ممكن مساعدة باحسن دكتور للشفط بالليزر

[monaaaay]

مرحبا بنات

شلووونكم ؟؟ :eh_s(8):

منو تعرف احسن دكتور للشفط و الشد بالليزر ؟؟

بليز بنات ابي عن تجارب :eh_s(2):

انا كنت ناويه د.عادل قطينة و اخذت موعد

بس وااااااايد تجااارب خوفتني منه:eh_s(4):


فطلبتكم بنات

محتاجه مساعدتكم.... ابيي احسن دكتور حق هالعملية
:rerrerek:
و اذا ممكن كم كلفتج

:eh_s(10):

و مشكوريين​

 

[monaaaay]

بلييييز بنات ردوا ساعدوووني

 

[monaaaay]

up up up up

 

[monaaaay]

شدعوة !!!!!!!!
ولا احد يرد !!!!!!!!!

 

[عسووووولة]

اب اب

 

[فنار الكويت]

حبيبتي انا مسوية عمليتي يوم الاربعا الحمدلله يارب عند دكتور احمد المسلم بس عوااااار وسويتها شفط بالليزر عنده ولاتجازفين عند اي دكتور وصارلي سنين اسال عن دكتور زين وكل واحد من اراجع عنده واصلي الاستخاره مااروحله واكنسل وحتى دكتوره شيرين زرتها وعقب عطتني ورقة تحاليل وسويتها ومن صليت الاستخاره مارجعتلها بس اللي طمني ان رفيجتي من شهرين مسويه عند احمد المسلم والنتيجه وايد حلوه ولما رحت استشاره وايد ارتحت لاني شفت وااااايد حريم مسوين عنده وشفت بنت بالصيدليه وسالتها قالتلي روحي شوفي الغرف زحمه عنده وكانت زايره رفيجتها وقالتلي كل رفيجاتها مسوين عند دكتور احمد وفعلا عقب ماخلصت عمليتي بنفس اليوم وانا بالغرفه سمعت وحده زايره اذا وحده جان تقولها انتي قاعده بنفس الغرفه اللي كنت فيها وحتى لما سويت تحليلي بالزهير اسال الموظفات قالتلي انه كل وحده تييب رفيجتها بس النتيجه لحد الحين لان بطني وارمه والدكتور قالي ان ماينفع معاي غير الليزر عشان يشد جلدي عشان لايسوي ترهل
وعلى فكره انا سويت بطني وظهري والسعر ١١٥٠ ونمت يوم واحد وخدمة المستشفي وايد اعجبتني من دكتور وممرضات واليوم كنت اسولف عن هالموضوع والحمدلله اني قمت بالسلامه لاني اعاني من البطن سنين وعلى كثر العوار بس ماتحسفت ولحد الحين مااقدر اتقلب بالفراش روحي راجعي عنده وروحيله وانتي مغمضه لاني حدي كنت خايفه بس ارتحت من صليت الاستخارة والله سهل اموري الحمدلله موفقه حبوبه​

 

[فنار الكويت]

وعلى فكره الدكتور اللي عجبني فيه ان زارني نفس يوم العمليه ثلاث مرات ويسال عني واخر مره اذكر الساعه عشر ونص بالليل تخيلي وقالي عندج اي سؤال تسالينه وطبعا كنت دايخه فقلتله شنو اكثر الاسئله اللي دايما يسالونك البنات والله رد علي بس نسيت الجواب وانشالله الاربعا افتح الخياط
وانا رفيجتي عقب ماسوت عند المسلم تقولي ماباشرني عقب العمليه وتحسفت سويت عنده طلع كلامها جذب وتحسفت او انها خافت من العين بس اعرف كذا وحده سوت عنده وماشالله عليه وايد زين واللي يقولج عينه زايغه طلع محترم بصراحه والواحد ماله شغل بالكلام ويشوف بنفسه ويحكم
ادري قرقت واااااايد بس حاسه فيج لان صارلي سنين الف على الدكاتره لاني متأذيه من البطن فلاتجازفين عند احد لان هذي عملية وبنج ومو اي دكتور تسلمين نفسج عنده​

 

[monaaaay]

وعلى فكره الدكتور اللي عجبني فيه ان زارني نفس يوم العمليه ثلاث مرات ويسال عني واخر مره اذكر الساعه عشر ونص بالليل تخيلي وقالي عندج اي سؤال تسالينه وطبعا كنت دايخه فقلتله شنو اكثر الاسئله اللي دايما يسالونك البنات والله رد علي بس نسيت الجواب وانشالله الاربعا افتح الخياط
وانا رفيجتي عقب ماسوت عند المسلم تقولي ماباشرني عقب العمليه وتحسفت سويت عنده طلع كلامها جذب وتحسفت او انها خافت من العين بس اعرف كذا وحده سوت عنده وماشالله عليه وايد زين واللي يقولج عينه زايغه طلع محترم بصراحه والواحد ماله شغل بالكلام ويشوف بنفسه ويحكم
ادري قرقت واااااايد بس حاسه فيج لان صارلي سنين الف على الدكاتره لاني متأذيه من البطن فلاتجازفين عند احد لان هذي عملية وبنج ومو اي دكتور تسلمين نفسج عنده​

بعد عمري انتي

مشكوووووووورة يالغاليه

بس بسالج اهو موجود بعيادة الزهير ؟؟
لان رفيجتي سوت عنده اردافها اتيننننن صارت

بس مادري اي دكتور.... ؟؟؟

وحده امدحتلي شيرين... و حجزت عند قطينه بس مادري شيلي ياني خلاني اسوي سيرج عنه و صج صج صج خفت منه


و مشكووورة حياااتي على ردج :eh_s(7):

 

[** رش رش **]

اب اب اب
لا تنسينا بنتايجج يا فنار الكويت

 

[ام عمر ومريم]

فنار الكويت

وين عيادة احمد المسلم ؟ واى مستشفى يسوى فيها العمليات؟ وجم التكلفة كلها العملية والمستشفى والتحاليل والكورسيه والعلاج

 

[فراولة وردية]

مرحبا
آنا وايد أحترم البنات الي يذكرون تجاربهم لان مافي وحده تسأل الا وهي فعلا محتاجه الأجابه
عالعموم
آنا سويت شفط وشد باليزر عند الدكتور ممدوح الضاوي لفخاذي من ثمان شهور
يعني أقدر أقولج النتيجه ألحين وآنا ضميري مرتاح
الحمدلله النتيجه أكثر من ممتازه
والي احب أوضحه ان الشفط يحتاج وقت عشان تبان النتيجه وجهد منج يعني موكل شي عالعمليه
مثلا اذا زاد وزنج ولا مامارستي رياضه ولا ما سويتي مساج كله بينعكس على نتيجة العمليه
بالتوفيق جميعا

 

[monaaaay]

مشكورين بنات على ردودكم و حلو ان في بنات مثلي محتاجين نفس العملية

و يبون ردود عن تجارب

فصج شاكرة لكم ردودكم يا فراولة ورديو و يا فنار الكويت

 

[monaaaay]

up up up

 

[ورده اوراد]

السلام عليكم
يسال عن دكتور احمد المسلم وين عياده

 

[monaaaay]

عيادة الزهير
اذا ماني غلطانة
رفيجتي مسويه عنده اتيننننن النتيجه

انا باذن الله باخذ موعد استشارة عنده و العمليه على شهر 5 باذن الله

 

[فنار الكويت]

مرحبا بنات صدفه دخلت الحين دكتور احمد مسلم عيادته عند مستشفي المواساة القديم بالسالمية ورقمه ٢٢٢٤٨٧٧٧-٢٥٧٣٩٨٤٠
وبالنسبه لي انا وايد تعبانه وكانت امس مراجعتي وبطني وارمه والدكتور قالي محتاجه مساج لان بطني معبية ماي وببلش من السبت بعيادته وبطني صايره صفطتين بس شكلها تخرع مااحب اشوفها فقالي على حركة اسويها يعني احط مثل الكوتكس داخل الكورسيه عشان الصفطه تروح والعمليه يبيلها وقت مع ان قالي ماتكون بطنج مسطره بس بتخف بنسبة ٦٠٪ ومادري مومستانسه على كلامه بس بحاول اشد حيلي بالرجيم شوي للامانه انا وايد مرتاحه حق الدكتور ومرتاحه للمستشفي والغرف مريحه ودكتور بنج زين وممرضات روعه مايخلونج ونفسهم تهبل وهم عندج الرسيبشن وايد حبوبه
وناويه اشتري كورسيه ثاني لان واحد مايسوي شي وايد غالي قطيعه ٧٥ دينار من الدكتور وموراضي يعطيني رقم الشركه طبعا لان ارخص بس شسوي كورسيها احلى من االي عند مروش ادعولي بنات محتاجه دعوات وعلى فكره امس فتحت الخياط والدكتور كان شافطلي من السره الدهون ومسوي بعد فتحتين اخر البطن طبعا يهمه شكل البطن وانشالله يارب النتيجه ترضيني ياااارب ادري قرقت بس حبيت افيدكم ونصيحه لاتروحون عند قطينه انا ماعجبني احسه وايد اخواره وشيرين ابوالفتوح ماعندها شفط ليزر واللي حابه تسوي عند المسلم تروحله قبلها بفترة لان زحمه عنده
موفقين بنات ولاتنسونا من الدعاء​

 

[فنار الكويت]

فنار الكويت

وين عيادة احمد المسلم ؟ واى مستشفى يسوى فيها العمليات؟ وجم التكلفة كلها العملية والمستشفى والتحاليل والكورسيه والعلاج

عيادته بمستشفي الزهير ويسوي العمليات بالمركز عنده وانا سويت بطني وظهري ليزر ب 1150 مع الكورسيه
والعلاج عقب العمليه مايعادل 20 دينار والتحاليل قبل العمليه بنفس المركز ناسية بجم بس اتوقع ياعشرين دينار او 25دينار مواكثر
والله يعيني على المساج الجلسه اتوقع ب 20دينار ويمكن محتاجه خمس جلسات يعني ب 100دينار الله يعينا تنتفنا بس يارب النتيجه مثل ماابي ياااااااارب

 

[lojeeen]

فنار الكويت مشكوره على مشاركتنا تجربتج

بغيت اسألج العملية اللي سويتيها كم لتر دهون شال منج لأن ابي اعرف اهو يصلح لكل الأوزان ؟

 

[monaaaay]

حبيبتي فنار الكويت مشكووووورة

بس لا تحاتين انتي توج مسويه العملية يبيلج وقت رفيجتي سوت بطنها و الحين حيييييييييييييل عاجبتها النتيجه

 

[lojeeen]

اب اب اب