تجمع المرضعات هنا ارجو التثبيت

[فرح79]

بالنسبه لحبوب الرضاعه عن تجربه تجربتي الخاصه طبعا وكل واحده تفرق خففتلي الحليب
اختى ام حوريه
شو الاسباب اللي تخلى الطفل ما يرغب صدر امه اليوم مثلا ابني رفض صدري وضل يبكي اكثر من 3 ساعات لما عملتله حليب صناعي لنام
اخاف يترك صدري للعلم ما اعطيه صناعي الا رضعه وحده قبل النوم 60 مل وعمري ابني شهرين ونص

 

[نـعـومـه]

بالنسبه لحبوب الرضاعه عن تجربه تجربتي الخاصه طبعا وكل واحده تفرق خففتلي الحليب
اختى ام حوريه
شو الاسباب اللي تخلى الطفل ما يرغب صدر امه اليوم مثلا ابني رفض صدري وضل يبكي اكثر من 3 ساعات لما عملتله حليب صناعي لنام
اخاف يترك صدري للعلم ما اعطيه صناعي الا رضعه وحده قبل النوم 60 مل وعمري ابني شهرين ونص

عيل لاتعطينه صناعي كل يوم عطيه يوم وترك لاتحاتين مايشبع عادي عطيه كل ساع

 

[فرح79]

نعومه
انا اعطيته الرضعه عشان اذا احتجت اتركه مثلا او طلعت بره بمكان صعب ارضعه في طبيعي محتاره شو اعمل يارب ما يترك صدري معقول من اللهايه والله قاعده ادور الاسباب عشان ما يترك الرضاعه الطبيعيه

 

[أم حورية]

اللي سألت عن الشفاطة

انا شخصيا افضل اليدوية لان اخاف من الكهربائية لانها ترسل نبضات كهربائية عشان تشتغل

بلا عوار راس استخدم اليدوية وخلاص وما جربت الكهربائية بس فعلا اليدوية تتحكمين فيها

حاولي تلقين السبب يمكن الحليب اللي يطلع قليل ولما يشوفه قليل قام يرفض

وديري بالج اذا كنتي متوترة الياهل يحس وما يرضع >>>> صارت معاي كنت متوترةحيل واذا اخذته يببجي من قلب ومن ابوه ياخذه يسكت

اذا حلمتج صغيرة نوعا ما هالشي ياثر فيه ويفرق بين صدرج وبين الصناعي فيفضل الصناعيى ،، حاولي قبل الرضعه تدهنبن صدرج باي كريم ودلكي الحلمة وطلعيها لبرا جم دقيقة بعدين غسلي مكان الكريم ورضعيه

وحاولي هاليومين اذا ما طلعتي لا تعطينه صناعي لما شةي يتعود ع صدرج
وحاولي قبل الرضاعة يكون هادي لا تخلينه يصرخ وتعطينه صدرج سكتيه وهديه وانتي اهدي بعدين حاولي فيه شوي شوي
وفي موقع انصحج فييه وانصح كل الامهات فيه الصرااحة كننز يمكن يفيدج عن الرضاعة اهو بصراحة شامل كللل شي بس حطي بخانة البحث الرضاعة الطبيعية
وهذا اهو الرابط
http://arabia.babycenter.com
*

 

[meen_ana]

لالا عادي مايتركه انا ارضع بنتى والحين عشر شهور بس مو على طول بس اهى تفضل الرضاعه عن المميه
والله يهديها برايكم متى الوقت المناسب للفطم

 

[طيــــــــــــف]

اب
اب

 

[أم حورية]

حبيبتي افضل وقت للفطام سنتين من غير شك

بسم الله الرحمن الرحيم
" وَالْوَالِدَاتُ يُرْضِعْنَ أَوْلادَهُنَّ حَوْلَيْنِ كَامِلَيْنِ لِمَنْ أَرَادَ أَن يُتِمَّ الرَّضَاعَةَ..." ‏(‏ البقرة‏:233).‏

 

[فرح79]

حبيبتي ام حوريه
الله يجزاك الخير يارب ويجعله في ميزان حسناتك ويباركلك باولادك يارب
اختى سؤال الشفاط اليدوي للحليب ما يخفف الحليب مع المده في حال ابني رفض صدري ومن وين احصله وفي نوع معين ممكن اشتريه
والله حاليا اعاني مع ابني رافض صدري للعلم متكنت اعطيه صناعي غير رضعه صغيره واحده قبل النوم

 

[فرح79]

كمان سؤال الحليب المشفوط لو حفظ في الثلاجه ما يفقد قيمته

 

[نـعـومـه]

نعومه
انا اعطيته الرضعه عشان اذا احتجت اتركه مثلا او طلعت بره بمكان صعب ارضعه في طبيعي محتاره شو اعمل يارب ما يترك صدري معقول من اللهايه والله قاعده ادور الاسباب عشان ما يترك الرضاعه الطبيعيه

بس زيييين تسوين صح كلامج تتعبين بعدين اذا بس طبيعي

مثل بنتي ماتبي حليب صناعي مادري المشكله من المميه ولاالحليب نفسه !! بس بجرب جهاز الشفط اشوف ماتبي الحليب ولادالمميه نفسها

انتي عيل عطيه دايما طبيعي مره باليوم او يوم وترك صناعي عشان يحب النوعين

 

[فرح79]

نعومه
انا ادور على الاسباب اللي تخليه يرفض صدري اذا ضل رافض ما الي الا جهاز شفط الحليب

 

[أم حورية]

فرح مشكوووورة عالدعااء ولج مثله يااارب

وعسى الله يهدي ولدج ولدج ويكمل طبيعي ويجعله من الذرية الصالحة ويجعله من البارين بوالدينه

بالبداية ماراح ينشف بس مع الوقت راح ينشف بس في ناس ماياثر فيهم بسرعة

انتي اعملي اللي عليكي والباقي على الله

ولا يكلف الله نفسا الا وسعها

وبالنسبة حق الشفاطة انا ذكرت من قبل شفاطة بيجوون (pigeon) موجودة بالجمعيات وسعرها 7 *

واستعمالها جدا سهل ومتطورة عن قبل

القديمة كانت تطلع صوت وقت الشفط ( فضيييحة ) هههه

بس هذي صوتها خفيف

 

[أم حورية]

فرح ادخلي الموقع اللي حطيتله رابط فووق

انا وااايد استفدت منه واهو شااامل للطفل

وكله اراء ومواضيع دكاترة مو ناس عادية ابحثي عن الرضاعة الطبيعية وشوفي يمكن في نقطة انتي غافلة عنها

*

 

[@الياسمين@]

السلام عليكم شلونكم يابنات
توني اشوف الموضوع صارلي مده مو شابكه
المهم انا مثلكم ارضع بنوتي اهيه عمرها سنه اللا شهر
وقبلها البجر هم رضعتها تقريبا سنتين والحمد الله متحمله بعض صعوبات الرضاعه لان فوايدها اكثر
بس اللي متعبني هالمره ان صدري واايد يتشقق وسوري عاللفظ بس الحلمه تنقص
يعني احط كريمات يطيب ويرد مره ثانيه

 

[Ms.electric]

الياسمين ترضعين من غير لا تستخدمين مانع ... يمكن انا مركزة على الموضوع هذا لان انا حيييييييل بخاطري استمر برضاعة بنتي فابي تجارب

 

[أم حورية]

فرح الحليب المشفوط ينحفظ بالثلاجة 3 ايام والافضل ان يستخدم خلال يومين

بس ينحفظ بالفريزر لمدة شهرين تقريبا بس بشرط اللي يذوب ما يرد الفريزر يا انج تستخدمينه او تصبينه

يعني ينحفظ كل رضعة بروحها في الممية وتطلعينه تخلينه ي حمام سااخن عشان يذوب ويدفا

الياسمين في علاج طبيعي سويه ع طول ما ياخذ منج شي

بعد كل رضعة شفطي شوي من الحليب وحطيه عالحلمة وخليه ينشف بروحه سبحان الله يقولون هذي احسن طريقة
فسويها ع ظوول عشان ما ترد التشققات

وبلغينا عن النتيجة*

 

[نـعـومـه]

بناااااات شفطت حليب حطيته بمميه لان باجر بزور ماقدر ارضعها

تكفون ادعو انها تشربه لان جد طلعت روحي وانا اشفط شي موطبيعي

 

[نـعـومـه]

وصج عقب ماحطه بثلاجه شكثر يبقى برا واشربها ؟!؟ لان ماراح اشربها علطول بحطه بالجنطه واذا زرت اشربها

 

[أم حورية]

توه قريت بالموقع اللي قتلكم عنه

نعومة الحليب يتم برا الثلاجة 4 ساعات بشرط ان الحرارة ما تكون اعلى من 25 درجة

 

[Ms.electric]

انا بعدلااليوم زوراتنا علشان جذي اضطريت اشفط لها