لي متى اصبر تعبت معاه شوركم وهدايه الله ؟؟

[كليـ دلعـ]

لمى

الظاهر ليله عرسج بتموتين من كثر شفاقتج ع العرس!!

الله يرزقج!

صاحبه الموضووغ

بقولج شي ماسمعتيه من الردوود اللي قبلي

سمعي.....

النبي عليه الصلاه والسلام قال

تباركو بالنواصي

والبقع

وشي من الذريه!


يمكن بيبيج اللي يبتيه مومبروك عليج!!

اي لاتستغربين

اعرف حريم تكون حامل وحياتهاا جحيم


من تولد ربي يبدل حالهاا ويصير ولدهاا مبروك عليهاا


ويطير فيهاا ريلهاا...

وثانيه تكون عايشه بجنه ومن توولد ينقلب حال

ريلهاا ويكرهها وساعات يتزوج عليها!


هذا كلام نعرفه من صغرناا

وحديث عن النبي عليه الصلاه والسلام


النواصي الزوجاات يعني بعضهم يتزوج ويرزقه

الله من فقير لي غني وينفتح كل شي بويهه


وبعظهم يتزوج يكون غني يفقره الله ويتسكر كل شي بويهه!

والبقع الاراظي يعني تنزلين بيت ويكون مبروك عليج


والذريه الضنااا

عرفتي!؟!؟!؟


هذا اولااا

ثانياااا


يمكن يمكن انتي من تحتً ماعدتي نفس اول!!

اي صج

والله العظيم قصص شفتهااا وسمعتهاا

يتغير عليها وزوجههاا ويطلع السبب

تغيرها بسبب الولاده

فيهملهاا ويتغير عليهاا ويستبرد!!

ساليني انا. وااايد قصص سمعتهاا

دوري ع المشكله بالضبط

وادعي ربج انه يرده لج ردا جميلاا

الله يسخره لج ويريح بالج

 

[ناتشوو]

نصيحة
صارحيه ف اللي في بالج
و الصبر الصبر الصبر
ترى الزوج بشر مثلنا
يمكن هو نفسه مو متعود ع البيبي الجديد
يحس بالميؤولية الجديدة
وضع جديد
انا مع المصارحة
قال لج
مافي شي
خلاص
عيشي بشكل طبيعي وخليه يتنفس
وباذن الله
مرده لج
وقوي علاقتج بربج

 

[ناتشوو]

ما صحة الحديثين التاليين:
1) قول الرسول –صلى الله عليه وسلم-:"تباركوا بالنواصي والبقع"؟


الفتوى :

أجاب عن السؤال الشيخ/د0 عبد الوهاب الطريري (عضو هيئة التدريس بجامعة الإمام سابقاً)

الحديث الأول لم نجده بهذا اللفظ وهو مشهور على ألسنة العامة، وكأنه مأخوذ بالمعنى من حديث :"إن كان الشؤم في شيء ففي الدار، والمرأة، والفرس" أخرجه البخاري في صحيحه (5094) ومسلم (2225) واللفظ للبخاري.


الذرية كلي دلع محد جاب سيرتها
والحديث مشكوك في صحته حشب رد دكتور الشريعه

 

[فتون7]

يعطيكم الف عافيه ع الردود ع قولتكم مافي الا الصبر والحمدالله عبالي انا بروحي نفس هالحاله لقيت اللي مثلي طمنتوني موعيب اطرح مشكله بدال مافكر فيها صارت عندي حييييييييل عاديه لاني شفت نفس الحاله واحنا لما نطرح مشكله نبي لها حل لان يمكن هالمشكله ماره عليكم فهمتو جزاكم الله الف خير

 

[كليـ دلعـ]

استغفرالله

كلي دلع ماتدش موضووع الا لااااازم

يطلع لهاا١٠٠٠ معاارررض

لاحول ولاقوه الا بالله

 

[ناتشوو]

استغفرالله

كلي دلع ماتدش موضووع الا لااااازم

يطلع لهاا١٠٠٠ معاارررض

لاحول ولاقوه الا بالله

حبوبة لا تفكرين بهالطريقة
انا ماعارضت رايج
او ناقشته
بس لفت نظري كلامج
عن الشؤم بالذرية
لأني اول مرة اسمع هالشي
وحبيت اقرا اكثر عنه
وطلع مو حديث
فلا تصيرين هجومية طول الوقت
كلنا نحتاج نتعلم
ونصحح افكارنا
والحكمة ضالة المؤمن
وارجع اقول محد عارض احد بالموضوع
كلنا نناقش تخمينات
ونستفيد من بعض
:eh_s(7):

 

[كليـ دلعـ]

انا ماني هجوميه


وصدري رحب

ولاازعل

وعااادي اذا اخطأت يصححون لي

واذا غلطوو اصحح لهم

هذي امور جدا عادبه

والخطاا وارد وطبيعي

وانا عن نفسي من انولدت اسمع من الكل هالكلام

ومنكم نستفيد

 

[ام الحلوااات]

يـــمــكـــن ريــــلـــج تــعـــبــــان نـــفـــســـيـــآ او مــضــغــــوط بـــدوامـــه او شـــغـــلات شــــاااغـــلــــه بـــااالــــــــــه

 

[&&&&&&&&]

الناجح راح يلاقي معارضين

ههههههههههههههه​

 

[some one waw]

الله يبارك لك ف البيبي الجديد الله يحفظه والحمدالله على سلامتج

ولا تتشائمين ولايضيق صدرج اختي مرحلة وتعدي بذن الله شغلي نفسج بولدج واهتمي بنفسج وعليج بالرقيةوصدقيني كل هالبرود بيروح بذن الله

انا ام وجربت والله كانت مرحلة صعبة بس لما تحسسين الرجل انج عايشة بجو سعادة مع البيبي بيغار ويحاول اهو يلفت انتباهج*

 

[(*ام عهــــد *)]

ماقصرو البنات
والله يسخره لج يارب

 

[brettey]

كل الرياييل مزاجيين وتييهم هالحاله بس نصيحه صارحيه لاتخلين بقلبج وبكل هدوء
ودايما قولي اللهم اجعلني نورا بين عيني زوجي
الله يهديه ويسخره لج

 

[غنج اهلها]

مالج الاتصبرين

وتقعدين علي نفسج طريقتج من العنايه والتسنع

وادعي ربج يرده لج رد جميل

 

[قطوة@@]

الله يسخره لج