أروح الوزارة ولا المنطقة التعليمية

[MISS_PURPL]

السلام عليكم ​

انا الحين طلع ترشيحي الحمدلله ،،، وين اروح ؟؟؟ وزارة التربية او المنطقة التعليمية ،،،

ماني عارفة وين اروح ؟؟؟؟ :bbbiu:

محتاجة مساعدتكم:eh_s(2):

 

[طالبة1990]

الف مبروك

والله يجعله قدم السعد عليج

اذا انتي تربوية راجعي المنطقة مباشرة

ماله داعي تروحين الوزارة


واخذي اوراقج معاج

وحاولي تروحين بدري عشان يمديج تخلصين اوراقج وتروحين المجلس الطبي وعقب تروحين للمستشفى التابع لمنطقتج

هذي كلها تقدرين تسوينها بيوم واحد اذا رحتي مبجر

والاوراق المطلوبة ٣ نسخ من كل من:

البطاقة المدنية
الجنسية
شهادة الميلاد
شهادة الجامعة

و٤ صور شخصية وصورة شخصية زيادة للمجلس الطبي
وصورة من عقد الزواج اذا متزوجة
وشهادة تحويل راتب

وزيدي النسخ احتياط
ولاتنسين تاخذين المستندات الاصلية احتياط بعد

واذا كنتي خريجة تربية اساسية فلازم تاخذين شهادة طبق الاصل من كليتج

اما اذا كنتي خريجة جامعة الكويت

فماكو مشكلة صور عادية فوتوكوبي للشهادة


واذا ماعندج شهادة تحويل راتب هم مو مشكلة ودي هالاوراق وخليها تفتح لج ملف وتعطيج اوراق الفحص

واذا خلص الفحص ودي لهم شهادة البنك معاه


ونصيحة لكل البنات

ابدوا شغلكم مبجججر


وبالتوفيق انشالله

 

[love^angel]

مبروك
الحين تغير النظام مو مثل قبل دايركت للمنطقه
صارت الاوراق بالوزاره وتخلصين هناك واخر شي المنطقه بس هم تأكدي
انا تربويه ولما تعينت قبل ما طبيت الوزاره بس الحين لما رديت كل شغلي صار بالوزاره و اخر شي يعطونج المباشره تودينها المنطقه

تأكدي احسن لنه الحين النظام غير

 

[طالبة1990]

لان شهادتج قديمة

اي وحدة تطوف سنة على شهادتها او استقالتها

تقديمها يكون بالوزارة ويسوون لها مقابلة


بس التعيين الجديد لا سيدة المنطقة

انا ما صار لي سنة من تعينت وتقديمي كان بالمنطقة


واختي تو ما صار لها اسبوعين او ٣ من تعينت ونفس الشي

راحت دايركت المنطقة

ماراجعت الوزارة كللللش

 

[الحياة فرص]

بنات سؤال اجراءات الوظيفه جم يبيلها يوم؟

 

[Sweet October]

بنات بتويتر الديوان يقولون راجعو الوزارة

خل نروح الوزارة بعدين المنطقة مو خسرانين شي

لان شكله تغير نظامهم

 

[Sweet October]

بنات سؤال اجراءات الوظيفه جم يبيلها يوم؟

سمعت الفحوصات تاخذ اسبوع تقريبا ومتى ما خلصتيهم رديهم المنطقة ويعطونج المباشرة

يعني اتوقع من اسبوع لي اسبوعين احنا خالصين باذن الله

 

[بنت احلام]

لاتنسوون الدوره اسبوعين صحححح

 

[Sweet October]

ماكو دورة الكورس الثاني

 

[بنت احلام]

جااااااااااااااااااااااااااان زين

 

[كوكولوكو]

بنات مكتوب الجريده كل الي تم ترشيحهم يراجعون وزاراتهم ؟؟؟؟؟

مادري عنا احنا وين نروح ؟؟؟؟؟؟

 

[الحياة فرص]

لالالااااا
تراجع المنطقه مو الوزاره

 

[طالبة1990]

تراجعون المنطقة

وماكو دورة

والفحوصات على حسب الزحمة

انا اذكر خذت اسبوع

واختي تو تعينت فحوصاتها قعدت بس يوم

 

[الحياة فرص]

انتي تابعه اي منطقه تعليميه1990
وااله يجزاااااج الف الف خيييييييير ع تحملج لأسئلتنا اللي ماتخلص 



مشكوووووووووووووورة فدددددديتج

 

[طالبة1990]

انا الاحمدي التعليمية

والعفو حبيبتي

ماسويت شي

مثل ما استفيد من هالمنتدى

احاول افيد باللي اقدر عليه

وهذا اقل شي اسويه

اني بس اذكر تجارب مريت فيها

 

[love^angel]

سوري صاحبة الموضوع بدش عرض

اختي طالبه انتي مدرسة شنو؟
انا انجليزي حاطيني ابتدائي لنه خبرتي ابتدائي بس بحول متوسط مابي يهال مع اني اموت فيهم بس تعبت ابي بنات كبار ما تعرفين شلون طريقة التحويل؟ وانجليزي المتوسط وايد يفرق بالشرح والتحضير عن الابتدائي؟؟

 

[طالبة1990]

انا متوسط

عادي يحطونج متوسط

اظن تكلمين التوجيه او مراقب المتوسط

لان بالعادة النقص يكون بالمتوسط

ومايحتاج تحويل وروحة وجية

واذا قالوا لج روحي الوزارة معناته مالهم نية يحطونج متوسط

بس بالاول كلمي الموجهةالاولى للانجليزي



انا رفيجاتي ثنتين تخصص اسلامية ابتدائي من الاساسية

اول ماتعينوا شهر ٩ حددوا لهم مدارسهم وكانت ابتدائي

بس عقب الدورة وقبل المباشرة حطوهم متوسط مع ان رفيجاتي كانوا رافضين واعترضوا

بس قالوا المتوسط نقص ولازم تتعينون متوسط


فيعني لايقصون عليج بسوالف وزارة وسستم ومانقدر

مع اني اظن بيستانسون اذا انتي بغيتي متوسط لان مثل ماقلت لج نقص


عن نفسي افضل المتوسط بس مو معناته انه بيكون مناسب لج

اشوف انه اسهل بالتحضير والوسائل

وعندج منهج معين تخلصينه

مو مثل الابتدائي حوووسة وشروط وتكنيكات غير شكل


وانتي قبل كل شي استخيري

الابتدائي فيه ميزتين:

الاولى تفتكين من عوابة هالمراهقات

والثانية ماكو امتحانات ورقتين ومراقبة وتصحيح لي المغرب او حتى العشاء

 

[PuPa^^SWeeT]

اتروحين المنطقة


و علاما اتسوين الفحص الطبي


اتودينه اليوم مثلا الاحد اتداوميين الثلاثة

 

[MISS_PURPL]

[quoteالف مبروك

والله يجعله قدم السعد عليج

اذا انتي تربوية راجعي المنطقة مباشرة

ماله داعي تروحين الوزارة


واخذي اوراقج معاج

وحاولي تروحين بدري عشان يمديج تخلصين اوراقج وتروحين المجلس الطبي وعقب تروحين للمستشفى التابع لمنطقتج

هذي كلها تقدرين تسوينها بيوم واحد اذا رحتي مبجر

والاوراق المطلوبة ٣ نسخ من كل من:

البطاقة المدنية
الجنسية
شهادة الميلاد
شهادة الجامعة

و٤ صور شخصية وصورة شخصية زيادة للمجلس الطبي
وصورة من عقد الزواج اذا متزوجة
وشهادة تحويل راتب

وزيدي النسخ احتياط
ولاتنسين تاخذين المستندات الاصلية احتياط بعد

واذا كنتي خريجة تربية اساسية فلازم تاخذين شهادة طبق الاصل من كليتج


اما اذا كنتي خريجة جامعة الكويت

فماكو مشكلة صور عادية فوتوكوبي للشهادة


واذا ماعندج شهادة تحويل راتب هم مو مشكلة ودي هالاوراق وخليها تفتح لج ملف وتعطيج اوراق الفحص

واذا خلص الفحص ودي لهم شهادة البنك معاه


ونصيحة لكل البنات

ابدوا شغلكم مبجججر


وبالتوفيق انشالله ][/quote]


مشكوووووووووووووووووووووووووووووووووووووووووووووووووووووووووووووووووووووووووووووووووووووورة
حبيبــــــــــــــــــــــــــــــــــــــــــــــــــــــــــــــــتي طالبة 1990 ،، صج صج بيض الله ويهج ،، ماقصرتي ،، يزاج الله خيييير ،،،

انا تربويه من جامعة الكويت ،، ماقصرتي ،،

انزين الفحص الطبي وين اسويه بمستشفى الصباح ،، صح ،، ولا تبع منطقتي لان انا العاصمة ( الأميري )

 

[MISS_PURPL]

مشكورررين البنات اللي ردوا ،،، ما قصرتوا