حابه تعرفين اكثر عن مكياج ماك .. حياج .. متجدد {{5}}للمشاهدة

[مراوي22]

رد: حابه تعرفين اكثر عن مكياج ماك .. حياج .. متجدد {{5}}

بنات شفيه التجمع نايم !!

انا مع الغبار مجابله النت غلقه هههههه ماكو طلعه

بسالكم منو بتاخذ فيفا جلام نيكي ميناج؟ انا مترددة وايد اخاف اللون جريء وناشف:eh_s(4):

آنه ماباخذه والسبب إنه الالوان الفاتحه أو الفاقعه تتكود على شفايفي نفس الصوره إلي حاطتها جوفي إشلون صاير اللون مب مندمج ولا مستانسه بعد ماده براطمها :krkrkr: آنه من أجوف صار لي جذي أمسحها وأحط غيرها

نفس الشي يصير معاي في حمرة Angle :rgewrg:

 

[مراوي22]

رد: حابه تعرفين اكثر عن مكياج ماك .. حياج .. متجدد {{5}}

ميرسي فامبيراا

مبين جريء حيل اللون اذا انتي مو جريئه بالالوان لا تاخذينهااا

بس اعرفكم مدمنات ماتخلون شي لمتد يروح من ايدكم


بنات في وحده اللي بالافنيو تشتغل عند ماك امبيه تعاملها زفت حشاكم

سالتها من دشيت المحل عن حمره رنوي رد وع وع قعدت افهم فيها سااااعه تقولي شنوو

وباسلوب خايس

ومعاها وحده مسكينه زبونه تسال عن بلشرات وجذي


واخرتها غيرت رايها الزبونه وطلعت


عاد هذي اللي تشتغل ووووووووع لا تشوفون شلون سبت الزبونه ؟؟

تقول العمى على قلبهاا شو بتلعي كسرت لناا البلشرات واخرتها ماتشتري شي ؟؟

تقول للي معاها متحجبه لك دخلك شو هالزباين اللي بيجوناااا قالت كلمه بمعنى ( عاهات ) ؟؟

تقول ع الاقل تقول يعطيكي العافيه ؟؟

اسلووبهااااا خايس ونفس خايسه

على شنوو عااد مالت عليهااااااا اشوه ان جتني المتحجبه تعاملت معاي

ولا جان تركت المحل ومشيت ولا شريت شي وووووووووووع انزين الزبونه ماعجبها شي وبتطلع كيفها انتي شكو

إلأا تشتري شي ؟؟ مالت عليها كرهت ماك الافنيوز بسبتهاااا

إنتو ليش تسكتون والله ما أسكت آنه داخله بشتري بفلوسي وإهي موظفه مفروض عليها تحترم الزباين لو كانت شينه شينه حق نفسها مو حق الزباين مره مصريه كانت تبيع نفسها بخشمها وكان كلامها دفش أول شي إتحملتها قلت يمكن مو قصدها ياتني تسألني أقدر أساعدج قلت لا شكراً وكلما سحبت شي أبي أجربه تاخذه مني وترده تاخذه تسحبه من إيدي تخيلي قلت لها ليش تسحبينه من يدي قالت لا بساعدج برده عنج قلت لها آنه أعرف أرجعه قالت لا لأنه الزباين يخربطون في محل الحمره ويحطونها بمكان غير

ومابغت إلا روحها شرشحتها آنه ماحب أقل أدبي ولا أطول لساني ولا أحب أحد يعامل أحد بهالطريقه تحترمني أحطك فوق راسي

أهمه كلمه يتبريدون منها وين المسؤول :krkrkr:

 

[JvvvC]

رد: حابه تعرفين اكثر عن مكياج ماك .. حياج .. متجدد {{5}}

اما احنا افتكيناااا منهم

الي يبيعون في ماك رجال وبالشرقيه سعوديين بعد

ما ايي الا لما تناديه او تطلبي منه شي

وناااااااسة

 

[مراوي22]

رد: حابه تعرفين اكثر عن مكياج ماك .. حياج .. متجدد {{5}}

اما احنا افتكيناااا منهم

الي يبيعون في ماك رجال وبالشرقيه سعوديين بعد

ما ايي الا لما تناديه او تطلبي منه شي

وناااااااسة

مو متخيله شكل بحريني يبيع بمحل ماك ولا أسأله بعد أي أحلى هاي الحمره ولا ذيج :krkrkr:

جان زين يفكونه ويحطون لنه ريايل عالاقل الريال مايرز ويهه غصب

أوووووف أكره حركه عندي لمن يلاحقوني ويوروني 60 شغله وآنه إبالي شي معين أو مو في بالي ولاشي بس أبي أتمشى بروحي :bbbiu:

 

[{ سحر الوَرد *]

رد: حابه تعرفين اكثر عن مكياج ماك .. حياج .. متجدد {{5}}



واااي صج أكرره شي في الحياة السيلز اللي يحنوون

ولا اللي تطالعج جنج ماتفهمين وجنج بتطرين منها @@

مرة كنت في فافافووم ويا اختي وجربت قلوس مادري شنو وانا متاكددة انه تستر شفته مكتوب

ولا الفلبينية ياية ركييض Maam this is not tester

قلتلها نو اتز تستر.. وفريته راويتها انصفق ويههاا




انا قبل كنت اتفشل اضطر اشتري اي شي الحين لاا والله اجرب اللي ابيه على كيفي وحتى ساعات ماشتري شي

فالاخير احنا بنشتري من فلوسنا مب بناخذ هدايا من عندهم!


والاخس بعد لما وحدة مااتعررف للميك اب ومخلينها تبيع @@

تسألينها عن شي تطالعج بنظرة غبية وتحاول تعطيج شي غير :/


مثل السيلز اللي عندنا بماك الستي

اهي كتعامل حبوبة

بس للحين احسها ماترعف للميكب عدل

انا اول مرة شفتها الظاهر كانت توها متوظفة..

اقولها ابي سكن فنش ناتشرال اللي تناسب NC 25

تطالعني بعدم فهم جني اتحجى لغة غريبة!! وعطتني ميديم دارك خخخخخ


المرة الثانية توني شفتها حسيتها قامت تفهم شوي.. بس مصرة كل مرة تعطيني اشياء غامجة لووووول والمشكلة اني متاكدة من درجتي وانا نوعي ماحب شي يغمجني ولا شي يفتحني دايما احاول اخذ الاقرب لبشرتي قدر الامكان




بالنسبة لروج نيكي انا اخذته

للحين ماستعملته الا مرتين

بس ماحسيته اوفر فاقع

"لأني احب الورديات والفوشي"

بس يمكن البنات اللي مب متعودين على الالوان اللي شوي تيي على فاقعة بيحسونه غريب


بس انا دايما اقول الارواج تقدرين تتعاملين معاهم بسهولة.. سواء بالنخلط او بلون المحدد او بقلوس..

نادراً ما اصادف روج ويكون عندي امل مقتول! لازم أستفيد منه بشكل او بثاني واطلع منه لون حلوو

 

[مراوي22]

رد: حابه تعرفين اكثر عن مكياج ماك .. حياج .. متجدد {{5}}

سحوره

نفس الموقف بالضبط صادني في سنتر بوينت يايتني الفلبينيه تصرخ madam this is not tester

قلبته ورويتها إياه تمت تضحك هي هي هي سوري مدام قلت لها آنه أجيك الشي قبل لا أفتحه مو أول مره أدخل محل :eh_s(14):

وعن ماك كله يغمجون الواحد مادري ليش خوب درجة التان حلوه بس عاد إنتي تلعبين في البرونزر مو الويه كامل مصفوق برونزر بالفاونديشن :cxxxp:

عيل آنه درجتي NC 40 الصراحه إنصدمت أقولها أفتح تقول نونو يابنت الناس أفتح رقم إنزين قالت نونو الافتح مصوفر أكثر إنزين قولي ماعندكم لون يناسبني وفكيني :0bee2e8d89:

 

[Vampira]

رد: حابه تعرفين اكثر عن مكياج ماك .. حياج .. متجدد {{5}}

بنات احنا المفروض مانسكت عن تجاوزات اللي يبيعون لانه قاعدين ندفع مو ببلاش ولا هدية منهم !! انا مره في فافاوم اللي تبيع عطتني جلوس والله يوم رديت البيت تفاجات نصه طاير مستعمل مبين !!! او كان تستر المهم دقيت وكلمت المديرة وقلت لها كل الموضوع وماقصرت معاي رجعته وعطتني هدية تراضيني !

ماك اللي يبيعون يحتاجون دورات يعلمونهم الادب والذوق قبل اي شي لانه بعضهم جدا rude هل ادارتهم تدري الله اعلم !!!!!!؟

واتفق معاكم للاسف اللي من الجنسيات العربية اهما الشينين مو كلهم بس نسبة كبيره

الفلبينيات حليوين

دوري اللي بماك مارينا خبري تهببببببل مشالله بشوشه وطيبة وتساعد

والباجي اللي اعرفهم حليوين كلهم طلعوا


حمرة viva glam nikii بشوفها اول مابي استعيل بس اعرف عمري بس اشوفها بطخها هههههههههه ماكو مقاومة

بنات منو جربت morrocan hair oil ?

 

[Vampira]

رد: حابه تعرفين اكثر عن مكياج ماك .. حياج .. متجدد {{5}}

آنه ماباخذه والسبب إنه الالوان الفاتحه أو الفاقعه تتكود على شفايفي نفس الصوره إلي حاطتها جوفي إشلون صاير اللون مب مندمج ولا مستانسه بعد ماده براطمها :krkrkr: آنه من أجوف صار لي جذي أمسحها وأحط غيرها

نفس الشي يصير معاي في حمرة Angle :rgewrg:

اي انا انجل كللش ماحبيتها :rgewrg: جربتها بالخلط زوينه
لكن اللي يمكن يخليني ارضا علي نيكي واخذها انها satin finish

 

[ام سعود ديكسون]

رد: حابه تعرفين اكثر عن مكياج ماك .. حياج .. متجدد {{5}}

فامبيرا يحليلج انتي مثلي قديمة بماك أكيد أنا مثلج لاحقة علي الخبيرة الهندية جنه اسمها vimi
وخذيت ماك تكنيك بالقاعة اللي فوق بالفنار
و بعدين خذيت فاوتشرز عشان الدورة اللي حضرتها vimi بفندق المارينا جنه سنة2006

اووووه ايام قبل لا يصير ماك هبة
كانوا خبيراتهم ذهب يهبلون
صج الحين نص ستاف الفنار القدامي مشوا

و فيمي صارت مسؤولة عن لندن و الهند و الشرق الاوسط
مالها حس هالايااااام

 

[ام سعود ديكسون]

رد: حابه تعرفين اكثر عن مكياج ماك .. حياج .. متجدد {{5}}

فامبيرا الموروكان هير أويل شفته بمعرض وايت اكسبو ب 360 جنه صالون boudior اييبه من برا طلبية أسبوعين اذا تبينه استخدام شخصي و اذا ابلكيشن بالصابون 18 دينار للجلسة >>> وايد صراحة
عنوانهم بالسرة اذا حابة تمرين

فيج تطلبينه من امازون أرخص بس الحجي منو يوصل لج شي سائل >> اقصد بالشحن

بنات هالمسج وصلتني من ماك اللي حابة تتواصل مع خبيرة ماك من 7 لي 9 لايف جات بتوقيت الامارات ترد ع استفساراتكم
LIVE CHAT TODAY at 7-9PM (UAE time) with MAC Artist Mariam K. Log on at www.maccosmetics-me.com to have all your makeup questions answered in English or Arabic.

 

[BaiTotia]

رد: حابه تعرفين اكثر عن مكياج ماك .. حياج .. متجدد {{5}}

شلووووووووووووونكم؟؟؟؟

 

[Vampira]

رد: حابه تعرفين اكثر عن مكياج ماك .. حياج .. متجدد {{5}}

فامبيرا يحليلج انتي مثلي قديمة بماك أكيد أنا مثلج لاحقة علي الخبيرة الهندية جنه اسمها vimi
وخذيت ماك تكنيك بالقاعة اللي فوق بالفنار
و بعدين خذيت فاوتشرز عشان الدورة اللي حضرتها vimi بفندق المارينا جنه سنة2006

اووووه ايام قبل لا يصير ماك هبة
كانوا خبيراتهم ذهب يهبلون
صج الحين نص ستاف الفنار القدامي مشوا

و فيمي صارت مسؤولة عن لندن و الهند و الشرق الاوسط
مالها حس هالايااااام

صج انتي بعد وناسة اي انا اذكر اول مافتح بالفنار نروح كان في لبناني بعد والهندية اي صارت للميدل ايست يحليلها :eh_s(7): الكويت والكويتيات ويهم خير وترا زارات جم مره بس ماقدرت اروح انا ما خذيت ولا دورة مع ماك مادري مالفتوا نظري احس البيسكس اعرفهم شرايج بدوراتهم ؟
والله الموروكان اويل بخاطري اجربه بس اعرف عمري ماستمر ومشكلة بعض الناس من درو في منتج هبه يابوه وحيل رفع بالسعر جنهم يستغلون الناس !! اشكره

انا كان بخاطري الماكدونيان اويل وماسكه بس حسافه خلص من يونيكس :bbbiu: واهي بعد خلاص وقفت نشاطها يحليلها الله يوغفقها بنفقد عروضها ونفقدها:eh_s(7): انا شطبت علي اغراضها خصوصا الريل تكنيك ادماااااان نسيت ماك وسيجما بيي وبينج

 

[نسكافه]

رد: حابه تعرفين اكثر عن مكياج ماك .. حياج .. متجدد {{5}}

بنات تنبيه لااكثر
الموركان اويل منتج اسرائيلي

انا كنت ناويه اشتريه من المدح الي عليه وسويت بحث طلع صنع اسرائيل
فسويت عليه اكبر اكس
يمكن تكونوا عارفين هالمعلومه بس انتوا خواتي وماحبيت مانبهكم لهالنقطه فديتكم
شوفوا الصوره بالرابط
http://christina83writes.blogspot.com/2011/01/moroccanoil-and-v05-hot-oils.html
http://www.swatchandlearn.com/moroccanoil-oil-treatment-review-pictures/

 

[! Miss.Q8 !]

رد: حابه تعرفين اكثر عن مكياج ماك .. حياج .. متجدد {{5}}

بنات ابي محدد حق watch me simmer يطلع لونها عدل

أن اليوم سويت فيها خلطه عجيبه بس طلعت لون يديد غير عن لونها الاصلي

حطيت اول شي محدد وردي من بسام فتوح وبعده حطيتها وبعدها حطيت فوقها russian red بالفرشة

ورديت حطيت منها بالفرشة مره ثانيه طلع اللون عجيب ما ادري شلون اوصفه وردي على برتقالي على احمر

 

[googoosh]

رد: حابه تعرفين اكثر عن مكياج ماك .. حياج .. متجدد {{5}}

صج انتي بعد وناسة اي انا اذكر اول مافتح بالفنار نروح كان في لبناني بعد والهندية اي صارت للميدل ايست يحليلها :eh_s(7): الكويت والكويتيات ويهم خير وترا زارات جم مره بس ماقدرت اروح انا ما خذيت ولا دورة مع ماك مادري مالفتوا نظري احس البيسكس اعرفهم شرايج بدوراتهم ؟
والله الموروكان اويل بخاطري اجربه بس اعرف عمري ماستمر ومشكلة بعض الناس من درو في منتج هبه يابوه وحيل رفع بالسعر جنهم يستغلون الناس !! اشكره

انا كان بخاطري الماكدونيان اويل وماسكه بس حسافه خلص من يونيكس
ترى موجود بمجمع العقيله اسمه البيرق في محل فوق يبيع كل السيت من شامبو وماسك و اويل و كله بس عاااااااد حييييل غالي حسافه ما لحقت على اللي تبيعه يونيكنس سعرها كان مناسب

:bbbiu: واهي بعد خلاص وقفت نشاطها يحليلها الله يوغفقها بنفقد عروضها ونفقدها:eh_s(7): انا شطبت علي اغراضها خصوصا الريل تكنيك ادماااااان:d نسيت ماك وسيجما بيي وبينج

فرش ريل تكنيك ماااااااااا عليهم حجي لووو كانوا نازلين قبل ما اهب بفرش مااااك جاااااااان ما شريت فرش ماااااك
سيغما و ريل تكنيك نفس مستوى مااااك و بعض الفرش احسن

 

[googoosh]

رد: حابه تعرفين اكثر عن مكياج ماك .. حياج .. متجدد {{5}}

استمتعت الصراحه و انا اطالع كولكشن تمبتاليا كولكشنهااااااااااااا مااال اطب و اسبح بالمكياااااااج ونااااااسه
حلمي الصراحه اكون بيوتي بلوقر حلوووو الواحد يشتغل بشغله يحبهااااا
طوفوا اول 7 دقايق و استمتعووووووواااااا بالكولكشن
حق اللي ماااااااا شااااف
​

http://www.youtube.com/watch?v=8fQMzSwk5nE&list=UU0E1X2nwoOLWJ42tRRvKChA&index=2&feature=plcp



http://www.youtube.com/user/temptalia​

 

[مراوي22]

رد: حابه تعرفين اكثر عن مكياج ماك .. حياج .. متجدد {{5}}

جوجوشش

عورتي قلبي آنه قايله خلاص مابجوف هالسوالف لأنه أتشيش وأتشجع أشتري أكثر مره جفت تسريحة وحده عجبتني وقعدت أخطط وأحن عشان أسوي نفسها :eh_s(16):

إستخفيت على أغراض تمبتاليا ماشاء الله حلوين يوم فتحت دراور نارس عيوني صارت قلوب قلوب قلوب

حتى اللب قلوس و حمر ماك اللمتد أمبي خاطري أسحب الدراور وأشرد :krkrkr:

النيل بوليش ماصدق خل توزعه بيختربون حرام بطرش لها بقولها إلي ماتبينه بيعيه ولايحزر يطيح بجبدج :bbbiu:

واااي أبي أصير نفسها عشان يطرشون لي مكياج بلاش وأيمع وأيمع عاد بعدين محد بيقولي بسج ولاحرام ولا من هالاسطوانه هديه ويات لي عندي أردها يعني

 

[دلع 2013]

رد: حابه تعرفين اكثر عن مكياج ماك .. حياج .. متجدد {{5}}

استمتعت الصراحه و انا اطالع كولكشن تمبتاليا كولكشنهااااااااااااا مااال اطب و اسبح بالمكياااااااج ونااااااسه
حلمي الصراحه اكون بيوتي بلوقر حلوووو الواحد يشتغل بشغله يحبهااااا
طوفوا اول 7 دقايق و استمتعووووووواااااا بالكولكشن
حق اللي ماااااااا شااااف ​

http://www.youtube.com/watch?v=8fqmzswk5ne&list=uu0e1x2nwoolwj42trrvkcha&index=2&feature=plcp​

http://www.youtube.com/user/temptalia​

واااااااااااااااي هوووووووس مكياجها ماتعطيني ايه اصراحه عندها اشيء اتخبل لو عندي مكياجها ماظنتي انام بتم اتفرج عليهم انا شويه وايد ودوم اتفرج عليهم

 

[دلع 2013]

رد: حابه تعرفين اكثر عن مكياج ماك .. حياج .. متجدد {{5}}

بنات بودرت مانيرالز تستخدم للبشره الجافه ولا ماتصح لها تظهر البشره مبهته ومغبره

 

[Vampira]

رد: حابه تعرفين اكثر عن مكياج ماك .. حياج .. متجدد {{5}}

تمتاليا مبدعه بس نصهم فري شلون ماتحتفظ فيهم !! احتريت منها هههههههههه

جوجوش بسالج عن حمرة style curve ماتشابه violetta ??

تصدقين هالحمرة ترددت وماخذيتها والحين تحسفت اذكر جنه. حقوقيه تحبها بعد