انا ودي بس مشكلتي مو لاقيه الريجيم اللي يناسبني دوم اخبط عمري مااستمريت ؟؟؟
انا وزني 100وطولي 159 فشله دبل طولي ودي اعزم ابي ريجيم صحي لاني عندي نقص حاد بالفيتامينات د و ب
بتساعدوني ؟؟؟
هلا بدور النشميه حياج الله بين تجمع رجيمي سر سعادة حياتي الزوجيه :ggdw:
انا ولدي الي عمره عشر سنين اذا ياني وقالي يمى وين كتابي ؟ أطالعه وأسكت وأمشي لأني مؤمنه ان هذه مسؤوليته ولازم اهو الي يدور ويلقاه......اذا انت ما ساعدتي نفسج محد راح يساعدج للأسف.
شوفي حبيبتي الرجيم مو سحر ولا طقوس خارقه للعاده الرجيم اراده ثم ارادة ثم ارادة.....اذا عندج ارادة راح تضعفين
واذا ما عندج عمرج ماراح تصيرين ضعيفة وراح تظلين بدوامه ابي اضعف وما اردري اشلون.....شوفي اشكر ناس ضعفوا وكانوا أمتن منج .......حسبة الرجيم والضعف بسيطه:
الداخل أقل من الخارج= جسم رشيق
يعني كل ما دخلتي طاقه أقل والي اهي عباره عن الأكل لازم يكون استهلاكج للطاقة بالحركة والنشاط أكبرو جذيه انت راح تستخدمين الطاقه المخزنه بجسمج بكل بساطه.
انت عندج نقص بالفيتامينات مو بالدهون؟ يعني النقص الي عندج ماله شغل بالمتن.
شوفي جم سنه وانت تعانين من المتن وتقدرين بنفسج وبارادتج خلال سنه وحدة من عمرج تكون اهي سنه التحويل والتغيير بحياتج كلها لانها راح تنقلج من عالم المتن والوزن الزايد الى عالم الرشاقه والجمال والأناقه
رجيمنا صحي بدون ادويه ولا كريمات ولا فيزيائي ولا كيميائي رجيمنا عباره عن اكل صحي قليل السعرات الحراريه مع رياضه بأي نوع تحبينه وشوفي اذا ما ضعفتي وصرت تهبليييين:ggdw:
سوري قرقرت وايد بس من كلامج فهمت ان ماعندج اراده قويه والي اهي اهم شي بالرجيم!!!!!!
السؤال الي لازم تعرفين اجابته : هل تقدرين تقاومين المغريات العصريه من الاكل والحلويات والحياة التكنلوجيه والكسل وتكون رغبتج بالضعف والرشاقه أكبر؟.
بانتظار اجابتج عزيزتي وأتمنى انج تنضمين معانا :ggdw:
