انقبلنا كمدرسات والحين غيرو رايهم وبيعنونا كإدرايات؟؟

[mllon]

السلام عليكم

بنات انا خريجه علم اجتماع ومساندي علم نفس
صارلي سنه من تخرجت وليلحين ما توظفت
وطلع اسمي بالتربيه..فقلت هالوزاره احسن من الشؤون والصحه



الموضوع اهو ..
دقو علي وزاره التربيه وحددو موعد لمقابله...عساس اصير مدرسة علم نفس..واقدم امتحان بنفس الوقت..
رحت المقابله..وشفت ١٠ شباب و١٠ بنات كلهم من كليتي ونفس التخصص واعرفهم..

سيده دخلت امتحن....وعقب نطرونا ودخلو وحده وحده للمقابله الشخصيه..

وطولو على ما طلعت النتايج..في بنات انقبلو وفي بنات انرفضو وانا كنت من المرفوضين..
بس قالولي ان لي ٣ فرص للمقابله..واذا ما نجحنا فيهم يحولونا اداريات بالمدارس..

المهم..انا دقو علي مره ثانيه لامتحان ثاني..بس قبل الامتحان بيوم دقت علي وزاره التربيه وقالت ان الامتحان تكنسل لان مافي حكومه وجذي..وهذا قرار من الوزير..وانشالله يدقون علينا بعد شهر..


والاسبوع اللي طاف..يوم الاربعاء دقت علي وحده من وزاره التربيه وقالت..ان ماراح يسوون لنا مقابله..لانه وقفنا تعيين المدرسات..وهذا قرار من موضي الحمود..فإذا تبين..تقدرين تصيرين اداريه..او ترفضين وتنطرين اسمج بالديوان ينزل..!

قلتلها بس انا معطيني موعد للمقابله وكنسلتوه بسبة المجلس....وقلتو عقب بنعيد المقابله..اشلون الحين توقفون..

قالت مو بس انتي في غيركم..انتي وحده من ٥٠ خريجه كنتو مقبلولين تصيرون مدرسات..بس عقب القرار قام ندق على وحده وحده ونقولهم نفس الحجي اللي قلتلج اياه...انهم يصيرون ادريات..

قلتلها حرام يعني كل هذا احنا ناطرين..من شهر ٩ احنا طالع قبولنا بالتربيه وكل شوي تأجلون..وبالاخير تقولين انه ماكو تعيين مدرسات..يعني بتساوونا بخريجين الدبلوم..احنا جامعيات قلتو تبونا مدرسات

قالت..والله مو مني هذا قرار من الوزاره وعندهم اكتفاء من ناحيه مدرسات علم اجتماع..
اذا تبين راجعينا باجر ويبي الاوراق المطلوبه للتعلين واذا ما تبين راح يرد اسمج للديوان..



بنات ضاق خلقي..يعني احنا من زمان اوراقنا متعلق بالتربيه ..والحين يقولون عندنا اكتفاء...
سألت المدرسات اللي اعرفهم قالو..ما عمرها صار اكتفاء بالمدرسات..اصلا عندنا نقص ..تدرين ان نصاب الحصص قام تصير ١٧ حصه بالاسبوع وبسبه ان ماكو مدرسات..

ونصحتني وحده قالت..وزاره التربيه لا تدشينها اله اذا بتصيرين مدرسه بس..



المهم كلمت الوالد..
وما رضى اصير ادريه ليمن يشوف السالفه بالضبط..لان الاداريه ما تترقى...
و راح وزاره التربيه اليوم..ودخل على المدير الاداري للوزير
وقاله السالفه..
فقال المدير اذا تبي..خل تيمع تواقيع البنات اللي سوولهم مقابله..ونرفع ورقه تظلم لوزير التربيه..ويلغي القرار


فقلت اشرايكم بنات..منو اللي تبي تصير مدرسه بدال ادرايه..
اللي سوولهم مقابله مثلي..وقدمو امتحان علم النفس..
ايمع تواقيعكم
ليلحين يمعت توقيعين..

منو متضايقه مثلي..وتوقعت انها تنقبل كمدرسه مو كإداريه؟
الموفقه تقولي وانا اتواصل معاها عالخاص



واللي الله كاتبه بصير انشالله..

 

[usgirl]

والله اختي تبين راي
انا اقول اسخيري واقبلي العمل الاداري احس ما ترد اوراقج على الديوان خصوصا تخصصج مكود عندهم انا اختي لت سنه ليما اقبلوها علم اجتماع
اني صيري اداريه وتالي حولي من اداري لي معلم
او قدمي على رياض الاطفال
والله يوفقنا اجمعين

 

[ليووونة]

استخيري والله يسر امرج

 

[Eva-SS]

يقبلونج تصيرين اخصائية اجتماعية ؟

بس ترا الاخصائية معاشها أعلى من الدبلوم بس فرق الكادر عن المدرسة

انا مدرسه واقولج انحاشي عن التربية طالما انج مو تربوية يعني عندج فرص بس التربوية مالها الا التربية


بس اقولج شي .. كل شي يصير بالواسطة انا اعرف وحده خريجة شريعة صارت مدرسة روضة يعني ماكو علاقة كلش بين تخصصها اللي درسته ومجال شغلها

 

[mllon]

والله اختي تبين راي

انا اقول اسخيري واقبلي العمل الاداري احس ما ترد اوراقج على الديوان خصوصا تخصصج مكود عندهم انا اختي لت سنه ليما اقبلوها علم اجتماع

هالفكره ببالي...
بس قلت اسالكم..حرام ننحط اداريات ونقدر نصير مدرسات


اني صيري اداريه وتالي حولي من اداري لي معلم
او قدمي على رياض الاطفال
والله يوفقنا اجمعين

سالت اذا اقدر احول بعدين لي مدرسه..بس قالولي صعبه شوي..ويطول..
حبيبتي يا ريت تفيدني ..اشلون اقدم على رياض اطفال..جان زين والله يقبلوني مدرسه روضه ..

 

[mllon]

استخيري والله يسر امرج

انشاء الله..

 

[. . بنفسج !]

أنتي خريجة كلية التربية ولا الأداب ؟؟
لآن التربية غصب عنهم لازم يقبلونج مدرسة . .

 

[mllon]

يقبلونج تصيرين اخصائية اجتماعية ؟

بس ترا الاخصائية معاشها أعلى من الدبلوم بس فرق الكادر عن المدرسة
سألت وقالولي ان الموظفه الادرايه معاشها اعلى من الاخصائيه

انا مدرسه واقولج انحاشي عن التربية طالما انج مو تربوية يعني عندج فرص بس التربوية مالها الا التربية
هذا احسن خيار لنا بالنسبه لتخصصنا..افضل من الصحه والشؤون..مع انه محد مدحلي التربيه ..والكل ينحاش منها


بس اقولج شي .. كل شي يصير بالواسطة انا اعرف وحده خريجة شريعة صارت مدرسة روضة يعني ماكو علاقة كلش بين تخصصها اللي درسته ومجال شغلها

طبعا كل شي بالواسطه..
امرنا لله..

 

[mllon]

أنتي خريجة كلية التربية ولا الأداب ؟؟
لآن التربية غصب عنهم لازم يقبلونج مدرسة . .

خريجه اداب..
بس سوولنا مقابله وقدمنا اختبار على اساس نصير مدرسات ..بس الحين عندهم اكتفاء..

 

[ترف بابا]

حبيبتي في ورقة توقعين عليها اذا انتي جامعية وتقبلين العمل كإداريه دير بالج ..

 

[fri2010]

اهوا صحيح صار لكتفاء بتخصص اجتماعيات لدرجه ان ما قامو يرقون المعلمات الاجتماعيات

بس هم ما انصحج تصيرين اداريه ديري بالج

وان شاء الله تحصلين التواقيع

 

[فنيسيااا]

سالت اذا اقدر احول بعدين لي مدرسه..بس قالولي صعبه شوي..ويطول..
حبيبتي يا ريت تفيدني ..اشلون اقدم على رياض اطفال..جان زين والله يقبلوني مدرسه روضه ..

دام انج علم نفس عادي تروحين رياض اطفال
بس والله ما ادري اشلون الطريق

 

[mllon]

حبيبتي في ورقة توقعين عليها اذا انتي جامعية وتقبلين العمل كإداريه دير بالج ..

بس نقدر نحول عقبها لمدرسات..اذا انفتح المجال

 

[mllon]

اهوا صحيح صار لكتفاء بتخصص اجتماعيات لدرجه ان ما قامو يرقون المعلمات الاجتماعيات

بس هم ما انصحج تصيرين اداريه ديري بالج

وان شاء الله تحصلين التواقيع

مشكوره حبيبتي..

والله احترت..كل وحده تقولي راي..مادري ..
:eh_s(16):

 

[mllon]

دام انج علم نفس عادي تروحين رياض اطفال
بس والله ما ادري اشلون الطريق

مشكوره حبيبتي ..ماتقصرين عالرد..

 

[عادت ذكرياتي]

إن شاء الله تتيسر أمورج ...... آمييييييين

 

[ياا راسي التعب]

انا جامعيه اداريه منحاشه من التدريس 16 سنه
بس اللحين شالو عنهم كل شي والمعاش زاد
يعني يسوي تنطرين الديوان
لا تروحين اداريه شغلهم زاد مو مثل اول نقلب الجرايد

 

[mllon]

إن شاء الله تتيسر أمورج ...... آمييييييين

مشكوره حبيبتي ..ما تقصرين..:eh_s(17):

 

[mllon]

انا جامعيه اداريه منحاشه من التدريس 16 سنه
بس اللحين شالو عنهم كل شي والمعاش زاد
يعني يسوي تنطرين الديوان
لا تروحين اداريه شغلهم زاد مو مثل اول نقلب الجرايد

اغلب التربويات اللي سالتهم ..منحاشين من التدريس..
وحتى وانا رايحه الديوان..واايد مدرسات يايين يحولون لي اداريات..!

انا بنطر اسبوع..وانشالله خير..
او يمكن ارفض التربيه..

 

[PuPa^^SWeeT]

عسى ان تكرهو شيئا و هو خير لكم




يمكن ربج يبي يحمييج من شغلة ولا من الوظييفة نفسها



استخيري و شوفي