الحين عقب ما خلصنا تجهيز البيبي
نزهب اغراض البيبي بالجنطه للمستشفى :
حطيت 8 اطقم كامله (الشرح تحت) 4 اطقم عاديه و 4 اقطم استقبال
صدريات حطيت 8 ،، فوط صغييييرة
فوطتين كبار
2 كفر صغير للبيبي
مميه + حليب (انا ولدت قيصريه المره اللي طافت وكلش ماقدرت ارضع بنتي والحليب موراضي يطلع قصه المهم المواساة يهتمون واااايد بالرضاعه الطبيعيه فقالولي ماكو عندنا حليب صناعي رضعيها طبعا انا مالي خلق نفسي وقتها دقيت على ريلي وشرالي مميه
وحليب ورضعتها)
شامبو وشور جل وغيره حق البيبي
كيس لحمل البيبي عند الخروج من المستشفى
نرتب جنطته للمستشفى (طبعا انا افضل جنطه خاصه للبيبي عشان كل شي يكون مرتب)
نرتب كل طقم بروحه داخل جيس علشان الي يعطون السسترات الملابس ما يعفسون الشنطه ياخذون كل جيس بروحه
عندنا 8 اطقم يعني 8 جياس (الله يخلي بو100 فلس روحي اشتري لج 20 جيس بدينارين) :eh_s(9):،، لان راح يطلبون السسترات ملابس للبيبي باي وقت اذا توسخت اتكون الشنطه مرتبه وبس تعطينهم الكيس
حطي كل طقم بروحه داخل الجيس (في ناس تستخدم النايلون بس انا افضل هالجياس)
اول شي رتبي مهادات الاستقبال
(البربتوز + الداخلي + التسوس + القبعه + الدلاق + المهاد )
حطيت معاه ست كامل ابيض لان ماعندي بني عشان اطقم
عقب نصفهم بقاع (اسفل) الجنطه بهالشكل
تحطيهم على حسب شنو تبين تلبسينه باول يوم استقبال او غيره وفي ناس ماتطلع البيبي بالاستقبال يعني تلغين هالخطوه
نحط فوقهم الكنابل ملوت البيبي
الحين نرتب الاطقم العاديه للاستخدام الاولي (اول شي شنو بتلبسين البيبي تحطينه الحين )
ونرتبهم بهالطريقه
نحط فوقهم الفوط اللي راح يتسبح فيهم
بالجهه المقابله بالجنطه احط الاشياء اللي باي وقت ممكن استخدمهم مثلا :
صدريات - فوط صغار - عدة السباحه (شامبو وغيره )
تدرون ليش رتبت الاغراض بهالطريقه
لان لما تولدين بالسلامه بتكونين تعبانه ومومستوعبه شي فاهلج بطلعون الاغراض للسسترات
اول شي بيطلبونه المستشفى فوطه + ملابس (راح يكونون بالوجه)
بيفتحون الجنطه اهلج ويلقون على طول فوطه وملابس البيبي مرتبه كل شوي ياخذون طقم
وتحتهم الكنابل
ولما تسوين استقبال بتكون الملابس اخر شي بتستخدمينه تلاقيهم باخر الجنطه :eh_s(9):
بدل لايعفسون الجنطه وكل طقم يرقعون فيه انتي بتكونين مجهزه كل شي لهم
