سلام عليكم
خيتو بشكل عام القطاوه ما عندهم حب او كره !
خصوصا القطاوه القطوه حيوان مزاجي لابعد الحدود
اذا لقا عندج الراحه والامان يلصق فيج مستحيل يخليج
واذا يوعتيه و طقيتيه و صرختي بويها كل ما تمرين يمها تبخ عليج و تنحاش و اذا مديتي ايدج تعضج او تطقج بأيدها او هيك شي
اول شي جم عمرها و لا يكون شاريتها و اهيا كبيره لان صعب ترويضها بهالعمر
اول خطوه عليج تحطينها بغرفه وحده و تكون غرفتج
ما تحتكين فيها وايد
ولا تعبرينها
ولا تحطين عينج بعينها
و اذا انخشت بمكان لا تطلعينها بالقوه خليها تنخش كيفها
من اهم الاشياء الي تخليها تحبج لما تيووع
توكلينها تورينها انج انتي الي تعطينها الاكل عشان تعرفج
و ياريت تحطين الاكل جدام عيونها بأيدج عشان تشوف
مره و مرتين و ثلال صدقيني لمدة يومين و راح يصير الامر عادي و تقعد عندج و تتمسح عليج
والي لازم تبعدين عنها بهالفتره
1: عدم الصراخ بصوت عالي امامها
2:عدم رفع اليد عليها او محاولة ضربها او ضربها
3:عدم اخراجها من المكان الذي تختبه فيه او طردها من المكان الذي تنام عليه او ما اشبه ذالك
وهالاشياء الي لازم تسوينها
1:توكلينها امام نظر عيناها
2:تكونين معاها بغرفه واحد و على قولتنا بالكويتي تلبسينها ههههه يعني تعطينها بولباس جنج مو شيفتها ولا مهتمه فيها
و اذا اتبعتي هالخطوات راح تشوفينها اذا ياعت تييج ركض تتمسح عليج و قول مياااو مياااو هههه
وطبعا لا تنسين تمسحين على راسها و المنطقه الي تحت رقبتها لان ما تقدر توصل لها لا بلسانها ولا بايدها وريولها فا تسترخي لما تمسحين عليها بهالمنطقه
اما من ناحية تدريب القطوه على الليتر بوكس(صندوق فضلات القطط)
هاج هذا الموضوع
http://www.q8yat.com/t1011610.html
وان شاء الله افدتج و سوري ع الاطاله بس القطاوه حيوانات جميله و تستاهل هالرعايه و هالاهتمام بغض النظر عن الشخص من هواة تربية القطط او لاء
