تجمع امهات مواليد شهر 7 و 8 لسنة 2010

[ام نوونه]

منووو حملت بعد منو ولدت

 

[Bn0ta*anota]

هلا ام نوووونه شخباااارج ؟؟؟
والله انا حامل اللحين

 

[ام نوونه]

يالله مبرووووك انشالله
انا ماااالي خلق احمل كلش خل يكبرون شوي
ماشالله مع اليهال ماكو وقت

 

[AVE.NJ]

هلا والله ام نونه شخبارج وشخبار علاوي انشءالله زين
وكوثر الحين شلونها
والله لج وحشه
بنوته الله يتمم عليج انشالله

 

[AVE.NJ]

انه سويت تصفيه ملابس العام جان اطلع بجوتي حده حده
وشوية ملابس قلت بخليهم حق البيت وبشتري حق الطلعه
بس ليه حين بس احن بروح السوق ياربي مااحب روحة السوق كلش
بس مجبوره يمكن الاحد الصبح دوامات والافنيوز يكون خفيف الصبح

 

[AVE.NJ]

برميت يقولي الخياط علشان ماكو كسره من جدام جذيه اطلعت كبيره
مسكين لما لبسها جنه مينون فيها تلوع الجبد بشوف تترقع والا لا

 

[ام نوونه]

هلا حبيبتي ايفا الحمدلله علاوي احسن قام يخطي يمشي شوي بروحه
بس ماعنده اتزان ان يمشي وايد شويه بس الحمدلله علي كل حال
كوكو نسررره لووووول بس حنووووونه حدها علي علاوي

 

[غنوة ستايل]

قوه بنات شلوووونكم
والله من زمان ذاكريني !!

الحين الحمد الله عندي ولدي اللي ولدته وجت عقبه بنت . والحين حامل ببنت ..
الحمد الله على كل حال

عندي مشكله...
ولدي يطق نفسه عادي يطق نفسه ؟؟؟
عمره الحين سنه وثمان شهور
الحمد الله كل شي اوكي
يمشي عدل ويشرب حليب عدل
وكل شي تمام

بس الانياب ما طلعت .
الاضراس طلعت اثنثن فوق واثنين تحت الحمد الله واربع اسنان جداميه من فوق
واثنين من تحت .. للحين اللي تحت ناقص

المشي حلو والركض بس ذبحني يموت على الماي . اي شي نافوره بالوعه وانتم بكرامه يبي يقط نفسه فيها ..

هذيج المره لقيته داخل الحمام . ويلعب بالبالوعه حقت الحمام . ويحط ايده ويضحك مستانس !! زين ما دخل راسه
اخذته اسم الله عليه وسبحته عليه حركات تموتني من الضحك ..

لما يغلط طقيته جم مره .
الحين لما اعصب عليه اهوا يطق نفسه جنني !!!

تحسفت اني طقيته .. صج تحسفت !!

شسوي ؟؟

 

[غنوة ستايل]

قوه برميت شلوونج ياقلبي
ان شاء الله طيبه
وين الشعب ؟؟

 

[sara_77]

قوووووه بناااات شلووونكم شخباااركم. حدي ولهت عليكم :*

شلونج بنوته هاا عالبركه حامل زين تسوين

 

[sara_77]

غنوه شلونج على البركه الحمل وحتى انا بنتى ذابحتنى على الماااى وقت الاكل تحط كلاصها البلاستك فيه شويه ماى وتحط داخله الاكل وفوقه خبز وتحوسه بالقفشه واى شى جدامها تحطه وبالاخير تتدهن فيه ريولها وشعرها وتشربه بعدها ووويع مادرى ليش تسوى جذى

 

[ام نوونه]

انا بنتي ذابحتني الا تبي تاكل بروحها ولاتشوفون العيش لي وين يوصل
والحاله حاله تتلفنا عشان تاكل نتفة اكل

 

[Bn0ta*anota]

شلونج بنوته هاا عالبركه حامل زين تسوين

بخير الحمدالله انتي شلونج ،،، الله يبارك فيج اي انا ابي انشالله بنت p:

 

[AVE.NJ]

اشلونكم بنات
وحشتو الدار عاد لا تقاطعون
ام نونه دخلتي علاوي حضانه ؟؟؟
انه ودي ادخل فهود بس ريلي رافض يقولي السنه اليايه احسن
بس مشكلته حيل مايبي الناس كلش
بس يبي اهل البيت وبس
لايمكن يروح حق احد حتى لو خواتي ولا يبي اليهال كلش بس مايطق بس مايروح صوب احد
ولا يبي العاب رحت الافنيوز يعني بونسه وصراخ وبجي جني قاعده اعذبه
والتعذيب الصجي اذا راح الحلاق امبيه يصير ازززززرق من البجي
وهمن اذا راح حق الطبيب يما على البجي اخر مره فصخ ملفعي ليش يبون يقيسون حرارته
ودي بحضانه بس مو بكيفي

 

[AVE.NJ]

غنوه الله يتمم عليج حمالج والله يعينج ورا بعض والله تعب
يحليل ولدج والماي
انه ولدي ولا يحب الماي ولا يشربه اصلا يعامله معاملة الدوا بالضبط
انه ولدي يحب الحلاو والبفك والخرابيط وماكو كنترول كلش
وهل الايام هبته الحمام وجارنا مربي حمام يما كله بالسكة يبي الحمامه
واذا كنا بالسياره يدور الحمامه تخيلو طول الطريج نبحث عن الحمامه

 

[AVE.NJ]

انا بنتي ذابحتني الا تبي تاكل بروحها ولاتشوفون العيش لي وين يوصل
والحاله حاله تتلفنا عشان تاكل نتفة اكل

انه جذيه بس احط صحنين وايد فيه شويه يلهى فيه
والصحن الثاني نوكله صج
وكل لقمه لازم يصفق:ggdw: حق روحه مهرجان ولازم نتغدا عند الحمامه يعني غدانا بالسكة كل يوم
اشوه فريجنا فاضي والا فشله حيل وتخيلو شمس وحر تحت الشجره نحطه وياكل ابوه مو راضي بالوضع كلش بس شسوي يبي الحمامه بس هالايام بدا يحتر الجو ماراح اخليه
رحت مكتبة جرير وشريت كاتالوج كبير حق الحمام نحطه وياكل ويناديهم بينه وبينهم تواصل

 

[Bn0ta*anota]

ايفا هههههههههه ولدج مثل ولدي حمد لايروح الحلاااق يفضحني صرااااخ بجي قبل لا ادش الحلاق يعرف ويبجي بجي

 

[ام نوونه]

لوووووووول ايفا فهودي مبددددع الله يخليه يارب 

اي اناوديت علاوي مدرسه الحمدلله مستاااانس
احسن من قعدة البيت بس يجابل التلفزيون ويصارخ
وكوكو الااااا تنزل مع علاوي المدرسه وانااركض
وراها من مكان لي مكان وايد اجتماعيه وتحباليهال
انشالله بس اشتغل بوديها حضانه انا ما اخلي عيالي
عند الخدم بس ناطرة الديوان يناديني

 

[ام نوونه]

ايفا دام فهود يحب الحمام اشتريله طيور كناري ولا بلبل
يصفرون يستانس بدال لايطلعكم بالشمس يدور الحمام
كربوووونه عنده طقوس بعد 

 

[Bn0ta*anota]

ام نونه انا بعد ولدي مثل بنتج مشالله عليه اجتمااعي يحب اليهال ودي ادخله حضانه ومشالله عليه فاهم ويتكلم عدل