عقب مارديت على كل الردود حبيت اشكر كل الي ردوا على الاسئله وشاركوني الموضوع وحتى الي دعولي دعوه حلوه بالزوج الصالح وكان ردهم بكل احترام ورحابة صدر اقول لهم عساها في ميزان حسناتكم يارب وعسى كل حرف اكتبوه يلاقونه بمليون حسنه ان شاء الله :yaaaaaarb: ،
اما الي ماعجبهم الموضوع وكانت ردودهم عباره عن استهزاء او قلة احترام احب اقول لهم ان ردكم ماهز اشعره فيني ولا راح يمنعني اكتب اي شي يخطر في بالي لان اولا واخيرا عالم المنتديات موجود لتبادل الخبرات والنقاش والحوارات وخصوصا منتدى كويتيات اهو منتدى نسائي ومااظن في ريال بينا ولو لاسمح الله في فهم موضوعي موقلة ادب وسوالف اي كلام ومثل ماقلت من قبل انا واثقه ان اسئلتي جدا عاديه وكل بنت تفكر بهل اشياء الا اذا كانت فلته وفريده من نوعها وتعرف كللللل شي من غير ما تسال او تشوف الي حولها هذا شي ثاني،
واقول حق كل الي موعاجبهم ترا احنا بنات ماعشنا مع رياييل غير اخوانا واهلنا واكيد التعامل مع الريل غير عن التعامل مع الاخو غير الابو غير الخال والعم فماراح نعرف شلون التعامل مع زوج المستقبل علشان جذي نسال مانروح على عمانا واذا الي غاثكم اني بنت للحين مومتزوجه واسال ابي افهم شنو المشكله يعني ؟؟؟ ترا انا عمري 25 يمكن بسبة دعوه من دعوات الي دعولي باجر اتزوج ؟؟؟ شنو موقفكم بترضون علي؟؟ لان خلاص بتزوج ؟؟
انزين مو انا مازلت بنت؟؟ ولا اذا ملجت عندكم خلاص فهمت وعرفت كل شي !! ومسموح لي اني اعرف شلون اتعامل بحياتي اليديده ؟؟ على بالكم الملاج لمه يملج يزرع شريحه بالمخ فيها كل شي عن الزواج وكيفية التعامل مع الزوج وغيره من الامور الي تخص الزواج ولبجذي ماله داعي استفسر او اتعلم !!
شنو مشكلتكم بالضبط ابي افهم !!!!
وارد واقول ياحبايبي ياحياتي موضوعي عنوانه امبين ان فيه لقافه الي مايعجبها وماتحب الفضول لاتدخل وتتعب نفسها بالقراءه والرد وان ادخلت وماعجبها الموضوع موضروري ترد ترا الرد مو اجباري :eh_s(4):
بس تدرون انا ماراح امنع اي احد يرد باي رد يبيه تدرون ليش ؟؟
اولا ردهم بسوي اب للموضوع وبيتيح ان متزوجه تعطينا خبرتها
ثانيا لان هذا موضوع عام واختلاف الآراء لايفسد للود قضيه
ثالثا علشان نتعرف على عقليات عضوات المنتدى
رابعا لان انا واثقه باني ماغلطت بأييييييي سؤال
وسلامتكم :ggdw:
والحين اي وحده حابه تشاركنا خبرتها بنصايح حلوه الله والنبي محيينها وعسى كل حرف تكتبه ينكتب الف حسنه بميزان حسناتها
واي وحده معارضه تقولي بالضبط معارضه على شنوو مو تستهزء وتطلع
وانا اطلب من مشرفة القسم ان اذا تشوف ان الموضوع خادش للحياء انها تحذفه
وبالاخير ارد اقول يا مجنونه مايهزج كلام
والسموحه بنات اذا كان كلامي شوي فيه حِده
وهم ارد واعتذر للبنت الي اتوجه لها كلام بسبب موضوعي :eh_s(2):
