(القباقب) .. شلون تطير الزفره مالته 100% .. حدي تفشلت

[شمــ{جابر}ــوخ]

السلام عليكم حبايبي

مره سويت قباقب .. امبييييييييه حدي تفشلت من اهلي والله بغيت ابجي بالزواره

يقولون الطباخ زين يعني مستوي .. بس مو أي أحد يعرف يوخر زفرة القباقب :eh_s(2):

((فشلووووووووووني))

مع اني حطيت وايد بهارات وخليتهم يفوحون وغيرت الماي لما فاحوا .. :eh_s(16):



في طريقه لهم ؟!

وممكن وصفات حلوه لهم ؟!


وجزاكم الله خير ياقلبي​

 

[جارة القمر]

تفضلي طلبج



اتوقع لازم تفوحينه مع شوية ماي وملح

http://www.q8yat.com/t176669.html


http://www.q8yat.com/t1015754.html

 

[noynoy]

اهم شي القباقب تكون فرش و محفوظه عدل
يعني لما تشترينها من السماج حطيها بفلين فيه ثلج عشان ما يتغير لونه و ريحته
ريحه القباقب لازم تكون مثل البحر بس مو خايسه فهمتي؟
اذا خذيتي القباقب مو زينه لو شنو تحطين بهارات ماراح تروح الزفره
بعدين
تاخذينها و تغسلينها بما باااارد
بعدين تحطينها بجدر كبير و تحطين ماي و بصله مقطعه ارباع و فصوص ثوم تقريبا 2-3
و فلفل اسود حب و ملح خشن و ورقه غار و ربع عود دارسين
و قفشه كمون مطحون و تخلطينه و تفوحينه 15-20 دقيقه و بس
عاد عقب تحطينه بماعون التقديم و تزينينه بكزبره او بقدونس مفروم
و تحطين يمع صلصه طحينه و ليمون حق اللي يبي

 

[شمــ{جابر}ــوخ]

جاره ياقلب مشكووووووووووووووره


نوي نوي مشكووووووووره والله جني اشم ريحتهم من اهني طريقتج تينن

 

[جارة القمر]

العفو

 

[أحلى همبه كويتية]

عليك بالعافية
طريقة نوي نوي وايد حلوة

مع اني ولامرة ذقته خواتي يقولون مثل الربيان

الله يعينكم على الزفرة يومهاااااااااااااا
ريحة البيت تصير بحر بحر بحر

 

[وين حبيبي]

حطي كم حبة تمر مع القباقب

 

[زعنوفه]

شوفي حبيبتي اول شي خل تكون القباقب نظيفه ومقطعه يعني القبقب اربع اجزاء بعد التنظيف وينغسل عدل مكان الخياشيم مالتها لانها اهي الي تزفر وايد

بعدي طال عمرج حطي القباقب بالجدر وفوقهم بصل مقطع - ثوم مدقوق- زنجبيل بس واااااااااااايد نصه دقيه ونصه حطيه شرايح انا احط نص كيلو تقريبا بالطبخه وخمطه بقدونس بس على عداله لا تقطعينه - وعلبه مشروم - فلفل احمر مطحون .. اا صار حار يصير طعمه حلو وشويه ملح اي واخذي طماطه قطعيها ارباع وقطيها فوقهم وصبي الماي الحار بس بدون بهارات وخليه يطبخ وتري ما يبيله طباخ وايد لان لحمه يكش اذا انطبخ وايد ينشف من داخل

هذي القباقب على الطريقه التايلنديه ترى عجيبه انا دايم اسويها وانا رايحه ازور لانهم يحبونها في بيتنا

اذا تبين اي شي انا حاضره حبيبتي لاني من عشاق القباقب

ويعله عافيه يا رب

​

 

[شمــ{جابر}ــوخ]

عليك بالعافية
طريقة نوي نوي وايد حلوة

مع اني ولامرة ذقته خواتي يقولون مثل الربيان

الله يعينكم على الزفرة يومهاااااااااااااا
ريحة البيت تصير بحر بحر بحر

الله يعافيج يالغاليه

لا والله حده لذيييييييذ احلا من الربيان بعد

اي حده بحر لووول

 

[شمــ{جابر}ــوخ]

حطي كم حبة تمر مع القباقب

شلون يعني يالغاليه مافهمت الطريقه ؟!

 

[شمــ{جابر}ــوخ]

شوفي حبيبتي اول شي خل تكون القباقب نظيفه ومقطعه يعني القبقب اربع اجزاء بعد التنظيف وينغسل عدل مكان الخياشيم مالتها لانها اهي الي تزفر وايد ​

بعدي طال عمرج حطي القباقب بالجدر وفوقهم بصل مقطع - ثوم مدقوق- زنجبيل بس واااااااااااايد نصه دقيه ونصه حطيه شرايح انا احط نص كيلو تقريبا بالطبخه وخمطه بقدونس بس على عداله لا تقطعينه - وعلبه مشروم - فلفل احمر مطحون .. اا صار حار يصير طعمه حلو وشويه ملح اي واخذي طماطه قطعيها ارباع وقطيها فوقهم وصبي الماي الحار بس بدون بهارات وخليه يطبخ وتري ما يبيله طباخ وايد لان لحمه يكش اذا انطبخ وايد ينشف من داخل​

هذي القباقب على الطريقه التايلنديه ترى عجيبه انا دايم اسويها وانا رايحه ازور لانهم يحبونها في بيتنا​

اذا تبين اي شي انا حاضره حبيبتي لاني من عشاق القباقب​

ويعله عافيه يا رب​

مشكووووووووووووووره ياقلبي ماقصرتي

بس حبيبتي سؤال .. لما اغسلهم بس بماي بروحه ؟! يعني ماانقعهم بشي ؟!

وبالطباخ مايحتاج بهارات كلش كلش ؟!
والزنجبيل مايصير حار اذا حطيت وايد ؟!

وسامحيني يالغاليه اذيتج :eh_s(17):

 

[زعنوفه]

عزيزه وغاليه حبيبتي
انتي تامرين .. لا ما يحتاج بهارات الزنجبيل يقوم بالواجب ولا ما يصير حار وايد علشان جذيه احط فلفل احمر لانه اذا صار حار احلى والشوربه مالته تصير عجيبه
اي واول شي لمه تغسلينه تقدرين تنقعينه بماي وملح بس مو وايد يعني ربع ساعه كافي

في طريقه بعد عادله الشرهان سوتها وانا سويتها بعد حلوه
تحمسين بصل بعدين ثوم وبعدين تحطين القباقب تحمسينهم بعدين تحطين زنجبيل مدقوق بعدين في صوص الي يصير حار وحامض يصير لونه احمر وايد حلو تلاقينه عند شغلات الاسيويين وقلاص ماي وبالاخير ليمون وقطعة زبده ورشة بقدونس وبس

وعلى قولتها السي فود لا تخلينه يطبخ وايد لانه يفقد فايدته وهم طعمه يصير احلى
ويعله عافيه
ان بغيتي شي لا يردج الا لسانج وانا بالشوفه حبيبتي


.​

 

[زعنوفه]

اي ترى هم اهي (عادله الشرهان) بعد ما حطت بهارات بس ملح وفلفل اسود بسسسسسسسسسسسس

والطرقه الاولي الي عطيتج اياها الشوربه اهي نفسها شوربة التوم يام اذا تعرفينها
وتقدرين بعد تضيفين مع القباقب خثاق وربيان
ويصير بعد تسوين نفس الشوربه وتحطين فيها بس سمج ترى روعه بالسمج واحلى بالشعوم بس يكون متبل من قبل ومقلي وتحطينه بالشوربه والسمج ما يبيله طباخ وايد
​

 

[شمــ{جابر}ــوخ]

وي يااااااااااااااااااااااااااااا بعدعمري والله

جزاج الله الف خير ماقصرتي والله