باي باي سواد من تجربتي الخاصة

[monaaaay]

مساء الخير بنات

شلوونكم ؟؟
اغلب البنات تعاني من السواد في مناطق معينة
منها الركب و الاكواع والابط و بين الافخاذ و المنطقة الحساسة

انا وحدة احب اكون زبدة ناعمة لون واحد
طبعا استفدت وايد من منتدانا العجيب و البنات ما قصروا ويانا بتجاربهم
لكن لاول مرة احصل على نتايج اكون راضية عنها
قبل لا اقولكم شنو هالمنتجات

بس حابة اشكر صديقتي و حبيبتي و اختي اللي ماتفرقني eldalla3
لان بدوونها جان انا ضايعة فديتها

المهم
جني طولت عليكم ... قولولي طولي و اخذي راحتج ههههه

قبل لا ابدي اقولكم جم معلومة عني عشان اذا كان في فرق بالنتايج تعرفون السبب لوول :
1) انا شايله منطقة البيكيني بالليزر يعني المنطقة ناعمة زبدة و السواد اصلا راح يقل بدون شي
2) كل شهر بعد ما اشيل جسمي بالشيرة احب اشقر جسمي و اركز الاكوع و الركب لان التشقير يفتح
3) انا وحدة ملووووولة و ابي النتيجة تطلع بسرعة و eldalla3 عانت مني واااايد ههه بس مع هالشغلات اللي بذكرها صراحة حبيت النتيجة و حبيت اني استمر
نبدي موضوعنا الحين ...



الصورة من اليمين

1) ديودرينت Louis widmer من الصيدلية سعره 5.900 د.ك .... هالديودرنت انسو شي اسمه سواد انسوا شي اسمه ريحة عجيب عجيب عجيب
2) مقشر tritospot ... اتوقع سعره 2.500 د.ك لازم تسوون تقشير حق المنطقة الحساسة قبل لا تحطون لها كريمات التفتيح.. طبعا كل وحدة و المقشر اللي ترتاحله بس هذا انا مجربته و حبيته
3) كريم Eldoquin forte 4% cream سعرة 2.770 د.ك .. هالكريم يستخدم في اغلب تركيبات كريمات التفتيح.. بس ملاحظة مهمة : لا تخلطين اي كريم طبي مع كريمات عادية وزيوت... لان راح يغير لون الكريم و هذا يدل على تفاعلة مع الكريمات الثانية، و انا اقولكم هالشي لاني عانيت من خلطة وحدة حطتها هني بالمنتدى سببتلي حساسية بشكل ما تتصورونه و طفح جلدي و سوااااااااااااااااااااد هالشي اللي خلاني استخدم الكريمات اللي انا حاطتها
4) كريم Clarilys من الصيدلية سعرة 12.500 د.ك هذا الكريم اكثر من رائع و هو يستخدم لازالة البقع البنية المرتبطة باضطرابات تصبغ البشرة
5) تونيك NUXE – Brightening Program من الصيدلية و سعرة 16.400 د.ك يفتح البشرة و ريحته تهبل


الحين اقولكم عن برنامجي اليومي بالعناية و عن خلطات بسيطه ثانية
الصبح تكرمون بالحمام اتشطف ب (مرة مذوبة بالماي + شوية من ديتول العناية الشخصية الاخضر) و انشف المنطقه عدل عدل
بنات مهم جدا تنشيف المنطقة
طبعا المنطقة الحساسة اغسلها بغسول طبي مرة بالاسبوع


الغسول المفضل للوجه عندي فير اند لوفلي بالاعشاب و بوندز الوردي اغسل فيهم الصبح و بليل
قبل الدوام امسح المنطقة الحساسة بالتونيك اللي قلتلكم عنه و ادهنه بكريمي الوردي

شنو كريمي الوردي ؟
عبارة عن 3 او 4 لابيلو بالكرز + كريم جيلسرين + شوية بودرة دم الغزال + اي كريم تحبينه بس حلاته يكون خفيف انا حطيت من كريمات Frutti بالاناناس راح يكو شكله جذي ...
و طبعا ادهن على المناطق اللي ابي اقتحها مثل الاكواع و الركب و المنطقة الحساسة و قاعت الريل و الكفوف لان راح يصير لونها وردي

[/url][/IMG]


انيي وقت الشاور
فديت الدلع علمتني على سنفرة اتينننننننننننن و الحين ما استغنى عنها لانها صج صج صج تفتح بشكل خيالي
و اهي عبارة عن :
2 ملعقة كبيرة كريم كاب
2 ملعقة كبيرة سنفرة المشمش
2 ملعقة كبيرة حليب بودر
2 ملعقة كبيرة ترمس مطحون
2 ملعقة كبيرة بيكربونات الصوديوم
1 كيس ملح يوكو اللي بالخيار
و شوية بودرة دم الغزال
خلطيهم مع بعض عدل عدل عدل هالكمية تكفي علبة كريم كاب

كل مادشيتي شور تفركي منها و اخر شي دهني جسمج ببيبي جونشون و ادعيلي و حق الدلع هههه

بعد الشاور
انا مسويتلي علبة فيها كل كريمات اللي عندي و بالاصح اللي تفتح مثل جيرجينز للتفتيح و جلسرين و اي لوشنات تفتح الجسم خلطيها مع بعض و حطيها بعلبة و تدهني فيها

[/url][/IMG]

قبل النوم
تدهنين المنطقة الحساسة و المناطق الغامجة عندج بالتونيك خليه ينشف شوي
بعدين
يوم احط كريم Clarilys بروحه و يوم اخلطة بيدي مع Eldoquin forte 4% cream
يعني يوم جذي و يوم جذي

هذي اهم الشغلات اللي غيرتني واااااااااااااااااااايد
و حبيت افيدكم فيها

و اي سؤال انا حاضرة​

 

[monaaaay]

up up up up

 

[al-musk]

مشكووووووووووووره يعطيج العافيه حبيبتي

 

[كازاوية]

عنايتج حلوة عليج بالعافية النتيجة الي وصلتي لها حبيبتي

 

[monaaaay]

حياج الله فديتج :***

 

[رزه ورزينه]

يعطيج العافيه حبوبه بس بغيت اسال الديودرنت يفتح الابط لان انا استخدمة البخاخ من منتخات ليل وسبب لي اسمرار بالمنطقه وبعدين شريت فيتشي بس مافتح المنطقه""

 

[monaaaay]

الديودرين تفرينه يطلعلج مثل الكريم و طبي و امن و يفتح وايد انا من طثر السبراي و الديودرنت اللي ايي مثل الاصبع اغمجت المنطقة بس هذا واااااااااااااااااايد عجيب

 

[رزه ورزينه]

مشكوووره خيتووو ماقصرتي

 

[خجولااا]

تبارك الرحمن عناايه ولااحلى وهالمنطقه جد يبغالها اهتمام مكثف
جزاكي الله خير يااعسل

 

[monaaaay]

حياكم الله نورتوا

 

[عشقي اناني]

يسلموووو

 

[توتا حمرا]

مشكورة حبيبتي
وعليج بالعافية

 

[مولاي الفرج]

مشكورة حبيبتي عنايتج حلوة

بس بغيت اسئلج فروتي اناناس شلون صاير ووين احصله

ولابليو بالكرز اهو نفسه الزبده مالت الشفايف ؟؟ يعني ابشرها واحطها مع الكريم ولا شلون

 

[احاول]

مشكورة

 

[al39laa]

مشكوووره عنايتج سهله

امبيييه اشم ريحة اناناس من كريمج يم يم

 

[رشيديه كووول]

مشكوووووورة

 

[ريــانة العود]

يعطيك العاافيه

 

[تبيني آرضى عليك]

عناااااااااااايتج رووووعه
تتهنين حبيبتي

 

[monaaaay]

مشكورة حبيبتي عنايتج حلوة

بس بغيت اسئلج فروتي اناناس شلون صاير ووين احصله

ولابليو بالكرز اهو نفسه الزبده مالت الشفايف ؟؟ يعني ابشرها واحطها مع الكريم ولا شلون

هلا حبيبتي

سوري اسمه فروتيني و هذي صورته

[/url][/IMG]


و اللابيلو اهو نفسه زيدة الشفايف نفس ماقلتي انا هرسته بالقفشه بسرعه ذابت

اول شي تسوينه هرسي اللابيلو بعدين ضيفي فوقها الكريمات اللي عندج و حركيه عدل عدل و اخر شي شوي من دم الغزال و حركيه مرة ثانية


و حياج الله حبيبتي :eh_s(7):

 

[monaaaay]

مشكوووره عنايتج سهله

امبيييه اشم ريحة اناناس من كريمج يم يم

اي ريحته اتينننننننننننننننننن :eh_s(9):