روايتي الثانيه : رآح الامـل ..

[5uO5a :*]

Kmlyyyyyy ! Waiting ;**
!

 

[Ghalawii]

Uuuuppppppp kmlaaaaay :'( :'( :'(

 

[Dr.nono]

هاي .. آنا متابعه يديده للروايه ! وثااانكس ع كل البارتات 3>

وحبيت اقولج انه روايتج باين انها حلوه وتشووق

وبخصوص الشخصيات

بصرآااحه أكثر اثنين يكسرون خآطري بالروايه

( سامي & مريم ) > الجـزء اللي صج صج كسسر خآطري لمن دق ع دانه وقالها : انتي.. انتي .. " يبجي " احبج ( وسده )

و سامي : كلشش ماله شخصيه واهوا ريال المفروض يفرض كلمته عليهم مو اهما ..

وامه وخواته حددهم باطين جبدي @@ وييع قطييعه ماحب هالنوع من الناس

ودانوو واعليا عليها مسكينه ..

مريووم " وآآآآآآي اممبيه تكسر الخاطر حدها الله يشآافيها يارب :'(

آححم بس أكثر شخصيه عجبتني بالروايه اللي اهيا ملاك لوول احسها انا مادري ليش !!


وحبيبتي عندي سؤال صغير : ( آنا استغربت انه ماكوو تعريف بالشخصيات لييش !؟ )

يعني مو كاتبه مواصفاتهم واعمارهم !؟

وأرد اقوولج كمملي ناطرينج الروايه حدددددددها اتينن !!

وسوري وآيد كتبت كلام :O

waiting ..

 

[Dlol elhbla]

up ~

 

[Đ₥яŋỳ♣7βҜ]

زينه : آآآي احمد وين موديني ؟ اح اح زين هدني قاعد تعورني والله
احمد يصرخ : ولا كلمه ..
و اخيراً وصلو لمصافط السيارات
زينه تهد الجياس و تخليهم عالارض ..
احمد يصرخ : ممكن اعرف شعندج مع الخرا هاذا علي
زينه مدمعه : والله والله ...
احمد يقاطعها بصرخه : يا حماره لا تحلفين جذب
زينه : ورب الكعبه ما اعرفه وولا يعرفني انا كنت اطلب و اهو يتحرش و زفيته
احمد رافع حاجبه و بضحكة استهزاء : ماشالله والله عندج شرف
زينه منصدمه : اي اكيد عندي شرف شتتوقع ؟
احمد : و ليش ما يطلع علي هذاك حبيب القلب الي تكلمينه بالافنيو
زينه تبجي : احمد شفيك و راس امي ماكنت اكلم واحد كنت اكلم نوف رفيجتي بس نستعبط نسوي روحنا شباب والله والله ( تحط ايدها على ويهها و تشاهق )
احمد كسرت خاطره بس كابر : عبالج دموعج بتخليني اصدقج ؟ سمعتي بدموع التماسيح ؟ هههههه
( احمد نقطة ضعفه عيون زينه و دموعها )
زينه تزيد بجي : حرام عليك والله ظالمني
احمد ماقدر يتحمل و صرخ : زين ليش تبجين ؟ مسحي دموعج لا تبجين
زينه مسحت دموعها و مسحت المسكرا السايحه .. لكن ما زالت اثار البجي باينه
زينه خذت نفس عميق : احمد .. تحبني ؟
احمد يكابر : لا .. ما احبج وولا فكرت بيوم اني احبج اصلا ما اهتم لج
زينه : ارفع راسك و طالعني ..
احمد رفع راسه وكان يطالع السما : نعم ؟
زينه : احمد .. حط عينك بعيني و جاوب
احمد حط عينه بعينها ماقدر يتحمل حس انه بيفضح روحه
احمد بعصبيه : انتي وين بتروحين الحين و شكو يايه برجر كنج ؟
زينه : دانه تبي برجر و طلبت لي و لخالتي .. و الحين بروح المستشفى
احمد بشك : تروحين المستشفى ولا تروحين عند حبيبج ؟
زينه مدمعه : احمد و بعدين معاك ؟ روح اسأله اذا مو مصدقني
احمد : خلاص اذا كنتي صاجه بكلامج خليني انا اوصلج
زينه تمسح دمعتها الي نزلت بسرعه : اوك .. بسيارتي ؟
احمد : اي لاني اصلا ياي مع علي و مابي ارد معاه .. ارد مع حبيب بنت خالتي ليش ( بضحكة استهزاء )
زينه حقرته : انت بتسوق ولا انا ؟
احمد رافع حاجبه : لا طبعاً انا
زينه تمسك الجياس : اوك
( ركبو السياره )​

//​

ملاك : اصورلج لبسي ؟
شيخه : يعني تصورين اللبس عليج ؟ ولا بروحه ؟
ملاك : لالا الحين اقايس و اصور نفسي و ادزلج
شيخه : اوك ناطرتج ​

بنفس الوقت ..
حمد منسدح بغرفته و رافع التلفون يسمع كلامهم
حمد بخبث " انا لازم اشوف اللبس عليها "​

بعد دقـايق وصلت الصوره لشيخه ..
ملاك لابسه نفنوف اوف وايت كله مطرز بشك اوف وايت .. و صاير من صوب الصدر فلو شوي مع شريطه تحت الصدر عنابيه و نهايتها فيونكه
و كان النفوف حفر و لي نص الركبه ..
و شعرها حاطته عنقوص بيت و على ويهها اثر مكياج الطلعه .. ​

شيخه دقت على ملاك : واااااااااو تيننين
ملاك : لا بعد ترا على كشتي ​

شيخه : شكلج بيطلع كيووت
ملاك : بس ها .. سمعي شيوخ .. مابي اغاني .. لان كلش مو حلوه اختي بالمستشفى وانا رايحه اترقص .. ترا بروح مجامله عشانج بس .. بسلم عالحريم و اقعد شوي و اروح حتى البوفيه ماني حاضرته
شيخه : اي اي خو حقج ما تنلامين
ملاك : بس محتاره مادري شسوي شعري ؟
شيخه : انا اقول ستايلج يبيله شي عفوي يعني ليش ما تروحين الصالون يسوون لج تسريحه بسيطه .. كبه و يثبتونها لج بس الي يشوفها يقول مو مثبته شوي رخوه و نازله خصل منها .. و تدرجين قذلتج تخلينها على جنب مع شيسمونه تاج فيه فيونكه اوف وايت
ملاك باقتناع : امممم تصدقين حلوه فكرتج
شيخه : افا علييج اعجبج
ملاك : عيل انتي سمعيني .. فتحي شعرج ماشالله عاد شعرج طويل و خلي قذلتج سيدا تحت الحاجب .. امممم و من ورا بف خفيف مثبت بفيونكه زرقه نفس درجة نفنوفج
شيخه : اصبغه ؟
ملاك : اي اي خليه كاكاوي
شيخه : تتوقعين اطلع حلوه ؟
ملاك : الا تيننييين يعني لو انا ريال تزوجتج
شيخه : يالمتوفيه ههههههه ​

,,​

زينه تلعب بتلفونها و تكلم رفيجتها بدريه
بدريه ( عفيا زيون دشي تويتر كملي هواش معاي تخيلي زنوب و هجور خافو و راحو ما بقى الا انا و انتي )
زينه ( Mmmm madry wallah 5letii al.shja3a ly =D )
بدريه ( يلا عاااااد تكفين ما بقى الا انتي خو فزعي معاي )
زينه ( afa 3leech mn 3yonii 3ndch zlm zlm =)) )
بدريه ( بعدييي وانا اقول ما يجيبها الا رجالها )
زينه ( let's Gooooo ) ​

احمد كان يقرا كلامها لانها تورش و الخط كبير ..
احمد رافع حاجبه : بتدشين تويتر ؟
زينه بصدمه : شدراك ؟
احمد يصرخ : بتدشين ؟
زينه بخوف : اي بدش شنو شفيك
احمد بعصبيه : انتي عندج اكاونت بتويتر ؟
زينه بلعت ريج : إي
احمد صفط على جنب و بصرخه : انتي هبله ؟ عندج اكاونت بتويتر ليش ؟ تويتر هاذا خراااب ؟ يا حماره عطيني فونج
زينه عطته بخوف : بس انا ما اكلم شباب
احمد يصرخ من قمة راسه : سكتي ولا كلمه و التبن رفيجتج شتقولج ؟ نتهاوش ؟ يعني تتهاوشون مع بنات بالله ؟ عبالج انا خبل ولا اثول نفسج
( يدور برنامج تويتر )
احمد بعصبيه : حذفته لج و ان شفتج او سمعت مجرد انج فكرتي تحملينه مره ثانيه .. والله يازينه والله يصيرلج شي عمرج ما شفتيه
زينه تلعب باظافرها خايفه : ......
احمد يصرخ : مفهووووووم ؟
زينه : اي
احمد يحذف عليها تلفونها : هاج التبن ( يحرك )​

,,​

حمد طق باب غرفة شيخه ..
شيخه : ويت ملوك .. ( تصرخ ) تفضل
حمد : اقول شيوخ عندج رصيد ؟
شيخه : اي شريت من الجمعيه .. ليش ؟
حمد : حولي لي دينارين
شيخه معصبه : شلون يعني حمودو ما ارد الخدمه ؟
حمد بملل : خو اردلج اياهم يلا عاد
شيخه : امممممم
حمد : سدي و انا بحول لي دينارين و ردي كلميها ما راح تطير
شيخه بنفسيه : زين .. الو ملوك حياتي حمودو بيحول له رصيد و ادق عليج اوكيك ؟
ملاك : اوكيك ( سدته )​

حمد يمسك تلفونها و يروح صوب المسجات ..
شاف اسم " ملكلك "
ابتسم بخبث و دش على محادثتهم شاف اخر شي صوره
استانس و دزها له مسج و مسح المسج ​

شيخه بتافف : انت شقاعد تسوي ؟ كل هاذا تحويل
حمد : ناسي الطريقه صبري
( تاكد ان وصلت الصوره و حول له رصيد دينارين )
شيخه : ها خلصت ؟
حمد يحذف عليها تلفونها مستانس : مشكوووره
( طلع )​

//​

احمد يحذف عليها كلينكس : مسحي
زينه و لمعه بعيونها : شمسح ؟
احمد : حمرتـج
زينه انصدمت : ليش ؟ حمرتي مافيها شي
احمد يصرخ : حاطتلي حمره عنابيه غامجه و تقولين مافيها شي
زينه مسحت و اهي ساكته ..​

" الي حبيته راح ناسي كل الي راح عطره في عمري فاح راح و نساني
زينه : الووو
دانه تصرخ : وينج ياحماره وينج
زينه : كاني يايه بالطريج
دانه : طلبتي ؟
زينه بملل : اي
دانه : زين شفيج ؟
زينه : مافيني .. بس نعسانه
دانه : اهـا يلا هانت الحين بس ناكل راح يي محمد اخوج مع عواش و خالتي
زينه : وانتي متى بتطلعين ؟
دانه : اليوم الفير بس تطلع تحاليلي و اوراق خروجي اطلع
زينه : و بتروحين بيت ريلج ولا بيت اهلج ؟
دانه : لا بروح بيت ريلي و انشالله بين يوم و الثاني اييلكم
زينه : اوك حبيبتي ديريبالج على روحج
دانه بعصبيه : يلا تعاااااالي
زينه : اف دانو شفيج اتصرقع من احد يصرخ بويهي
احمد " حرام طول اليوم متصرقعه "
دانه : بسرعه طوولتي ترا حتى امي ماتت يوع
زينه : كاني يايه ( سدته )​

احمد بنفسيه : متى بتردين انتي و امي و عبدالله
زينه : عبدالله رد لانه الدوام طالبينه
احمد : وانتي و امي ؟
زينه : بس نتعشى راح نرد
احمد : و منو بيي وراكم ؟
زينه : مها و محمد و عايشه و امي
احمد : اممممم و احنا الفير عدل ؟
زينه هزت راسها بمعنى " اي " ​

زينه حطت ايدها عالقير من غير قصد
احمد وقف عند الاشاره و مسك القير من غير لا يطالع ايد زينه
زينه فزت و حست بقشعريره : أ.. اسفه ( بعدت ايدها بسرعه )
,,​

حمد يحط زوم على ملامح ملاك ..
العيون الوسيعه و سلة الخشم و شفايفها صغار بس متروسين
شعرها الكستنائي مبعثر مسويته عنقوص
و اثار المكياج على ملامحها الانوثيـه
و كان جسمها بالنفنوف يهبببببببل
حمد " ملاااااك اسم على مسمى بس وربي لا انتقم منج مو انا الي ينقالي ( اكرهك ) "​

في هاللحظه .. تذكر موقفها لما خافت من الزهيوي
شلون جلبت ببلوزته و متمسكه حيل بزنده
تذكر بعد لما مسك ايدها و عيونها مدمعه
تذكر نبرت التوسل و صوتها المبحوح لما تقول : حـمـد
حمد تنهد من قلب " آآآآآآآآخ يا ملاك انتي براسي و الوعد جدام "​

//​

زينه : انت الحين بتنزل معاي ؟
احمد : اي شرايج اقعد بسيارتج شسوي
زينه : و بتم قاعد ليمن ايي محمد و ترد بسيارته ؟
احمد : اي لان اساسا ياي بسيارة علي و مالي خلق ارد معاه عشان لا يكون نهاية يومنا بمخفر
زينه : اممممم اوكيه ( نزلت )​

المـسـتـشـفـى ..
دانه تصرخ : لا تكفين جان مو يايه
ام عبدالعزيز : متنا يوع
زينه : كان زحمه خو شسوي
احمد : احم احم
ام عبدالعزيز : دش يما ما من غريب
احمد : ماشالله شلون عرفتيني ؟
ام عبدالعزيز : ولدي بعد حشاشة يوفي
احمد باس راس امه : شلونج يالغاليه ؟
ام عبدالعزيز : بخير الحمدلله .. ويييي ما طلبنا لك
دانه : انا طالبه 3 تشيكين رويال اخذلك وحده
احمد انصدم : لحظه ! جم جم ؟
دانه مستحيه : جب جب حمود لا تقعد تضغطني
احمد ببراءه : دانوه .. الحمال يسوي جذيه ؟
دانه بضحك : اي و اكثر بعد هاذا توني ثالث شهر
احمد بعفويه : يعني مرتي باجر بتصير هيا الشعيبي ؟
دانه بعفويه و خبال : لالا تطمن زيون نظامها تاكل ما تمتن ما يبين عليها
زينه رفعت راسها خزت دانه و نزلت راسها
كان ويهها طماطه و من الاحراج تلعب بجيس برجر
ام عبدالعزيز : هههههههههه و حلاتها والله المستحيه
دانه تضحك : سوري زيون مو قصدي والله بس شسمه طلعت جذي عفويه
زينه بابتسامة قهر : لا عادي ( تضغط على الجيس من القهر )
دانه : زين لحظه الجيس شكو مسكين ما سوالج شي
زينه رفعت حاجبها : دانه ؟
دانه : خلاص خلاص بسكت .. انا البندوره الحمرا مزروعه بين الخضرا
زينه طقت ريلها عالارض حيل : داااانـه
احمد كان مستمع و ضحك من قلب : ههههههههههه دندون احبج
زينه " شالتناقض الي فيه ؟ لما نكون بروحنا يصرخ و يتحدى و ينرفز .. و الحين يحبني ؟ "
دانه تضحك : هاك هاك ( تعطيه الوجبه )
احمد : مشكوره بس باخذها البيت
ام عبدالعزيز : براحتك يا يمه ​

//​

ملاك : ها عواش بتروحين ؟
عايشه : اي الحين بيمروني خالتي و محمد و مها و بنروح
ملاك تلمها : ديري بالج على روحج
عايشه ابتسمت : انشالله
عذاري تنهدت : الله يشفيج يا مريم .. قلوبنا محترقه عليج
عايشه : كاهي دقت مها .. يلا مع السلامه ( راحت ) ​

عذاري تمسح دمعتها بسرعه : فقدتها .. وايد فاقدتها
ملاك نزلت راسها : يارب تشفيها​

,,​

سـيـارة مـحـمـد ..
ام صالح : محمد يمه خلك هني احنا بننزل و بعدين دور مصفط
مها تنزل
عايشه توها بتنزل بس وقفها صوت ام صالح
ام صالح : عواش حبيبتي و يسلم عمرج خلج قاعده عشان تروحين المطعم الي يم بيتنا .. طالبه عصيرات فرش كوكتيل و برتقال و مانقو بس نسيت لا اييبهم قوليله بس انا من طرف ام صالح قطعه 2 و بيعطيج الطلب
عايشه توهقت " انا و محمد بروحنا ؟ " : انشالله خالتي
( صكرت الباب )
محمد بابتسامه : عايشه تعالي قعدي جدام
عايشه باحراج : لا انا مرتاحه هني
محمد : بس عيب محد يقعد يمي و انتي بنت خالتي و بنت عمي يعني منتي غريبه .. مو حلوه اطلع جني سايق
عايشه : محشوم ( نزلت و قعدت جدام )
عايشه ابتسمت : جذي زين ؟
محمد يضحك : ميه ميه ​

//​

جـانـب آخـر ..
وقفو كل الاجهـزه
غطا ويهها بالفراش الابيض
الدكتور يهز راسه بأسف : لا حول ولا قوة الا بالله​

قراءه ممتعه :*
بإنتظار الردود و التوقعات ​

 

[Đ₥яŋỳ♣7βҜ]

هاي .. آنا متابعه يديده للروايه ! وثااانكس ع كل البارتات 3>

وحبيت اقولج انه روايتج باين انها حلوه وتشووق

وبخصوص الشخصيات

بصرآااحه أكثر اثنين يكسرون خآطري بالروايه

( سامي & مريم ) > الجـزء اللي صج صج كسسر خآطري لمن دق ع دانه وقالها : انتي.. انتي .. " يبجي " احبج ( وسده )

و سامي : كلشش ماله شخصيه واهوا ريال المفروض يفرض كلمته عليهم مو اهما ..

وامه وخواته حددهم باطين جبدي @@ وييع قطييعه ماحب هالنوع من الناس

ودانوو واعليا عليها مسكينه ..

مريووم " وآآآآآآي اممبيه تكسر الخاطر حدها الله يشآافيها يارب :'(

آححم بس أكثر شخصيه عجبتني بالروايه اللي اهيا ملاك لوول احسها انا مادري ليش !!


وحبيبتي عندي سؤال صغير : ( آنا استغربت انه ماكوو تعريف بالشخصيات لييش !؟ )

يعني مو كاتبه مواصفاتهم واعمارهم !؟

وأرد اقوولج كمملي ناطرينج الروايه حدددددددها اتينن !!

وسوري وآيد كتبت كلام :O

waiting ..

يآ هلا حبيبتي ::*
مشكوره و نورتي روآيتي ><
بالنسبه لسؤآلج :
بصراحه انآ ما احب القرقه لوول
أحس اذا عرفت بيآخذ وقت و بيضيعون المتابعين !
و قلت مع آلاحداث بيعرفون كل شـي :*
آنشالله حياتـي ,
حيـآج اللـه :eh_s(22):​

 

[5uO5a :*]

laaaaaaaaaaaaaaaaaaaaaa laaa tmooooooot ;((((((( !!
waiting uw !

 

[princess-m]

لاااااااااااااا مرييووووووم لا تمووووووت
احمد خف ع زيون والله مسجينه
ثانكس ع البارت ​

 

[Føzöø]

لا انشالله مو مريم الي ماتت

 

[Dr.nono]

وييييي لايكوون مريوم راح تمموت !! @@

أحمد ليشش يسوي جذي !! < حدده غاثني !!

ثانكس ع البارت حبوبه 3>

waiting ..

 

[3ωɑƨнoυн]

نآيسس , !
حمممد برآسهه شي ,
آحمدوؤ متنآقضض , !!
محممد بيسسوي شي
و آخخر شي :-
" Happy Birthday To You "
ويتنق ,

 

[Đ₥яŋỳ♣7βҜ]

يعطيكم آلعآفيه ><
عوآشوه لوول و آنتي بخير حياتي :*
انا اعلمج يَ آلخآيسسه
بنآت حبايبي ..
اليوم بكتب لكم بآرتين طوآل
لأن بإذن آلله بودي آللاب فورمات :*
نطروني -.-​

 

[princess-m]

ناطرينج
آب آب ​

 

[خوخه تحب الدوخه]

لاااااااااااااااااااااااااااااااااااااااااااا
ااااااااااااااااااااااااااااااااااااااااااااااا
ااااااااااااااااااااااااااااااااااااااااااا
مريوم ماتت حرااااام:eh_s(2)::eh_s(2)::eh_s(2)::eh_s(2)::eh_s(2)::eh_s(2):
و الله الرواااايه عجيييييبه بمعنى الكلمه يعني شي خياااال :rerrerek::rerrerek:
وااااااااي مته تنزلين البارت الياي
الله يعطيج العافيه على البارت الحلووووو

لعنوووووووووونج:eh_s(17)::eh_s(22)::eh_s(22)::eh_s(22):

up
up up
up up up
up up up up
up up up up up
up up
up up
up up

احلااااا تحيه:eh_s(8)::ggdw::ggdw::ggdw::ggdw:
​

 

[A7laa kuwaitia]

انا متابعه يديده

لااااااااااا مريوووم لا تمووت تكفى
احمد شوي شوي ع زيوون
حمد همن شوي شوي ع ملوووك
دندون لو انا منج اطلب طلااق ولا اعيش هالعيشه استغفرالله بس اشواا تعدلوو بس الله يستر ع جرااحوو
سامي اكرهه الريايل الي ما عندهم شخصيه مع احترامي لهم احسهم جنس
ومنوو بعد بث واسفه اذا نسيت احد

 

[Dlol elhbla]

البآآرت يهبــل :*
تسسسلم يمنآچ . .
و [ گـل عـآم و آنتـي آحلـى صصديـقه , آحبچ يآ الخآيسسه ]

وـيتنق

 

[Ghalawii]

لاااااااااااااااااااااااااااا مريوووووووووووم لا تمووووووووووووووت☹☹☹

 

[Đ₥яŋỳ♣7βҜ]

جـانـب آخـر ..
وقفو كل الاجهـزه
غطا ويهها بالفراش الابيض
الدكتور يهز راسه بأسف : لا حول ولا قوة الا بالله​

,, ​

ام عبدالعزيز تسلم على ام صالح و مها ..
ام صالح : منتي راده ؟
ام عبدالعزيز : لا برد مع احمدو بعد شوي
ام صالح : ايه زين .. شلونج بنيتج دانه ؟
ام عبدالعزيز : اليوم بيعطونها اوراق خروج
مها : ها خالتي بشرينا .. ما كلمج الدكتور عن حالة مريم ؟
ام عبدالعزيز بيأس : لا والله ​

خطوات كانت تتقدم لي صوبهم ..
ومع صوت الخطوات يزداد نبض القلوب خايفه ,
الدكتور : السلام عليكم
الكل : و عليكم السلام
الدكتور : انتي ام مريم عدل ؟؟
ام عبدالعزيز قلبها قارصها : اي نعم .. خير دكتور شصاير ؟
الدكتور نزل راسه : بنتج تطلبج الحل .. الله يرحمها و يغمد روحها الينه .. ماعليه يا ام مريم الموت حق
ام عبدالعزيز صدى كلمته يتردد باذونها " بنتج تطلبج الحل .. بنتج تطلبج الحل .. بنتج تطلبج الحل "
ام عبدالعزيز صرخت من قمة راسها : مـررررررييييييــم​

//​

عايشه فيها بجيه : محمد
محمد : بسم الله شفيج ؟
عايشه : السواره ضيقه قاعده تعور ايدي وماعرف اقطها ( باحراج و حزن ) تعرف تقطها ؟
محمد : وييييه عاد ما اعرف حق السلسه و هالسوالف
عايشه بحزن : ما تعرف يعني ؟ امبي وايد تعورني حتى مكانها طبع لون احمر
محمد بابتسامه عريضه : افا عليج حتى لو ما اعرف اتعلم عشانج ( يمسك ايدها و يحاول يفتحها )
عايشه بوناسه : واي و اخيرا .. يعطيك العافيه حمود
محمد : الله يعافيج
" يردون قلت لازم يردون وين مني يروحون هاذا طبع الي يحبون يردون "
عايشه : الو هلا خالتي
ام صالح برجفه : عايشه
عايشه بخوف : خالتي شفيه صوتج ؟ شصاير ؟
ام صالح تبجي : مريم اختج تطلبج الحل
عايشه انصدمت وسكتت فتره : ............
ام صالح تبجي اكثر : الله يرحمها ادعيلها عايشه ادعيلها
محمد يسحب التلفون ..
محمد : يمه شفيج شصار شقلتي حق عايشه ليش انصدمت جذي ؟
ام صالح منهاره : مريم ماتت مريم تطلبك الحل
محمد حس بقشعريره و خوف و حزن : لا حول ولا قوة الا بالله .. الله يرحمها انشالله
( ام صالح سدته )​

عايشه كانت على وضعها .. منصدمه .. لدرجة انها ما حست بولا شعور .. لا صدمه وولا حزن وولا قشعريره وولا وداع وولا خوف .. كانت على وضعها ما تغير ولا شي ..
فاتحه حلجها من الصدمه و عيونها ما ترومش ..
بس شي واحد جدام عيونها .. صورة مريـم .. و تفكيرها واقف
بإختصار : جـسـد بـلا روح ..​

محمد نزلت دمعته و مسحها بسرعه : عايشه .. عايشه يبا .. ( هزها شوي ) عايشه .. عواشه ( يصرخ ) عااااايشه .. عايشه تسمعيني ؟ عاااايشه هزي راسج عالاقل بتطمن عليج .. عايشه شفيج ؟ ( يهزها اقوى )
لكن عايشه للاسف على وضعيتها
محمد يحط ايده على عيونها الي ما ترومش : عايشه خلاص ادعيلها ادعيلها ( يغطي عيونها )
محمد شال ايده و عايشه على حالتها ..
بعد دقايق ..
عايشه تصرخ : مررررريم .. مريم اختي .. ( تطق محمد ) وين مريم ؟ مريم صج ماتت ؟ لا انتو جذابين .. مريم .. مريم كانت معاي الاسبوع الي طاف .. انتو ما تحبوني وما تحبون مريم .. ( منهاره ) ااااااااااه يا مريم .. لا تروحين ( تصرخ ) لا ترووحين و تخليني .. من لي غيرج مرييييييييييييييم .. قومي تكفين قومي الحين يايتلج بسولف معاج .. بضحك .. بشوف ويهج .. مريم الله يخليج سمعيني .. انا احبببببج .. انا اموت فيج .. انا عواااش اختتتتج .. مريم تسمعيني ؟ مريم وين بترووووووووحين لا تخليني تكفين ( تطق روحها ) ااااااااه يا مريم اااااه يا اغلى ناسي لا تروووحين و تخليني .. اذا اشتقتلج شلون اكلمج ؟ وين القاااااااااج .. خلاص يعني مافي مريم ؟؟ .. و فراشي ؟ محد بينام يمي ؟ و المدرسه منو بيروح معاي ؟ منو بيطفرني ؟ منو بيضحك معاي ؟ ( صرخت من قمة راسها ) لا تروووووووحين
محمد يهز راسه متأثر حيل : يبا عايشه .. ما يجوز هالكلام الله يرحمها
عايشه تصرخ من قمة راسها : لا تقول الله يرحمها اختي ما ماتت ما مااااااااااااااتت​

//​

ملاك تشاهق : لا لا مستحيل .. عذاري يجذبون صح ؟
عذاري منهاره : اييييييي مريم ما ماتت .. تذكرين ملاك ؟ لما كانت قاعده معانا بالغرفه ؟؟
ملاك طاحت من طولها و ظلت ترجف عالارض تصرخ : مريم ما راحت .. مريم مووجوووده هني ( تاشر على قلبها )
عذاري تنزل مستواها : ملاااك مريم بتيي باجر صح ؟ تقعد معانا و نسولف مو ؟
ملاك تعض شفايفها و منهاره : ايييي صح اصلا مريوم تحبنا ماراح تخلينا ​

بـنـفـس الـوقـت
احمد يبجي و يلم امه : ميخالف يا يمه ادعيلها
ام عبدالعزيز ميته بجي : ااااااااخ يا احمد اختك راحت
احمد يبوس ايد امه و دموعه ماليه ايدها : احنا عندج يا تاج راسي
ام عبدالعزيز تصرخ : رااااااااااحت مريم راحت اخر العنقود ​

زينه تحط ايدها على ويهها وتشاهق : الله يرحمج يا مريم
مها تنزل دموعها بهدوء واهي سرحانه : اللهم امين ..​

الدكتور : بغيت ام المرحومه رحمة الله عليها
احمد راحله و خشمه احمر و عيونه صغار من البجي
احمد : آمر ؟ انا اخو المرحومه
الدكتور : بغيناك توقع على موعد الجثه وشهادة الوفاه
احمد نزل راسه : انشالله
( راح معاه )​

,,​

دانه ماسكه ايد ملاك حيل : ادعيلها ادعيلها
ملاك تشاهق : الله يرحمها
عذاري تهز راسها : ماني مصدقه ( تغمض عيونها حيل ) ودي اغمض و افتح عيوني و القاها جدامي و يطلع كل هاذا حلم
( دخلت عليهم عايشه تصرخ )
عايشه تصرخ : وين مريم ؟؟ ( تكسر الادويه الي يم دانه ) قاعده اقولكم وين مريم
ملاك تزيد بجي : خلاص عاااايشه لا تزيدين الي فينا
دانه حطت ايدها على حلجها و قعدت تبجي على موقف عايشه
عايشه تصرخ : ويييييييييين مريم ؟
عذاري تبجي : مريم عند ربج الله يرحمها ​

//​

الدكتور : عاد تصدق يا اخ احمد ؟ اليوم عندنا حالتين وفاة و حاله صحت من الغيبوبه و لله الحمد
احمد مسح دموعه : الله يرحمها
الدكتور : تفضل وقع ( شهادة الوفاه ) ​

الاسم كان : مريم سعود حميدان الـ***
احمد رفع راسه : دكتور ؟ مريم سعود حميدان الـ*** ؟ اختي مريم خالد مبارك الـ*** !
الدكتور : عفواً .. عطني شوي اكيد في غلط ( يفتش بالاوراق و يكلم السسترات )
بعد ربع ساعه و احمد كان يفرك ايده من التوتر
الدكتور بفرحه : اسف اخ احمد بس حدث غلط بالاسامي بحكم ان كلهم اساميهم مريم .. و اختك صحت من الغيبوبه
احمد يصرخ : شنوو ؟ اختي مريم ما توفت ؟؟ اختي حيه ؟
الدكتور بإحراج : اسف بس غلط والله من الاسامي يا اخ
احمد يقاطعه بصرخه : الشرهه مو عليكم الشرهه على وزاراتنا الي مخليتكم هني تفو عليكم و على اشكالكم حرقتو قلوبنا على هالمسكينه و حرقتو قلب خواتي و اهلنا حسبي الله عليكم الله لا يكثر من امثالكم
( تيمعوا الدكاتره على صراخ احمد )​

دكتور 1 : هد ياخوي هد و الحمدلله على سلامة اختك
دكتور 2 : ما عليك راح يتم اجراء التحقيق اللازم
احمد : حسبي الله عليك ( راح )​

,,​

ام عبدالعزيز تصرخ : شنوووووو ؟ بنيتي مريم حيه ما ماتت ؟ ( تمسح دموعها ) يمه بنيتي وينها ؟
احمد : صحت من الغيبوبه الحمدلله
ام عبدالعزيز تنزل دموع الفرح : صحت ؟ ( من الفرحه نست لا تعاتب و تحاسب الدكتور لا تلومونها )
ام صالح بفرحه : وينها وينها ؟
مها و زينه يوقفون منصدمين : مريم صحت ؟
احمد : اي صحت بس يبيلها ترتاح شوي
( يت عايشه و ملاك و عذاري و دانه )
عايشه : شصاير شهالصراخ ؟
احمد : مريم حيه و صحت من الغيبوبه
عايشه تصرخ : مرييييم وين ؟؟
ملاك تنزل دموع الفرح : صج ؟ مريم اختي صحت من الغيبوبه ؟
عذاري تلم دانه حيل : الحمدلله الحمدلله ​

احمد : امشو نروح لها بس بشرط شوي شوي و تقسمو مو كلكم مره وحده
ام عبدالعزيز توقف : انشالله ..​

//
الغرفه كئيبه و بـارده ,
نايمه بين سريريـن و الدرب ( المغذي ) موصل بايدها
كانت تحرك راسها ببطئ وتتنفس ..
تحس ان في بقلبها كلام وايد بس ماتقدر تقوله
صحت بعد غيبوبه دامت تقريبا اسبوع ,​

دخلت ام عبدالعزيز و عايشه و ملاك و احمد
مريم حست بوجودهم ..​

ام عبدالعزيز قعدت عالكرسي يم مريم تقرا قرآن يم راسها​

ملاك دمعت عيونها " ما تعودت عليها هاديه جذيه " ​

احمد قعد بالسرير الي يمها يدعي لها و ولهان عليها ..​

و عايشه قعدت تتأمل بمريم و بملامحها ..
ذبلانه .. ضعفانه .. تحت عيونها سواد .. ويهها اصفر
مسكت ايد مريم و تتذكر هواشهم و ضحكتهم ​

لـكـن الـي ونـسـهـا ..
أن مريم ضغطت على ايدها ..​

عايشه : مريومه حبيبتي تسمعيني ؟ شنو تبين ؟
مريم بثقل : أ... أحـمـد​

تـآبـع ..​

 

[Đ₥яŋỳ♣7βҜ]

مريم : أ.. أحـمـد
عايشه ترقع : مـاي ؟ اي انشالله الحين اييبلج ماي ( فتحت جنطتها و طلعت بطل ماي )
مريم تفتح عيونها ببطئ و بخمول ..
عايشه ترفعها شوي شوي و تشربها ماي عشان يبلي ريجها ​

ام عبدالعزيز عيونها مدمعه : الحمدلله عالسلامه يمه
مريم بصوت مبحوح : الله يسلمج
ملاك : الحمدلله على السلامه خوفتينا عليج
مريم ابتسمت : الله يسلمج
احمد يمسك ايدها : الف الحمدلله عالسلامه .. مشتاقلج يا حماره
مريم بضحكه خفيفه : وانا اكثر
عايشه لمتها : يالخايسه مريوم شسويتي فينا وقفتو قلوبنا
مريم تضغط على عايشه " محتاجتلج عواش "​

ام عبدالعزيز تمسح دموعها : ولهت عليج يا يمه ( لمتها حيل )
مريم مدمعه : يمه انا اسفه
ام عبدالعزيز تلمها اكثر : مسامحتج مساامحتج​

احمد : خلاص خنخليها ترتاح
عايشه : بس انا و ملاكو بنام عندها
مريم : لا شبعت نوم خلج يمه خلك حمود
ام عبدالعزيز : يمه احمد ناد ام صالح و عيالها و دانه و عذاري
احمد وقف : انشالله ( طلع )​

ملاك : مريوم سريرهم مريح ؟
مريم : هههههههههه اي عجيب​

( دخلو اهلها الباجيين )
ام صالح : حبيبتي مريووووومه ( سلمت عليها )
مريم : هلا خالتي هلا حياتي ​

زينه تصرخ : ياهوووووووووه نحن هنا
مريم مستانسه : زيوووووون
زينه تلمها حيل : عساج تكسرين سريرهم بالعافيه
مريم ميته ضحك : صج هبله​

دانه بفرح : السلام عليكم
مريم مستانسه : هلا هلا هلا دندوونتي
دانه تلمها حيل : شوفي معني حامل بس لامتج حيل
مريم انصدمت : ها ؟ شنو ؟ حامل ؟
دانه تضحك : اييييي حامل
مريم تبوسها : الف الف الف مبروك حبيبتي ​

عذاري دخلت واهي تمسح دموعها : مريومي
مريم تضحك : ويييييه عاد لقيتو عاد .. عذور ام دميعه
عذاري طبت بحضنها و لمتها حيل جنها مو شايفتها من سنه
عذاري تبجي : فاقدتج مريومي حيل فاقدتج
مريم ببحه ماسكه بجيتها : حيااااتي انتي ​

مها : تيراااااااااااا
مريم تصرخ : اهللللللن مهوووووي
مها : الله وناسه شحلات السراير
مريم : شكلي بطيح من عيونكم على السراير
مها تبوسها : حيوانه تدرين خبصتي قلوبنا ؟ ​

محمد و صالح دشو سلمو عليها شوي ماطولو و طلعو .. ​

عايشه : اي والله صرقعونا
ام عبدالعزيز : حسبي الله عليهم بغيت امووت
مريم : الله لهدرجه انا غاليه عندكم
عذاري : واااااااااايد وايد
مريم بضحكه : خلاص عيل برب بموت
ملاك تحذفها بعلبة الاكلينكس : تستهبلين انتي ؟ ​

//​

بـعـد 3 شـهـور ..
يـووم الخميس :
غرفة عذاري ..
عايشه : اي والله هالفاينل بدعنا
عذاري : بس شدو حيلكم
عايشه : يبا اقولج شي ؟ اولت امس انا و مريوم ما امتحنا
عذاري بصدمه : شنو ؟
عايشه : طلعنا بلبس المدرسه بس مرينا فطيم مشي خو كلنا بنفس القطعه .. و قعدنا ببيتها و غبنا
عذاري : امبييييييييه و بعدين ؟
عايشه ميته ضحك : دقينا على زيون مو اهيا كورس ثاني جامعه ؟ ف مرتنا و قززتنا عالخليج و الساعه 12 ردينا .. انا امتحاني انقلش و مريوم عربي ف اكيد بنطول .. قزرناها بالخليج ​

عذاري بصدمه : زين ؟؟؟
عايشه : و صلوح ولد خالتي ظبطناااااا بالطبيات و عطيناهم امس .. و الاحد اخر يوم
عذاري ماتت ضحك : امبي لا خبووول والله خبول انزين شلون تمتحنون المؤجل ؟
عايشه : نخلي فطيم تييب لنا جدول الامتحانات المؤجله و نزرق من البيت
عذاري : ترا انتو متهورين و احتمال كبير تنجكون
عايشه تغمز لها : لا يبا دام انا معاهم لا يحاتون
عذاري : هاذا وانتي اكبر من مريوم جذيه تشوين ؟
عايشه : اخر سنه سوف اضع بصمه
عذاري : ههههههههههه يا ام بصمه انتي ما اعبر​

,,​

ملاك دخلت ستاربكس : واي اموت على هالمجمع لا تسأليني ليش
شيخه تضحك : والله مالومج شرق وايد هادي
ملاك : مو مثل الافنيو عقد عقد
ابرار : بنااااات يوووعااانه
شيخه : جنج تقرين افكاري انا ميته يوع
ملاك : امبيه ياحبكم للبلعه بابا دشو مانجو دشو زارا جوفي الموديلات اليديده شحلاتهم
ابرار : حرااااام عليج ملوك خميتي المحلات كلها
شيخه : زين يله شنو ناكل ؟
ملاك : بليز مابي ماك مليت من ماك حفظت الفليبينين حتى
شيخه تضحك : نفس الحاله
ابرار : نطلب هارديز ؟
شيخه : يلا يبا عادي اي شي اهم شي نبلع
ملاك : امشو يلا ( راحو ) ​

ملاك : امبي الجو اينن
ابرار : شالمطلوب ؟
ملاك : انا اطلب لكم وانتو روحو حجزو طاوله برا
شيخه : اوك صار .. بس منو الي يساعدج ؟
ابرار : انا انا
ملاك : اوك يلا شيوخه حبيبتي روحي حجزيلنا طاوله بس يكون مكانها حلو بليز ما نبي يم شباب
ابرار بدلع : لييييييييش ؟
ملاك خزتها من فوق لي تحت : يلا شيوخ
شيخه : اوك ( راحت )​

ابرار خلوني اتكلم عنها شوي .. هاذي الله يستر عليها
وايد خفيفه و ما تقدر تتحمل تشوف شاب يمر لازم تتلزق و تتدلع و تسوي حركاتها الماصخه
و طبعا كل اسبوع لازم يكون لها واحد يديد
و تغار من ملاك ما تحب تطلع معاها لان ملاك وايد حلوه و ثقيله فالشباب كلهم عليها
بالنسبه لملامحها .. عيونها صغار و خشمها شوي فيه عرض .. شفايفها كبار ( مسويه تفخ شفايف و خدود )
صابغه شعرها اشقر بخصل بنيه .. و لي نص ظهرها
معوبله بعمرها حيل بس هم طالعه مو حلوه و مايعه و بس تتدلع ​

" اسمع هاي الكلمه حبيبي و اتذكرها الله عليك لو ترتاح انت بتعذيبي انا اصلا مافكر فيك اشطح "
ابرار بدلع : الووه ( راحت بعيد )
ملاك بنفسيه " الله يستر عليها .. ماحب اطلع معاها تييب لنا الشبهه "​

ابرار تلعب بخصلات شعرها : حبيبي وينك ؟ اي انا عند هارديز .. اممممم .. ههههههه عيارتك والله .. مع رفيجتي .. بتيي مع منو ؟ .. اوف اوف .. اللللله عاد ودي اركب معاك سيكل .. منو رفيجك ؟ .. حمد ! .. ميخالف اخذه منه بس يوم واحد و رده له .. اوكي اوكي .. ناطرتك حياتي .. باي​

ابرار : سوري طولت
ملاك : لا عادي .. واي زحمه على حظنا
ابرار تتلفت و تدور : اي اي صح
ملاك بشك : انتي منو تدورين ؟
ابرار بتوتر : ها لا محد بس جنه شبهت على بنت خالتي هجور و قاعده ادورها
ملاك : اممممممم ​

بـعـد دقـايـق ..
عادل : كاهي كاهي
حمد : ويييع خابنا فيها طلعت هاذي ؟ مو حلوه
سعود : شبيك يبا هاذا جذي ذوقه
الكل : هههههههههههههههه
سعود : شفيكم ؟
فيصل : شبيك ها ؟ طلع العرج
خالد : اي من صجك حن العرج
حمد يغني بصوت عالي : هيا و هاي وهو ( يصفق )
سعود يهز جتوفه : هوط هوووووووووط
حمد يضحك : روحلها يالعاشق
عادل : اي كا الحين بتيي .. شعندكم ؟ ( رافع حاجبه ) روحو روحو فرو جم فره و بعدها اناديكم
سعود : لحظه لحظه اويلي على الي يمها الي لابسه كحلي .. شنو دميره
حمد يضحك : الله يهديك .. يلا الربع امشو خنخلي هالاثنين العشاق خخخخخ ( راحو )​

ابرار : ملوك بروح الحمام اوك ؟
ملاك بعدم اهتمام تلعب بالبي بي : روحي
ابرار : نطريني مو تروحين اتوهق ادوركم
ملاك : اممممم
( راحت ابرار و لحقها عادل ) ​

سعود يقرب يمها : احم .. قوه .. يالحلو .. يالمزيون .. هلا بالمزيووووون .. زين شدعوا نظره .. يبا انا خوش واحد مؤدب خلوق وحيد ماما و بابا و مجسم بعد .. عندي لكززس .. زين سجلي رقمي تكفين .. اعطيج ؟ عليتي قلبي اخذي يلا
ملاك تعبت : روح خلاص لا تحاول ماراح اخذ شي
سعود : اخيييييييييييه اويلي فدوه هالصوووت
ملاك بتافف : ياخي انت مليق ما تنبلع
سعود يغني : مقبوله منك يا عسل .. يابنت الناس اخذي رقمي
ملاك : انت شكلك فاضي
سعود : لا في شويه
ملاك خزته و ردت تلعب بالبي بي
سعود : اذوووب عالنظره انا لو ادري جذي من زمان ملقت عشان تطالعيني
ملاك : الحمدلله تدري انك مليق ​

( مرو يم سعود و ملاك شلة عادل : حمد - خالد - فيصل )
خالد : والله و زقرت يا سعيّد
سعود : اوووش ليلحينها ما خذت
فيصل : تبون اي مساعده ؟
حمد يلعب بتلفونه جلكسي ..
سعود مسك ايد ملاك
ملاك : هدني .. هد ايدي صج قلة ادب ( تحاول تبعد ايدها بس اهو مجسم )
سعود بعناد : مابي .. اخذي الرقم و اوخر
ملاك : انت ما تستحي ؟ ماعندك خوات ؟ ( تحاول توخر بس اهو يضغط اكثر )
سعود : عندي بس مو مثل جمالج
ملاك علت صوتها : وخرررر والله ان ما وخرت اصرخ و ايمع كل الناس عليك
سعود : يما يما خفت
حمد " هاذا مو جنه صوت ملاك ؟ امبلا امبلا .. حتى نفس طولها و جسمها "
حمد قرب صوبهم : ملاك
ملاك لفت : حمد
سعود منصدم : تعرفون بعض ؟​

ابرار دشت عرض : هلو .. ما عرفتينا ملوك
ملاك معصبه : اخذي الطلب و لحقيني عند شيخه
حمد يمسك ايد ملاك حيل و يتكلم بين ضروسه : انتي قذره و تبقين طول عمرج قذره
ملاك تتعور : حمد وخر شفيك
حمد : شلون توقفين هني بدون احد معاج ؟
ملاك : كانت معاي رفيجتي و راحت الحمام
حمد : حسابي معاج بعدين ذلفي يلا
ملاك بعناد : لا تكلمني جذيه مو ياهل عندك
حمد يهد ايدها : امبلا ياهل و نص بعد
ملاك راحت و خلته ​

سعود متوتر : حمد اسف بس مادري انك تعرفها
حمد ماسك اعصابه : اصلا فكرة المغازل و الترقيم هاذي كلش مو بالعها ​

//​

ملاك منفسه : هاكم
شيخه : شفيج ؟
ابرار بدلع : ماكو بس عشان شباب تحرشو
ملاك معصبه : رجااء انتي تنجعمين لانج ساس البلا لو انتي مو موجوده جان مادرو عني بس دايما تييبين لنا الشبهات بحركاتج الوصخه و الماصخه بس هاذا ويهي اذا طلعت معاج مره ثانيه
ابرار : وي و انا شكو
ملاك علت صوتها : عبالج مادري انج مواعده
ابرار توترت : شنو انا لا متى اصلا رحت الحمام
ملاك : اي واظح و الي لابس اسود يلحقج يدي مو يدي ؟ و تضحكين له بعد .. عادي ما الومج انتي *** شباب
شيخه : وااي واي بنات تعوذو من بليس طالعين عشان نستانس مو عشان تقلبونها عواش
ملاك بعصبيه : مسكي رفيجتج الخرا
فجأه صار هدوء ..
ملاك طاحت عينها على ابرار و اهي تخلي الماينيز على شفايفها و تلحس شفايفها بشكل بطيء و بعدها تعض شفايفها و تضحك
( ملاك طالعت المكان الي تطالعه ابرار و لقت شلة شباب قاعدين يضحكون لها )
ملاك قطت الاكل و بعصبيه : انا ماشيه ( تاخذ سويجها و تقوم )
شيخه قامت : وين وين ملوك ؟ ​

ابرار بدلع : بعد شسويت ؟
ملاك تفلت بويهها : اقذر انسانه شفتج بحياتي ( طلعت )
شيخه تتأفف : كل المشاكل من راسج ( راحت ورا ملا ) ​

شيخه : ملاك ملاك .. صبري ملاك
ملاك وقفت بتعب : نعم ؟
شيخه : وين رايحه ؟
ملاك : مادري بطلع برا عالبحر
شيخه : انا وياج ماراح اخليج
( نزلو تحت و طلعو برا صوب البحر بعيد بعيد ) ​

,,​

مريم بحزن : عايشه .. مشتاقه حق احمد
عايشه تربعت : تعالي تعالي انتي شسالفتج ليش طحتي ؟ تصدقين كل مابي اسألج انسى
مريم : احمد
عايشه شهقت : احمد ؟
مريم : اي احمد
عايشه : لييييش شقالج ؟
مريم : لا ما قال شي اصلا ما كلمته بس سمعت اغنية يا جنوني و كانت اهداء منه
عايشه : تدرين شنو فيني ؟
مريم : شنو ؟
عايشه : فيني فصله و بسويها اول ما نعطل .. طول ما انتي معاي بيشيب راسج
مريم ضحكت من قلب : تدرين محد مصبرني على الحياه الا انتي
عايشه لمتها : ذكرتيني بفلم هندي الخوات الي لقو بعض
مريم : ههههههههههه يا شقول الله يخسج ​

//​

الهوا كان يلفح بويهها .. سرحانه طول الوقت
" حمد .. ذابحني هالحمد .. مادري شيبي مادري .. ينني .. احبه اي اي احبه و مو بس احبه الا اموت فيه .. اموت فيه لما يعصب و لما يغار .. احبه لما يتنرفز مني .. احبه لما يعاندني و يزفني .. احبه لما يكلمني جني ياهل بنبره حنونه .. اموووووت فيه .. لا شكو ويع انا احب هاذا ؟ .. خلصو الرياييل ما حبيت الا هالمغرور .. اففففففففف اففففففف صج فيني بجيه .. بعرف شنو لي شنو علي .. ضايعه بالطوشه مادري شسالفه .. اكيد ما يفكر فيني ولا مهتم لي وانا الي محترقه .. زين ليش سوا جذي ليش ؟ " ​

شيخه تنهدت : شلون يعني ؟ بتمين طول الوقت سرحانه و ساكته
ملاك بهدوء : شنو تبيني اقول ؟
شيخه : شفيج انقلبتي ابهالطلعه ماكان فيج شي و اصلا مو فاهمه شسالفة ابرارو و الشباب
ملاك تهز راسها : مافي شي
شيخه : المشكله انا اعرفج اكثر من روحي
ملاك نزلت راسها : شيوخ تعبانه
شيخه فتحت ايدها و لمت ملاك .. ​

ملاك كانت دموعها تنزل بهدوء
شيخه : شفيج قوليلي شفيج يا قلب شيوخ والله ما اتحمل اشوفج جذي
ملاك رفعت راسها و مسحت دموعها : شيخه هاج ( تعطيها دينار ) ممكن تييبلي ماي من ماك الصغير الي هناك ( تأشر ) ريجي ناشف وما كليت
شيخه : انشالله ( راحت )​

ملاك منزله راسها و تنزل دموعها بهدوء
انصدمت ب إيد تمسح دموعها ..
...: دموعج غاليه وما عاش من ينزل دمعتج دام راسي يشم الهوا ​

قراءه ممتعه :*
بإنتظار الردود و التوقعات ​

 

[Dlol elhbla]

البآرتيين نآيسس ^^
بسس يبچون ):
بسس صج ينرفزز دگـتور مريم :/
وشسسمونه آبرآر مآ حبيـتهآ , و مريوم و عوآشش كك مو صصج
و آتوقع الي مسسح دموع ملاگو حمد ~

نآطرتچ