجه ومدتها

قاعده اخذهم بعياده كزموميديكا عند باسم شاكر و النتيجه تبين بعد اسبوعين ومدتها سنه

 

[برونزيه شقرا]

الله يتمم عليج انشالله

شنو اللي فرق معاج عقب هالنزول وشنو السلبيات وشلون عالجتيها

هلا حبيبتي
اللي فرق معاي اللبس صرت البس سايز 14
السلبيات الترهل بس الحمد الله بسيط مو اللي يخرع
والشعر خف اشوي توني بديت آكل فيتامينات
واللا الحمد الله
النفسيه اوكييييييييييي
​

 

[برونزيه شقرا]

ماشالله الله يتمم عليج و قاعده تنزلين ولا خلاص وقف ؟؟
انا تقريبا بصيرلي شهر و نزلت 10 كيلو
تشوفينه زين ولا لا ؟؟

هلا حبيبتي
الله يسلمج ويتمم عليج بالصحه والعافيه
حاليا الوزن اشوي واقف ويقوللي الدكتور افضل لج من السريع
شهر 10 كيلو بالنسبه لج تبارك الله تمام
​

 

[برونزيه شقرا]

بنات بسألكم
بعد ال7شهور من العمليه اسوي رجيم واللا اتم على اللي انا فيه
للعلم العيش مااقدر عليه نهااائي ولا ابيه يمكن لقمه وحده بالغلط
​

 

[مذهلة 78]

بنات بسألكم
بعد ال7شهور من العمليه اسوي رجيم واللا اتم على اللي انا فيه
للعلم العيش مااقدر عليه نهااائي ولا ابيه يمكن لقمه وحده بالغلط
​

خ
نصيحه لا تسوين خليه ينزل بروحه وانا مثلج ما اقدر عليه بعد

 

[badlya]

انا نفسجةمذهله ابي دكتور شغله ذرب مو اوفر



مذهله رحت اليوم لصيدليه وقلتله ابي بروتين قالي عوزاه ليه قلتله بمتن شوي وراني الترابروتين وسالته عن هذول شركات الي متخصصين بالبروتين الي بشرق ومارينا قالي اوعي ( ديري بالج بالكويتي ) لان البروتين مالهم مو حقنا مايناسبنا حق الي يدقون حديد ويربون عضلات يبي مننا اذا شربناهةان نبذل طاقه كبيره واحنا حركتنا عاديه مو وايد فراح يترسب البروتين علي الكبد ويضرها
بصراحه اقنعني

صوريلي البروتين مالج اساله عنه

اتى لاتاخذين راى صيدلى اول سوى فحص عن مستوى البروتين فى جسمج وبعدين روحى لدكتور تغذيه يحدد لج نوع البروتين وكميته حتى ماتاخذين شى غلط ياثر على الكلى ويصيرلج مضاعفات
اعرف اخصائيت تغذيه ارتحت لها فى مركز الجارالله عندها جهاز تقيس فيه الدهون والبروتين والماء داخل الجسم وتعرف خسارة الوزن من وين وتحدد لج نوع التغذيه واذاتحتاج للبروتين

 

[badlya]

هلا وغلاا والله استخرت ومرتاحه حيل ورفيجاتي مدحولي محمد العجمي يقولون خوش دكتور وشاطر عاد بروح له اشووف انتي مسويتها عنده عندي جم سؤال

بعد العمليه شنو حسيتي في
في بربيش بعد العمليه وجم يوم خلوه
جم يوم قعدتي
في عوار ودوخه وترجيع ومتي يروحون
اول اسبوع جم نزلتي واول 3 شهور جم نزلتي
تحسفتي انج سويتيها وله لا امانه
متي كليتي طبيعي وهل لحد الحين في دوخه وعوار

يا ليت تقولين لي قصتج كامله عشان بسويها عند محمد العجمي من مدح رفيجاتي له

انتظر ردج

اختى الدكاتره الخاصه ما تحط بربيش انا سويتها عند الجارالله ما حطلى وكانت سهاله انا سامعه ان فى الحكومه بس يحطون بربيش ليش مادرى لان من تجربتى مالها داعى

 

[badlya]

تنصحوني اسوي تكميم وزني ٨٠ وعند منوووو ؟؟؟
ووووصج تعبتواااا من هالعمليه

حبيبتى انصحج اول شوفى كتلة الجسم منها تعرفين اذا تحتاجين عمليه ولا لا روحى لاى دكتور استشيريه بس جم طولج لانه يحدد كتلة الجسم
الدكاتره وايد عندنا وكل وحده تمدح دكتورها لانها تعامات معاه انا عند محمدالجارالله ممتاز ما شفت منه الا كل خير ارتحت فى التعامل معاه وشدنى اسلوبه فى التعامل وخبرته وخاصه انه اهو اول من دخل عمليات السمنه الكويت وسوى ورش عمل فيها يعنى اهو من درب الدكاتره عليها
انا فضلت الاستاذ على الطالب

 

[مذهلة 78]

البربيش الحين محد قام يحطه لا حكومه ولا بخاص والهدف من البربيش اهو يمنع الترجيع عقب العمليه

ورفجيتي من شهرين سوتها بالفروانيه وما حطولها بربيش

 

[اوووفه]

اتى لاتاخذين راى صيدلى اول سوى فحص عن مستوى البروتين فى جسمج وبعدين روحى لدكتور تغذيه يحدد لج نوع البروتين وكميته حتى ماتاخذين شى غلط ياثر على الكلى ويصيرلج مضاعفات
اعرف اخصائيت تغذيه ارتحت لها فى مركز الجارالله عندها جهاز تقيس فيه الدهون والبروتين والماء داخل الجسم وتعرف خسارة الوزن من وين وتحدد لج نوع التغذيه واذاتحتاج للبروتين

اشلون طريقه الفحص تحليل دم يعني


ومنو دكتورتج التغذيه

 

[اوووفه]

مذهله اشلونج

ها بشريني عن نتيايج المساج لصدرج حسيتي بتحسن كبر صدرج


مذهله ابي حل لوزني قاعد ينزل حيل بشكل فضيع اخاف يجي علي يوم ادور نفسي ماألقانيى :eh_s(10): ابي حل ابي وزني يزيد

 

[مذهلة 78]

مذهله اشلونج

ها بشريني عن نتيايج المساج لصدرج حسيتي بتحسن كبر صدرج


مذهله ابي حل لوزني قاعد ينزل حيل بشكل فضيع اخاف يجي علي يوم ادور نفسي ماألقانيى :eh_s(10): ابي حل ابي وزني يزيد

هلا والله حبيبتي شلونج شخبارج الحين زدت كيلوا ونص ماشيه على برنامج الأخصائيه سماح وقاعده اشرب لبروتين

وبالنسبة للصدر لا والله للحين ما كبر بس تعدل شكله يعني خذا شكل التدوير أوفه شربي موز بالحليب بشكل يومي ترى. يمتن

 

[لحظات عابره]

ﺑﻨﺎﺕ ﻣﻨﻮ ﺃﺳﺘﻌﻤﻠﺖ ﺃﺑﺮﺓ ﺑﻲ 12 ؟؟؟؟ ﺃﻗﺪﺭ ﺃﺧﺬﻫﺎ ﺑﺪﻭﻥ ﻭﺻﻔﺔ ﺍﻟﺪﻛﺘﻮﺭ ﻷ‌ﻥ ﻣﺎﻭﺻﻔﻬﺎ ﻟﻲ. .ﻭﺃﻧﺎ ﺃﺣﺲ ﻣﺤﺘﺎﺟﺘﻬﺎ. .ﺃﺑﻲ ﺷﻲ ﻳﻘﻮﻳﻨﻲ ﺃﺣﺲ ﺗﻌﺒﺎﻧﻪ ﻣﺎﻗﺪﺭ ﺃﺗﺤﺮﻙ........ ﻭﺍﻟﻠﻲ ﺃﺳﺘﻌﻤﻠﺘﻬﺎ ﺷﻠﻮﻥ ﺍﻟﻄﺮﻳﻘﻪ ﺗﻜﻔﻮﻥ ﺭﺩﻭﺍ ﺑﺴﺮﻋﻪ ﺃﺑﻲ ﺃﺧﺬﻫﺎ ﺣﺪﻱ ﺗﻌﺒﺎﻧﻪ