تجمع المرضعات هنا ارجو التثبيت

[فرح79]

حبيتي ام حوريه ما قصرتي معي
والله انا نفسي استمر بالرضاعه الطبيعيه لفوائدها والله اعلم كيف سعيت لاستمرارها من اكل وبحث بالنت
الله اعلم بحالتي والنكد اللي انا فيه

 

[أم حورية]

فرح حبيبتي هونيها وتهون لا تلومين نفسج لانج سويتي اللي عليج وكل اللي تقدري عليه وما قصرتي

لومي نفسج لو كنتي مقصرة

اهم شي يكون بصحة وعافية حبوبة

وقلتلك من قبل لا يكلف الله نفسا الا وسعها وانتي ما خليتي شي تقدري عليه وما عملتيه

*

 

[نـعـومـه]

فرح



ماااتعلمين خيره ممكن

لاتزعلين اسمج رضعتيه شوي احسن من انج قطعتي رضاعه كلش !!

 

[فرح79]

حبيبتي نعومه وام حوريه
ولا ما قصرتو وهونتو علي وخففتو عني الله يبعد عنكم الضيق يارب

 

[KOKO_284I]

السلام عليكم

حبيت افيدكم بتجربتي .. انا رضعت ولدي الحمدالله سنتين كاملين مثل ما ذكر بالقران

وهذا كان له فايده لي انا بالدرجه الاولى .. لان جسمي رد نفس قبل الولاده من غير اي علاجات او خلطات

اصلا لمه راجعت عند الدكتوره اللي ولدتني اتقولي مستحيل انتي والده طبيعي لان كل شي راد لوضعه الطبيعي ..

وهذي الفوايد اكيد كلنا عارفينها عن الرضاعه


اول شي اللي بترضع اول ما تولد خل ادهن صدرها بالهكريم لان يمنع التشقات والحرقه ومسموح ان الياهل يمصه وبس اتخلصين نظفي صدرج وردي حطيه

واحسن شي حق تورم صدرج ووزياده الحليب بالذات اول فتره اللي يحتقن فيها صدرج جهاز ميديلا اللي عالكهربا لان يشفط الحليب من صدرج نفس البيبي يشد ويرخي من غير لا يسبب لج الام

بس اللي تسال من الخوات ان ممكن احمل .... فجدا وارد انج تحملين فلا تتكلين عالرضاعه الطبيعه ..

والاخت اللي ذكرت دوا جاز للغازات هذا جدا رائع

واااي تحاتي الرضاعه بالاماكن العامه هذي مافيها حياء في وايد وسائل اتساعد على الستر .. كنت مسافره لبنان وبمطعم وحده امريكيه جبالي طلعت شال الرضاعه غطت نفسها ورضعت عادي .

انا لمه اكون بمول ادش المسجد ارضع واطلع .. واذا بمطعم اقعد بزايه وظهري للناس بحيث اذا برضع اكون مرتاحه ومستره

واخيرا قرقرت وايد : ))

صاحبه الموضوع مشكوره عالموضوع الرائع اللي نادر ما قام احد يهتم فيه ..

وادعولي الله يسهل علي حملي الثاني : ))

 

[نـعـومـه]

الله يسهل عليج ياااارب حملج الثاني

فدتيني بنقطه اللي اهي الرضاعه وانا طالعه صح فكره المسيد حلوه بس فشله اذا في ناس !!

وبخصوص الجسم صح يضعف ماتشوفون الاجانب ضعااااف لانهم يرضعون

 

[KOKO_284I]

مشكوره عالدعوه حبيبتي

بس ليش الفشله المسجد في حريم وهذي امور مافيها مستحا المهم اتغطين عدل ولا يهمج احد

انا رضعت باماكن ما تخطر على بال احد ... وكل مكان اروح واطلع

بالمطار بالطياره بالسوق بالمطاعم وبالعزايم ادش بغرفه او مكان منعزل شوي وارضع

لا يهمج حبوبه المهم انتي اتكونين مرتاحه ومستره والبيبي يكون مرتاح وياخذ الصحه والعافيه منج .

 

[نـعـومـه]

فشله لان محد قام يسويها محد يرضع

واللي ترضع تعطي مساعد

 

[Ms.electric]

و الله حاولت اني ما ادخل الصناعي بس بحكم دوامي ان انا طالبة ادرس اطول بالكلية 5 لي 6 ساعات احيانا

ماقدر احرمها علشان جذي ...

الله يسهل يا رب

 

[فرح79]

السلام عليكم

حبيت افيدكم بتجربتي .. انا رضعت ولدي الحمدالله سنتين كاملين مثل ما ذكر بالقران

وهذا كان له فايده لي انا بالدرجه الاولى .. لان جسمي رد نفس قبل الولاده من غير اي علاجات او خلطات

اصلا لمه راجعت عند الدكتوره اللي ولدتني اتقولي مستحيل انتي والده طبيعي لان كل شي راد لوضعه الطبيعي ..

وهذي الفوايد اكيد كلنا عارفينها عن الرضاعه


اول شي اللي بترضع اول ما تولد خل ادهن صدرها بالهكريم لان يمنع التشقات والحرقه ومسموح ان الياهل يمصه وبس اتخلصين نظفي صدرج وردي حطيه

واحسن شي حق تورم صدرج ووزياده الحليب بالذات اول فتره اللي يحتقن فيها صدرج جهاز ميديلا اللي عالكهربا لان يشفط الحليب من صدرج نفس البيبي يشد ويرخي من غير لا يسبب لج الام

بس اللي تسال من الخوات ان ممكن احمل .... فجدا وارد انج تحملين فلا تتكلين عالرضاعه الطبيعه ..

والاخت اللي ذكرت دوا جاز للغازات هذا جدا رائع

واااي تحاتي الرضاعه بالاماكن العامه هذي مافيها حياء في وايد وسائل اتساعد على الستر .. كنت مسافره لبنان وبمطعم وحده امريكيه جبالي طلعت شال الرضاعه غطت نفسها ورضعت عادي .

انا لمه اكون بمول ادش المسجد ارضع واطلع .. واذا بمطعم اقعد بزايه وظهري للناس بحيث اذا برضع اكون مرتاحه ومستره

واخيرا قرقرت وايد : ))

صاحبه الموضوع مشكوره عالموضوع الرائع اللي نادر ما قام احد يهتم فيه ..

وادعولي الله يسهل علي حملي الثاني : ))

حبيبتي العفو انت بعد مشكوره على المعلومات وان شاء الله الكل يستفيد
والله يسهل عليك الحمل والولاده يارب

 

[فرح79]

اختى ام حوريه
انا اليوم شريت شفاط الحليب اليدوي بيجون اللي قلتيلي عليه بصراحه روعه بسرعه يشفط وبدون الم وجهود
بس اختي سؤال ممكن يضل الحليب وما ينشف من صدري اذا استمريت بالشفط بشكل مستمر
نعومه
انصحك تجربين الشفاط اليدوي من بيجون روعه سهل وما يتعب ويشفط سعره من الصيدليه 14 دينار

 

[فرح79]

خواتي
سمعتو عن حبوب الحلبه اللي تزيد الحليب اليوم قالتلي الصيدلانيه عنهم حبوب تحفز وتعمل على ادرار الحليب قلت اسالكم قبل ما اشتري

 

[فرح79]

اااااااااااااااااب

 

[om 7sony]

فرح
ايي معروفه هالحبوب
بس لازم تتحملين الريحة
راح تطلع ريحة مو حلوه بجسمج
كل اللي جربوا الجلبه او حبوب الحلبه عانوا من هالشي
مع انها ١٠٠٠٠٠ ٪ ممتازة لادرار الحليب

 

[أم حورية]

هلا فرح

زين تسوين واذا خلصتي منها الحين تقدرين تخلينها حق المرة الجاية

بالنسبة حق الحليب يمكن يستمر لا تستبعدين شي

بس انا من تجربتي الحليب حيييل قل بس انتي لا تفقدين الامل يمكن مع الحبوب اللي تزيد الادرار ما ينشف

 

[Ms.electric]

اممم امهات .. شلون اعرف متى تشبع بنتي ؟؟ يعني شكثر لازم ارضعها نمن صدري اقصد الوقت و جم مرة باليوم

و بما اني دخلت الصناعي فحابة اقسم رضعاتها مابي اعطيها و اثقل على جبدها يا ليت تفهموني ؟؟

 

[أم حورية]

اممم امهات .. شلون اعرف متى تشبع بنتي ؟؟ يعني شكثر لازم ارضعها نمن صدري اقصد الوقت و جم مرة باليوم

و بما اني دخلت الصناعي فحابة اقسم رضعاتها مابي اعطيها و اثقل على جبدها يا ليت تفهموني ؟؟

هلا مس الكتريك شلوونج ؟

حبيبتي عدد الرضعات ووقتها يختلف من عمر لي عمر ومن ياهل لي ياهل

يعني مثلا انا ولدي ساعات ولدي يشرب ب 10 دقايق وساعات اقل وساعات اكثر وفي يهال سريعين بسرعة يشربون وفي يهال حيييل بطيئين يعني ما نقدر نحدد الوقت

بس انتي راح تعرفين مع الوقت شلون تشبع بنتج وحتى عدد المرات ما نقدر نحددها بالضبط

وبالنسبة حق الرضاعة الصناعية عطيها اذا طلعتي او اذا بغيتي تروحين الدوام خلي احد يعطيها واذا ما كنتي تطلعين كل يوم عطيها كل يومين او 3 رضعة




*

 

[manayer_q8]

اخيرا لقيت احد يشجع علي الرضاعه الطبيعيه انا مضايقه وايد من نفسي انا رضعتها من صدري 3 اسابيع بس وعقبها قطعت وخذيت حبوب تنشيف والحين عمرها 5 اسابيع وترضع صناعي ودي ارد ارضع طبيعي. مره ثانيه مو عارفه شلون وشنو اسوي اخذرحبوب تدر حليب وشلون ع حبوب المانع يقولون الي ترضع مايصير تاخذ حبوب مانع ساعدوني بلييز وشجعووني

 

[نـعـومـه]

بناااات مادري شفيها بنتي من امس واهيه ترضع تمص شوي توخر عن صدري وترد تمص وتوخر !!؟؟

 

[أم حورية]

مناير في حبوب مانع خاصة حق اللي ترضع وماراح. يقل الحليب