تجربتي بالصور عند الدكتور عبد الناصر خلاف ( بوتكيس وفيلرز ونضاره وتكبير الشفايف )

[مذهلة 78]

حبيت انقل لكم تجربتي مع الدكتور عبد الناصر خلاف

طبعا مثل ما انتوا عارفين اني مسويه تكميم ونزلت تقريبا 40 كيلوا والويه تعب حيل وطلعت الخطوط التعبيريه بشكل واضح وكبير وصار ويهي فاقد للنضاره
والمشكله الثانيه اللي كنت اعاني منها من اول اللي اهي انشفتي اللي فوق مو بارزه وايد واذا ضحكت تدخل داخل

فقررت ابحث عن دكتور شاطر يحل هالمشاكل والحين ما في احد بالكويت ما يعرف يحقن بوتكس وفلر بس المشكله بالماده المضمونه واللي تقعد اطول فتره ممكنه واللي ما تسبب اي مشكله

قريت عن اكثر من دكتور ومنهم عبدالناصر خلاف ولقيت ناس تذم وناس تمدح فقررت اني اجربه لاني ما اقدر احكم عليه الا من خلال تجربتي

دقيت عالعياده السبت اللي طاف قتلها ابي ايي الحين قالتلي اوكي تعالي في مجال اول ما وصلت العياده كانت فاضيه مافيها احد مع ان الساعه كانت 11 عقب ما دخلت ب5 دقايق انترست العياده

دخلت عالدكتور الساعه 11.30 طبعا الدكتور يبي يستظرف دمه بس دمه ثقيل قالي تفضلي قولي عايزه ايه

قتله الموضوع السابق وقتله ابي بوتكس وفلر ونضاره وابي اكبر شفايفي بس ابي شكل طبيعي قالي اول تفضلي جوه

رحت مع السستر ترست ويهي كريم مخدر وانسدحت على السرير بعد ربع ساعه دخل الكتور وحق جبهتي بالبوتكس ودار مدار العين بعدين الفلر عالخدود والحنج ويم الانف

بعدين ياب الابره مالت المخدر وحق الشفاه من داخل من فوق ومن تحت لين تخدرت وبعدها حقنهم باحماض الفواكه

بنات مابي اجذب عليكم انا اللي عندي قوه تحمل مو طبيعيه للالم قمت ابجي واعفر بالسرير واهو يستظرف كان ودي اذبحه

عوار مو طبيعي طبعا عقب الحقن قالي اشوفك الاسبوع الجاي اللي المفروض يكون باجر بس تأجل ليه الاثنين لانه مسافر

المهم طلعت من عنده ويهي وارم قلت اكيد من الحقن ثاني يوم ويهي ورم بس شوي زياده الجبه صار فيها صعروره كبيره وبارزه ليه بره حجمها نفس حجم بسكوت الدايت جستف ومزرقه ثالث يوم ويهي كله ورم وخشمي صار خشم فلبين وعيوني صغروا ودشوا داخل صرت جني فلبينيه ويهي صار يخرع خذيت طبيه يومين وما طلعت من البيت لان شكلي يخرع المهم دقيت عليه وقتله قالي عادي لان جلدج حيل رقيق النتيجه تبين بعد 5 ايام

امس بينت معاي النتيجه قعدت من النوم ولا ويهي غير
الورام فاشه جنه ما فيني شي والويه يهبل كله نضاره ويلمع
والخطوط التعبيريه كلها اختفت وحواجبي ارتفعوا شوي وخدودي بعد قبل الحقن كانت سايحه
ماشالله تبارك الرحمن والكل يقولي شفايفج صايره تهبل
صج النتيجه تهبل وفوق هذا الحقن يدوم من 8 اشهر ليه سنه والتكلفه كانت 320 دينار بس

هذي صورة شفايفي قبل الحقن




وهذي بعد الحقن مباشره وبين اثار حقن الفلر والنضاره



وهذي عقب الحقن بيومين



وهذي النتجيه النهائيه عقب الحقن باسبوع




ابي رايكم واي استفسار انا حاضره

 

[المهـآ ~]

ماشاء الله
بس الصراحة شفايفك قبل كانت طبيعتهم منفوخين وحلوين
والحين صار شكلهم fake اي احد بيعرف إنك نافخة

اهم شي اللي يريحك بس لأني شايفة اثار مابعد النفخ تكون مو زينة
أول سلبياتها إنها تخلي المسافة مابين الخشم والشفايف تطول مع الزمن

 

[مذهلة 78]

ماشاء الله
بس الصراحة شفايفك قبل كانت طبيعتهم منفوخين وحلوين
والحين صار شكلهم fake اي احد بيعرف إنك نافخة

اهم شي اللي يريحك بس لأني شايفة اثار مابعد النفخ تكون مو زينة
أول سلبياتها إنها تخلي المسافة مابين الخشم والشفايف تطول مع الزمن

مشكوره حبيبتي على رايج بس انا مثل ما قلت الشفه اللي فوق اصغر من اللي تحت ولما

ضحك تختفي ومع الضعف زاد والماده احماض فواكه يعني طبيعيه والمسافه اللي بتصير بين الخشم والشفايف اذا بحقن على طول او اذا الحقن بكون اووووووفر بس انا طبيعي وتفخي خفيف

 

[ii DareeN ii]

للامانه انا مافضل هالدكتور لان وايد صار عليه دعاية بس دامج مرتاحه من النتيجه الحمدالله هذا اهم شي انا سويت فلر وبوتكس بس للامانه مانتفخ ويهي ولا تتفخ بويهي شي الحمدالله بس حقن شفايف ماسويت ماحتاج

 

[مذهلة 78]

والله حبيبتي دارين انا هم نفسج ترددت بسبب الدعايه بس قلت اجرب وويهي انتفخ لان بشرتي حساسه مع ان وايد من صديقاتي يحقنون وما يصير شي

اثاري العيب ببشرتي لانها حساسه ورقيقه واهو قالي هالشي بعد والحمدلله النتيجه بالنسبه لي كانت مرضيه

مشكوره على مرورج

 

[freethinker]

نطرري بعد 8 ايام تطلع النتيجه النهائيه

انا جذي دكتوري تفخ الي فوق اكثر عقب رحتله تفخلي الي تحت

واول الايام واضحييين بعد 8 ايام اختيي استخفت عليييهم صاروو روعه خصوصا لمن تحطييم ميك اب بس تبين تجابلين نفسج جدام المنظره هههههههههههههههه

 

[كلي امل وثقة]

مشكورة مذهلة 78 على نقل تجربتك بس ممكن اسالك انا عيوني مبطنة كتير يعني لو حقنت ابر عند جفوني في امل يرتفع الجفن ؟؟؟ ياريت لو تفيديني وبالنسبة لنفخ الشفايف حلو ماشاء الله ووين عيادة الدكتور

اختي freethinker عند اي دكتور نفختي شفايفك

 

[ناتشوو]

الله يحفظكم
ماتعرفون دكتورة زينه بهالسوالف؟

مذهلة عندج فكرة عن المواد اللي استخدمهم؟
او من اي ديرة؟

 

[Dreamy G!rl]

تبين الصج من غير زعل
شفايفج قبل وااايد احلى تبارك الرحمن مرتبين و مرسومين حسافة خربتيهم
عاد تدرين شنو مشكلتي ان الشفه اللي فوق صغيره و مو مرسومه اول ما شفت شفايفج
قبل قلت ياريت شفايفي جذي تبارك الرحمن عيني عليج بارده
تقبلي وجهة نظري

 

[freethinker]

مشكورة مذهلة 78 على نقل تجربتك بس ممكن اسالك انا عيوني مبطنة كتير يعني لو حقنت ابر عند جفوني في امل يرتفع الجفن ؟؟؟ ياريت لو تفيديني وبالنسبة لنفخ الشفايف حلو ماشاء الله ووين عيادة الدكتور

اختي freethinker عند اي دكتور نفختي شفايفك

عاطف علام :d

 

[مذهلة 78]

تبين الصج من غير زعل
شفايفج قبل وااايد احلى تبارك الرحمن مرتبين و مرسومين حسافة خربتيهم
عاد تدرين شنو مشكلتي ان الشفه اللي فوق صغيره و مو مرسومه اول ما شفت شفايفج
قبل قلت ياريت شفايفي جذي تبارك الرحمن عيني عليج بارده
تقبلي وجهة نظري

لا حبيبتي بالعكس رايج على عيني وراسي من فوق وانا ما حطيت الصور الا وانا ابي رايكم

وصج انا شفايفي مرسومه بس اللي فوق اصغرر من اللي تحت فسويتهم نفس الحجم

 

[مذهلة 78]

الله يحفظكم
ماتعرفون دكتورة زينه بهالسوالف؟

مذهلة عندج فكرة عن المواد اللي استخدمهم؟
او من اي ديرة؟

حبيبتي المواد كلها احماض فواكه ما عدا البوتكس

 

[مذهلة 78]

مشكورة مذهلة 78 على نقل تجربتك بس ممكن اسالك انا عيوني مبطنة كتير يعني لو حقنت ابر عند جفوني في امل يرتفع الجفن ؟؟؟ ياريت لو تفيديني وبالنسبة لنفخ الشفايف حلو ماشاء الله ووين عيادة الدكتور

اختي freethinker عند اي دكتور نفختي شفايفك

العفو حبيبتي والله اتوقع البوتكس يرفع الحاجب ويفضل استشارة طبيب


حبيبتي اسم العياده المنار كلينك ومكانه على دوار البدع

 

[مذهلة 78]

نطرري بعد 8 ايام تطلع النتيجه النهائيه

انا جذي دكتوري تفخ الي فوق اكثر عقب رحتله تفخلي الي تحت

واول الايام واضحييين بعد 8 ايام اختيي استخفت عليييهم صاروو روعه خصوصا لمن تحطييم ميك اب بس تبين تجابلين نفسج جدام المنظره هههههههههههههههه

بنطر وبشوف شاكره مرورج حبيبتي

 

[اذكروا ربكم]

بدووون زعل

مو حلووووووووة


قبل احلى بكثير وطبيعي

 

[مذهلة 78]

بدووون زعل

مو حلووووووووة


قبل احلى بكثير وطبيعي

رايج واحترمه يالغاليه نورتي :eh_s(7):

 

[جورى^الكويت]

بصراااحه ياقلبي اوووووول احلي الف مرررره

نصيحه من اخت لا تكررينهاااا

واسفه اذا ضاااايقتج ياقلبي

 

[خيال دبي]

حلاااااام شفايفج قبل تبارك الرحمن حلوااات وماكان يبالهم ابداااااااا ويوم بيروح هالبوتكس لاتردين تعبينهم

 

[$نرجس$]

شفايفج قبل حلووه وبعد رااح يخفوون ترااا رفيجتي صار ويااها جذي وبعد خمس تياام صااروو رووعه ومشكووره على ذكر تجربتج لناااا

 

[الدلال]

حسافه مو طالعه عندي الصور

على العموم عليج بالعافيه وتتهنين