اللي سوت اطفال انابيب هالشهر؟؟

[فرحه عمر]

مرحبا خواتي انا سويت حقن مجهري بالصباح و رجعولي الاجنه بتاريخ 21\2

يعني اليوم لي 6 ايام و باقيلي 9 ايام على تحليل الحمل بصراحه النفسيه كلكم مريتو فيها بس المشكله حاسه بعوار ظهر مو طبيعي
اقدر اسوي تحليل بعد 4 ايام؟؟ يعني يكون لي 10 ايام من ترجيع الاجنه؟؟و هل راح يبين؟؟

البنات اللي سووها هالشهر سواء خاص او بالصباح ياربت تشاركوني بردودكم نواسي بعض

 

[غزلان كويت]

حبيبت قلبي ربي يرزقج ويثبته لج قولي آمين
انا باقي شهرين على عمليتي بس اتوقع 10 ايام وسوي التحليل بالبيت وان شاء الله تبشرينا انج حامل وانشوف فرحة عمر مع نساء وحمل وولاده بدل تاخر الحمل ان شاء الرحمن

 

[أمونة الحلوة]

انا هالشهر سويت اطفال انابيب وامس سويت السحب وليم الحين مارجعولي الاجنه والله كريم ان شاء االله وتنجح عمليتي ويرزقني وياج وكل البنات المحرمات اللهم امين

وانتي حاولي انج تريحين بالج ولا تفكرين وترى هذه الاعراض طبيعيه تحسين بعوار بالظهر او اعراض نفس الدورة وتحسين بلوعه شي عادي ترى لا تحاتين وانا انصحج لا تسوين تحليل نطري لي الموعد اللي معطينج اياه احسن لان ساعات مايبين قبلها بس علشان ماتقعدين تحاتين وتفكرين وايد
وربي ان شاء الله يثبت اجنتج ورزقج باحلى توام اللهم امين

 

[ni3ssani]

اختي ربي يرزقج ويثبته لج


امين يا رب

والله يرزقنا جيمعاً الذرية الصالحة

 

[كويتيه مذهله 87]

الله يرزقج ياربي هالشهر
انتي وغزلان وامونه وماتشوووفون الدوره الا بعد 9 شهووور

وانشالله هذي اخر زياااره لكم باطفال الانابيب

 

[شـــــــــمس]

امونه الحلوه وين سويت العمليه بخاص او الحكومه

 

[Cacawa]

الله يثبته لكم انشالله ويرزقكم الذرية الصالحة

بس سؤال قبل العملية في ادوية لازم تاخذينها صح ؟؟ منشطات للمبايض؟؟
ابي اعرف شنو هذي المنشطات ابر ولا حبوب ؟

 

[أمونة الحلوة]

ام الحلوه انا الحين مسويتها عمد الدكتورة معصومه مخصيد

وقبلها مسويتها 5 مرات

بمصر بمسشفى بولغار
مستشفى لندن عند باتريك
مستشفى الصباح عند حازم الرميح
بالاردن مرتين بمستشفى فرح عند الدكتور زيد الكيلاني

 

[مبدعة]

الله يرزقج و يرزق كل من يتمنى يارب و يفرح قلبج

انا سويتها و بين تحليل البول معاي من اليوم التاسع بس سويت تحليل دم اليوم العاشر لانه اضمن من البول و بين و الحمدلله

عوار الظهر حسيت فيه كان وايد قوي جنه بالعظم و نغزات بالمبيض و لوعه خفيفة يتني عاليوم العاشر يمكن

بس الاعراض تختلف من وحده لي الثانيه و بعضهم يحسون الام الدورة قوية وووو

المهم شيلي التفكير عنج و عيشي حياتج طبيعي

 

[هندااا]

الله يرزقج ياااارب

 

[++The DuchesS++]

الله يرزقج ان شاء الله بالقريب العاجل
اعتقد التحليل يبين قبل اسبوعين
يمكن باليوم العاشر يبين
وانا اقول نطري لين موعد التحليل احسن عشان ما تحاتين
وان شاء الله تبشرينا عن قريب

 

[$غــ(ز)ــل$]

دام يبين باليوم العاشر حللي
والله انا حاسه فيج
الواحد مايكون عنده صبر بالحاله هذي
وان شااااااااااااااااااااااااءالله حاااااااااااااامل

 

[كندوش]

انشالله انشالله انشالله حامل يارب ولا اتحاتين وخلي املج بالله ونطري التحليل انا مريت بخمس تجارب من قبل والله حاسه فيج وبالقلق اللي انتي فيه والله لا يضيع تعبج وانا وراج ابدي علاج الاسبوع الياي
ادعولي

 

[كندوش]

أختي كندوش أسأل الله العظيم رب العرش العظيم يسهل امورج ويرزقج الحمل السليم المعافى اللهم امين يارب ترزق أختنا كندوش بالحمل التوأمي ياكريم

مشكوووووووووره حبيبتي شوق على الدعوه اللي تثلج الصدر

 

[فرحه عمر]

أسأل الله العظيم رب العرش العظيم أن يرزقج ويفرح قلبج ويكتب لج الحمل يارب يارب يارب اللهم اميين يارب يارحمن يارحيم ترزق أختنا فرحه عمر وكل خواتي كويتيات وأنا معهم ياكريم يامصور يارزاق هب لنا ذرية طيبة انك سميع الدعاء

حبيبه قلبي والله تسلمين

 

[فرحه عمر]

انا هالشهر سويت اطفال انابيب وامس سويت السحب وليم الحين مارجعولي الاجنه والله كريم ان شاء االله وتنجح عمليتي ويرزقني وياج وكل البنات المحرمات اللهم امين

وانتي حاولي انج تريحين بالج ولا تفكرين وترى هذه الاعراض طبيعيه تحسين بعوار بالظهر او اعراض نفس الدورة وتحسين بلوعه شي عادي ترى لا تحاتين وانا انصحج لا تسوين تحليل نطري لي الموعد اللي معطينج اياه احسن لان ساعات مايبين قبلها بس علشان ماتقعدين تحاتين وتفكرين وايد
وربي ان شاء الله يثبت اجنتج ورزقج باحلى توام اللهم امين

اموووونه حبيبتي شصار عليج؟؟ رجعو الاجنه؟؟

 

[فرحه عمر]

كويتيه مذهله
غفران
كاكاوه
غزل وصبا
مبدعه
كندوش
نعسانه

مشكووووووورين عالدعوه الحلوه سويت تحليل اليوم التاسع بالبيت مابين شي للاسف بس يا بنات حاشتني سخونه موطبيعيه مامرت علي بحياتي مو حاسه بالدنيا حوالي و صرت اخذ كمام عشان حساسيه الصدر كرمكم الله صار يطلع دم

بنطر تحليلي 6/3 و اللي الله كاتبه بيصير

 

[فرحه عمر]

انشالله انشالله انشالله حامل يارب ولا اتحاتين وخلي املج بالله ونطري التحليل انا مريت بخمس تجارب من قبل والله حاسه فيج وبالقلق اللي انتي فيه والله لا يضيع تعبج وانا وراج ابدي علاج الاسبوع الياي
ادعولي

دعواتي لج من كل قلبي والله بس اذا ممكن سؤال

خمس مرات سويتيها بخاص؟؟ ولا حكومه؟؟ واذا نجحت؟؟

 

[فرحه عمر]

ام الحلوه انا الحين مسويتها عمد الدكتورة معصومه مخصيد

وقبلها مسويتها 5 مرات

بمصر بمسشفى بولغار
مستشفى لندن عند باتريك
مستشفى الصباح عند حازم الرميح
بالاردن مرتين بمستشفى فرح عند الدكتور زيد الكيلاني

امونه نجحت معاج العمليات؟؟؟

وسؤال اذا نويتي تسوينها بالخارج شلون يعني من هني تبلشين بالمنشطات؟؟ و شكثر المده تاخذينها بره؟؟

 

[eng.q8]

الله يرزقج ان شالله الذريه الصالحه اللي تقر فيها عينج