شنو شريتى من الجمعية كتجربة وعجبج وطحتى فى @@##

[عطوره الكويتيه]

وشريت الجبن هذا

والبطاط هذا

وفلفل مخلل

واحطهم مع بعض يم يم

 

[dandooosh]

وهذا شريت الاحمر حق اللقيمات يجنن بعد

مشكورة حبيبتي

ممكن اعرف وين حصلتيهم ؟؟؟ اي جمعية ؟؟؟
واشلون طريقة استخدامه؟؟

 

[dandooosh]

وشريت الجبن هذا

والبطاط هذا

وفلفل مخلل

واحطهم مع بعض يم يم

هذا الجبن من وين؟؟؟ وشنو استخداماته ؟؟ :eh_s(22):
سامحيني سألتج وايد :eh_s(22):

 

[عطوره الكويتيه]

هلا والله عادي اسألي اللي يريحج

شوفي خليط اللقيمات يوجد بكل الجمعياات وانا شريته وجربنااه وربي يجنن الطعم بس اختي اللي سوته لان انا ما اعرف اسوي اللقيمات

والجبن شريته من المنطقه العاشره بس ما اذكر اي جمعيه فيه

 

[نـور الكويت]

انا اكثر شي عجبني

كنور البشاميل وشوربه دجاج بالذره

وبيبي جونسوون اويل

ولايف بووي

 

[BaBy_SMiLe]

سؤال لعشاق الهلابينو شنو احسن نوع بالجمعيات *​

 

[حجيه هيونه]

هذا الجبن من وين؟؟؟ وشنو استخداماته ؟؟ :eh_s(22):
سامحيني سألتج وايد :eh_s(22):

صلصة الجبن موجودة بمركز سلطان

 

[ذات الهمة العالية]

سؤال لعشاق الهلابينو شنو احسن نوع بالجمعيات *​

حبيبتى فى جمعية الشامية مكان بزاوية اسمه ركن الذواقة هناك عنده

 

[ام عزيزان]

تعطى القهوه العربيه نكهه مميزه وخنينه

موجوده بالجمعيات

هذا اشلون طريقته بس احطه مع القهوه بدون اضافه؟؟

وشنو مكوناته

اتصدقين مريت يمه بس ما اخذته

وصرت اخذ جبن ابيض ومكدوس انتاج كويتي يهبل علبته زجاج كبيره

وصريت علي رايكم الفلفل الاخضر ماركة الجزيره بس حسافه خلص لما رحت اخذ منه مره ثانيه

وجربت كيك لوزين الككاو حلو وخفيف وهالمره باخذ الفراوله

تانك الليمون نحببببببببه اكثر من البرتقال وتحطين معاه اشوي نعناع يطلع عجيب

ابي منظف للفررررررررن وخاصتا مفاتيح تشغيل الفرن الخادمه افركتهم بالليفه وطيرت الارقام ابي شي ينظفهم بسهوله بدون فرك

 

[dandooosh]

حجية هيونة مشكورة حبيبتي

بنات لترطيب الجسم جربوا جونسون جل أويل ،،، هو صاير جل يعني أثقل من البيبي أويل
والله رهيب أحسن من البيبي أويل انا الحين لما أحط بيبي أويل ما يسوي شي لان الجفاف قوي بس هذا الجل روعة يرطب ويطول معاج

 

[وضع خاص]

طال عمركم هذي بعض مشترواتي ترا مو كلها والله ما ألحق اكتبها كلها ههههه


 كويتيات 

شامبو tancho*

سنفرة kustie بالمشمش وفي غير المشمش

حليب منظف للبشره من لوريال اسمه dermo-Expertise حده يعطي نعومه *

غسول ايد من نيفيا باليمون عجيييب*

للهدوم

كومفورت البنفسجي بعطر الخزاما معطر والله زووووغه و فرنل هذا داهيه اهوا منعم ماركة كرستال جربوه ما راح تنسونه في منه انواع بس احسن نوع اللي اسمه سحر الشرق ومرات احطه لغسيل المغاسل وأرضية الحمام وأنتوا بكرامه ريحته زوغه وهمن استخدم لغسيل الحمامات والأرضيات معقم اسمه نيت جل بالافندر ريحته حلوه وخفيفه وينظف اما زيوت الشعر أنصحكم بزيت براشوت وحطو معاه قفشة الحلو نيسكافيه وعسل وخلي جي ساعه او ساعه ونص وغسليه بشامبو سيباميد والله صج روعه وعلاج للشعر من مرتين لي 3 مرات بالاسبوع
وللجسم استخدم دوف بزبدة الشيا والله يخليج ترفه بس اناا احط جل جونسن لمسه وتالي هالدوف والله تصيرين حرير وريحته ما يبيلها اما البلعه في سلمكم الله همبرغر ميني ايهبلووون ماركتهم خزان انا أخذ بالغنم وأخذ كبة بطاط بالدياي من نايف حليوين وأخذ بامية الاهرام يابووووي مابي اسولف لكم عنها وأخذ جباتي سويت داليا بالدقيق الأسمر زوغه وأخذ الجبن من اللي اللي يكون مخلط شرايح يزر وفلفل وزيتون وأخذ همن الجبن اللي بالزيت والزعتر والزيتون وأخذ هلابينو وخيار مخلل والدياي أخذه من اللولو اللي يكون مو جامد ومبهر والله حلو مافي زفره وحليبنا كي دي كاو وعصيرنا ندى وحبيبي عصير بابا سنفور ولبنا المراعي وأخذ اجار مخلل المانجا زوغه زوغه زووووغه ودبس الرمان للسلطه لازم ماركة اليمامه احلى شي وأخذ لبنة اولكر بالأعشاب وزيت الزيتون وهمن حلوووه ،،،، وسلامتكم

 

[يفداك قلبى]

وضع خاص مشكوره على عرض تجربتك
بسالك انتى قلتى براشوت مع قفشه نيسكافيه وعسل حق شنو اضيف النيسكافيه
يعطى لون بس والا ريحة
واشكرك

 

[آدمنـتڪ❤]

الكاكاو هذا يجنن

 

[جوك احلى جو]

هبينا بشراب الارو اييج قلاص جاهز بس سخنيه وشربي تلقونه صوب ككاوات لندن انا شريته من جمعيه بيان القديمه وتلقونه بالجمعيات الثانيه

هذا النوع من ككاو كندر عجيب

مرطب للشفايف حلو ترطيبه

لايف بوي ينظف الجسم من قلب يناسب بشرة الجسم الدهني واللي فيه حبوب اللي جافه توخر عنه

شاي اخضر ماركه الوزة ورق طبعا حاطه صورة الشاي الاسود لان مالقيت صورته بالنت اهو نفسه بس العلبه خضره

كراواسان جبن من الفيصل

انا اخذ من ناندوز الفلفل الحار بالثوم روعه تلقونه بالجمعيات

روعه المعبوج

مخلل ليمون

شيدر سلايس وايد حلوو مع تحطينه مع البطاط نفسس جوني روكتس ومع السندويشات انا اخذه من مركز سلطان مقطع

 

[آدمنـتڪ❤]

اي دايم انا اشتري كندر البيض ومرطب شفايف حلوين

اشوف شراب الارو بس ما اشتريه ان شاء الله راح اشتريه المره الجايه

 

[غدووور الكويت]

الموضوع عجيييب

 

[نور الكويت13]

حده عجيب الموضوع

 

[<<لمار>>]

متابعه

 

[عاشقة الجناات]

لرفع

 

[noor83]

افضل جبن سلالس المراعي الي لونه اصفر غامج قليل الدسم عجييييييب

كاكاو فيريرو روشيه اليديد علي شكل بيضه موجود في ركن كاكاوات لندن

بوبكون الجبن مال امريكانا تحيطينه مع خلطة مايونيز و كتشب وايد لذيذ بس مو بكل جمعيه تلقينه

ربيان ملفوف بالبطاط تلقينه بمركز السلطان علبته زرقه اذا شفتي جنه ربيان بالشعريه كل ما اسويه لازم يسالوني عنه

هذا الي اذكره الحين و مشكورين عاي الموضوع الحلو:eh_s(8):