مناقشات وسوالف بنات نادي الكتاب

[أنثى اليمامة]

اي صح حطي القرنفل ، مثل ما قالت كراميلا .. ولا تسكتين عليه ..

روحي لطبيب الاسنان ، اووف ادري ان عذاب
​

 

[ليلو جبريت]

رحيل حطي عليه قروف رمان

 

[Mrs Al-Nasser]

قوه بنات شلونكم؟

توني خالصه في ديسمبر تنتهي كل الأحلام
ما عجبتني وايد
حسيت انها ملخبطه وايد وتضيع الواحد ومافيها احداث وايده كلا الراوي يتكلم وبس
ونهايه بايخه
بس يعجبني اسلوب الكاتبه وايد

بس مو مثل احببتك اكثر من ينبغي كانت وايد احلى
​

 

[كراميلا مرة]

ها لولو راحت الحاله اليوم قريتي؟

انا لساتني اقرأ في سعار لبثينه العيسى

 

[ليلو جبريت]

اي بقرأ اليوم باذن الله

 

[ليلو جبريت]

اللحين اقرا الحمار الذهبي

 

[كراميلا مرة]

حتى انا بقراها
لو سالتني اقراها وياج

 

[ليلو جبريت]

بنتظرج

 

[ليلو جبريت]

بروح المكتبة اليوم

ارجع واسدح الحصيلة

 

[زهـرة أيـلول]

مساء الورد

ليلو جربي تغيرين مجال القراءة ...
كراميلا أنا أشوف التقويم يكون من الصغر والي كبر على شي صعب يغيره ..
رحيل قهوه عربيه دقي فيها 7 حبات مسمار أو أكثر , مره نقعيها بماي وشميها وإدهني خدج فيها إبتعدي عن العطور وبخاخ الأسنان من الصيدليه وسلاماات .

كتابي اليوم زوار السفارات روايه تحمل الطابع السياسي والنقد الفكري بطلها كاتب ليبرالي يهاجم المبادئ الأسلاميه ورجال الهيئه بشكل جنوني يكتشف أن المجتمع الثقافي الي منظم له يصور كل سقطاته يحاول يلعب مع المجتمع لعبه قذره ويكشف وتتم الملاحقات والتهديدات .. إخ مع إني ما أحب الطابع البوليسي لكن ...

حبيتها وكرهتها ..

حبيتها لأن ..

- إسلوب الكاتب مشوق ماقدرت أرفع راسي لين أنهيتها .
- فيه كثير من خفايا المجمعات الثقافيه قد تكون صحيح من هجوم ودفاع .
- فيها كثير من الأقتباسات المثريه صحيح أحيانا هجوميه زياده عن اللازم .

كرهتها لأن ..

- هاجم الليبراليه كتطبيق عملي وليس ك فكر .
- حاول الكاتب بكل ما يقدر يشوه صورة الليبرالين العرب ب إقتباسات لمقالات قد قرأتها لكنه قص بعضها للهجوم الأعلامي .
- هجومه كان مستميت لدرجه إنه صور كل ليبرالي ب أعمال خارجه وشاذه وعميل وسكير و .. و... و...


وبس أتمنى أكون وفقت وسوري ع الإطاله

 

[ليلو جبريت]

الحصيلة 5 كتب

شرح المعلقات السبع ل الزوزني

الفضيلة ل برناردين - تعريب المنفلوطي

الحمار الذهبي << عندي بس pdf

البخلاء للجاحظ - امي تقول عندنا بس بصراحه ما ادري وينه

 

[ليلو جبريت]

واي نسيت

كلاديس مطر - ثورة المخمل

 

[كراميلا مرة]

خلاص خل اخلص اللي عندي واقراها معاج

 

[أنثى اليمامة]

جميل شرح المعلقات ..
اعشق معلقة عمرو بن كلثوم ،، هههه على أساس تعصب له .. لا ولكِن اعجبتني الرواية التي من أجلها قال المعلقة ..
اممم ومن ايضاً ، معلقة امرؤ القيس " قفا نبكي "

قراءة ممتعه ليلو ، زمن مضى منذ أن كُنت مجنونة بالمعلقات والبحث عنها ، وشرح الزوزني هو الأفضل ،،

قراءة ممتعه ليلو ..


​

 

[ليلو جبريت]

اوك كوكو بتسلى بالمعلقات لين تخلصين

 

[كراميلا مرة]

صباح الخير

اليوم ان شاء الله انتهي من سعار
بصراحه مللتني وكلها حوارات بالعامي ماتوقعتها جذي

وانا ناويه اقرأ الحيوان للجاحظ
البخلاء تقريبا قريته ايام الدراسه على ماعتقد

 

[أنثى اليمامة]

وينج رحيل ؟ شلون صرتي . ؟؟؟
​

 

[كراميلا مرة]

انثى
متى بنقرأ بابا سارتر ؟


ومو قادره تدخل مخي انه الصوره الي في توقيعج رسمه

 

[أنثى اليمامة]

بلى رسمه .. للرسام جيمس كريستنسن .. وتكلمت عنه بموضوعي للفن التشكيلي وحطيت رابط لمجموعه أعماله وهاللوحة بالذات .. قام كاتب ودكتور مبدع جداً له مؤلفات مهمة منها بقراءة اللوحات التشكيلية بقراءتها لي .. قراءة متعمقة وفلسفية ..
​

 

[كراميلا مرة]

اي انا ماعرفت انها رسمه الا لما حطيتي الموضوع
بصراحه رائعه تمازج الالوان فيها ممتاز جداً كآنها صوره