،
انا قلت كلمة الحق بـ حق رجال هـ الوقت
وانا بهالمنتدى آخر وحده تنصح البنات بالطلاق لان الي ما اتمناه لـ نفسي ما اتمناه لـ غيري
وانا الحمدلله قبل لا انام اسأل زوجي اذا راضي عني او لا ما كسرت ظهره بالهدوم ولا بـ المصاريف
متزوجه صار لي سنه ونص ما غيرت جهازي لاني ما احب المظاهر ، مايرضى اسوي خدمة بلاك بيري وخرابيط وماقلت له ليش حاضر وعلى امرك ما ابدي شي تافه على راي زوجي !
مايرضى بعزايم الحريم الي مالها داعي وما اروح كل 4او 5شهور عزيمه ولـ ناس قريبه حيل منا يعني مريحته من ناحية الهدوم وهـ الشغلات
عروس عند زوجي ممنوع لان مالها داعي ماسكه بيتي وبـ الطقاق بالعروس حتى عرس خالتي وبنت خالي واقرب رفيجه لي بحسبة اختي مارحت ، لان زوجي اهم من الناس كلها !
حامل وشايله بيتي واذا ولدت ماكو خدامه لان مالها داعي وسمعت كلام زوجي وماراح اجيب خدامه !
شهر يعطيني مصروف وشهر مبلغ قليل لانه مثل مايقول مضغوط واقوله تسلم وعسى الله يطول لي بـ عمرك ماتقصر وساعات لا والله كل الي بإيده لي لان عرف قيمتي وعرف اني وحده ماتهمها الفلوس ،
طلعتي مع زوجي مو كل يوم ولا كل اسبوع على نزلت المعاش مره وهو يختار المكان ومع امي وخواتي ممنوع اطلع ومستانسه ومرتاحه ماناشبته !
ووظيفتي قريبه ان شاءالله الله يرزقني فيها واذا توظفت ماراح اساعد ولا راح اعطيه الحق يسألني وين وديته وشسوي فيه ، ولا راح اساعد لا بخدامه ولا بسفره ولا اشتري لـ عيالي شي بـ100 فلس مو بخل لكن هذي مسؤولية الابو ، لا وبخليه يحول لي الـ75 مالت الزوجيه بحسابي لان هذا معاشي والحق حق مايزعل ، وماراح اشتري سياره زوجي ماشاءالله سيارتين عنده واتفقنا وحده اخذها انا للدوام ! حاليا يمشي لي 150 ومايسألني وين وديتهم والا حق منو ؟ ولا حتى متى ينزلون ويعطيني فلوس واذا طلبت مايقصر اذا عنده ومايسأل الـ150 هذي وينها وشنو مصيرها ولا عمري جبت طاريها لان ماله حق يسأل
بـ العكس حريم هـ الأيام فيه منهم يتحملون مو كلهم طبعا قليل جداً ، لكن رجال او اقصد ذكور هـ الايام مايتحملون اعرف وحده زوجها قطها في بيت اهلها شهرين ليش ؟ ليش ماتشترين لي سياره كاش على حسابج؟؟ امحق رجوله بروحها اهي تصرف على عيالها وين لها حيل تشتري له سياره ؟؟ وبـ النهايه اشترت له وردت مسكت بيتها ! امحق بيت الامر الناهئ فيه ذكر ونفسه دنيه على معاش زوجته
رجال هـ الايام عينهم على معاش الزوجه قبل لا تصير عينهم على نسب اهل الزوجه !
حريم اول مايساعدون الرجال لانه كان رجال مسؤوليته اهي مسؤوليته يحس بـ النقص اذا قصر بمسؤوليته لكن ذكور هـ الايام العكس تماما المره تناصفه كل شي واكثر من النصيفه بعد
ولا نقارن رجال هالايام برجال اول ! رجال هالايام اهو الي يبي اللبس والكشخه ويبيها كل يوم شكل له واذا مالبست والا ماكشخت راح وخان وقال انتي مقصره ! لكن رجال اول من ثاني يوم عرسها بدراعتها وبشلحتها وياحلوها على قلبه ، كل واحد عينه على هيفاء وميريام ويبي مرته مثلهم والا ماتعجبه !
هذا زمن رجال العــازه ،
فيه بعضهم مع صبر المره وتحملها يستحي على دمه ويشتري خاطرها ، وبعضهم لا وجهه يعرض اكثر واكثر ويكشر عن انيابه زياده ويطيح من عين مرته الي مو قاعده محبه فيه عشان لاتتسمى مطلقه او عشان حبها له الي حتى رجولته لما نزلت بالقاع ماغيرت حبها
وخل نخلي هالزمان والناس هـ الايام على هامش
الاسلام دين يصلح لـ كل مكان وزمان ولو نطبقه بكل زمن بيكون احسن زمن
دينا الاسلامي قال المره لو ان عندها ملايين الرجل مجبور يصرف عليها ، والمره لو تدفع 100 فلس على بيتها بطيب منها تعتبر صدقه ، ولو دفعها غصبن عنها يعتبر اثم عليه ( ياكثر آثامكم ياعيال الكويت )
وصراحه اتصدق على الي برا احسن من اتصدق على بيتي وعيالي ع الاقل الصدقه الي برا اخذ اجرها ودعوه حلوه ، لكن الصدقه الي على بيتي اخذ اجرها واتكال زوجي علي ! امحق صدقه عساني ما اتصدقها عيوب هالصدقه واجد ومشاكلها ع المدى البعيد ، واصلا مره سمعت فتوى من العريفي اتوقع ان الرجل له حق يسأل زوجته عن فلوسه وين توديهم وحرام تصرفهم بدون علمه لكن ماله حق يسألها عن فلوسها وين توديهم !
وقال رسول الله صلى الله عليه وسلم ( ما اكرمهن الا الكريم ، وما اهانهن الا اللئيم ) ، وقال عليه الصلاة والسلام ( افضل انواع الصدقه لقمه ترفعها الى فم زوجتك ) ياترى كم رجل كسب هذه الصدقه ؟؟
وهذي مقوله للرسوله عليه الصلاة والسلام :- ( دينار أنفقته في سبيل الله ودينار
أنفقته في رقبة ودينار تصدقت به
على مسكين
ودينار
أنفقته على أهلك أعظمها أجرا الذي
أنفقته على أهلك.)
يعني لا شال مسؤوليته وعطى زوجته فوق معاشها بـ دينار ما اعظمه عند رب العباد لكن اين ذكور هذه الايام من هذه المقولات ؟ فـ كل واحد منهم يتفخر بسيطرته على معاشها وبطاقتها وسفراتها له ،
