منو يسوي فحص سرطان الثدي؟؟؟

[poneta]

السلام عليكم
بنات الله يعافيكم حبيت اعرف وين القي احد يسويلي فحص الثدي لاني حاولت اسوي الفحص اليدوي بس ما عرفت
الله يعافيكم اتمنى انكم تساعدوني ضروري

والله يشافي مرضانا ومرضى المسلمين اجمعين قولو آمين

 

[*سكون*]

في بمستشفى مبارك والصباح بس ياخذ وقت .. روحي دار الشفا انا من زمان سويت سونار عندهم .. واعتقد اغلب المستشفيات الخاصه عندهم .. دقي عليهم اول وسألي اذا في دكتورة ولا لأا

انا بدار الشفا سويته لان كانت دكتورة بس ما ادري للحين موجوده ولا للأ .. وبمستشفى مبارك سويت اشعه بس مشكله المواعيد

الله يبعد شر هالمرض عنا أجمعين وما تشوفين شر حبيبتي

 

[موت الحمر]

شوفي حبيبتي انا مسوية بعدة اماكن

عندج مستوصف الرقعي في عيادة خاص بمرض الشين يا كافي الشر


و مسوية عن مستشفى مبارك عيادة الجراحة عند دكتور و لا ناسية اسمه بس جنه ماني منأكدة ان اسمه في شي اسمه علي ههههههههه


و طبعا بالمستشفيات الخاصة

مستشفى هادي
المواساة عند دكتور سعد المنيع ممتاااااااااااااااااز و روعة وما تحصلينه الا بالتفق كله يطلبونه حق عمليات الطهور




عسى الله يشافيج و لا تخافين ماكو الا العافية

 

[poneta]

يعطيكم العافية حبيباتي والله يوفقكم دنيا وآخره قولوا آمين

 

[NoWay2know]

انشالله مافيج الا الصحة والعافيه

 

[NoWay2know]

in primary clinic
مكي جمعة
mustashfa al-sabah مستشفى الصباح ومواعيد الزيارة:
9:30 - 12
الأحد، الثلاثا، الخميس

للتأكيد اتصلي فيهم وانشالله ماكو الا كل عافية

 

[++The DuchesS++]

انا ودي اسوي لاني وايد اوسوس
اعوذ بالله

 

[NoWay2know]

اللي صارت في عمر 30 ضروري تسوي الفحوصات، هذا اللي اعرفه

 

[لؤلؤية]

عند دكتورة هدى الناصر الزكري في فحص للثدي
اتصلي علي عيادتها استفسري

 

[كيوت_25]

اسم الله عليج ان شاء الله ما فيج الا العافيه

انا سويته بمستشفى الراشد بــ 25 دك ما يحتاج حتى فتح ملف

 

[lolly]

اذا تبين بلاش روحي المستوصف وقولي للدكتورة تحولج لقسم الاشعه بالمستشفى وتسويلج اشعه وفحص.
اذا فلوس .. روحي اي مستشفى خاص لقسم الاشعه على طول او راجعي طبيب نسا او جراحه.
انشالله مافيج الا العافية

 

[LaRa CrOfT]

حبيبتي انصحج بالاشعه اضمن من السونار باقرب مستوصف يحولج للمستشفى والخاص روحي لقسم الاشعه والسونار وسلااااااااااااامتك يا قلبي

 

[Q84_ever]

روحي انترناشونال كلينك

يسون لك فحص ultra sound

انا سويته قبل امس عندهم والحمد لله النتيجه جيدة

 

[dal3 kuwaiti]

مستشفي الصباح قسم الباطنيه بالسرداب تطلعين يمين تلقين شباك كلميهم واهم يكلمون الطبيب وتسوينه وان شاءالله مافيج الا العااافيه

 

[فقدتك يانور عيني]

حتى انا والله ودي اسوي
ومادري وين فادني موضوعج مشكوره وانشالله مافيج الا العافيه

 

[login]

بنات انا رحت بسوي جان يحولوني عالجراحه والدكتور مال الجراحه قالي مافيج شي بس قلتله لا بتاكد عطاني تحويل حق السونار ولما رحت بالموعد اللي عطاني ايا حولوني عالعياده الخارجيه والدكتور اللي بالعياده الخارجيه يفحصج ويقولج اذا تسوين سونار ولا اشعه ولا لا فحصني وقالي طبيعي ومافيج اي شي ومايحتاج لاسونار ولا اشعه وطلعت وانا مستانسه طبعا هالحجي كلا بمستشفى الصباح وبس

 

[$الـــحـــلاوه$]

انا بعد خايفه هالجم يوم

وودي اروح افحص بس امي تقول لا توسوسين مافيج الا العافيه
بس صج حيييييل خايفه

ادعولي

 

[لوزوجوز]

اسم الله عليج
ان شاء الله ما كو الا العافيه

 

[NoWay2know]

انا بعد خايفه هالجم يوم

وودي اروح افحص بس امي تقول لا توسوسين مافيج الا العافيه
بس صج حيييييل خايفه

ادعولي

انشالله مافيج الا الصحة والعافية يارب

 

[nono78]

واي بنات خرعتوني

ليش بتسوون فحص ؟؟؟؟؟؟



من غير سبب ؟؟؟

ولا وسواس

خو انا بالوسواس عند ويهكم