قد مامنك زعلت مابقى عندي عتآآآآآب

[شادن33]

مشكوريين
والله ياخذ عمري عشان ارتاح من اللي انا فيه

بسم الله عليج ليش اتدعين على عمرج الله يخليج لعيالج شي مايسوى

 

[مارشميلو..]

بسم الله عليج ليش اتدعين على عمرج الله يخليج لعيالج شي مايسوى

والله يسوى يا ام شادن بموووت:eh_s(2): من الضيقه
بس يمزح ويضحك كني واحد من ربعه مافي سوالف خاصه بينا ولا كلام حلو ولا شي
ابي احس اني يحبني يدلعني واني مالكه قلبه بس ماااافي تعبير صنم
حتى لا طلعنا مكان يمشي مترين قبلي واشوف المتزوجين كل واحد ماسك ايد مرته
لحد ماامره زعلت على هالسالفه وقلت له ليش تسبقني امش جمبي والحين تعدل بس مسوي هالشي
عشان انا قلت له مو لانه يبي

 

[شادن33]

ياعمري يكفي افعاله الزينه. مومقصر عليج هاي جنه ايقول احبج
غيره مقصر بالفعل والقول الله لايبلانا

 

[sh000]

عندنا وعندكم خييييييييييييييييييييير

الله يصلح احوالهم ويحنن قلوبهم علينا
بس انتي حاولي تكلميه قولي له على اللي مضايقك وبيبط شبدك عادي وقوليله لكل فعل ردة فعل
يعني لا تلوموني اذا صرت زيك صنم ترى فاقد الشي لا يعطيه حاولي تتكلمي معاه مانفع الكلام ابدأي انتي بالتصرفات اللي تبغيها تسير منه
اددددددددددددددددددددددددددددددددددعي ربنا ترى الدعاء جدا جدا جدا له اثر لا تيأسي ولا تحزني ولا تحاولي تتطالعي لناس احسن منك وتتحسري لا ترى في ناس بس مظاهر وفي ناس الله واعلم بحالهم ويمكن يكونو اخس مليون مرة منك
فنصيحة مني طالما الرجال بين يديك تقدري تكلميه اختاري الوقت الصح مو معقولة مايعرف يتكلم كلمة حلوة وانتو عندكم بيبي الله يحفظه لكم يعني يمكن في شي مضايقه اكيد في سبب ولو طبع فإن شاءالله مع الايام والمحاولة يتغير

وادعيلي ربي ييسرلي كللللللللللللللللل اموروي وامور الجميع يارب

 

[مارشميلو..]

مشكورين بنات
بس انا فكرت بصبر هالاسبوع وادا ماتعدل بروح لهلي خلاص
صبرت سنتين وهو ماتغير واصلا تحسفت اني جبت بيبي منه لانه هو الشي الوحيد اللي رابطنا بعض لو ماعندي ولد كان ماترددت بلحظه اني اتطلق منه
العيشه معاه ماتنطاق دفش وكلامه دفش وماني مصدقته انه يحبني لانه لو يحبني كان بين مو لهالدرجه انا غبيه ومااحس

 

[عطرالكلام]

الله يسخره لج
ويلين اطباعه

 

[Mjnont '3lay]

فاقد الشي لا يعطيه اذا هو ما تعود على انه يشوف المحبه بين امه وابوه شلون تبين يعطي هالشي لزوجته حبيبتي اخذيها قاعده والله كل رجال وعلى حسب البيئه اللي طلع منها يعني لو تقلبينه يمين شمال فوق تحت بظل هو هو مهما سويتي مرح يتغير والله يعينج دامه فعل وزين وطيب ويخاف ربه ويصلي خلاااص احمدي ربج واشكريه عالاقل احسن من اللي يهايط ما عنده ما عند جدتي ماغير يهايط ووقت الفعل يقلب ورع مو قد كلمته !!
احمدي الله وخلاص تقبليه بعيوبه وميزاته

 

[miss-farah]

نصيحة اخت مجربه زوج من هالصنف الجاف المعقد لا تعبييييييين عمرج انتي احرميه من الكلام الحلو والاهتمام وصيري انانية مثلة والله لو تقعديين تجربيين كل طريقة ماتنفع مع راسه اليابس

 

[alhabibah]

مارشميلو حبيبتي لا تبالغين في تصرفاتج. مومعناته إذا ما قالج كلام حلو إنه ما يحبج. بس رياييلنا ما يعرفون يعبرون. ومع الوقت وزحمة الحياة ومشاغلها راح تصير هالأمور عندج جانبيه. الريال يعبر عن حبه لما يصرف على بيته وزوجته وبالجنس. لو كل وحدة تفكر نفس طريقتج، جان ثلاث أرباع بنات الديرة عند أهلهم.

أنا معاج إن في أوقات نكون ميتين ونسمع كلام حلو، خصوصا وقت الدورة والنفسيه بالأرض أو بالنفاس..بس شنسوي. نتأقلم مع الوضع ونكمل يومنا عادي. إنتي توج في بداية حياتج الزوجية، طيعيني، بعد جم سنه بتضحكين على نفسج لي قريتي مشكلتج ..موفقه

 

[Mjnont '3lay]

مشكورين بنات
بس انا فكرت بصبر هالاسبوع وادا ماتعدل بروح لهلي خلاص
صبرت سنتين وهو ماتغير واصلا تحسفت اني جبت بيبي منه لانه هو الشي الوحيد اللي رابطنا بعض لو ماعندي ولد كان ماترددت بلحظه اني اتطلق منه
العيشه معاه ماتنطاق دفش وكلامه دفش وماني مصدقته انه يحبني لانه لو يحبني كان بين مو لهالدرجه انا غبيه ومااحس

سلامتج !! شهالخرابيط اذكري الله يا مره واقعدي ببيتج شنو اروح بيت اهلي ما اروح بيت اهلي هذووول امهاتنا قبل والله ما يسمعون كلمه حلوه وعدله وصايرين مثل الخدم يربونا ويشوفون البيت وينظفون ويطبخون ويكنسون وهذا هم عاشو ما ماتو اهم شي الاحترام والموده والله بنات هالزمن ينكسر خاطري عليهم كل ما صار شي تافهه بروح بيت اهلي وابي اتطلق :eh_s(14): وين قاعدين فيه اذا كل رجال ما غازل مرته وقالت بروح بيت اهلي عز الله ما ظل فيه متزوجين وكل الديره متطلقين اذكري الله وماله داعي هالتفكير الوحده منا بهالزمن غصب تلقى اللي ياخذها وانتي تبين الطلاق ووراج بيبي مافكرتي باللي بينكم كل همج نفسج مافكرتي بالبيبي شلون رح يعيش وهو بعده صغير بعيد عن ابوه وخير ياطير دفش والله دفش على نفسه بالطقاق وخير ياطير ما يعرف يقول كلام حلو ويغازل والله عنه ما قال اهم شي قايم فيني وبعيالي وحارص علي ومايقصر فيني شوووووفي مشاكل غيرج واحمدي ربج على مشكلتج والله والله غيرج يموتون الف مره باليوم من البلاوي اللي يشوفونها مع ازواجهم وهم ساكتين وصابرين عشان العيال وانتي نظام ما غازلني ودفش واحس مايحبني خلاص بروح بيت اهلي وابي اتطلق لا يا بنت الحلال استغفري ربج الطلاق له اسباااابه الناس تتطلق اذا كان فيه اسباب قويه وانتي السبب اللي ذكرتيه السموحه على هالكلمه بس فعلا تافه مايجي شي عند السكير والمدمن والخاين والزاني احمدي الللله واشكريه وادعي بكل صلاتج انه اللله يحنن قلبه عليج ومايبخل عليج لا بعواطفه ولا بماله اما سالفة بيت الاهل شيييليها من راسج اذا مو عشانج عشان البيبي اللي بينكم والله يسخركم لبعض واسمحي لي اذا كان كلامي معاج شوي جاااف بس عشان مصلحتج ومصلحة بيتج وزوجج وضناج وانا لو مابي لج الخير جان قلت لج بكل بسااااطه تطلقي روحي بيت اهلج شتبين فيه خليه يولي صح ولا لا بس انا مثل اللي يقول حب لاخيك ماتحبه لنفسك والله لو صاير فيني جذي مرح ارضاها على نفسي اني اتخلى عن زوجي وبيتي وابعد ضناي عن ابوه عشان هالسبب عشان جذي ما ارضاها لج

 

[نونوو]

قبل لما كنت اسمع انه في رجاجيل مايعبرون ومايقولون كلام حلو وغزل لحريمهم استغرب بس الحين اتوقع انها منتشره بين الرجال يقولون انتي شلج بالكلام اهم شي الفعل بس احنا حريم ونحتاج هالكلام والمشكله اذا كان مايبيج تزعلين وان زعلتي زعل علي زعلج يعني الحين منو الذي يراضي الثاني
يالله مافي احد مرتاح ..... الله يعينا

 

[غارقة بأحزانها]

يامارشميلو ياحبيبتي استهدي بالله
انا وضعي مثل وضعج وحاسة بكل كلمة انتي تكتبينها
بس ان الله مع الصابرين انا مرت علي ظروف اقسى من ظروفج وعندي مشاكل اكبر
لو تقرين بروفايلي بتعرفين وكم مرة نويت عالطلاق بس عقبها اتراجع
انتي تظمنين اذا تطلقتي بتاخذين واحد احسن منه؟ اوحتى تحصلين احد يتزوجج
صدقيني دام يسولف ويضحك وقايم بالبيت ويحب ولده
يعني يحبج ويمووووت فيج دام ماعنده خرابيط ولاشي علاقته بالفراش معاج تمام
انا عيزت من زوجي انتي سنتين انا الحين داشه عالسنة السادسة وماكو فايدة
( استسلمت)
صدقيني لو مايحبج جان مااخذ وعطا معاج بالكلام والسوالف والضحك
جان علاقته معاج رسمية وكل طالع مايحب يقعد عندج
لاتمللين الريال
ادري والله حبيبتي بشعورج اصلا وانا اقرا الموضوع بالظبط حسيت ان انا اللي قاعدة اتكلم
انا سويت اللي سويتيه اكثر من مرة اني زعلت ورحت لهلي بس النتيجة ان طلعني انا الغلطانة
وان انا انشر غسيل بيتنا وووووووو
وقالي اياها بعظمة لسانه انا حتى لو قلتلج بتغير ماني متغير لان انا مافيني شي ومو غلطان ومو مقصر وهذا طبعي
الله كريم مالنا الا الدعاء*

 

[انا لحبيبي .]

عوديه انتي حبيبتي على الكلام الحلو ، رح تتعبي شوي بس رح تلاقيه بعد فتره بحكي

الله يسخرلك ياه يارب العالمين