November BaBies 2011 .... أحلى بيبيز

[yasmeen_q8]

توني راده من الدكتور عطاني حبوب منع حمل لمدة شهر عقب يركب اللولب لان الرحم مازال منتفخ شوي قال اخاف تحملين عليه
بنات لو بديت فيهم اليوم متى اقدر اعاشر ريلي ؟!

 

[3awaasha]

مساء الخير بنات شخباركم
اليوم وديت ولدي الطبيب لأن مكان الحفاظ متحسس وطالع نفر اادكتوره قالتلي ملتهب من البامبرز غيريه أخذي ليبيرو
وعطتني كريمات حقه وكنت بسألها عن فيتامين د عاد سألتني قبل لا أسألها قالت لازم تعطينه الي ترضع طبيعي أربع نقط باليوم والي تعطي صناعي نقطتين قالت عطيه ليييين يمشي بصراحه ماكنت أدري عن هالمعلومه
وتقول في تطعيم مايعطونه إلا الخاص مال النزله المعويه الحاطه قالت تعالي بعد اسبوعين نعطيه شرايكم بنات؟؟

 

[careless 5]

ضحووووك
وين سويتي تنظيف البشرة ؟ و يسوى و لا لا ؟
و وين بتسوين ليزر ؟ حشا تحقيق ههههههههه



عواشه
اول مره اسمع سالفة فيتامين دال اي مستشفى هذا اللي قايل لج عنه
و شسالفته ؟

 

[3awaasha]

كيرلس
إي والله حتى أنا بس قبل فتره وحده كتبت بالمنتدى عنه وقالت لازم الي ترضع طبيعي أربع نقط والي ترضع صناعي نقطتين عاد قلت بسأل الدكتوره واهي قالتلي من نفسها
توني عطيت ولدي صاير مثل الدهن ومافي ريحه غريب

 

[ضحكت حبيبي]

ضحووووك
وين سويتي تنظيف البشرة ؟ و يسوى و لا لا ؟
و وين بتسوين ليزر ؟ حشا تحقيق ههههههههه



عواشه
اول مره اسمع سالفة فيتامين دال اي مستشفى هذا اللي قايل لج عنه
و شسالفته ؟

سويت تنظيف بشره في الشي سبا بفندق الخليج

نظام ماسكات مافيه تفقص اللي انا ماخذته بس حلو عجبني ب 32 دينار واللي تسوي اوكرانيه

والليزر عند عياده 180 درجه بسوي جسمي كله



عوااشه

احس ماله داعي تطعيم نزله معويه
الدكتور قالي البيبي مناعته نفس مناعتنا يقدر يقاوم المرض

ولا مره عطيت عيالي فيتامين دال

 

[ضحكت حبيبي]

ياسمين

والله مااعرف سوالف منع الحمل

اسمحيلي مااقدر افيدج

 

[yasmeen_q8]

بنات انقذوني
صارلي اسبوع خالصه ال٤٠ وقاعده اصبر ريلي واساحله اقوله مايخالف حبيبي تحمل شوي عشان دراستي
واليوم لي عشر ايام من اول يوم دوره اليوم رخت بركب لولب الدكتور قالي الرحم متفوخ شوي لو حط اللولب ممكن احمل عليه المهم اليوم بديت حبوب متى اعاشر ريلي وما يصير حمل ولا شي
انا خايفه اختي تقول لازم من خامس يوم اكلهم !!!

 

[تبطي عظم!]

ياسمين

والله ماعندي فكره انا كليتهم من صارلي ٣٥ يوم نفاس

 

[3awaasha]

ضحوك
حتى أنا ماعطيت وهابي بس كنت آخذ كالسيوم مع فيتامين دال لماكنت أرضعه!!
بس أختي نبهتني قالت الي ترضع لازم البيبي يغزونه إبرة فيتامين دال لما يكمل ثلاث شهور
والدكتوره قالت عطيه لييييين يمشي :eh_s(4):

 

[انجبر قلبي]

عواشه

آنا من فترة أعطي بنتي فيتامين دال

بس الدكتور قاللي 5 نقط

وانا أرضع الاثنين طبيعي و صناعي

 

[careless 5]

ضحووك
عليج بالعافية حبيبتي




ودي اسوي مساج ظهري يعورني بس شلون اتدلك ظهري
انام على بطني و انا مسوية قيصرية

 

[careless 5]

جبور شلون ترضعين الاثنين ؟ شلون طريقتج ؟

 

[ضحكت حبيبي]

كيرلس

الله يعافيج

انتي ماطاب جرحج ليلحين؟؟

والله ماعندي فكره عن القيصريه


بنات

بسالكم مايصير اييب رداده وانا مخلصه النفاس

اخاف اتصل تقول هاذي مو صاحيه توها تستوعب انه نفاس وتبي رداده



بقولكم شي

انا لمه افتر بمواضيع المنتدى القى ردود البنات اللي كانو معانه

يعني مايقدرون يدشون هني ويقدرون يدشون اماكن ثانيه !!!؟؟؟؟

والله ظايق خلقي بدونهم وحييل فاقدتهم

الحين كل هالعشره اللي بينه والايام الحلوه اللي سولفنا فيها واحنى حمل

عادي جذي تطير بالهوى

انا والله متعجبه

 

[3awaasha]

جبور
والله مادري هاذي وصفة الدكتوره وأنا نفسج مرات للحاجه أعطيه رضعه وحده صناعي
بس ماااااادري شفيه ولدي شهيته مسدوووده هالأيام مضيق خلقي عادي عنده يرضع كل أربع أو خمس ساعات أنا أغصبه ماكو يشرب نتفه وينام أويوخر ولما أحط إيدي عند حلجع يدور :bbbiu:بالله الناس شيقولون أمه ميوعته
والله أمس نام من غير رضعه مايبي صدري قام يذبحني مايشرب
ضحوك
واي نفسي قبل شوي يو البنات على بالي قاعده أتساءل شدعوه مايقدرون يدخلون دقيقه يسلمون ويطلعون!!!
مومعقوله صراحه

 

[فاقده ابوهاااا]

بنات سالفه خنقتي بالليل ردتلي شالسالفه والله خايفه وحياتي صارت مأساه قالوا نفسيه رحت وغيرت جو بس هم ماكو فايده بس انام تحوشني الخنقه وضيق تنفس لاعت جبدي حاسه اني بموت 

 

[yasmeen_q8]

عواش يتلي فتره ماشالله لا اله الا الله عليه ولدي كان بخلص المميه احياناً تصدقين الحين غصب يشرب نص مميه شالسبب مادري بس اقول بقلبي ان اهو ماراح ينام ولا يسكت الا اهو شبعان فعادي
شريتله عسل اطفال يقولون يفتح الشهيه ويقوي المناعه ومادري شنو ما سواله شي اصلا ولدي مو متقبله

 

[ضحكت حبيبي]

في آخر جمعة لهذا العام أقول لأحبتي: 
جعلها الله آخر ذنوبنا
وأسقط الله الدنيا من قلوبنا
وجعل التقوى زاد دروبنا
ونور الله بالقرآن صدورنا
وختم بالصلاح جميع أعمالنا 
وجعل الفردوس الأعلى عاقبة أمورنا
اللهم ​​​​آمـٍْـٍّّْـٌٌٌٍْيّّّّْـٌٌٌٍْـٍّّْـٍْن كل عام وأنتم بخير وان شاء الله تكون 2012 سنة خير وأمان على كل البلاد والعباد 

 

[yasmeen_q8]

بنات من شوي توفى خال ريلي
الله يرحمه
كان خوش ريال حييل طيب وحنون

اللهم ان عبداللطيف الرقم في ذمتك فارحمه واغفر له
يا رب تجعل قبره روض من رياض الجنه
اللهم ارزقه داراً خيراً من داره واهلاً خير من اهله
يا رب لما يندفن تثبته عند السؤال وتغسله بالماء والثلج والبرد

 

[ضحكت حبيبي]

عواشه وياسمين

يمكن بلاعيمهم تعورهم لي مصو يعورهم زياده

بس اذا مو مصخنين ان شاء الله مافيهم شي

بس على قوله ياسمين اذا يوعان ماراح ينام

 

[ضحكت حبيبي]

اميييين

الله يرحمه ان شاء الله

والله الطيبين اهم اللي يروحون بسرعه

انا فقدت 4 اطيب منهم مافي

وليلحين ابجي عليهم