شنو احسن صالون للعرايس في الكويت ؟؟؟! /

[shosheya]

منار شيك حلوو شفت وحده حاطته بعرسها وغيرها وكان ناعم وثابت

 

[نآعمـه]

.
انا شفت حرمة اخوي مكياجها كان بكونتينتال ما حبيته ما حبيته
وخطه الكحل دفشه والله مسوينها جأنها ماروكو
وتسريحه الحمدلله وشكر طبعا كانت مركبه باروكه وامبينه انها باروكه
مو مضبطينها ,,

عندج اختي كانت مسويه عند رشا شيك وقالولها راح تسويلج وحده
لبنانيه وما حصلتها " تعـــــآملهم خيييييييآس " نفسسيه ما تقدرين
تحكمين وكانت موجوده رشا بس ما تحط مكياج بس تشرف جد
ما عجبني ما ادري لاني ما احب الاوفر شوي ~ وتسريحه كانت حلوه
وبعد شنوو امم اييه اجرنأ بدله العرس منهم كانت رووووعه سنوايت
اتهببــــــــــل ,,

اما عن نفسي

ان شاء الله مكياجي بيكون عند حنان دشتي " انعم واذرب " ويمكن
تصوير منها بعد وبدله العرس بتكون من رشا شيك واكون
احلى عرووسه :$​

 

[عاشقة نوال]

عالبركه ولله يوفقها


شوفي لا حنان ولاغيره مالج الا منار شيك راقي ونظيف وخطه رووعه ومرتب والوانها رووعه تسريحاتها كفايه الصالون مريح

انا سويت عندها بعرس اخووي كان شي راقي بمجمع شيخه الي عالبحر روحي وأدعيلي براحة البال *

 

[أنـــفال]

مشكورين حبايبي بس حيرتوني شكلي بروح اجيك على الصالونات
والله يوفق ويرزق كل من رد علي يعطيكم العافية

 

[أنـــفال]

عالبركه ولله يوفقها


شوفي لا حنان ولاغيره مالج الا منار شيك راقي ونظيف وخطه رووعه ومرتب والوانها رووعه تسريحاتها كفايه الصالون مريح

انا سويت عندها بعرس اخووي كان شي راقي بمجمع شيخه الي عالبحر روحي وأدعيلي براحة البال *

الله يبارك فيج يا قلبي ،،،امين
جزاج الله خير والله يريح بالج دووم يا رب