::؛؛::: اهل المعرس و { الــمــهـــر } ::؛؛:::

[ضي الدنيا]

السلام عليكم ...






مرحباااا ...

بناات انا ملاحظه شغله مووو حلوووه ..


صاارت. لجم وحده اعرفهاا ..

اهل ريلها يحددون العرس بس يتاخرون على ما يبون المهر .. ليش بله !!!!


حماتي ملجت شهر 6 اللي طاف وعلى طول حددو العرس شهر 5 ..



تدوون. وين الصدمه دخل شهر ثنين وماعطوها المهر البنت بتجهز شلون يعني مو معقوله بتجهز باسبوع ..

المشكله انه عندهم بنات متزوجات ويدورن لويه وحوسه التجهيز ..


يعني مفروض اول ماحددو ع طول يعطون المهر والا يبون ارباح عليه ..

هههههههههه




انا و خواتي عطونا المهر قبل العرس بـ 10 شهور واختي وحماتي الثانيه عطوها قبل العرس بسنه ..


عااد حماتي قالت لخالتي يمه مابقى للعرس شي وانا ما جهزت ..



خالتي دقت ع ام المعرس وسئلتها تدرون شنو ردت !!!!!!




قالت حنا بنيبه لكم اخرر 2 والعرس شهر 5 تقول يمديها تجهز ..





وحنا تاخرنا على. مايبنا لكم المهر كنا ننطر يقولون بيزيدون قرض الزواج من 4 الى 6 بس شكلهم ماراح. يزيدونه خلاص ان شاء. الله بنيبا لكم اخر 2






ههههههههه




عاد اخووي تووه مالج موحلووه ناخر المهر اصلا مو حلوه بحق اهل. المعرس بااجر. بنودي لهم المهر وحددنا عرسه شهر 1 الياي ادري تو الناس بس عشان المره تجهز ع راحتهااا

وحنا نجهز شقة اخووووي الله يووفقه على راحتنااا .. تعرفوون لوويه العرس وخصوصا اهل المعرس لازم كل شي بيرفكت ..

بنودي المهر عشان نفتك من حمل شي بسيط وعقبه نتفرغ للبنيان و تجهيز الشقه وانفسناا ..


وبسسسس

حبيباتي ابي رايكم بمووضوووعي ولا عليكم امر ..
والله يووفق الجميع ..




والله يوفق الجميع

 

[ana almessa]

الله يوفقها ان شاء الله
والله حبيبتي دايم اسمع قوله ما يمديها على التجهيز حبيبتي انا جهزت نفسي بـ10 ايام شريت كل شي احتاجه صج الحجوزات وفستان الزواج مخلصه منهم اول ما ملكت والحمد لله اما السوق والتجهيز الباقي والله باسبوع ,, اي صج معندهم سالفه بتأخير المهر انا ماجابو المهر إلا بعد الملكه بشهرين بس حدي عصبت انهم يحددون يوم الزفاف والمهر ماوصل بس يوم جاني قعد بالبنك شهرين والله مارحت للسوق ابدا
وانا معك المفروض بليله الملكه يعطونك المهر عشان الوحده ترتاح من التفكير

 

[ضي الدنيا]

الله يوفقها ان شاء الله
والله حبيبتي دايم اسمع قوله ما يمديها على التجهيز حبيبتي انا جهزت نفسي بـ10 ايام شريت كل شي احتاجه صج الحجوزات وفستان الزواج مخلصه منهم اول ما ملكت والحمد لله اما السوق والتجهيز الباقي والله باسبوع ,, اي صج معندهم سالفه بتأخير المهر انا ماجابو المهر إلا بعد الملكه بشهرين بس حدي عصبت انهم يحددون يوم الزفاف والمهر ماوصل بس يوم جاني قعد بالبنك شهرين والله مارحت للسوق ابدا
وانا معك المفروض بليله الملكه يعطونك المهر عشان الوحده ترتاح من التفكير

ياهلا فييج ياااغناااتي نوروتي الموووضوووع ..


صح مشكله بدلات الاستقبال. والدراريع يطولون ..



شرفتي صفحتي حبيبتي

 

[B.A.M]

@@



الله يعينها صج لوويه
حلات الوحده تجهز براحتها ع الاقل تكون مرتاحه شوي


والله يوفقها

 

[عــزآهـ]

انا أأيّد المهر قبلها بفتره اقل شي ست شهور

 

[عــزآهـ]

الله يوفقها ان شاء الله
والله حبيبتي دايم اسمع قوله ما يمديها على التجهيز حبيبتي انا جهزت نفسي بـ10 ايام شريت كل شي احتاجه صج الحجوزات وفستان الزواج مخلصه منهم اول ما ملكت والحمد لله اما السوق والتجهيز الباقي والله باسبوع ,, اي صج معندهم سالفه بتأخير المهر انا ماجابو المهر إلا بعد الملكه بشهرين بس حدي عصبت انهم يحددون يوم الزفاف والمهر ماوصل بس يوم جاني قعد بالبنك شهرين والله مارحت للسوق ابدا
وانا معك المفروض بليله الملكه يعطونك المهر عشان الوحده ترتاح من التفكير

@@
ما شاء الله عليج شلون خلصتي ب 10 ايام
احس ما يمدي كلش حنا ادق التفاصيل نشتريها شلون مداج :eh_s(4):

 

[^لغموضي معاني^]

عليكم السللام والرحمه


اي صح المهر لازم قبلها بمده كافيه حتى قبلها ب6 شهور يكون عندج


الحمدالله انا المهر جابوه قبل عرسي ب11 شهر

 

[ياغروري]

انا اختي ما جابو المهر الا قبل الزواج
بشهرين بسس ابوي الله يطول بعمره
ماتركها لما يكون فيه تنزيلات يعطيها
وتروح تتغرض بسس كانت تجهز بالراحه
والححمدلله تم جهازها بخخير

 

[قلبهـ 86]

والله انا عن نفسي لما صار ع ملجتي سنه جابو المهر

وبالموت حددو العرس



بس كل واحد وظروفه ،،، الظروف تجبر الواحد



عاد كل ناس وظروفهم وحااالتهم

 

[baby lolo]

صح كلامج اختي ضي الدنيا هم وحدة اعرفها جذي رقصوهم على ما يابوا المهر مادري اشفيهم الظاهر يبونا نصير مثل الهنود كل شي عالمرة واهوا اييلج اييد ورا و اييد جدام. الله يسهل امور كل وحدة على ويه زواج ويرزق البنات بالزوج الصالح ان شاءالله

 

[معلمة شيسمونه]

انا ابوي شرط عليهم لما صارت الملجة بالبيت بس مو رسمي يعني على قولة المصرييين قروا الفاتحه يابوا المهر لانه الوالد قالهم هذه عادتنا
وعقبها بجم يوم ملجنا رسمي

ومن ملجت ليلحين صار لي سنة اجهز لوووووووووووول وما خلصت


شريت كل الكويت استغفر الله --------------- ما تشبع


بس اخذت راحتي يعني كل مره ابتدي بشي على راحتي وبعناية ولحقت على التنزيلات وكل المواسم حاشتني


​

 

[لعيون الغالي]

قبل العرس ب٦ الى ٨ شهور زين


واللي يجيبونه قبل العرس شهرين اي شي وين يمدي

 

[آنهار]

أحسن شيء والمعتاد قبل العرس بـ 5 أو 6 شهور

وما أأيد نهائي اللي يجيبونه قبل العرس بشهرين حرام ما يمدي

ولا أأأيد اللي يجيبونه قبل العرس بـ سنه أو 10 شهور اشدعووه حتى العروس بطيير فلوسها ع الفاضي وبتلقى

مهرها خلص وما استفادت منه وبتقعد تجهز ليوم العرس

 

[ماركة انثى‘]

هههههههه آنا لحد آلحين مآيجيبونة وآنا ملجت صآر لي سنة و 9 شهور *_*

 

[ماركة انثى‘]

غلووي آنا عكسج آنا بعد ملجة ع طووووول حددو آلعرس بسرعة

 

[ضي الدنيا]

نورتوو موووضوعي حبيباااتي ����


انا افضل انه اول ما يحددون يعطونها المهر ..


في ناااس تحدد ما تعطي الا لما يبقى ع العرس ٥. شهورر ليش مادام حددتو عطوووهم اشدعوووه .. يمكن المره بتسافر بتجهز ويكمن يكون وقت تنزيلات .،


يااا خوووات المعررررس اللي بالمنتدى دامكم حددتو عطوهم المهر اشتنطرون هههههههههههه ..




تكلمت بنيابه عن عروساات اللي مستحين يقولون. هههههههه شتبون بعد صرت لكم محاميه هههههههه


والله يووفق الجميع

 

[گـحِـلْ |~]

عطوني قبل عرسي ب8 شهووور
ولاحظي عّداد توقيعي ولحد الحين ماخلصت

اعرف شكثر بنات بفتره قصيييره جهزو احلى تجهيز

الله يكتب اللي فيه الخير

 

[ضي الدنيا]

عطوني قبل عرسي ب8 شهووور
ولاحظي عّداد توقيعي ولحد الحين ماخلصت

اعرف شكثر بنات بفتره قصيييره جهزو احلى تجهيز

الله يكتب اللي فيه الخير

عسي الله يوفقج ياارب ويسعدج ويسخرلج ريلج ...




شفتوا ياخوات المعرس هذي مثال حي عندنا عطوها المهر. قبل العرس ب 8 شهور وللحين ما خلصصت. ..





الله يووفق. جميع عروسانتا ذذذ

 

[طفله]

أختي زواجها 26/7 ماجابو مهرها حتى ماقالو متى العرس بس سمعنى من الناس تريخ الزواج وش رأيكم

 

[ضي الدنيا]

أختي زواجها 26/7 ماجابو مهرها حتى ماقالو متى العرس بس سمعنى من الناس تريخ الزواج وش رأيكم

لا يااا غنااااتي يمكن التاريخ اللي قالو لكم مو صحيح لانه رمضاان 20/ 7 ..




واذا كاان بدايه 7 مفروووض يعطونكم المهر شدعوه ليش جذي ...


بصراحه فششله موحلووه بحق اهل المعرس. انهم. يتاخرون بالمهر. وانه اهل العروس يسمعون متى العرس من الناااس


الله يوفق اختج ويهنيهااااا. ياارب ويسعدج ياا غنااتي نورتي موضوعي