رحلتي لمصر ..... بالصوور

[بتبوتااا]

سبحان الله لو دخلوا جحر ضب لدخلتموه

استحي على وجهك انتي وذا القصة الي على ولدك

 

[شهد ستايل*]

يعطيج العافيه على هالمجهووووووووود ...وان شاء الله استانستى فى سفرتج ...........
بس نسيتى ما صورتى ..الخوات فى الحسين...ورده تطبل ..وصباح تبيع كلينكس... نكته..........
هذى صورتها .......اللى فى الصورة الشخصيه....
نشوفج فى الصيف هناك............ان شاء الله

 

[Dancing^Queen]

هوووووووووووووووب هوووووووووووب هووووووووووووووووووووووب
استننوني ماتشمشوشي
مافهمتش حاقه كتير كتير اوي حاقات اتئالت واللهي انا دوعت بالتوشه واللهي (ضعت بالطوشه)


بليز رسايل خاصه لو سمحتو بامبي كل المعلومات علشان اسويلهم برنت اوت
منوله رساله رساله بليز

 

[منوووووله]

منوووووووووووووووله حبيبتى يعيطيك الف عافيه وتسلم ايدك على هالتقرير الحلو والى يجوع بنفس الوقت لووووووووول

ماشاء الله حمستينى انى ازور مصر ....منوووله ترى انا مالقيت اسم سابقا ياريت ترفعين موضوعك عن المناظر الطبيعيه لانو من جد موضوع رهيب
وماشاء الله قصه ولدك عجيبه الله يحميه ويخليه لك

الله يعافيج حبووبه اي عرفتج حبيبتي مالقيت اسم وانشالله لعيوونج برد

موضووعي مال الصور الطبيعيه .. ومشكووره حبيبتي هاذا من ذوووقج :tek:

بنت الخور

منوووووووووولة

تسلمين على التقرير الرائع يا اختجي العزيزة،،

يبالنا انسافر مصر انا اخواني ساروا ووايد مدحوها ،،

لج أطيب التحايا،،

الله يسلمج حبيبتي مشكووره ويالله فوووقه على مصر بالصيف دنا هبسطكووو على الاخر _03BA:


بتبووتاا <<< مت من الضحك هههههههههههههههههههههههههههههههههههههههههههههههههههه

شهد ستايل* ي

عطيج العافيه على هالمجهووووووووود ...وان شاء الله استانستى فى سفرتج ...........
بس نسيتى ما صورتى ..الخوات فى الحسين...ورده تطبل ..وصباح تبيع كلينكس... نكته..........
هذى صورتها .......اللى فى الصورة الشخصيه....
نشوفج فى الصيف هناك............ان شاء الله

الخوات في الحسين ههههههههههههههههههههههههههههههههههههههههه اتعرفينها صباح لوووووووووووووووووووووووووووول خالتي اتهاوشت معاها شنوو لزقه هالمره والي يدندنوون عوود وكله صووب والياهل الي ماسك مزمااار اينن ياقلبي اذكره من 5 سنين كان اشصغره كل ماروح القاه كبر وللحين
صار معلم من معالم الحسين هههههههههههههههههههههههههههههههه

وانشوووفج بالصيف ياقلبي معه قرووبناااا _03BA:

Dancing^Queen

هوووووووووووووووب هوووووووووووب هووووووووووووووووووووووب
استننوني ماتشمشوشي
مافهمتش حاقه كتير كتير اوي حاقات اتئالت واللهي انا دوعت بالتوشه واللهي (ضعت بالطوشه)


بليز رسايل خاصه لو سمحتو بامبي كل المعلومات علشان اسويلهم برنت اوت
منوله رساله رساله بليز

المعلوومات كلها هتنزل بعد 5 دقااايق خليكي معايا .....

 

[Dancing^Queen]

ممستنياكي يا اوخه

 

[منوووووله]

الحسين

من احسن الاماكن بمصر من حضاره واسواق وشعبيات ومطاعم وكوفيهاات

الاهرام

التقرير ::::

الي يبي يروح مصر لمدة اسبوع يكتفي بمبلغ 700 دينار << 14الف جنيه << اتكفي وتوفي ..

اذا حاجزه فندق طلبي منهم سياره اتوصلج من المطار ماتطلع عليج 100 جنيه ..
واذا عندج مشاوير اخذي سياره من عندهم او اجري تاكسي واتفقي معاه انه يكون تحت امرج بأي وقت وحاسبي بالاخير على كل مشواريج ... دفعه وحده يعني .. ماتطلع عليج 400 جنيه وعلى حسب المشاوير

اول مكان اتزورينها ابمصر اذا رايحه سياحه :

1- الأهرامات وأبو الهول:
- اول شي تذكرة الدخول للمنطقه 2 جنيه للشخص- ممكن تستأجرين حصان بحوالي 100 جنيه او عربه ب150 – 250 جنيه والأفضل انج تمشين لأنج راح تدخلين اماكن تمشين فيها- غير مسموح للخيول والعربات بالدخول فيها. ومع العربه فيه اماكن ماتقدرين تدخلينها والمرشد يوديج لأماكن يعرف الناس اللي فيها وممكن يزيدون السعر عليج ..
- ابو الهول قريب جدا وممكن اتصورينه على بعد 3 امتار عنه (مسكين انلعن ابو خيره وانهرى تصوير) ههههههههههههههههههههههه
- لاتشترين أي تذاكر من البياعيين اللي في هالمنطقه. (فيه اسواق ارخص منهااقولج عليهابعدين ).
- انصحج انج تاخذين ماي معاج لانج بتعطشين حيل وتلبسين ملابس خفيفه واذا مومتحجبه اسكارف على الراس كاب...
- راح تشوفين الكثير من الأشكال السياحيه- حاولي تتقربين منهم وراح تسمعين معلومات عن تاريخ الأهرامات وابو الهول عن طريق المرشد السياحي اللي معاهم بدون ماتدفعين شئ – او اجري واحد ب 50 جنيه مع انه شرحه شويا ..
- ملاحظه مهمه من الي يأجرون الحصن والعربانات من النصب تسألينه جم السعر – يقولج ركبي ومايهمكيش ويتحايل عليج اهوا واللي معاه لين تركبين وخاصة اذا معاج اهلج ويساعدونج في الركوب- وبعد ماتركبون وتتعبون يقول لج السعر 300 جنيه مع انها ماتكلف ولا 100 جنيه << صارت فيني ويحرجونج جدام اهلج وعيالج وياتنزلين او تدفعين- اذا قلتي بنزل ولا واحد منهم بيساعدج في النزول ويخلون الخيل يتحرك جدام وورا - ههههههههههه وهذا شفناه صار حق واحد جدامنا وساعدناه. الافضل اذا بتاخذين عربه اتفقي على السعر والمكان اللي بيوديج له والوقت اللي بيكون معاج فيه قبل ماتركبين ...

2_القريه الفرعونيه
- هذي قريه/جزيره صغيره مبنيه على النيل وتعطيج ملخص عن تاريخ مصر بمشاهد تمثيليه وزيارة 10متاحف صغيره (عن الفراعنه- الأهرامات- السادات واغتياله- جمال عبدالناصر- حرب اكتوبر- ...الخ) فيه مرشديين سياحيين يشرحون لكم وانتي راكبه القارب وفي المتاحف وغيرها ومتعاونيين جدا وما يطلبون بقشيش ..
- الرحله تستغرق حوالي ساعتين من غير الغداء في مطعم توت عنخ آمون ورحلة اليخت في النيل وهي مفيده جدا للي اول مره يروح مصر لأنها بتعطيكج معلومات كثيره عن مصر وتاريخها في وقت قصير.
- أعلى تذكرة- 150 جنيه – شاملة الغداء ورحلة اليخت- انصح بعدم الأكل لانه المطعم مش اد كدا يعني ههههههههههههههه- فأشتري التذكره بدون الغدا/المطعم وطلعي على مكدونلدز
- فيه امكانية تأجيل رحلة اليخت ليوم ثاني على حسب ماتبين بس لابد ان يكتبون لج على التذكره من الخلف ويوقعون عليها وتين أي يوم ثاني وتاخذين هالرحله (افضل وقت لليخت في العصر قريب المغرب)- ترا تختلف عن رحلات النيل الثانيه لانها تروح للأماكن القديمه ولاتعدي كوبري 6 اكتوبر- وعلى فكره ممكن تسوقين اليخت وتصورين (يعني اتصيرين كابتن دانسنج ههههههههههههههههه)
- فيه رحلات للعرب والمصريين ورحلات بس للأجانب – فلا تستغربين اذا تشوفينهم يركبون الأجانب قبلج مع انج يايه قبلهم لانه الشرح بالإنجليزي لهم وعددهم كامل- اما احنا ننطر السياح لمن يكتملون وحليني بئه.
- انتبهي اول ماتين أخذي كل شي ماعدا الغداء او العشاء ترا يعطونج اغلى شي وترا شكل طبخهم مش ولابد من شكل المطبخ ونظافة الطباخ- وركبي المركب بالنهار عشان تستمتعين , مشكلة اليخت هوالمجموعة اللي معاج يغثون بالتاخير والتفرق ونطري على بال مايتيمعون, والمرشدين ماهمهم يبون الناس اتدور وتتأخر علشان يشترون اكثر وخاصة من الكافتيريا..
- فيه كافاتيريا واستوديو للتصوير باللباس الفرعوني وصراحة الصور بتكون ذكرى ماتنسي (الصوره على حسب المقاس 50 جنيه – 55 او 60 جنيه)- انتبهي لمكان التصوير عندج اكثر من مكان لاتخليين المصور يختار لج انتي قلولي ابى اصور على العربانه او كرسي الفرعون – او عند بوابة المعبد (اللي يناسبج) – السبب انج اول ماتدخلين وانتي لابسه فرعوني بيقولج اوقفي ويصورج على طول بعدين يقولج ايه رأيك ؟اصورج على العربه او الكرسي وكله فلوس عليج- افضل لج انج ماتصورين في البدايه وشوفي غيرج وين بصور وبجم وجم صوره....الخ (فيه ملابس للصغار وللحريم – سمعنا انه فيه مصوره للحريم بس ماشفناها-
- فيه شي يضحكني – بتمرون على معبد واقف عنده رئيس الكهنه وشكله شخصيه صارمه والحرس اللي يمه خايفين منه- وبعد ماتطلعين من المعبد روحي لمحلات الهدايا والتذكارات وبتسمعين واحد يقول وبصوت عالي ارب ارب عشره جنيه بس ارب (هذا تراه رئيس الكهنه خلص دوامه وياي يبيع هههههههههههههههههه)
- اذا دخلتي المعبد فيه زوجة الفرعون والخدم – تقدرين تصورين معاها مكان الفرعون او تخلينها تطلع وتصور على الكرسي
- حاولي انج تكونين قريبه من المرشد علشان تفهمين اللي يقوله وتعرفين وين يروح- الكثير يتاخرون بعد مايمشي المرشد للموقع الثاني ويضيعون او يفوتهم الموقع الثاني
يتبع

 

[جروح تبتسم]

ياعمري الحمدلله على السلامه خوش سفره (ماشاءالله تبارك الله )

وفهودي اكيد هو ملح السفره صح

بس اشلون تسافرين بدون زوجج ؟؟؟؟ مووناسه ؟؟؟؟؟

احب مصرر واااااااااااايد وايد رحتلها وابوي ماشالله عنده عماره بالعجوزه والاسكندريه

 

[بتبوتااا]

منول دشي ماسنجر بليز

 

[منوووووله]

التقريــــــــــــــــــــــــــــــــــــــــــــ ر

3-

منطقة الحسين:-

مسجد الحسين والقهاوي والاسواق القريبه منه – متعه مابعدها متعه- انصحج بعدم الدخول للمسجد- راح تكرهين حياتج – كل دقيقه ايلج واحد بركة الحسين دفعي- حسنة الحسين دفعي بركاتك ياسيدنا الحسين ياعمي الشيخ ادفعي حاقه علشان تتبارك و افضلج لاتدخلين لانه مافيها شئ وبرا ماراح يلوج.
- ممكن تستأجرين شخص يغني لج الأغاني القديمه بالعود والمراويس (اتفقي قبل مايبدأ على السعر والوقت اللي بيقعد معاكم) وطلبي لج شاي – قهوه- شيشه....الخ واستمتعي. فيه قهوة الفيشاوي مشهوره وايد او القهاوي الصغيره اللي جدام المسجد. على فكره فيه مكتبات لبيع الكتب في نفس المنطقه اذا بغيتي وبأسعار رخيصه حيل ...
- نوعية الشحاذين اهناك غريبه شوي- اعمارهم صغيره و يشحذون بالتهزيئ والكلام المحرج وبصوت مسموع - (اذا ريلج قرعه: ربنا يطلع لك شعر – ربنا يخلي أرعتك ...الخ- اذا متينه: ربنا ينزل من وزنك- ربنا يخلي وزنك زي الريشه...الخ- اذا طويله – ربنا يرزقك بزوج أطول منج – ربنا يعلي مراتبك زي طولك...الخ.
- فعندج حلين للتعامل معاهم ياتكلمين راعي القهوه او الجرسون وتبخينه ب 10 جنيه بقشيش وتقولين له لاأحد يقرب منج او يقرب من الطاوله الي انتي فيها - أو انج أول مايلج أحد من هالصغار عطيه جنيه الى جنيهين قبل مايبتدي ينكت وفجي عمرج وانا اقوج عطيه طاف حتى لو عطيتيه يايسب وينحاش يا يمع ربه علج
- والله المكان حلو وراح تستمتعين
- انتبهي اول ماتوصلين راح يتلاقطونج اصحاب القهاوي- الأفضل قبل ماتوصلين للقهوه من بعيد شوفي افضل طاوله وروحي لها على طول لايمين ولا يسار وقولي للي يكلمج انا ابي اقعد اهني- على طول جرسون القهوه يقول لهم ابعدوا ده عندي وانتي قعدي ...
- من هني تقدرين تشتريين التذكارات عن مصر(مجسمات اهرامات- لوحات – خزفيات..تحف براويز.الخ وبسعر مناسب) في الأسواق الحرفيه والمحلات الكثيره.
5- مطعم ابو رامي:

موجود في السيده زينب وفاتح لى الفير ومع انه المكان قديم وشعبي الا انه الأكل فيه من كباب وريش وكفته وغيره اينن موطبيعي لذيذ .. وبتلاقين من الخليجيين والاغنياء والممثلين ياكلون فيه .. سعر الكيلو 60جنيه – بعد ماتخلص اشرب لك شاهي وشيشه على مزاجك- ترى المكان قديم وماهو اد كده لكن الأكل لذيذ لذييييذ ...
6- شارع جامعة الدول العربيه:

شارع مشهور وبتلقين وايد من الخليجيين فيه على القهاوي والمطاعم الكثيره اللي عليه من مطاعم الفول والكشري لمطاعم المندي ولاتنسين عصيرات فرغلي واحنا معظم الأوقات نمر على هالشارع بالليل- الشارع سمعته مش ولا بد عند المصريين -لكن مايمنع من زيارته.
7- -قلعة صلاح الدين الأيوبي:

موجودة في المقطم لكن اذا ماعندج لياقه لاتروحين ابد لأنها كلها مشي واحنا تعبنا من كثر مامشينا ومافيه مكيفات وتحتاجين حوالي اربع ساعات ويالله تخلصينها- اذا بغيتي تقدرين اتروح لها لمدة ساعه بدل 5 وتشوفين القلعه وتصورين عندها وتشوفين الاثار وتنزلين لماتكمل الجوله السعيده (اذا نويتي لازم اتين امبجر يعني حوالي الساعه 8-9 صباحا وتاخذين معاج بطل ماء بااارد)...
8- كورنيش المقطم:

فيه كازينوهات فوق الجبل تطل على القاهره والمنظر اينن خاصة في الليل والجو البارد – تاكلين وتشربين وباسعار معقوله والمنظر خلاب من فوق الجبل وانتي تشوفين القاهره كلها تحتج والجو بارد
9- شارع قصر النيل..وشارع طلعت حرب:

وفيه محلات وايد وبضائع مختلفه وخاصة النسائيه وباسعار مناسبه – تقدرين تشتريين الهدايا للاهل والربع من اهناك واذا تبين كتب فيه مكتبه مشهوره (مكتبة الشروق)- التسوق حلو هنا
10- كوبري قصر النيل وكوبري 6 اكتوبر
اذا تحبين تتمشين وتبصبصين وتشترين ورد وفل يافل(بعد الساعة 12يصير مليان فل من الخليجيين والمصريين وجميع الاصناف والاشكال... الفل يااافووول << ريحته اترد الروووح :eh_s(20):
11- رحلات النيل:

احلى وحده فرعون النيل وسعرها يصل الي 170 جنية للشخص مع غداء او عشاء بوفية وفيه فقرات ترفيهيه – انتبهي من المصوريين وشرطي عليهم عدد الصور او بيقعدلج يصور لين يتعب بعدين يقولج الحساب-
- نصيحه اذا معاج اهلج لاتقعدين يم الستاج/ البست وخذي طاوله بعيده- لانه كل عيون الناس على هالمنطقه والمصوريين طايحين تصوير
وفيه يخت كريستال النيل وفيه نفس الفقرات اللي في فرعون النيل بمستوى اقل لكن مقبول

12- مراكز التسوق: _03BA:

- اجملها واحدثها سيتي ستارز وفيه 14 دار للسينما وفندق انتركونتيننتال ...
- جنينية مول : بمدينة نصرشارع عباس العقاد- فيه 8 دور سينما والمحلات الله بالخير والناس اشكالها محترمه-
- سيتي سنتر : بمدينة نصر حلو ونظيف ونوعية الناس محترمه..
اركيديا بكورنيش النيل : اركاديا مول فيه مدينة ألعاب وعدد كبير من المطاعم وهو راقي وقريب جداً من النيل ولكن مافيه الا سينما قديمه وصغيره وبضائعه متنوعه وبأسعار معقوله وهو كبير الحجم في روض الفرج- كورنيش النيل واقرب الفنادق اليه كونراد –

- مركز التجارة العالمي: وسوق النيل هيلتون: امام هيلتون رمسيس – فيه مجمعات ثانيه بس غاليه حيل مثل مجمع جاردينا ومجمع فيرست مول وهو مركز تجاري فخم ويعتبرسوق فندق فور سيزونز أفخم فندق في مصر- مركز هيلتون رمسيس التجاري يشتهر بين السواح وبالذات الخليجيين.فيه مسرح في الدورالسابع وصالتين للسينما ومطعم ماكدونالدز قريب من السينما وصاله بلياردو راقيه ورخيصه- محل عمر افندي كبير ومناسب خصوصا لشراء المنتجات القطنية مثل الملابس الداخلية والمناشف وغيره. وسط البلد ومنطقة العتبة لمن يبحثون عن كثرة المحلات ورخص الاسعار , شارع قصر النيل للمنتوجات الجلدية وانصح الراغبين بشراء احذية زيارة معرض اسمة سمراء بشارع جامعة الدول وهو في رايي افضل المحلات ...
16- كريزي ووتر بطريق الاسماعيلية الصحراوي
–مسابح مع جلسات وأكل بقيمة 50جنية شامل الغداء مع السباحة- أكوا بارك وهما مدينتا للألعاب المائية وفيهما مسبح بالأمواج وزحالايق مائية
17- مدينة الثلج (مارحنا لها) رائعة للكبار والصغار بطريق صلاح سالم بعد ميدان العباسية.
18- ميريلاند الترفيهية بمصر الجديدة تشمل العاب معدودة وحديقة وقوارب للتجديف تدفع رسم حوالي 60 جنية يشمل وجبة عشاء
المطاعم ::082502bye_prv:

- مطعم كاستن للأكلات البحريه- مدينة نصر- مكرم عبيد- هذا مطعم للاعب قديم مشهور في مصر- تللقون صور معلقه في المطعم للاعبين- ممثلين- ناس مشهوره اتي للمطعم – الأكل والنظافه ممتازه جدا- الأسعار وسط. انصحكم بزيارته ...

* مطعم القرية النوبية– خلفالجراند حياه- تتميز القرية النوبية بجو خصوصي تستمتع به أنت واسرتك وبالجو الشرقي الذي يتضمن تقديم الاكلات المصرية واللبنانية مع فرقة صغيرة تغني اغاني قديمه – وحريم يسوون الخبز جدامكم – الاسعار وسط الى مرتفع لكن المشكله يسكر امبجر الساعه وحده بالليل

- ابو شقره يوجد في اماكن كثيره في القاهره –فيه جميع انواع المشويات والاكلات المصرية وخدمه وسط – اكل ممتاز ونظيف
- وفرع أبو شقره بشارع جامعة الدول العربية- ( الاكل زين لكن الخدمة زفت << :ssssso: مكشرين ونفوس خايسه بس اكلهم حلووو ) – عندهم شاورما دجاج فظيعه
- العمدة سندويتشات الفول والطعميه- والكشري وغيرها.
- عصيرات فرغلي في شارع جامعة الدول العربية.
- مطعم كبابجي العربي فيه حمام محشي روعة وطماطم بالثوم في الدقي شارع الملك فيصل
- مطعم فلفله في ميدان التحرير.وطلعت حرب والمريوطيه ..
- نعمة مطعم حلو واسعار مناسبه واكل نظيف واشكال الله بالخير
- مطعم الباشا: سفينه او باخره ثابته وفيها عدة مطاعم مع الديجي – مطرب ومطربه يغنون بدون رقص او رقاصه او ازعاج- الأكل ممتاز والاسعار مناسبه ومعظم الطاولات بالحجز.
- مطعم ابو رامي في السيده زينب واحسن وقت بعد منتصف الليل

نصائح وملاحظات:-

- اذا وصلتي للفندق في اول يوم او ثاني يوم خليهم يهتمون بحجوزاتك للعوده – عطيهم التذاكر وخليهم يسوون لج اللي تبين- الخدمه بحوالي 30 جنيه (تقريبا بدينار ونص كويتي- يابلاش)
- انتبهي من الأسعار في المطاعم اللي على النيل مبالغين فيها...
- فيه شي يسوونه الناس الغني والفقير منهم فلا تستغربين– (بعد مايخلصون اكل بالمطعم وبقى اكل يطلبون من الجرسون يلفه بجيس وياخذونه معاهم- بعدين يعطون الأكل للمحتاجين او يودونه لاهلهم- ياليتنا نسوي جذي :eh_s(12): - الواحد منا يقوم ونص الطاوله متروسه اكل وعارفين انه بيقطونها :bbbiu
- اذا بتشتريين هدايا اشتريها في الايام الاولى من السفره علشان تعرفين راسج من كرياسج من ناحية عدد الجنط والوزن ومنو راح تشترين له... وماتين بالاخير امخلصه فلوسج وناسيه الغنايم
- بعض الاماكن السياحيه ونقاط التفتيش يطلبون منج اثبات – الافضل لج اتصورين الجواز وتخلينه معاج وتحطين جوازج في الأمانات بالفندق...
- اذا طلعتي شريحه مصريه استفيدي من الاستعلامات – فيها معلومات وايده اتفيدج عناوين مطاعم-فنادق- اسواق – سينما- مسرح ....اي شي..
- قبل لاتروحين لرحله في النيل تأكدي من الوقت وحجزي قبلها- لانهم اكثر شي يقولون المركب فل او الرحله طلعت- حجزي قبل ماتروح عليج ..
- اذا ماتعرفين تتكلمين باللهجه المصريه انصحج تلتزمين بلهجتج لأنه بتطلع كلمات غريبه وبتضحكين عليج العالم .. واذكر مره طاقه الثقل واقط بدليه" احنا مضيعين و"مندلش" اي قولي ماندل وخلاص :dddds:.
مع اجمل تحياتي وامنياتي لكم بقضاء وقت ممتع وجميل في أم الدنيا وسامحوني على الإطالة – ولا تحرموني من ارائكم وردوودكم الطيبه :tek:

ايدي طاحت من قلب ....

 

[منوووووله]

ممستنياكي يا اوخه

التقرير خلص يامووزه _03BA:

 

[منوووووله]

ياعمري الحمدلله على السلامه خوش سفره (ماشاءالله تبارك الله )

وفهودي اكيد هو ملح السفره صح

بس اشلون تسافرين بدون زوجج ؟؟؟؟ مووناسه ؟؟؟؟؟

احب مصرر واااااااااااايد وايد رحتلها وابوي ماشالله عنده عماره بالعجوزه والاسكندريه

هلا وغلا بجرووح حبيبتي :tek:

اذا على زوجي << كان محجووز وبيني وبينج احسن خوكله قاط ويها معاي خليني افج اشوي عنه
استانس اشوي موكله حكره هههههههههههههههههههههههه ونوعه اذا شاف شي مايعجبه يعصب ويطنقر ويخرب الطلعه كلها يمعووده ... وعشان يشتاقلي لما ارجع :eh_s(22):

واهوامن النوع الي يرضى اسافر ابرووحي بس على المزاج ...خلاني اروح لبنان ومصر اكثر من مره

 

[.]

خوش تقرير..

الله يعطيج العافيه يارب..

 

[منوووووله]

تسلمين حبيبتي

 

[dl3 q8]

والله ونااااسه كل شي بالتفاااصيل .. جني انا رايحه معااج

ماشالله شكله أكل خالتج لذيذ ..

ياحلااته فهوود الله يخليه لج انشالله ..

 

[سنا الفضه]

يختجي عليكي وعلى قمال امك يامنووله

قبت لك حتت دين هدييه حتااكلي صوابعك وراها

الكبير ليكي والصووغير لسي فهوودي بوصي وشووفي انا قاايبه لك اييه

بيني وبينج محد لاعن خيري بمصر الا هذااااا وااااي طعمه مو طبيعي

كل ماتاكلين منه تردين تفجين غيره

هذا الي لمن تفك ماحتسووك موو برنقلز قااايله شكلي بييب منه بضااعه ابيعها بالمول

وبلبس دراعتج مالت نانسي وخلخال وايشارب وحاكول حتت لبانه من مستكه ابو سمره

وخدا بال حدريتيك وشفشئ فييه عرئ سوس وشفشفئ تااني فيه عصير اصب اه

ايه رأيك تشاركيني

وعلى طااااري البوووق ماااقريتي يوميات الغاليه نونو

كنت اسولف وياها بيومياتها

هذا بنتي ياامحفوظه السلامه من تسمع زماااار شعر البنااات نطت ويا كشتها وابي ابي شعر بناات

واطلع له من البلوكه واطل عليه

اطلع ياااواد

ويقولي مأدرش اصل العصايا طويله وانزل له سبتي يختجي يحبيتجي مع الفلوووس وانزله له

ويحط لي الجياااس وانا ارفع السبت وتعالي شوفي الي يطييح من السبت اييونج عيال البوابيين ويتخامطوونه دارين انه الي بالدور الثالث خواره مو نقوشيه ماتعرف حتى تزعب السبت نصه بالقااع طااايح

ويتخاامطوونه من يشوفوني واااقفه بالبلكوونه كل عيال البوابيين يوقفوون لي تحت وهاااات ياامخااامط

عاد بنتي ام العين الضيجه ماتبي الا الي يطييح وتقعد تبجي الا الي خذووه مابي الي بالسبت ابي الي طاااح وخذته سهام بنت البوااااب والي خذته زكرى<<ماتقول ذكرى لا زكرى مثلهم

مالهم احلى من مااالي

وتعااالي عابلي فيها وسكتيها

مره من كثر مابطت جبدي وحرتني كبيت الي بالسبت كلللللله لهم وخليتهم ياكلونه وهي تطاالعهم علشااان تيوووز من هالطبع الاقشر النحاااسه وضيج العين

حتى هم بعد شكو يناشبوني على هالشعر بنات ياااكرهم دعل

وبس ادي كووول الئصه يختجي يحبيجي



صج منووله ليش مامريتي قليتر يايب خوووش جناط ملوت جوسي كوتور اتينن حق البنيات مخمل عجيبين

وبوتاتهم عجبه عليهم خصم مووطبيعي










وصج














بتبوتاااا تقولج دشي مسنجر روحي لها تبيج:dddds:

 

[منوووووله]

هههههههههههههههههههههههههههههههههههههههههههه متشكره ياحببجي على الشيبسي دنا بمووت فيه

ياخرابي على طعمووه ضياااع الى بالحأ انتي حاليا بمصر ولا ايه مش فاهمه حاجه ؟؟

عشان لوكنتي على وصوول عيزه من الشيبسي ده وأبأه احااسبك ياختي عليه

 

[سنا الفضه]

افا عليج ياامنوووله مقدم بدوون لا توصيييييييين

انا هذا ادمان عليه اجييل لعمري افا عليج الي تبينه قووولي لي

انا بمصر ...وومش عارفه حرقع الكويت امتىى يختجيي

بس ابشريي اييب لج منه افا عليج بس

 

[كويتيه مذهله 87]

عليييج العافيه

خوش سفره



يحليليه ولدج شكله شيطان

 

[بتبوتااا]

وانا ابي شبس

 

[$غــ(ز)ــل$]

ماشاءالله

شكلها خوش سفره,,الله يهنيكم ويخليلج فهودي سمله عليه