رودي للاستشارات الهندسية

[ام مياز]

وانا كيكه مارديتي علي:tomato2:

 

[nono78]

بنات

الي تبي تسوي لها مطبخ

في بدار سلوى مسوييين معرض مطاااابخ

روحوا شوفوا كل الشركات اهناك

انا رحت وشفت صراحه اريححح من التفرفر من محل لي محل

وخذيت كاتلوجات عشان بالبيت اشوف على راحتي


اخر يوم 1-2-2008

روحوا لا يطوفكم

 

[الكيكة]

هلا ام مياز

مارديت عليج لانج ما سألتيني

و لاني مافهمت قصدج

الحين انتي صبغت ديوان الرجال لون عنابي و محتاره بلون الاثاث و الستاير و الاعمده؟

اذا تقدرين تحطين لنا صورة اللون علشان نفيدج اكثر

 

[toto2006]

ابي اسأل عن الستاير .. بغيت شي مودرن و كنت مفكره بالرول بس لما رحت بازار انتريور قالي مو اي خام يصلح رول .. ابي رول كشخه من وين؟؟

 

[sara3]

تسلمين يا الكيكة شايلتك لعوزة:klhfl:

 

[روزه]

مرحيا بغيت اسالكم عن الديكور واخر موديلانه تكفون ردوا علي نبي نبلش فيه

 

[ســتارز]

رودي والكيكة واللي يعافيكم بسألكم عن الصالات... اي الالوان افضل للصبغ ودي اسويلهم شغلات فخمة

اشرايك بالتعتيق ؟ يقولون راحت موضته يعني معقولة عقب هالنطرة بسمع كلامهم !!

العنابي والا الزيتي او المشمشي ؟ لاتقولين بيج لاني مليت منه

وعلى اساس الصبغ بشتري الاثاث

 

[الكيكة]

توتو اشتقصدين بستاير موديرن؟

اذا تبين رول او روماني تلقين جاهزين بهوم سنتر و ايكيا اشكال و خامات تحتارين اشتاخذين

اذا تبين ستاير على مزاجج .. روحي الضجيج اختاري القماش و يفصلونه لج اي موديل تبين رول او روماني او اي شي ثاني

هلا ستارز .... لازم يكون اللون الاساسي واحد من درجات البيج ... اختاري البيج الغامج ( مثل لون الجاي بحليب) و بعدين ركبي ورق جدران لون عنابي على طوفه و زيتي على طوفه ثانيه ..بعيده عن طوفة العنابي. و لعبي ابهاللونين بالاثاث و الاكسسوارات و الستاير لانهم حلوين مع بعض و دخلي معاهم الذهبي
التعتيق صار قديم .. واللي مسوين تعتيق قاموا يغيرونه الحين لانه موضه قديمه

هلا ضبية ... قصدج الديكور الجبس؟ ... يعتمد حسب المكان صاله ولا غرف نوم ... احلى شي الديكور الساده و الكورنيش بعد ساده .. و تحطين داخله قيطان من الجبس و بعدين السقف ينصبغ كله ابيض و القيطان ذهبي و المساحات داخل القيطان تنصبغ نفس لون الطوفه ... هذا شكله يطلع وااايد حلو و ناعم و مايروح موديله

يابنات لا تسوون تعتيق و رسم و ترخيم و دانتيل و مخمل و هالسوالف .. لان بعد فتره تصير قديمه
الا اللي مقتدره تغير كل جم سنه
حتى المقتدره تغير ... وجود العمال بالبيت مقرف و عفيسه .. من له خلق هالحوسه كل جم سنه

 

[ام مياز]

انتظر ردك اختي الكيكه
وعندي بعد سؤال
الثريات والابليكات(الاضاءة الجداريه)شلون يكون توزيعها في الصالات والمجالس
يعني في كل جدار ابليكتين والا بس جدارين
والتريا لازم شكل الابليكا
والمداخل لها شكل خاص ..............
عندي كتالوج وسي دي من محل واحترت وش اخذ

 

[nuna24]

هااااي انا ناوية اجدد غرفتي كلها شرايج شنو الالوان الحلوة لغرفة النوم اذا كانت الغرفة
قياسها 6في 3.5 و اي احسن الصبغ ولا الورق جدران

 

[sunshine22]

ورق الجدران احلووووووووو مافيها كلام

انا بيتي كلها ورق جدران وباركيه صراحه كنت خايفه بالبدايه لكن الحين الكل يضرب باختيارنا لهم

جنه صور من كاتلوجات اوربيه


انا الحين اجهز غرفه لنفاسي ابيها عنابي بذهبي مابي اختار لون ازرق ووردي
ابيها حياديه حق بعدين اذا نويت مو كل شويه مسويه تعبت صراحه,,,,,,,,,,,,,


ابشوف صوره للاصباغ العنابيه وبراويكم

 

[الكيكة]

هلا ام مياز

مارديت عليج لانج ما سألتيني

و لاني مافهمت قصدج

الحين انتي صبغت ديوان الرجال لون عنابي و محتاره بلون الاثاث و الستاير و الاعمده؟

اذا تقدرين تحطين لنا صورة اللون علشان نفيدج اكثر

هلا ام مياز رديت عليج بس يمكن مانتبهتي

بالنسبه للثريات احلى انج تختارين الابليكات و الثريات نفس الشي بس ممكن انهم يكونون مختلفين يعني انتي و ذوقج

أماكن الابليكات حسب ديكور الحوائط عندج .... و مو ضروري يكونون على كل الحوائط .. يعتمد على حجم الصالة و توزيع الاثاث .

اضاءة المدخل تعتمد على مساحته

 

[الكيكة]

نونا ورق الجدران احلى و ارقى بدون تفكير

انا مركبه ورق جدران على طوفتين بغرفة نومي

 

[روزه]

تكفون ساعدوني ابي ديكور كامل حق قسيمه

 

[jours]

السلام عليكم حبيبتي انا ودي احط ورق جدران على طوفة وحدة من الغرفة وباجي الطوف بصبغها شرايج بهالفكرة ووين احصل احسن ورق جدران؟؟؟

 

[rudy]

السلام عليكم حبيبتي انا ودي احط ورق جدران على طوفة وحدة من الغرفة وباجي الطوف بصبغها شرايج بهالفكرة ووين احصل احسن ورق جدران؟؟؟

هلا اختي احسن ورق جدران عند الصراف بس ......... نار وشرار

روحي عند ميداس الي في شارع تونس عنده كم مسطرة من ورق الجدران عجيب طلبية ويوصل بعد عشرة ايام ونفس مساطر الصراف ولو انتي ملاحظة ورق جدران ايكيا راح تلقينه عند ميداس

 

[امراة من زمن الحب]

رودي انا ودي احط لك تخطيط بيتي بس مو عارفه شلون والوصف صعب جدا شسوي

 

[sun_kisses]

السلام عليكم اشلونج اخت رودي واشلونكم يا عضوات
ابي استشاره ديكوريه منج
يا طويلة العمر توه خلص اثاثنا بسسسسسسس الالوان احس انها ما فيها حياة واهي رمادي وفضي وازرق فاتح براييج في مجال نضيف لون بالديكورات والكوشيات اساسا ارضيتنا رماديه كنت بحط الاثاث رمادي وبنفسجي مالقيت فبدلته بازرق صار اللون ميت اشلون اصحح الخطا
وشغله ثانيه صالتنا مربعه صوب اثاث امريكي والصوب الثاني اقدر احط طاولة طعام براييك ؟


وان شاء الله اصور الاثاث وانزله


وشكرااااااااااااا

 

[روزه]

مارديتوا علي وانا قاعده انتظر ابي اخر موضه للديكور لان لازم نوزع الاضاءه علشان الكهربائي طالب تكفون الي عندها فكره ترد علي رودي لا طنشيني :tek: ادري اذيتج سامحيني

 

[الكيكة]

sun_kisses



الذهبي و البيج

والنباتات الداخلية .. طبيعيه او صناعيه .. تعطي حياة للمكان