بنات والله محتاجه حيل حيل دعائكم

[مزيان الروح]

حبيبتي الله يصبرج ويهديه ويسخره لج يارب ... وسعي صدرج يا اختي لو صار فيج شي لا قدر الله ما راح يفيدج زوج ولاغيره ... إلجئي لربج بالدعاء وقطي همج واتكلي عليه سبحانه

 

[مفعمه بالحيويه]

اعتبري انه ماقال لج شي

وعلى قولة وحده من البنات نتفيه من الحين ولا تخلين عنده ولا بيزه هههههه



وعيشي حيااتج الزوجيه معاه بشكل طبييعي


لا تهددينه بشي ، هو قاعد يتوعد انه يتزوج عليج بعد 3 سنين وانتي تهددينه بعد ثلاث سنين بالطلاق وانج بتاخذين العيال

هو ضامن انه بيعيش لي عقب 3 سنين ؟ الله يطلو بعمره ..... وانتي ضامنه اانج بتجيبن عيال؟ الله يرزقج يارب

والا البنت الي يحبها بتنطرنه ؟ مستحيل صدقيني


بس اللي تسونه غلط تعيشون نفسكم في صراع وهم وغثه انتو في غنى عنه


شدعوه انتو الي كاتبين قدركم .... واالا الله سبحانه وتعالى !!!!!!!


خلاص انسي السالفه بدال ماتغثون بعض

استاانسي واستغفري الله بطاعه الله بيفرج همج

 

[queen77]

عسى الله يخليكم لي ولا يحرمني منكم خواتي الله يريح قلبكم ويسعدكم ويهنيكم ويفرج عنكم همومكم ومشاكلكم آمين يارب العالمين

 

[مفعمه بالحيويه]

عسى الله يخليكم لي ولا يحرمني منكم خواتي الله يريح قلبكم ويسعدكم ويهنيكم ويفرج عنكم همومكم ومشاكلكم آمين يارب العالمين

اميييين يا قلبي وياج يارب :eh_s(17):

والله يريح قلبج ويسعدج مع زوجج ياااارب :eh_s(17):

و ربي يهنيج ويفرج عنج همج ومشااكلج كلهااااااا :eh_s(17):

والله يفرح قلبج فالقريب العاجل :eh_s(17): امين :eh_s(17):

 

[غراوي]

ويييييييييييييييييييه مخرعه عمرج ليش
يمكن قصده ان دام للحين ما جبتي لي عيال بتزوج عليج واذا قصده جذي منحقه
انتي عاد لاتشغلين بالج بهالموضوع

واهتمي بنفسج الرجال ماقال هالكلمه الا شايف فيج قصور
وانتي تعرفين الرجال شيحب سوالف الدلع والمياقه كثري منها

 

[queen77]

بنات تصدقون ان من آخر مره تناقشت مع زوجي وزعل مني للحين حاقرني وماد بوزه عشر اشبارجدام يعني والله مو حاله هذي مليت من سخافته وعلى اقل شي يزعل ويمد البوز وانا مليت من زعله ومدة بوزه علي مع كل مره نتناقش فيها على هالموضوع والله مادري شسوي

 

[Mjnont '3lay]

مادري والله الله يعينج حبيبتي
والله يرفع عنج هالبلا ويزيح عنج همج يارب

 

[Queenleo]

انتي تدرين شنو بيصير من اهني لثلاث سنين جدام!!

ناس بثانيه واقفه جدامج عقب ماتمشي تطق وتموت

كل شيء يتغير

مافي شيء يتم على حاله

انتي عيشي حياتج واستااانسي ليش تعيشين بكدر عشان ريال

وادعي ربج واستخيري

والله كريم ماافي شيء يبقى مثل ما اهوا الا ربج سبحانه

 

[queen77]

بنات الوضع عندي صار اسوأ زوجي كل يوم قام اييب طاري زواجه الثاني جنه قصده يكدرني ويزعلني وانا تهاوشت معاه وضغطت عليه نفسيا لما قام ما يكلمني خير شر صار له يومين على هالحال من دوامه لي الغرفه الثانيه ماقام يطلب مني اي شي جنه عايش بروحه وانا قلبي قاعد يتقطع على نفسي وعلى تصرفاته التافهه معاي مادري شنو اللي مخليه ضامن يعيش لمدة ثلاق سنوات عشان جذي كل شوي يزعلني ويذكرني بنيته زواج ثاني

 

[!الجادل الصعب!]

حبيبتي ماتعرفين تحقرينه مثل ماهو حاقرج .؟!
حقريه وعيشي حياتج طبيعي اكلي شوفي تلفزيون
طلعي وسولفي بالتلفون لما يحس ان الي يسويه ماله
داعي بيرضا من نفسه بس خلج قويه
لاتخضعين له زوجج مايمشي بالطيب صراحه وفوق
هذا سالفته سخيفه بتزوج خل يروح يتزوج مو يقول بعد ٣
سنين .. بروحه شايب بعد يتدلع وانتي توج ٢٤ شحادج
تقولين تزوجت علا كبر !

 

[queen77]

مشكوره يا الغاليه على النصيحه بس ترى صج تزوجت وعمري 34 سنه على كبر مو 24 سنه

 

[amami al-kuwai]

جم صار لج متزوجه سنه والا ثلاث

شوفي حلقة خالد عبدالجليل مع طارق الحبيب فيها كل الرد اللي لازم تردينه

 

[غدووور الكويت]

الله يفرج همج ويرزقج بالذريه الصالحه

 

[يكفيني غرامك]

الله يعينج والله الريال لو شسوين فيه بعد بيغدر لو تولعين يدج العشره شموع له بعد مايبين فيه عينه وكليهاا ع ربج وان شاء الله مايصير شي بس غريبه هو ليش من الحين يقولج هاي الشي يعني بعد 4 سنوات كم بيكون عمره ههه يعني ماعتقد لاتتاخدين ع كلامه

 

[Le chat]

شهالمذله يقولج احب غيرج وبتزوج عليج واذا ماوافقتي تطلعين انانيه وقفي عند حده ولا تتبجبجين جدامه شنو ماخذج من الشارع صج مايستحي عين قويه الي جذي يحبون الي تدوس على راسهم يبا خل يولي استانسي وكشخي وطقي بالطوفه قعدي بالصاله وتحجي بالتلفون وضحكي بصوت عالي خل يتفتفت جليل الحيا تالي اهو الي بيحبي وراج

 

[شافوك بحساسي]

غريبه اول مره اسمع ان رجال يقول لزوجته لاصارلنا 3 سنين بتزوج عليج

ماعلينا حبوبه انا لومنج اقوله تزوج محد مااسكك اخليه ينقد على نفسه ولكل حادثن حديث
وماتنامين الا بدموع؟؟على شي ماصار ولاملج حتى
حبيبتي طنشيه وبينيله انك ماهميتني ولاتقصرين بامورج الزوجيه صدقيني بيغير رايه هذا اذا مومقلب منه او لعبه

 

[شافوك بحساسي]

والله يهديه ويخليه لج يارب

 

[!الجادل الصعب!]

سوري قريت ان عمرج ٢٤ ..!
حتا لو علا كبر ماله حق يغثج .. حبيبتي حبي نفسج
دلعيها دلليها وقومي بواجباته بس لا اكثر ولا اقل
الدلع الزايد للزوج يفسده مرات .! *

 

[غنج اهلها]

الله يعينج وقوي رباطج مع ربج ودعواتج له


الدعاء يغير القدر سبحان الله

 

[ĎĩĄɱȬȵḒ]

لاا تشيلين هم

ان شاءالله بعد هالـ3 أو 4 سنين هذي كل شي يتغير

ويغير رايه من هالفكره

ربي يسخره لج ان شاءالله ,,