عذرا منتدى كويتيات أنا ولد مو بنت

[تحت ظلك]

أحس خفّت هالظاهره ولا لا ؟!
يعني الحين مع التطور التكنلوجي اتوقع ماصار عندهم وقت فائض يدشون منتديات نسائية !
وين يلحقون ؟
يمكن هذاك قبل يوم الناس فاضيه ماكو شغل .. وماعندهم الا المنتديات يقزرونها عليها !

:


عموماً حتى لو ما خفت .. برأيي المحض ..
إن الشاب اللي يدنّي نفسه ويدش منتدى نسائي !
فهو وحده من 2 .. إما إنّه نثية .. حاله حال الوجيه الطيبة اللي هني ..
أو إنه إنسان فضولي وفاضي وفارغ .. وحاب يشبع فضوله بشيء مو من حقه يطّلع عليه !!!

وبكل الحالات .. لا عزاء لهالنوعية !!!


:


عن نفسي من البداية عرفت انه مقلب
يمكن لإنه بقسم النقاش الجاد ..

خفت هالظاهره يمكن
لكنها موجوده

والحذر واجب جدا

الف شكر

 

[تحت ظلك]

اكثر الردود فيها الكثير من الواقعية لكن اللى ضحكتنى اخر رد بالذات هذى الجملة للاخت لحظات

فهو وحده من 2 .. إما إنّه نثية .. حاله حال الوجيه الطيبة اللي هني ..
أو إنه إنسان فضولي وفاضي وفارغ .. وحاب يشبع فضوله بشيء مو من حقه يطّلع عليه

يمكن الهرمونات الانثوية زايدة عندهم ههههههههههههههههههههه

( مااتوقع ان هناك اعداد كبيرة منهم لتنوع التقنية والوسائل الجديدة وبرامج المحادثة كثيرة يعنى مو فاضيين لمنتديات تلقينهم على الوتس اب والبرلنغو وهالطقة الرديئة ....
واللى يبى يتعرف بالذات على البنات ليش يتعب نفسه ويتخفى لسنوات والبنات تلقينهم جاهزات فى كل مكان الله يهديهم ..
استغرب للحين فيه ناس تبى تتعرف مع جميع ماحدث من تغييرات فى الكون واحداث سياسية الهالدرجة قلوبهم ميته مو خايفين
...
تبون الصراحة ماربوهم اهلهم وارجع دائما واحمل الاب كل المسؤولية على فلتان الشاب بدون ان يعاقبه تدرون هذا ولد لااحد يقرب له حبيب ابوه وهو كل اغلاط باغلاط ..

الأهل مسؤلين
لكن اهم كبار ومسؤلين عن ارواحهم
والله لو يلقون عقوبات صارمه مافكر يدخلون منتدى نسائي
الف شكر

 

[تحت ظلك]

احتمال كبييييييييييييير إن منتدانا هذا مليااااان شباب ,,

و أذكر وحدة من البنات تقول إن أخوها أو صديق أخوها مسجل معنا بالمنتدى و مشاركاته فوق الألف !!

و أذكر وحدة قالت : إن فيه واحد مسجل بالمنتدى و مرة ضابط دور البنت ,, يحط لك رمزيات ورديّة و تواقيع بنّاتيّة مررررة

و مخلي اهتماماته زي اهتمامات البنات : تربية القطط و مدري أيش ,, من هالنّمونة ,,

ما أقول إلا عسى ربي يكافينا شرهم و يهديهم و يصلحهم ,,

والله و بالله و تالله ما أحلل أي رجّال يسجل بالمنتدى بلقب بنت ( يسوي نفسه بنت يعني ) و يكلمني على الخاص ,,

الله لا يوفقه و عسى حوبتي ما تتعدّاهـ .. ياااا رب ,,

و عمومًا مهوب بس الشباب ينخاف منهم ,, حتّى البنات ,, فيه آللي ما تخاف الله و تتعرف عليك و تآثقين بها و بأقل هوشة تنشر معلوماتك بالنت ,, !!

حسبي الله و نعم الوكيل ,, اللهم اكفنا شر كل ذي شر ,,

و أعتذر من البنات آللي يرسلون لي رسايل خاصة و يقولون نبي نتعرف عليك ,, آسفة جدًاااا ما أبي أتعرف على أي أحد

أنـا أخواني شديدين حييييل .. و بالذات هالسالفة ما فيه تهاون فيها ,, و لا أحب أسوي شي من ورآ أهلي و لا أجرأ إني أعاندهم و أتحدّاهم

أتمنى يا بنات تتفهمون موقفي ,, و الكلام أوجهه للجميع ,, لأن كثير يطلبون تعارف ,,

بارك الله فيكن

احترامي و تقديري

ترانيم القصيم

الصبي الي هني ومشاركته فوق الألف وعارفين عنه.وساكتين للحين!!!
هذا على مسؤليتكم في بنات غافلين ومايدرون
وين دوركم بالمنتدى ليش ماتبلغون عليه يتوقف

لاتسكتون عن الحق
كلمة الحق اجهرو فيها وبقوه
والخطأ مانقبله بينا الصبي يكلع من هني لأنه ماله داعي
ليتهم يحافون الله ببنات الناس!

الف شكر

 

[تحت ظلك]

هههههههه

كنت بسأل الاخ .. شنو أكثر قسم حبيته .. الطبخ و لا الحمل و الولاده


انا معاج في وايد .. من هالاشكال

و الحذر ما يكون من الرجال فقط .. في بنات عليهم سوالف غريبه

وحده مسويه فيلم في المنتدى .. امي مو كويتيه .. و من الجنسيات الاسيويه و عندي مشاكل و ساعدوني

و كاتبه في الواتس اب (( الله يحفظ امي أمل )) شلون أسيويه و اسمها ( امل )


بنات لا تثقون في اي وحده على طوول . و ديروا بالكم

حتى البنات في بنات العن من الصبيان والحذر من الجميع واجب


الف شكر

 

[تحت ظلك]

في البدايه اندمجت صدقت اهي هيءءءءء

لكن موضوعج حلو فيه رساله للبنات انهم ما يأمنون لحد خلف الشاشه يمكن يطلع ولد

ردج ممتاز ومختصر اختصرتي كل الكلام بجمله صح
عفيه عليج

يعني انا قاعده اسولف معاكم واكتب مواضيع صح ليش كلكم واثقين اني بنيه .يعني لاتشكون فيني انا بنيه فعلا
بس ترا في ناس تكتب سوالف بنات وبالأصل صبي ويجب الانتباه منهم

 

[تحت ظلك]

خلاصة الكلام..



رجال يشارك بمنتديات وتوصل مشاركاته ثمان الاف مشاركه على اساس انه بنيه
ويشبك مع البنات ياخذ ايميلاتهم
وعلى المسن يفتح الكام عليهم بدون علمهم
ويهذوهم ويبتزهم
وكله كانو مصدقين انه بنيه
هذا لاشك انه يتخلى من صفات الرجوله هو وأمثاله


بس يابنات








أنا ماكتبت وحبيت اوصل رساله واجتهدت

الا ابيكم تفهمون

ان الثقه بعالم النت مرض
ياما تخليج تعيشين بشك ووسواس من بنت تعرفتي عليها
او تكون بنت مو كفو او صبي


يابنات حنا مجتمع محافظ وهالأمور عندنا توصل الذبح بحكم مجتمعاتنا لأنه تتعرف ع شخص يمكن يوديها في ستين داهيه
وهي الخسرانه


الله يستر علي وعليكم وعلى كل بنات المسلمين
وكفانا الله شر من اراد بنا شر


..لو شكيتو.بعضوه بلغو عليها الاداره يراقبونها ويشوفون في حال كشفو انها متلاعبه ولا رجال يوقفونها..


وشكري لكم مصوول جميعا

 

[بيتوفل قيرل]

انصدمت !!!!!!

 

[تحت ظلك]

انصدمت !!!!!!

اسم الله عليج

نناقش ظاهره موجوده حياج بنقاشنا

 

[إيمان الشيتان]

عسي ربي يحفظكم من كل شر

قولوا أمين يا بنات

 

[ام يارا القمره]

وش اخبارك يااخي تركي عساك بخير سمي ولدي خذ راحتك كلن الي هنا كيبورد وبس
بس عندي سؤال البنت توضح من مواضيعها وردودها وحتى الولد مهما طال الزمن راح يبين مواضيعه.

 

[تحت ظلك]

عسي ربي يحفظكم من كل شر

قولوا أمين يا بنات

آمين يارل
جزاج الله خير

 

[تحت ظلك]

وش اخبارك يااخي تركي عساك بخير سمي ولدي خذ راحتك كلن الي هنا كيبورد وبس
بس عندي سؤال البنت توضح من مواضيعها وردودها وحتى الولد مهما طال الزمن راح يبين مواضيعه.

الموضوع ياختي رسالة بصورة مقلب ولا انا بنت بالاساس


حنا مشكلتنا الثقه بغيرنا ابي البنات يفهمون انه الثقه بالنت غلط.
لأنه كثير صبيان يدخلون على اساس انهم بنات
ويجرون البنات معاهم لين يطيح الفاس بالراس
حتى المواضيع غالبا تكون مواضيعهم مواضيع بنات عشان يضبطون الدور

الله يستر علينا جميعا

 

[Fstani]

موضوعـج وايــــد قيم ورائع =)


يعطيج العافيه ..




،
،

 

[تحت ظلك]

مشكوره حبيبي على مرورج

 

[ابدا يالغالي مانساك]

عاد مدري ليش مصدتقتج قلت مقلب

عاد وش كثر اذكر واحد مسجل ويانا ويراسلني بالخااص اووووف ازعجني
يقول ابي اكسب صداقتج وابيج تعلمين زوجتي مدري علي شنو
المهم عطيته طااف ولا ررررديت

 

[لمعة سراب]

عفوا شنو المقصد والهدف من الموضوع ؟!

وو السلام واسم الله عز وجل مايزخرفون لان كاينطقون بالحركات الاضافيه




وكذلك اسماء الله الحسنى

 

[تحت ظلك]

عاد مدري ليش مصدتقتج قلت مقلب

عاد وش كثر اذكر واحد مسجل ويانا ويراسلني بالخااص اووووف ازعجني
يقول ابي اكسب صداقتج وابيج تعلمين زوجتي مدري علي شنو
المهم عطيته طااف ولا ررررديت

المفروض هالأشكال على طول نبلغ عليهم الادراره

الف شكرا لك

 

[تحت ظلك]

عفوا شنو المقصد والهدف من الموضوع ؟!

وو السلام واسم الله عز وجل مايزخرفون لان كاينطقون بالحركات الاضافيه




وكذلك اسماء الله الحسنى

أنا ماشوف زخرفه !!!
تشكيل حركات مو زخرفه


والهدف من الموضوع اقري الموضوع زين والردود ع البنات وتعرفين شنو الهدف!!
الف شكر

 

[خجولة بدنيتي]

ههههههههه وربي صدقت وقلت كل شي جائز
بس صراحة ضحكتني بعض الردود
رهيبين
بس صايرين بزمن يخووف
عن جد خوفتووووني
أنا اذكر مرة تعرفت علي وحدة بس لما شا فتني ما عندي
خرابيط حذفتني
بس ما خفت منها لأني واثقة من حالي
بس فعلا الواحد لازم ينتبه وعن جد نبهتيني
ومشكورة علي ها لطرح وجعله الله في موازين حسناتك

 

[Norah.a]

انا صدقت ... بس اشوى نزلت و قلت اكمل...

عموما الولد الي يتنكر باسم بنت ويدخب منتدى نسائي ماعنده سالفه و مو رجال....
و ايش راح يستفيد من منتدى نسائي؟؟؟
و لا شي... ولو حاب يتعرف على بنات... ممكن يروح منتدى عاام. و يتعرف هناك على الي يبي...
بس فيه ناس اوقات فاصله. و من الفضاوة ماتدري شتسوي...