السلام عليكم
اليوم بقولكم حياة رفيجت اختي المسكينه اللي مو قادره اساعدها كلش وقلبي يعورني عليها حييل كل مااسمع مشاكلها كل يوم لاني مو لاقيه الحل لها
اولا هي بنت كويتيه عمرها 19 امها وابوها متطلقين وعايشه هي وابوها بشقه وامها تكره ابوها وتكرها هي بعد مع انها مالها ذنب
وابوها كان قبل متدين والحين صار مسحور مادري من منو وفوق انه مسحور صار مجنون
لدرجة انه كل يوم يطق بنته طق بدون سبب ليما يغمى عليها وتقوم بعد يومين ولا احد درا عنها لا ام ولا ابو ولا اخت ولا اي احد تخيلوااا!!! وهي المسكينه مرات تكون نايمه وتفز من نومها تلقا ابوها واقف فوق راسها ومعاه سكينه بيذبحها وهي تبجي وتحاول تفهمه لانه مجنون انها بنته وحرام يذبحها والله حياتها جحيم بجحيم
وهي بنت ماتخرجت من الثانويه كله تسقط مو قادره تنجح من المشاكل اللي هي فيها وميته على الشهاده عشان تصرف على نفسها المسكينه
وهي مريضه وفيها امراض الدنيا لانها هي مسحوره بعد
وكل مااقولها ليش ماتصلين وتدعين ربج وتقرين قرآن تقولي يااااااليت اقدر
تقول كلما نويت اصلي واول ما اكبر!! على طوووول يغمى علي لانه داشها جني
ومثل الشي لابغت تقرا قرآن
البنت خلاص بتنتحر ودايما تشقق ايدها بالموس وصار فيها عاده وايدينها مشوهه من الموس
وابوها مره ودته الطب النفسي عشان يعالجونه
ولما راح هناك عذبوه تعذيب الله لايوفقهم
كل شوي يصعقونه بالكهربا ويضحكون عليه اللي مايخافون ربهم
وجننوه اكثر من قبل
ولما جت تزور ابوها بالطب النفسي ولا ابوها يبجي بجي ويترجاها عشان تطلعه
وهي قلبها تقطع على ابوها وطلعته على طول وماتدري وين تودي ابوها
اذا خلته بالبيت كل يوم يطقها فوق ماهي مريضه!!
واذا ودته الطب النفسي قاموا يعذبونه !!
وهي مع انه ابوها مكرها بحياتها تحبه حييل ومتحمله انه يطقها كل يوم ويغمى عليها تخيلواا!!
واهما فقارا ومعاشهم بالياله يكفيهم
وذا راحت عند امها على طول تطردها وتقولها لااشوفج عند بيتي لا ادق على الشرطه!! بالله هاذي تعتبر نفسها ام؟؟!!
ومرات تتنوم بالمستشفى بسبت ابوها والامراض اللي تجيها ولااحد يزورها لا ام لا خاله لا عمه محد يدري عنها
والله حياتها مو مثل بنات الكويت
حياتها جحيم !!
كل يوم اردى من اليوم اللي قبله وماني عارفه اساعدها والقالها حل
ودايما اختي تكلمها كل يوم وتحاول تخفف عنها وتونسها واقفه معاها طول الوقت وماتخليها بس شنسوي مو لاقين لها حل
وسوالف واجد لو اقولكم يشيب شعر راسكم من حياة هالبنت المسكينه
تكفون يابنات اللي ترد تقولي الحل لاتسكتون
والله خايفه عليها تنتحر على يوم
احنا خوات ولازم نساعد بعض
اللي تعرف شيخ او اي احد يقدر يساعدها هي وابوها ويفكون السحر اللي فيهم ويردون يعيشون حياتهم طبيعي ومثل الناس تقولي
والله لكم الاجر واللي تساعدها والله لادعيلها انا واختي
ناطره ردودكم وحلولكم؟؟
!!
