شرايكم انتو يريته مو صج

[اعشق فهاوتي]

هاي بنات
بما ان هاي قسم الحيوانات ومعظمكم يربي قطط
وانا بعد عندي 2 نثيه وذكر
بسس من كم يوم وانا أتصفح النت قريت موضوع عن جرثومه القطط
وان هي تأثر على البنت والمراه المتزوجة ان تكون سبب في إجهاض الجنين
أنتو شرايكم
أنا عشقي القطاوة وانتو بعد مثلي بس شرايكم بهشي وهل حد منكم سمع عنه :yaaaaaarb:​

 

[om-3azo-83z]

رد: رايكم انتو يريته مو صج

انا ما اربي بس كنت ناويه و اهلي ما رضو يقولون القطوه من حبها للانسان تاخذ شي عزيز منه عشان لا ياخذ مكانها و اللي اهوا اليهال يعني ما تيبين يهال بعيد الشر و مره سمعت قصه تخرررررررع من ورا القكاوه و شلون تربيتهم مو زينه و شلتهم من بالي صج في ناس ربو و يابو يهال بس في وايد ما يابو صج و حتى لو عادي ترا والله تربيتهم مو زينه سوواء للبنت او الولد

 

[om-bassma]

حبيبتي النوع الي قلتي عنه اسمه toxo و يصير بالخروج
في تحليل بمستشفى رويال شوفي قبل لا تاخذين القطوه اذا فيها و لا لا
و ثانيا القطوه عموما لازم اهتمام و فحص دوري لها ما تخلينها علشان تتأكدين انها سليمه
و عايشه معاج بالبيت و الي دار مدارج بلا امراض
عندج امراض وايد للقطط مت toxo - fiv - felv- fipv - fpv لازم اتحللين القطوه احسن
و تحليلج لها كل 6 شهور متواصل
و المرض الي قلتي عنها اذا و انتي بكرامه جستي الخروج يحوشج جستيه مباشره و طبعا محد يجيس الخروج مباشره
فاهو على اهتمامج للقطوه و متابعتج لها دوريا
و اسفه ان طولت عليج و اي استفسار انا حاضر

 

[Catino]

لا حياتي اصلاً تربيه القطاوه ونيييسسه و من قال انه مو زينه
اما الجرثومة هذه اهي تجي من سوء التغذيه حسب اللي قريته

 

[om-bassma]

رد: رايكم انتو يريته مو صج

انا ما اربي بس كنت ناويه و اهلي ما رضو يقولون القطوه من حبها للانسان تاخذ شي عزيز منه عشان لا ياخذ مكانها و اللي اهوا اليهال يعني ما تيبين يهال بعيد الشر و مره سمعت قصه تخرررررررع من ورا القكاوه و شلون تربيتهم مو زينه و شلتهم من بالي صج في ناس ربو و يابو يهال بس في وايد ما يابو صج و حتى لو عادي ترا والله تربيتهم مو زينه سوواء للبنت او الولد

حبيبتي مو تربيه القط مو زينه لا غلط كا ايام الرسل و الي قبل ربو قطاوه و ماحاشهم شي بس كانو في بيئه صحيه و اكل صحي اما الحين وايد ناس مثلا تاخذ قطط من المحلات التجاريه الي ما طعم القطاوه و لا تهتم بصحتهم
اهني الي يخرع اما اذا كلشي اوكي بتطعيماتهم و صحتهم ما تخافين ترى القط مثل البشر انتي اذا كنتي مريضه و ما تداركتي بالمرض يزيد و يمكن يعدي اما اذا تداركتيه اطيبين
و ترا الله فوق و كلشي مكتوب للانسان من اول ما ينولد
بس الي يصير فينا يدورون السبب و المسبب ربج لنا و ما انقول الا الحمدالله
شوفي الاجانب مثلا جلاب عزج الله قطاوه طيور ببيت واحد و ماشاءالله صحتهم توب ليش لانهم يدارون الحيوانات ببيتهم
احنا اهني لا بس يبون يستانسون فيهم
ادري اني طولت عليج سوري حبوبه
:*

 

[اعشق فهاوتي]

تسلمون ع المروور
ام بسمه أنا كأني لمست خروجها لما كنت اغسلها وهي صغيره بهدلتني
وغير هذا شعرها اللي ييطير فكل مكان سمعت ان يدش الجلد
كلهم عارضوني على فكره تربيتهم بعذر ان يسببون أمراض
بس شاسوي احبهم​

 

[om-bassma]

تسلمون ع المروور

ام بسمه أنا كأني لمست خروجها لما كنت اغسلها وهي صغيره بهدلتني
وغير هذا شعرها اللي ييطير فكل مكان سمعت ان يدش الجلد
كلهم عارضوني على فكره تربيتهم بعذر ان يسببون أمراض

بس شاسوي احبهم​

حبيبتي احسن شي اتسوينه علشان ما توسوسين اتسوين لها تحليل تاخذين موعد باجر الصبح مستشفى رويال قيمه التحليل 12 دينار و اي تحليل بتسوينه قيمته هم 12 دينار انا قطوتي سويت لها تحاليل بقيمه 72 دينار ما دخلتها بيتي لا متأكده من صحتها
و قلت لج علشان لا توسوسين وديها
و مثل ما قالت الاخت را اهو المرض ايي من سوء التغذيه تاكل حشرات او فيران او دم فاسد او ان في قطوه فيها المرض و عادتها
ترى ماكو الا العافيه و اذا لمستي خروجها مافيج شي الا اذا فيها المرض
و ما ينتقل فيج اذا غسلتي ايدج دايركت بس
لا تحاتين انتي و لا توسوسين و اذا تبين تاخذين موعد عند مستشفى رويال هذا رقمهم دقي عليهم و اخذي موعد ادري ان تكلفه التحاليل غاليه بس صحتج و صحه دار مدارج و القطوه اولى ترى عدل
مستشفى رويال البيطري 24750966
ترى المستشفيات الثانيه تحاليلهم خواره و بالاحرى الري الحكومي لا تفكرين اتروحين له كلش كلهم فلبن ما يفهمون
اما رويال بريطانيين
و انشالله مافيكم الا العافيه

 

[om-bassma]

اي حبوبه عن شعرها انتي لازم اتحلقين لها صوب الفتحه دار مداره علشان و انتي بكرامه لا تتعلق الخروج بالشعر عرفتي و اييبس
اتكونين جذي انتي متأكده ان ماله شغل الشعر بالمرض و الشعر ترى ماله علاقه بالمرض

 

[A.M ART]

بالعككككككككككككس القطاوووه حيييل تونس تربيتهم بس اهم شي العنايه والنظافه الدايمه لهم واكلهم يكون صحي والتطعيمات ماتهملينهم

 

[اعشق فهاوتي]

ام بسمه ما قصرررتي يالغلا على هاالمعلومات
تعبتج معاي لا خلا ولا عدم
ا ام ارت لا هنتي على المرور ​

 

[tnkora]

سمحت انه تاثر على الحامل ما تسقط الجتين لا ياثر بوقت الولاده مع ادري عاد

 

[om-bassma]

حبيبتي ما سويت شي عزيزه و غاليه

 

[dodash1984]

بصى يا حبيبتى بالنسبة لخطورة القطط عموما على البنت او المراة المتزوجة فده ينطبق على القطط اللى فى الشارع وبس لانها بتكون غير نظيفة وبتكون طول الوقت ايديها فى التراب والزبالة فبتبقى مش نضيفة وعلشان كده لو لقينا قطة على السلم مثلا وجينا ناكلها وخربشتنا على طول لازم نروح المستشفى وناخد حقنة تستانوس اما بالنسبة لقطط المنزل طالما هى نضيفة وبتتنضف كويس وبتاخد التطعيمات السنوية وبيتقص اظافرها وبيتعمل عليها استشارة للطبيب كل فترة يبقى متقلقيش منها خالص​

 

[نمروق]

اي صح انا وايد سمعت عنه بس عادي اذا خليتيهم يفرون بالبيت عادي اهم شي ما تقعدينهم وايد بحضنج مو زين