1) شرط ان كل ماا تتزين المره حق ريلها يصير شي بينهم واذا ماتزينت وتكشخت ولبست وخبت عمرها مايصير شي؟؟؟؟؟
يعني الشيسمونه مقترن باللبس وقمصان النوم وهل سوالف؟؟؟؟؟
لا لا لا هذي سوالف الافلام المصرية
بأي وقت الوحدة تكون جاهزة
واحس اغلب الاوقات ما يبون الرجال الا وقت ماتكوني مو كاشخة
مدري وش السرررر
2) دائما اقرا واسمع البنات يقولون ان رياييلهم مرات يقولون انهم تعابه وهل امور بس هل ياترا البنت عادي تقول انها مالها خلق وتعبانه او مالها مزاج وهل امور ولا فشله ؟؟
واذا جاملته اكيد بيبين عليها صح ولا لأ ؟؟ المقزى من السؤال في رياييل يقدرون وعادي البنت تعتذر او لاا ؟؟
شوفي في هالموضوع انتي لازم تطيعينه
مافي شي اسمه تعبانة تلعنك الملائكة :eh_s(2)::eh_s(2):
عذر شرعي دورة نفاس ممكن
لكن اعذار ثانية
مثلا الي تتهاوش مع زوجها تمنعه وشسمه
او حركات الحريم نو نو اصلا غلط وتنفر الرجال منك:eh_s(11):
3) اذا كنت عايشه عند اهل ريلي عادي اني ماانزل عندهم ولا شرط وضروري اني انزل ؟؟
ع حسب ما يحبون هم
في حمولة يحبون الجمعات وجذي
وفي حمولة لا
بس خير الامور الوسط
لاتخلينهم يملون منك وبنفس الوقت لاتقطعينهم مرة
واذا كنت بطلع وريلي موموجود وكان لي باب منفصل شرط ابلغ اهله ولا ماله داعي ؟؟
ما اعرف انا ساكنة بروحي
انزين اذا نزلت عندهم وكان في ضيوف اقعد ولا ارد غرفتي اخاف يفهمونه تطفل مني او شي !!
اتوقع يبونك توجبين ضيوفهم معاهم
انتي هالشي شوفي شنو عوايدهم وزوجك شنو يبي
واخر سؤال بالنسبه للحموله
اذا اشتهيت اطلب من المطعم مثلا برجر لازم اسال الكل اذا يبي ولا لأ ولا عادي اطلب حق نفسي وبس ومايكون عيب؟؟
مو كل مرة طلبتي لازم تطلبين لهم
مرة هيك ومرة هيك ولا يبي لك ميزانية خاصة لهم بعدين
تتوهقين خخخخخخخ
4) فرضا اذا كان ريلي ( خلوني اتخيل شوي D: ) فيه طبع موحلو او حركه يسويها موحلوه مو شرط بالشيسمونه اقصد بالحركه اياً كانت عادي اقوله ولا احراج ؟؟ احس اني اكسر فيه او اجرحه شلون الوحده تتعامل بهل طريقه لان في ناس تتقبل وفي لأ خصوصا الرياييل
ع حسب شخصية الزوج
اذا حساس لا تصارحينه في وجهه ينجرح
اذا غشمرجي ويتحمل بطيها بالويه عادي :eh_s(1):
5) الكلام الحلوو والحركات الرومنسيه بحرها مو كبير لدرجة انهم مايخلصون فاذا قلت كل الي عندي وبعدين شسوي مع مرور الايام يخلص الكلام وتستهلك كل الحركات بتموت الرومنسيه وتصير العلاقه جامده ؟؟؟ شلون اتعامل مع هل شي عادي اكرر ولا بيمل ؟؟
اهم شغلة بالرومنسية ماتكون مصطنعة
ليلة سندريلا وليلة هايدي وليلة الذبانة والنحلة
وسوالف التنكري ... :eh_s(4):
اغلب الرجال يضحكون على هالحركات
الرومنسية وجه بشوش دايم واسلوب ذرب
والدلع ثم الدلع ثم الدلع يجيب راس الرجال لو هو صخر
زوجي حتى نكهات الجسم يكرهها
فما ادير بالي لها
يعني شوفي هالنقطة تكتشفينها من شخصية زوجك
لان الي يعجبه مايعجب غيره وهيك
6) في بعض البنات جريئات وفي البعض حيويات يعني موكلنا نفس نفس والسؤال المترتب على هل مقدمه ان في بنات متطلعات ويعرفون وايد اشياء مثلكم عارف جيل هل وقت نعرف كل شي تقريبا مو جهله فعادي البنت تكون متفتحه مع ريلها وتبين انها تعرف اشياء واايد بالحياة ولا تكون مفهيه وتسوي نفسها قطه مغمضه على قولتهم احسن ؟؟
ولو تصنعت بالفهاوه او بالعربي سوت روحها مااتعرف شي او مومار عليها الشي الي كلمها عنه ريلها او سواه او ايأً كان الموقف الي اهم فيه هل بيبين عليها ؟؟ ولو بين هل بفكر فيها تفكير شين ؟؟
انزين عادي تكون على طبيعتها مهما كانت ولا لااااازم نتصنع شوي؟؟
لا طبعا اول ايام الزواج حتى لو انتي استاذة
وتعرفين كل سوالف الزواج
لاتبينين له
مو شرط عشان ياخذ فكرة ويشك
اصلا الحيا حلو في البداية
انتي شي جديد عليه وبدون شي تلقينه لااااصق
لكن بعد فترة لما يبدأ الملل والروتين
تجرأي شوية شوية
وترى هم تفرق حسب الرجال نفسه
عندي رفيجات متزوجات 6 و7 سنين
أزواجهم للحين ما يبون زوجاتهم جريئات حيل
وفي الي من اول سنة يبي زوجته جريئة مووت
7) اذا احتجت فلوس وقلت له ابي وعطاني مبلغ قليل وانا الي ابيه اكثر عادي اقوله ابي اكثر ولاعيب ؟؟ خصوصا اول ايام الزواج
ولا لازم يكون عندي فلوس ومااطلب منه ؟؟
انزين اذا رحنا الجمعيه عادي اخذ الي ابيه ولا اخاف يقول هذي ملقوفه ومشفوحه موشايفه خير :/ :eh_s(16):
انتي اطلبي والي يعطيك هو خذيه
لاتطلبي زيادة مو حلوة اول زواجك هات وهات
وبنفس الوقت مو عشان الحيا ما تطلبين
وتعودينه مايصرف عليك
اكبررررررررررررررر غلط:eh_s(14):
8) نرد حق الكلام الحلو مره ثانيه
بنات تخيلوا من اول الزواج اقوله كلام حلو وحركات وماادري شنوو واسويله ليالي حمره على قولتهم ماتتوقعون بيقول هذي جريئه وعوبه ؟؟
ولاعادي ؟؟
والحركات والليالي تنصحون باول ايام الزواج ولا عقب جم شهر ؟؟
لان اول ايام الزواج بحد ذاتها ليالي حلوه بتكون من غير اي اظافات لان بتكون العروس زينت هل ليله ولا شرايكم بليز خبرتكم
لا اول زواجكم مايحتاج
اساسا هالفترة الكل متلهف يكتشف شخصية الثاني
بعدين يجي الوقت الي تحتاجون كسر روتين
بجلسات رومنسية
9) الدراريع القطنيه ملوت البيت الي نلبسهم عادي عليهم رسوم وحركات وهل سوالف عادي تلبسهم العروس ولا لازم اول اشهر على الاقل تتقيد بالحراير والستان والاشياء الكشخه ؟؟
خليهم ايام الدورة
يصير تغيير لوك عشان لايمل الرجال من الساتانات
والحراير
10) لو بعد العرس خواته او حتى امه اسالوني على شي خاص بيني وبينه او حاولوا يعرفون اخبارنا عادي اقول لهم ولا اعتبر نقلت اسرار بيتي ؟؟ (بنات مو اسرار غرفة النوم لا اخبار البيت مثلا شنو شرينا شنو سوينا شلون يعاملني وهل سوالف تعرفون الحريم عندهم فضول مثل حلاتي )
ولو احد تجرأ وسألني عن اسرار غرفة النوم شنو الرد المناسب الي مايكون وقاحه خصوصا اذا امه مثلا اسالت ؟؟؟؟؟
اكبر غلط تسوينه في حياتك
انك تعطين حمولتك اسراركم ولو ادق التفاصيل واتفهها
خليك رسمية معاهم بدون مايحسون
ضحك وسوالف وجبيهم
لكن خصوصيات بيتك لا والف لا
اذا احد سأل عن شي يخص غرفة النوم
تبسمي ع ابو انه حيا وغيري الموضوع بذرابة
11) رفيجتي تتبادل بقمصان النوم مع اختها هل تشوفون هل شي عادي؟؟؟
واذا وحده من خواته قالت لي ابي اشوف اغراضج باول ايام الزواج عادي اوريها ولا عيب؟؟
لا تتبادلين قمصان النوم احسها مو حلوة بالمرة !!!!!
احسه شي خاص تلبسينه لزوجك
شلون تنام فيه مع زوجها وتلبسينه انتي مو حلووو ><
واخواته وريهم الاشياء العادية حيل
لكن لاتسمحي لهم يتدخلون في التفاصيل
بذرابة طبعا
12) اخر واهم سؤال غرفة نومي اكيد انا الي بنظفها وارتبها بس الي محيرني الكفر كل شكثر ابدله ؟؟ انا حاليا وانا بنت كل اسبوعين اغيره :/ بالعرس مو المفروض اقل من اسبوعين ولا عادي ولا شلون !!
يعتمد اذا هو يحتاج تغيير ولا لا
ها جاوبت ع اسئلكتم
مع اني اكره المواضيع الطويلة
بس عشان عيون انسات المنتدى :eh_s(17):
الله يرزقكم الازواج الصالحين عاجل غير آجل
