تجـــــــمع للي ولادتها ب 2008 حياكم الله

[LUXURY]

ام حيدر
مشكوره بعد عمري
انا ادري كل ماتييني نغزه عورني بطني والا شئ اخترعت لان اول ياهل
بس باروح امشي عالبحر ان شاء الله لان المشي وايد فايدني بعوار جسمي وضلوعي
كان حوضي وورجي ومفاصلي وايد تعورني وما ارتاح بالنومه بس ماشاءالله مع المشي وااايد استفدت وراح العوار مع اني قاعده اثقل
فمشي البحر زين لي
وباحاول اقضب نفسي ما اروح الطبيب ليييين صج يطلع شئ يبين لي انها صججججج زلاده
محد يبيني اولد
اهلي ماخلصوا شغلهم وحمولتي عندهم استقبال واحد من عيالهم وكل من يبيني امسك الياهل لا تطلع هههههه


نفيشه
ما عندج صورتها؟؟ انا بس شفت البلاستيك !!!


ام عزيز
هونيها وتهون ان شاء الله تولدين
انا حاسه ان يوم السبت لما بيعطونج الطلق الصناعي بتولدين عليهم قبل لا تاخذينه هههههه



بنات باستشيركم بشي مهم بالنسبه لي
الحين معطيني موعد حق عقب شهر
وانا عقب اسبوع ادش شهري مو المفروض من ادش شهري كل اسبوع اراجع؟؟؟؟
اشرايكم اروح لهم كل اسبوع طوارئ والا اروح حق احد ثاني اجيك على عمري كل اسبوع او 10 ايام لين ايي موعدي او اولد؟
ابي رايكم ضروري بليييييز

 

[كليرز]

انا من رايي انج تروحين كل عشر ايام لانه هذي الايام ضروريه للي تدخل التاسع
اسااسا زيارات الدكتور تكون كل اسبوعين لما تدخلين الثامن فما بالج بالتاسع


طيب بنات انا وزوجي لحد الحين مو متفقين على اسم البيبي هو يبي اسم وانا ابي اسم ثاني

شسوي؟؟؟؟

 

[نبض الغلا]

مرحبا بنات شلونكم

رجعت بعد غيبه و السبب كان عندنا ضيوف من قطر توهم راحو اليوم

المهم انتوا شخباركم

محد سال عني الا لوكسري سالت عنج العافيه

 

[بلسم _ الأحزان]

الله يهون على الجميع انشالله انا للحين ماولدت باقيلي 9 ايام وادش شهري ادعولي بالولاده عن قريب لاني مليت والفال لكم

 

[LUXURY]

كليرز
خلاص شكلي باسوي جذي
انا اذا دخلت شهريب ان شاء الله باطب عليهم
يشوفوني وبعدها اهم راح يحطونلي موعد


نبض الغلا
اهلين حبيبتي
الله يعافيج
والله حاتيتج فجاه غطيتي بدون لاتقولين لنا شئ
اشلونج الحين وشنو اخبار الحمال؟


بلسم الاحزان
ان شاء الله تولدين بالسلامه وباسرع وقت
انا حاليا قاعده اشرب زعفران اذا شفت مفعول ابلغج ههههههه

 

[بلسم _ الأحزان]

لوووووووووووووووووول اقول بنات اذا شربت خروع من غير يحوشني عوار عاد مع العلم اني مفتوحه سانتي


يعني اكمل واشرب خروع لانه يقولون يساعد

 

[نفيشه]

لاكسري
لا والله ماعندي الصورة
بعدين لازم تراجعين بالثامن كل اسبوعين وبالتاسع كل اسبوع
انا رايي تقولين حق دكتورتج هالكلام وانج ودج اتيينها كل اسبوع ابرد لج قلب وشوفي شنو تقول لج

ام زيزوووووووو
؟؟؟؟؟؟؟؟؟
امبيه ماني ماذيتج حدج كاسرة خاطري يالله مابقى شي الله يهون عليج يارب
لا تنسين تدعين لي

كليرز
سووا قرعة
انا الصراحة كان في ابلي اسم بس ريلي حاب اسم ثاني وانا طبعي وايد مطيعة فاول ما اقترح ما اعترضت بالعكس وافقت على طوووووول ...>> خووش مرةلو في مني ثنتين جان الدنيا بخير لووووووووووووول

 

[نفيشه]

بلسم الاحزان
لالالالالالالالالا اذا مافيج عوار لا تاخذين خروع تتبهذليييييييييييييييييييييييين ساليني
الخروع اييب الطلق بس مايوسع الرحم
ديري بالج
انا مرة خذيت خروع بالليل والفير ياني عوار وماصار الظهر الا انا والدة
ومرة خذيته وكان فيني عوار اصلا بس يوم خذيته زاد العوار وتبهذلت 3 ايام ميتة من العوار اروح المستشفى يوصل طلقي 100 بس الرحم مسكر ويردوني البيت
يوم ثالث يالله دخلوني بالليل وماولدت الا الظهر ثاني يوم
ديري بالج
انا توووووووووووووبة من الخروع بعد ما اعيدها

 

[malgoofah]

بنات الوحده لازم تولد لما اتكمل شهرها ؟ ما يصير تولد اول ما ادش شهرها ؟ وااااي استغفرالله مليت ودي اول ما ادش شهري اقولهم يولدوني

 

[كليرز]

ملقوووووووووووووووووووووووفه كل شي بوقته حلوووووووووووووووووو

 

[Q8_ButterFly]

بترفلاي - من وين بالنقرة بالضبط ؟ شسم المحل وبجم اخذتيه؟

هلا ام حيدر شلونج


مجمع النقره الشمالي تحت يم الدري الي تنزلين منه والجيس بـ10 والمهاد جنه بـ 15 والافروول ماادري لووووول بس عنده تشكيله كبيره وحلوه

 

[LUXURY]

نفيشه
مشكلتي ما اراجع بخاص بهذلوني اول حمالي
وياربي الزحمه على الحكومه كللللله من الغرب ماكو وايد كويتيين
والريسيبشن حدهم اي شئ ينزرون ويزفون
عاد قلت ودي اروح اراجع بالخاص مؤقت والا اطب على المستشفى بالطوارئ كل اسبوع من كيفي لين تييني ولاده
سين سؤال
اشلون خذيتي الخروع؟؟ يعني قفشه والا اشكثر ومع شنو؟؟ ومتى خذيتيه جم كان باقيلج؟؟


بلسم الاحزان
نطري انتي وصلتي لاخر شئ
تبخري بهالخلطه تراها تطلع الهوا من البطن وتساعد الرحم انه يتوسع وتحمي الطلق
(قشر بصل+كركم بدون صبغه من الحواي مو مال الجمعيه+ورق جاي مو اللي بالجياس المطحون)
خلطيهم بدون مقادير حطي كثر بعض وشبي فحم وحطي كمييييه وتبخري فيه لازم تكونين فوقه جنج قاعده على العربي
ولا تغسلين عقبه
وديري بالج لاتطيحين عليه
وتره يطلع ريحه شوي صعب تفج
وبشريني عنج



بترفلاي
ميرسي عالمعلومات
اقولج هالمحل عنده يصير الجيس قطن والوان فرايحيه فنكي؟؟ يعني مو مال ترزز وتكشخ
الله يعافيج ناطرتج تردين علي اذا في باروح اخذ


كليرز
على قولة نفيشه سوي قرعه والا قصي عليه قوليله هالمره انا اسمي والمره اليايه انت ههههههه

 

[love love]

نور الدنيا ونفيشه
مشكورين حبايب قلبي ماقصرتوا باحاول اروح لاني وايد تعبانه
الله كريم


سؤال للي ولدوا من قبل
اييني عوار قوي مو مغص هوا ويقعد ببطني باخره مكان الرحم يذذذذذذبح ما يروح ويتصلب جسمي والم بالعمود الفقري والعزيزو ومفاصل الحوض وفخذي ويتم على هالحال 5 دقايق ويروح
ياني امس 4 مرات واليوم مره او ثنتين غير العوار النغزات والمغص
وعزكم الله لما ادخل الحمام احس حوظي يعورني وجنه منفتح العظم شووووي عن العادي والمنطقه الاحم شاده جنه الياهل بيطلع منها واهي قاضبته
هذا شنو؟
امي تقول هوا ادري مو هوا تبخرت وماطلع الهوا ولاراح العوار
تكفون بديت اخاف

انا اييلي نفس عوارج من شهر السابع

الله يعيينج

 

[LUXURY]

عالم حواء
والله حبوبه اشوف البنات كل من تشتكي من نفس العوار
بس انا زاد علي والبارحه اتفزز من النوم كل ساعه اونص تقريبا او ساعتين من عوار ونغزات ببطني تقعدني واذا راحت ارجع انام
الله كريم

 

[نفيشه]

لاكسري
انا اخذ الخروع من الصيدلية واشرب كل شوي قفشة و وراها عصير منجا لانه ثقيل شوي يوخر الطعم الغثيث
ولما خذيته كانوا اساسا بيدخلوني يولدوني بس اول مرة ما اذكر انه كان فيني عوار وسبحان الله ياني الطلق الفير والظهر انا والدة
بس المرة الثانية لا كنت اساسا اطلق يوم كامل والطلق صار كل 5 دقايق فرحت المستشفى وردوني قالوا لي مو مفتوح الرح للحين فقلت خل اخذه يمكن يفتح الرحم والله وكيلج زاد العوار متت ولا انفتح الرحم ظليت 3 ايام اطلق واروح المستشفى يردوني يالله يوم ثالث دخلوني وهم طوووووولت ما ولدت الا يوم صار اليوم اللي وراه

تصدقين السهالة من الله
لا تقولين خاص ولا حكومة ولا خروع ولا دارسين ولا مشي
الله يسهل عليننا كلنا يارب

 

[LUXURY]

نفيشه
الله كريم انا قررت ما احن على الولاده خلااااص
متى ما يتني يت اللي الله كاتبه بيصير ماراح اطلع الياهل قبل يومه
واليوم ماشاء الله البيبي تتحرك وايد حسيتها مستانسه بااجو داخل وبحنان الامومه مابي احرمها منه <<<يختي على حنان الامومه
بس والله حاسه باييني الطلق وبينبط الجيس وانا بالدوام هههههه
امي كل عياااااالها كملت شهرها كلهم ولدتهم بموعدها الا انا ولدتني عقب موعدي ب10 ايام يمكن وراثه ماراح اولد مبجر (اقول حق نفسي جذي علشان لما اولد افرح)

انتي اشلونج واشلون الضغط والثقل معاج؟؟ واشكثر باقيلج بالتجهيز؟؟
تعالي طمنينا على الوالده اشلونها الحين؟ عساها بخير
تره والله شاغلتيننا عليها

 

[خشف العوازم]

السلام عليكم

اشلونكم بنات ان شاء الله بخير

الله يهون علينا ان شاء الله يالله مابقى شي ونولد

انا اليوم رحت للدكتورتي تقولي الحمدالله وزن البيبي زين مو جبير ولا صغير

والنبض زين بعد والحمدالله خلصت الالتهابات وفقر الدم صار شي بسيط بس تقولي اكلي حبه وحده قبل كنت اكل حبتين

بس احس ابخمووول مو طبيعي ونومي مقلوب يعني بالنهار نوم بالليل سهر

انا تمهيدي بالدورات الخاصه الله يستر يقولون الدوامات 17 فيراير

واي اشحلات شكلي انا وبطني رايحه ودي اولد وخلص بعدين اداوم

والحمدالله على كل حال

تجهيزاتي كلها خلصتها الكفر انا وامي مسوينه انشالله بيطلع حلو

وشرت امي مطارات وصواني وسكاين وفناجين من الحفر اول مره امي تروح الحفر شغلهم حلو وارخص من الكويت بواجد بعد ما ردت امي بنت عمتي راحت الحفر وجابت طقم فناجين صين 12 حبه محدده بالذهبي وكرستال شكله حييل ذرب مع صينيه صين بيضه محدده بالذهبي رووعـــه ومال التمر اثنين اكبار وصحنين اصغار حق فص التمر بس ابصراحه شكلهم عجييب يهبل سعرهم مع بعض 140 ريال تقريبا

 

[LUXURY]

قموره
الحمدلله حبيبتي ان خف فقر الدم وانج تطمنتي عالبيبي
وتره فقر الدم يسبب خمول وتعب والنومه المقلوبه تلعب دور انا مثلج
وعلى قولتج شكلنا مو حلو نداوم جذي انا دوامي 17 وخايفه
وعليج بستين الف عافيه عالاغراض تتهنين باستعمالهم يا رب
والله يطولج بعمر الوالده ويخليكم لبعض

 

[love love]

عالم حواء
والله حبوبه اشوف البنات كل من تشتكي من نفس العوار
بس انا زاد علي والبارحه اتفزز من النوم كل ساعه اونص تقريبا او ساعتين من عوار ونغزات ببطني تقعدني واذا راحت ارجع انام
الله كريم

يمكن ولادتج قربت جني سمعت طلق الابنيه باارد


الله يسهل علييج والله يعيينج على الدوام بالجامعه وين تدرسين؟

 

[LUXURY]

عالم حواء
وي ما قلتلللللج؟؟؟؟؟
راح العوار
هالبنت لعبت فيني لعب بافرصها لما تطلع هههههه
كل من يقولي شكل بطنج بتكملين شهرج
يالله الله كريم علشان احط حنه بكشتي المشوهبه والطخ جسمي وجان في دكتور يبي برسنتيشن انا عند ويهه قبل لا اولد هههههه
انا بصير تببببببتشر هههههه