تجمع العرايس الي تأخر حملهم

[العشوقة]

اب
اب
اب

 

[حياتي حلوة معاك]

أنا لي سنتين متزوجة والسبب في عدم الحمل انسداد بالأنبوب الأيسر وميلا ن بسيط بالرحم لليسار ..

 

[حياتي حلوة معاك]

عيون الريم الله يحقق أمنياتنا ونفرح بالنووونووو السليم الجميل ’’
تسلمي أختي أملي بعد الله ع النصايح ويارب يتمم حملك وتحمليه بيديك وتضميه لصدرك وتقر عينك فيه ’’
آمييييين ’’

 

[boliana_q8]

مبرووووووووووووووووووووك املي بعد الله

فرحتيني والله
الله يثبت حملج وتولدين بالسلامة يارب
دربالج على نفسج وشوي شوي عالبيبي

 

[عيون&الريم]

انا سويت فحص بامريكا قالو مافيج شي سويت بالكويت وهم قالو مافيج شي

ان شاءلله يكون زوجي مافيه شي الحين هو مضغوط من الدراسه واذا فضى بيروح يفحص

وراضيه باللي الله كاتبة الحمدلله على كل حال

 

[boliana_q8]

عيون الريم لا تحاتين ترا ربج مايقصر

 

[عيون&الريم]

الله كريم

 

[AL3OoOoBA]

صباح الخير لاحلى صبايا

عسى الله يرزقكم بالذريه الصالحه والسليمه يارب

بنات بليز ودي اروح لدكتوره شاطره تشوف ليش دورتي مو منتظمه واجيك علي
بس مادري وين اروح ابي وحده استمر معاها ماروح مني ومني

 

[boliana_q8]

صباح الخير لاحلى صبايا

عسى الله يرزقكم بالذريه الصالحه والسليمه يارب

بنات بليز ودي اروح لدكتوره شاطره تشوف ليش دورتي مو منتظمه واجيك علي
بس مادري وين اروح ابي وحده استمر معاها ماروح مني ومني

عندج عالية الفضلي
عندج فوزية القطان

سوي شيرج بقوقل وشوفي ردود البنات بأحسن دكتور وراجعي عنده

 

[AL3OoOoBA]

سويت سيرج ولقيت ماشالله ندى بو خظور مجمع عليها ومحد ذمها
وماتستعجل في العلاج واذا بتعطي تعطي جرعات خفيفه انا من ناحيتي احب الدكتوره المتأنيه مو بس تعطي علاج على طول
وشي ثاني عجبني انه مو امسك دور اخذ موعد وادخل بموعدي على طول اكره شي اسمه انتظار بالساعات
خذيت موعد على الاسبوع الجاي والله لا يحرمنا انشالله

 

[AL3OoOoBA]

اب وينكم يا حلوات نبي ندردش

 

[عـسـلـهـمـ..]

بوووليناااا بغيت اسالج شلوون الاشعه اللي سويتيهاا تعوور حييل نفع البنج ولا لا
ودي اسويهاا بس خااايفه
انتي وين سويتيها وجم كلفتج
والله يرزقج ويرزقنااا ياارب

 

[boliana_q8]

بوووليناااا بغيت اسالج شلوون الاشعه اللي سويتيهاا تعوور حييل نفع البنج ولا لا
ودي اسويهاا بس خااايفه
انتي وين سويتيها وجم كلفتج
والله يرزقج ويرزقنااا ياارب

شوفي حبيبتي اهي ماتعور كثر ماتزوغ القلب لانه يدخلون انبوب وسوالف فتتضايقين
اما بالنسبة لي تعورت لان كان عندي انسداد بالقناتين فالصبغة انحكرت بالرحم واهو يضغطون اتعور زيادة
انا اذا الانابيب سليمة يمشي عادي ومايعور

الاشعة كلفتني 70 دينار ومع البنج اعتقد85
البنج عشر دقايق مو اكثر تغمضين عينج وتفتحينها

لما اكتش الدكتور ان عندي انسداد قالي لازم عملية نفتح الانابيب
ولما سوالي منظار بس ضغط شوي عالانابيب تبطلت لان كان داخلها دم متيمع
الحمدالله بدون جرح او التصاقات
كلفتني العملية 550

والحمدالله على كل خير

اليوم نزلت عليي الدورة وبروح للدكتور اخذ ابر منشطة
والله كريم

نصيحة اذا كل تحاليلكم اوكي واخذتي منشطات وكبرت البويضة وماصار حمل
ظروري تسوين الاشعة وتتأكدين من الانابيب

اربع حالات من رفيجاتي تأخرو بالحمل بسبة الانابيب

 

[boliana_q8]

سويت سيرج ولقيت ماشالله ندى بو خظور مجمع عليها ومحد ذمها
وماتستعجل في العلاج واذا بتعطي تعطي جرعات خفيفه انا من ناحيتي احب الدكتوره المتأنيه مو بس تعطي علاج على طول
وشي ثاني عجبني انه مو امسك دور اخذ موعد وادخل بموعدي على طول اكره شي اسمه انتظار بالساعات
خذيت موعد على الاسبوع الجاي والله لا يحرمنا انشالله

توكلي على الله

انتي مثلي ماحب النطرة
احب المواعيد
وكل واحد ياخذ حقه بوقته

بس شنسوي عالنظام الخايس

الله يكتبلج الي فيه الخير

 

[عـسـلـهـمـ..]

مشكوووره بولينا والله يرزقج الشهر هذا ياارب

 

[قَلبڪْ صًخرْ]

انا ودي اسوي اشعة الصبغة بس يقولون تعوووور

انا زوجي في دوالي هي اللي مأخرتنا سنتين الله يعين بسسس

لازم يسوي العمليه اذا فيه دوالي
انا زوجي بعد فيه دوالي
بس محتارين بدكتور شاطر
لان اذا ماضبطها دكتور
يمكن تسبب ضمور بالخصيه
وبعدين عقم ماله علاج
لان بيكون سد شريان

هذاالي صرقعني ???

يارب ترزقنا

 

[مهآآآآآ]

السسلام عليكم
كيف حآلكم بنآت




انا لي خمس شهور متزوجه وسويت سونار وقالت لي الدكتوره ان رحمج مقلوب بس عادي ما يأثر ع الحمل ؟ :eh_s(2):




: (

 

[نور دنياه]

السسلام عليكم
كيف حآلكم بنآت




انا لي خمس شهور متزوجه وسويت سونار وقالت لي الدكتوره ان رحمج مقلوب بس عادي ما يأثر ع الحمل ؟ :eh_s(2):




: (

هلا حبوبه
انا خالتي اول ماتزوجت ماكانت تحمل ، عقب فحصت لقت رحمها مقلوب والدكتور عدله وخلى وضعه طبيعي تالي حملت على طوول , شلون يقولج ماياثر !؟! اعتقد لازم يرجعه وضعه الطبيعي انصحج روحي لدكتور ثاني شوفي شيقول

 

[وجع قلبه]

هلا حبيباتي .. شخباركم .. انا شفتكم غطيتو قلت فليتو الموضوع ..

عالبركه لاختنا الحامل سوري نسيت نكها .. والله يثبته ويرزقنا ..

بولياناا حبيبتي الله يرزقج وانشالله تبشرينا بالحمال ..

انا سويت الصبغه وكلووو تمام ..

بس للاسف ليلحين ماكو شي .. حملت بتوم واجهضت .. من شهر 4 اللي طاف .. والحين بصك السنه وماصار شي ..

رحت اكثر من دكتور .. وكلهم يقولون كل شي بالسليم .. وكل شي تمام ..
والحين خذيت بس منظم ..
ودكتوره قالتلي انه تبويضي شوي متاخر .. وانه شي عادي .. لان حسبته طلعت انا مجدمه يومين واشد حيلي بهاليومين ..
ووقت التبويض الصجي مانسوي شي .. حسبتي طلعت غلط في غلط ..

تكفون ادعولي بناااااات .. حدي تعبت ومليت ..
ورحت سافرت .. وبلشت مشروع ..عشان انسى التفكير ..
بس اللي حوالي موراضيين ينسوون .. قطيعه ..


وانشالله ارد والا بوليانا تبشرني بحملها ..



​

 

[ماركة انثى‘]

الله يرزقكم