بنااااااااااات تكفووووون لاتطنشووون اقرووووني احس اني بموووووت

[شموخ الحلا]

السلام عليكم ورحمة الله وبركاته ............

شلونكم يابناااات شخباااااركم ....

والله اني اكتبلكم وعيوني تدمع من العوار ....

بقولكم الموضوع من أوله :

انا ياطويلات العمر رحت لمراخه مشهود له بفضل من ربي العالمين ان حريم كثير يحملن على يدها

المهم رحتلها ثاني ايام الدورة وامرختني وقالت عندك ميلان في الرحم جهة اليمين والتبويض

ضعيف ... امرختني بزيت وسوتلي كاسات هوا ... وعطتلي حبوب كلووووميد 50

وحبوب زيت جنين القمح وعسل مخلوط عليه اعشاب وثلاث تحاميل ثنتين الجلسرين ووحده البتادين

استخدمها خامس وسادس وسابع

والكلوميد حبتين من ثاني يوم الدورة بعد الغدا وبعد العشا

وحبوب زيت جنين القمح حبتين مع ملعقة عسل صبحا وحبتين مع ملعقة عسل مساءا

المهم انا اليوم في سابع ايام الدورة ......

واحس بآلام فظييييييييييييييعه في جهة المبيضين ... وعظامي احس انها بتكسر من كثر الوجع

خاصة عظام الوروك والحوض

بنات انا خايفه هل ممكن انها سببتلي شي لاسمح الله

انا دقيت علا المره وقالت طبيعي ابتدا مفعول العلاج ....

وذاك اليوم لقيت عندها حريم زززززحمه يمدحونها وثلاث منهن يحلفن انه بفضل من ربي سبحانه

حملن علا يدها ...


بنااااات تكفووووون ادعولي احمل الشهر هذا وينفع معي العلاج ...

سبحانك اللهم اني كنت من الظالمين

 

[ام عبدالكريم]

يـــــــــــارب عسى الله يحقق امنيتك ويرزقك الذرية
والى اعرفة اذا البويضة كبرة تحسين بالم وان شاء الله يصير حمل هالشهر ويرزقك ربي ويرزقنا اجمعين

 

[ام مهدي]

شموخ الحلا ان شاء الله خير يارب ولا تحاتين مادام قالتلج طبيعي ان شاء الله يكون تبويضج زين على ايدها وتحملين يارب هالشهر ان شاء الله

 

[قلب امي]

السلام عليكم اذا تمرختي ما يصير تاخذين الكلوميد ليش قالت كلوميد الرجو الرد عشان افهم انا عندي خبره في في مثل ها الاشياء

 

[الفنانه79]

حبيبتي

ماابي اخرعج بس اهي مودكتوره علشات تعطيج كلوميد

الكلوميد خطر خطر خطر انا استخدمته مره وحده وتخت استشارة الطبيب (وسوالي تظخم بالمبيض )

والله والله ان الدكتور يقول اذا الوحده مافيها شي وتاخذ كلوميد ممكن يأدي الى التظخم زانفجار المبيض لان الدكتور اهو اللي يحددلج الجرعه ويتابع معاج حجم البويضه اول بأول صح ؟؟

اما اني اخذ الكلوميد على الله ماادري اذا كانت بويضتي زينه واقعد بعد آخذ طبعا غلط روحي الطبيب وراجعي لاتأذين نفسج

انا مااحب اخذ اي علاج وخصوصا علاج الاخصاب الا تحت استشارة الدكتور

اما التمريخ والعسل والتحاميل وكاسات الهوا هذي عاااااادي

وعسى الله يرزقج (ميخالف قرقت وايد بس والله ان خفت عليج )​

 

[ريفيل]

انا مع البنات الكلوميد خطر لازم يتابعج دكتور .. انصحج روحي مستشفى دام العوار مستمر

 

[-Bello-]

مادري انا اقوول نطري وانشاءالله خير وهذا من نتايج العلاج وانه نفع معاج من بعد اذن رب العالمين

 

[تمر حنا]

اول شي سلامتج ماتشوفين شر وبعدين اذا معاج عوار قوي انصحج تروحين الطبيب يسوي لج سونار يمكن المبايض تضخمو عندج حيل لانج تاكلين كذا نوع ادويه مع بعض والي اعرفه مايصير تاكلين كلوميد ومعاه سوالف وتمريخ وكاسات لان هذي كلها قويه عليج بشهر واحد

 

[كويتيه مول]

نفس اللي صار معاج صار معاي قبل جم سنه وعند المره نفسها
بس انا كليت حبتين بس وبعدها حسيت بالم ولما رحت الدكتور قالت شلون تاخذين
كلوميد من غير ابر تفجير الحين تكون عندج كيس بالمبيض وقالتلي نفس حالتج شكثر ويجوني من نفس المرة هذي
شلون تصرف لكم كلوميد هذا لازم تحت اشراف دكتور فانا انصحج تقطعين البحبوب وتروحين دكتور بسرعه وخير ان شاء الله

 

[شموخ الحلا]

يـــــــــــارب عسى الله يحقق امنيتك ويرزقك الذرية
والى اعرفة اذا البويضة كبرة تحسين بالم وان شاء الله يصير حمل هالشهر ويرزقك ربي ويرزقنا اجمعين

يابعد عمري الله يسمع منج يارب

ويرزقنا ربي كلنا ان شالله

 

[شموخ الحلا]

السلام عليكم اذا تمرختي ما يصير تاخذين الكلوميد ليش قالت كلوميد الرجو الرد عشان افهم انا عندي خبره في في مثل ها الاشياء

وعليكم السلام

مدري والله عنها امرختني وعطتني العلاجات بعدها وقالت عن ايام الجماع بس

 

[شموخ الحلا]

شموخ الحلا ان شاء الله خير يارب ولا تحاتين مادام قالتلج طبيعي ان شاء الله يكون تبويضج زين على ايدها وتحملين يارب هالشهر ان شاء الله

الله يسمع منج يالغاليه وربي انتو اول من راح ابشره بس لاتنسوني بالدعاء الطيب

 

[شموخ الحلا]

حبيبتي

ماابي اخرعج بس اهي مودكتوره علشات تعطيج كلوميد

الكلوميد خطر خطر خطر انا استخدمته مره وحده وتخت استشارة الطبيب (وسوالي تظخم بالمبيض )

والله والله ان الدكتور يقول اذا الوحده مافيها شي وتاخذ كلوميد ممكن يأدي الى التظخم زانفجار المبيض لان الدكتور اهو اللي يحددلج الجرعه ويتابع معاج حجم البويضه اول بأول صح ؟؟

اما اني اخذ الكلوميد على الله ماادري اذا كانت بويضتي زينه واقعد بعد آخذ طبعا غلط روحي الطبيب وراجعي لاتأذين نفسج

انا مااحب اخذ اي علاج وخصوصا علاج الاخصاب الا تحت استشارة الدكتور

اما التمريخ والعسل والتحاميل وكاسات الهوا هذي عاااااادي

وعسى الله يرزقج (ميخالف قرقت وايد بس والله ان خفت عليج )​

انا اشدراني قالتلي عندج ضعف في التبويض وش اسوي انا

ومن قبل رحت لدكتورة عاليه الفضلي وقالت نفس الكلام وسوتلي ابر وكلوميد وماصار حمل

بس العوار ماكان مثل الحين

ياعمري انا مقدرة خوفج علي والله يستر انشالله

 

[شموخ الحلا]

انا مع البنات الكلوميد خطر لازم يتابعج دكتور .. انصحج روحي مستشفى دام العوار مستمر

مشكورة ياعمري عالنصيحه انشالله الصبح اروح

 

[شموخ الحلا]

مادري انا اقوول نطري وانشاءالله خير وهذا من نتايج العلاج وانه نفع معاج من بعد اذن رب العالمين

يارب ياكريم انشالله يكون كلامج صحيح يارب

 

[شموخ الحلا]

اول شي سلامتج ماتشوفين شر وبعدين اذا معاج عوار قوي انصحج تروحين الطبيب يسوي لج سونار يمكن المبايض تضخمو عندج حيل لانج تاكلين كذا نوع ادويه مع بعض والي اعرفه مايصير تاكلين كلوميد ومعاه سوالف وتمريخ وكاسات لان هذي كلها قويه عليج بشهر واحد

يالغاليه انا عليميه بهالسوالف وماعندي احد يفهمني

ماقول الا الله يستر وبس

 

[شموخ الحلا]

نفس اللي صار معاج صار معاي قبل جم سنه وعند المره نفسها
بس انا كليت حبتين بس وبعدها حسيت بالم ولما رحت الدكتور قالت شلون تاخذين
كلوميد من غير ابر تفجير الحين تكون عندج كيس بالمبيض وقالتلي نفس حالتج شكثر ويجوني من نفس المرة هذي
شلون تصرف لكم كلوميد هذا لازم تحت اشراف دكتور فانا انصحج تقطعين البحبوب وتروحين دكتور بسرعه وخير ان شاء الله

هلا ياعمري منو الي مرختج انتي انا ام عبدالله عرفتيها

والله ماتدرين الله يستر الحبوب خلصتهم خلاص المشكله ان الالم صار مثل النبض الحين وعلى جهة المبايض

تكفووون يابنات ادعولي تكفون

 

[foozia_87]

آمين عسى ربي يرزقج ويرزقنا معاج يا ارحم الراحمين ارحمنا برحمتك

 

[القطانيه]

مالج شر انشالله بس نصيحه رووحي راجعي احسن

 

[ZajiL]

اول مره اسمع مراخه تعطي كلوميد
حبيبتي الكلوميد يبيله متابعه بالسونار عشان من تكبر البويضه طقينابرة تفجر البويضه وتضل بالمبيض لان بعدين
اذا ماطلعت البويضه ممكن تسويلج تكيسات

انا صراحه مااحب الي مرخووووون واحس انها مايفهون بس اجتهادات منهم ولادارسين الشغله ولا عندهم درايه
انا تمييييييييت فتره ماحملت مااستعنت فيهم ابد الله يرزقج يارب