عندنا عقليات حريم للاسف مو مصدقه مداحر وحريني واحرج

[brettey]

اشلونكم بنات وشخباركم
حابه اتكلم عن عقليات بعض الحريم اليهالووو للاسف وبالتحديد الفئه العمريه من 20 لي الخمسينات غالبا وممكن توصل لي الستينات
عقليات سطحيه وسخيفه
مثلا لما تكون وحده مطلقه او مو متزوجه بس عمرها تعدى 25 سنه فتقعد يمها وحده متزوجه يا رفيجتها او زميلتها او قريبتها وتشتغل عليها ريلي وريلي ويحبني ويموت فيني وتتكلم بسوالف الفراش ومغامراتهم وبطولات جونكر الي عندها بطريقه استفزازيه واااضح انها بتحر المطلقه او الي مو متزوجه تكون طول الوقت ساكته بس تشوف هالفئتين تشتغل بالمداحر
اي شي وين قاعدين
ولا لما وحده تاخذ واحد على قد حاله وماعنده شهاده تيي هم وحده تحرها ريلي منصبه جذي وذاك الصيف سفرتنا بامريكا مادري اوربا هيصنا ........الخ
ولا تيي وحده مسكينه ماعندها عيال وميته على الياهل مسكينه وتاييها وحده تداحرها ماعندها الا عيالي وعيالي ولدي اذاني بنتي شيطانه شريت لعيالي وحطيت ............الخ
ولا تيي وحده متينه وممكن لظروف صحيه سمنتها تقعد يمها وحده غصين البان وتشتغل ينوا على جسمي وصكوني بعين واحترت شنو اخذ بالسوق والرياييل ما يبون الا الضعف وااايد يخطبوني ...........الخ
ولا عاد شوفوا التخلف الي ماكو مثله وحده سمره وغامجه تيي يمها وحده بيضه وتشتغل واااي خطبوني والحين الرياييل ما يبون الا البيضه شرطهم البياض ...........الخ
لاتقولون مو قصدهم ترى يبين ان مقصوده الحركه
عقليات سخييييفه وتافهه ليش جذي هالسطحيه ؟
وين قاعدين ؟ليش ماترتقون بافكاركم ؟
الناس تتنافس على شغلات تسوى على العلم على التعمق بالدين على المعرفه
مهاااايط وسخافه
انا شخصيا مرت عليي بعض هالنماين للاسف
مادري حابه اسمع اراءكم

 

[PuPa^^SWeeT]

ياقلبي في اكثر من طريقة للمداحر و التحرش



اللي قلتييه نقطة بماي



للاسف انه الحريم ذكاءهم يستغلونه ضد بعض و بسسس

 

[طموح دائم]

تصدقين انا من النوع اللي طنااااااااش ياربي لك الحمد تري التطنيش نعمه هالنوعيه حيل يكسرون خاطري لانهم يحسون بغيره ما لها حدود حتي لو كانت تملك الدنيا يا حرام تري هذا مرض القلوب الله لا يبلانا اقسم بالله اذا مرت علي وحده محرومه من الضني والله استحرم اجيب طاري يكدرها واذا هالنوعيات يسولفون بهالطريقه حييييل اترفع عنهم واحسسهم بتفاهت مستوي تفكيرهم مره وحده قعدت يمي جان تقول انا كبرج وعندي خمس عيال انت بس واحد بحكم اني مطلقه ما سكت رديت وقلت لها ربي عوضني بدراستي وشهادتي انت ما قدرتي تاخذينهم تدرين ليش لان الله سبحانه يعوض الانسان اذا كان مؤمن صج بقدره ومستحيل ربي يتخلي عنه اهي لو فيها خير كان سولفت بشئ مفيد اكره السوالف اللي ما لها معني ولا هدف

 

[ام شيخوه]

اللي تقول كذا اكيد في نقص بحياتها علشان كذا تطلع حرتها بالناس وتحاول تبين ان وضعها اوكي

 

[فطوم 84]

هالنوعيه اعطيهم. طااااااااااف ولا ارافجهم ولاامشي معاهم خير شر. اما اذا من قرايبي فلا اقعد يمهم ولااسولف وياهم لانه اهم شي عندي اراعي شعور اللي جدامي ومااجرحها مااحب اذي. احد. ومر علي رفيجه جذي وقطعت علاقتي فيها وطاااااف من قلب انا احب اشتري راحتي. &&&&

 

[Miss MeMo0o]

وآلله كثثثثثثير تصيير لي سآعآت اتضآيق وسآعآت اطنششش
بس آقؤل كل ربي يعطيه على قد نيته وآحلى شي
طنش تعش تنتعش وعلى قول امــي
من مشى ورآء آلنآس وكلآمهم مآ عآآآآآآش
صآيره آقول حكم لؤؤؤؤؤؤؤل
يعطيك آلعآفيه خيتؤؤؤ

 

[سفييره الكويت]

ناقصات عقل هالفئه والمشكله الفئه الطاغيه على الحريم ..!

 

[لحظآتَ]

مو أنا عشان هالنماين مختاره العزلة والوحدة

والله والله والله اهون علي اقضي عمري كله بدون ناس .. ولا اقضيه بمداحر ومدازز وحسد وقلة حيا !!

الحريم للأسف بعضهم ناقصات عقل بشكل كبيييييييييييير ويحزنني !!

مااقول اني الكامله اسم الله خخخخخخخخ

بس اتكلم عن الفئة اللي جبتي طاريهاا ...

ياربي لا تحدني اخالطهم وأعاشرهم ... أخييييييييييييييييه يالمجتمع الفاشل

الله يكون بالعون


شوفي سببه شيء واحد ماكو غيره


[ الشعور بالنقص ] .......


وكفى ^_^

 

[ساكورا]

يمه موضوعك أليم من قلب عندي وعندك خير ...بس نفسي اعرف هم ما يعرفون قوله تعالى ( ويل لكل همزةٍ لمزةٍ ) كفاية هالايه لكن ماعندك احد
قسم بالله اني بسبتهم اقعد في البيت من شهور ما اطلع ...اخترت الوحدة ...ناااس مريضة وناااقصة ما ابي امرض مثلهم ........................>>>كأني انفعلت من الحرة
يسلمووو حبيبتي

 

[brettey]

تصدقين انا من النوع اللي طنااااااااش ياربي لك الحمد تري التطنيش نعمه هالنوعيه حيل يكسرون خاطري لانهم يحسون بغيره ما لها حدود حتي لو كانت تملك الدنيا يا حرام تري هذا مرض القلوب الله لا يبلانا اقسم بالله اذا مرت علي وحده محرومه من الضني والله استحرم اجيب طاري يكدرها واذا هالنوعيات يسولفون بهالطريقه حييييل اترفع عنهم واحسسهم بتفاهت مستوي تفكيرهم مره وحده قعدت يمي جان تقول انا كبرج وعندي خمس عيال انت بس واحد بحكم اني مطلقه ما سكت رديت وقلت لها ربي عوضني بدراستي وشهادتي انت ما قدرتي تاخذينهم تدرين ليش لان الله سبحانه يعوض الانسان اذا كان مؤمن صج بقدره ومستحيل ربي يتخلي عنه اهي لو فيها خير كان سولفت بشئ مفيد اكره السوالف اللي ما لها معني ولا هدف

كفووو عليج والله عجبتيني

 

[brettey]

اتشرف بردودكم بس جد فعلا شعور بالنقص الي جذي مو شايفين خير مرضى الله يشفيهم

 

[ترانيم القصيم]

جبتيها يا قلبي

صحيح في ناس كذا ,, الله يهديهم يا رب

بالذات آللي تجلس تسولف عن زوجها و أيش يسوون ,, يووووهـ أستغفر الله ,,

الله يهدي الكل و الجميع يا خية ,,

 

[كيكه توفي]

ويه حده طاف خل تقعد تمدح بروحها مني لي باجر لان مايهمني غيري ولا شلون حاله ولا احب اتشيحط على احد سوالف تافها صراحه

 

[عادت ذكرياتي]

طنش تعيش وبث

 

[Sweet October]

مو أنا عشان هالنماين مختاره العزلة والوحدة

والله والله والله اهون علي اقضي عمري كله بدون ناس .. ولا اقضيه بمداحر ومدازز وحسد وقلة حيا !!

الحريم للأسف بعضهم ناقصات عقل بشكل كبيييييييييييير ويحزنني !!

مااقول اني الكامله اسم الله خخخخخخخخ

بس اتكلم عن الفئة اللي جبتي طاريهاا ...

ياربي لا تحدني اخالطهم وأعاشرهم ... أخييييييييييييييييه يالمجتمع الفاشل

الله يكون بالعون


شوفي سببه شيء واحد ماكو غيره


[ الشعور بالنقص ] .......


وكفى ^_^

قلتي اللي ببالي

انا عندي قاعدة بديت امشي عليها لما اكتشفت اني طيبة واصادق الكل

يا اماشي وحدة مثل طبعي وتحب لي الخير والا اخليها احسن لاني راح اتعب

منها وياما ناس بسبب الغيرة والمداحر مثل ما ذكرتي غثوني وهذا مجتمع الحريم

الطاغي عليه هالصفة للاسف :/

ما عليج منهم بريتي حبيبتي وهذي لج :eh_s(17):

 

[دآنة آلرشآيده]

ياكثر الملاقيف اللي جذي بس صدقيني
كما تدين تدان واي شي تسوي المره بدنيتها وتضر غيرها
او تجرحهآ بكلمه تلقاه طال الزمن ولا قصر

الله يعينا ع العاهات بس
مضوعج راقي مثلج شكرا لج ​

 

[ام جي جي الحلوه]

وحده عبالها انها بتحرني وتقولي انتي صرتي عيوز وانتي مايبتي الى ياهل واحد
اوانا مدري اضحك ولا ابجي بناااااات الي تقولي جذي اهي عوده بالاربعيناااات حتى مااعرست ماحبيت ارد عليها واكسر خاطرها دعيت لها بقلبي الله يرزقها الزوج الصالح

 

[منو انت]

ياحلو الحقران مع هالنوع واذا مانفع تسمع لها جم كلمه من اللي يحبهم قلبج علشان في نوع لما تسكتين عنه يزيد بالوقاحه


ونصيحه اللي ماتعجبج قعدتها ولا سوالفها لاتختلطين فيها علشان نفسج انا وحده الحمدالله اللي ماتعجبني مااختلط معاه زياده ولو صار وقعدنا مع بعض اسكت علشان مااعطيها مجال تفتح معاي حوار

 

[brettey]

قلتي اللي ببالي

انا عندي قاعدة بديت امشي عليها لما اكتشفت اني طيبة واصادق الكل

يا اماشي وحدة مثل طبعي وتحب لي الخير والا اخليها احسن لاني راح اتعب

منها وياما ناس بسبب الغيرة والمداحر مثل ما ذكرتي غثوني وهذا مجتمع الحريم

الطاغي عليه هالصفة للاسف :/

ما عليج منهم بريتي حبيبتي وهذي لج :eh_s(17):

فديييتج عالورده ثااانكس قلب قبل كنت انقهر الحين قمت اضحك

 

[brettey]

ياكثر الملاقيف اللي جذي بس صدقيني​

كما تدين تدان واي شي تسوي المره بدنيتها وتضر غيرها
او تجرحهآ بكلمه تلقاه طال الزمن ولا قصر ​

الله يعينا ع العاهات بس​

مضوعج راقي مثلج شكرا لج ​

انتي الراقيه حبيبتي