November BaBies 2011 .... أحلى بيبيز

[تبطي عظم!]

ضحووك اللوك الصبااحي

هههههه من الدوخه ولدي سهرني قثني يمكن بس كسرت نعاس مانمت عدل

عاد الصبح اطالع ملابسي عين مفتوحه وعين مسكره لوووول

كنت بنام اصلا خلاص خصوصا لمن دزلي زوجي انا متريق لا تسوين ريوق ههههعه انقهرت هههه

رحت تريقت اي شي ولبست ليقنز وبدي ضيج حركات تقخر عرفتي لووووول عاد جسمي صاير وااو لو ما هالكرووشه الي ياارب ترووح

بس افا عليج قعدت شافطه بطني طول الوقت وشعري سويته استريت وبف وحطيته على صوب واحد وميك اب ناعم لان قلت صبح مابي ابي الخبه حق الليل

بس يالله لك الحمد ولدي صرف عمره لمن جا ابوه نام هههههه وللحينه نايم حبيبي يعرف السنع هههههه

بس بسألج بما انج والده من قبل سؤال محرج لووول

بعد الجماع تحسين الم مكان الخياط !! انا حسيت جذي واحس المنطقه مشدوده حييل تعورني شوي مو حييل هذا طبيعي !



جبوور

المميات روعه ماعليها كلام بس تخرع على حلجه عرفتي لووعه ولا بالعكس ولدي عليها ماكان يشتكي من الغازات واجد

الحين غازاته وااجد تعب منها حبيبي

 

[^الماسة^]

مرحبا بأجر يكمل لي 20 يوم شرايكم أروح السوق أو بدري

 

[تبطي عظم!]

المااسه روحي انا بديت تجهيز من الـ ٢٠ احسن تخلصين مبجر ويكون عندج وقت بعد للفراره ...!

 

[ضحكت حبيبي]

تبطي

اي طبيعي

لاتحاتين

 

[careless 5]

انا اهم شي عندي اسوي اسناني واايد تعبانة ��

 

[kitty eyes]

طالعة من الشر تبطي

اي العوار لابد منه

الله يعين جم يوم وبعدين يتعدل الوضع

 

[kitty eyes]

ما ادري كلش ما عجبوني المميات

صاجة عواش يطلع الحليب من حلجه

لانه الحلمة الصغيرة مالتهم اكبر من مقاس سمول مالت بيجون

ما ارتحت لها

 

[yasmeen_q8]

هاااي امهات
شلونكم
حسيت صارلي دهر ما دشيت المنتدى
قعدت اقرا اللي طافني
ممية د براون حلوة بس بنات الزجاج ثقيله واايد وولدي ما يكنل رضعته فيها
انا من الاول استخدمله افينت الذهبيه اللي بماذركير يقولك ان هذي تقلل الغازات وانا فعلاً الحمدلله يا رب ولدي صج تحوشه غازات بس مو وايد
وخفيفة والله احياناً اكون ماسكه الايفون وحاطه المميه خفيييفه عليه وترا ما يطلعلهم ريحه نفس ما قالولي غسلوهم في صابون بيجون

وضحوك
الخلطه شلون تغير الشفايف يعني توردهم ولا شلون تحسين بالتغير
والله خلطات جراس ماكو وقت اول جم يوم استخدمتهم عقب ما صرت اقدر ادلك ربع ساعه صعبه وولدي يبجي فاحطه حط جذي شوي ادلكه والبس

ولنات الكورسيه اللي يبيعونه بالمعرض الياباني واللي هني يبيعون منه التقليد الصيني
بو ٣٥ و بو ٤٥
فاااااااااااااااشل
لا يقصون عليكم
والله اول ايام شاد وماسك الجسم وتحسين يشد الكرش شوي عقب يصير لين ووسييييع
وما يسوي شي

 

[3awaasha]

تبطي
الحمدلله على سلامتج حبيبتي طالعه من الشر
حبوبات حبيت أفيدكم من تجربتي
أنصحكم ابيت الصابون اللبناني روووووعه شويه عليه اللي بالأفينيوز شريت منه خلطة التبييض بالشبه وصنفرة الزنجبيل والليمون تينن تنعم الجسم وصابونة الكركم مالت الويه أنا قلت بعد ماأجرب وأشوف النتيجه أقولكم عنه وعطوني هديه كريم للجسم زبدة الشيا وجوز الهند والله تطلعين من الحمام زبده وصااافيه والله خلاني ألقققق ماشاالله وأمشي بثقه لووووووول

 

[yasmeen_q8]

بنات وبالنسبه للي سألت اللي يرضعون صناعي
انا ارضع صناعي
شوفوا بالاول استخدمت لولدي سيميلاك ثقييل ويترس بطنه غازات كان يصرخ صرااخ مو طبيعي
الحين بيبيلاك
الحمدلله ماكو غازات واايد فبطنه
ويقوم كل ساعتين ياخذ رضعته
وخفيف عليه
وبنات بطنه يصير فيه غازات كل جم يوم وانا اعطيه ماي غريب بالليل بس
واحطله معاها غاز بامبي

واعشاب لما احس ان بطنه ماسك اعطيه شوي ينسون رقم واحد بس مو وايد عشان لا يسويله اسهال واايد
وعلى طول تطلع غازات بطنه
ولما يكون طبيعي مافيه شي احطبه نص قفشة ينسون على نص قفشة كراويه واغليهم مع بعض واعطيه رضعه
ولما يصير عنده اسهال اعطيه كراويه بروحها يمسك شوي

وبنات اللي تبي تكبر بنتها او ولدها واتبتبه خالتي اليوم قالتلي نقعي تمرتين بماي حار وصفيه وعطيه يمتنه
وغير جذي فوايد التمر فيتامينات وبروتينات وووو.... يفيد الياهل عاد مادري ما جربت وقالتلي عطيه الظهاري لان شوي ثقيل فلا تعطينه بالليل

 

[انجبر قلبي]

عواشه
الله يتمم عليج تذكرين بتجمع الحوامل كنت اقولكم عن سنفرة الزنجبيل و صابونه الكركم جربوها

انا كنت اول اشهر الحمل مستمره عليهم يمكن لي السابع ما حاشني سواد ولا شي لاني كنت استخدم السنفرة مع كل سبوح

بس اللي بالبيرق وقفوا السنفرة مادري ليش و عيبها بسرررعة اتخلص .. بس صج تغني عن الحمام المغربي احسها اتفرك تفريك

وايد حلوة

 

[ضحكت حبيبي]

اذبحني يالثقة ياعواااش

ياسمين

عااش من شافج

أهي تسوي صنفره وتورد وتعطي امتلاء

 

[فدددك]

سلام عليكم بنات شلونكم

بما ان بنتي كبر عيالكم الحين بغيت اسالكم لان حدي ضايعة معاها
بنتي بعد 3 ايام تكمل شهر وكنت اعطيها سيميلاك 60 مل ماي ومكيال حليب قام ينفر وييهها ويطلعلها حبوب

قررت الحين اعطيها نان بس الي لاحظته ان قفشة المكيال اصغر من سيميلاك ومكتو عالعلبة ان حق عمرها تحتاج 120 مل ماي و4 مكاييل
عاد اعطيها ولا جنه الكمية وايد عليها؟
عفية ابي ردك لاني بجرية ومو عارفة اتصرف معاها

 

[Talyan Rose]

سلام عليكم بنات شلونكم

بما ان بنتي كبر عيالكم الحين بغيت اسالكم لان حدي ضايعة معاها
بنتي بعد 3 ايام تكمل شهر وكنت اعطيها سيميلاك 60 مل ماي ومكيال حليب قام ينفر وييهها ويطلعلها حبوب

قررت الحين اعطيها نان بس الي لاحظته ان قفشة المكيال اصغر من سيميلاك ومكتو عالعلبة ان حق عمرها تحتاج 120 مل ماي و4 مكاييل
عاد اعطيها ولا جنه الكمية وايد عليها؟
عفية ابي ردك لاني بجرية ومو عارفة اتصرف معاها

عليكم السلام فددك

السمييلاك يختلف مكياله عن النان انا استخدمت ثنينهم
النان حق كل 30 مل قفشه او حق كل رقم بالمميه قفشه
يعني اذا بنتج تشرب لي 120يعني رقم 4 يعني 4 قفشات نان

انشالله اكون وضحت لج عدل :yaaaaaarb:

 

[Talyan Rose]

سلام عليكم جميعااااا


فقدتكم وااايد

حيل انشغلت
شلونكم وشلون بيبياتكم ؟؟؟

 

[انجبر قلبي]

عادي مو وايد كل حليب عن حليب يفرق انتي كنتي تحطين مكيال واحد لأن سيميلاك وايد ثقيل بس نان خفيف أخف منه

لا تخافين دام مكتوب بالقوطي جذي ماعليها خوف

و الحبوب س طبيعي انا بنتي وايد حببت بس يوم طلعت من الاربعين كل هذا راح

و اذا تبينه يخف حطي على حبوبها كريم بيبانثين مال الحفاظة آنا استخدمته فظيع بسرعه يروح الحبوب

 

[دانة الاحرار]

ضايق خلقي كرشي ما راحت وانا الغلطااانة ما ربطت بحزاام عدل كل مرة مغيرة الحزام ولا واحد فيهم سنع
اللحين باجي لي اسبوع واطلع من الاربعين وكرشي اشكبرها
حسب خبرتكم شنو اسوي اربطها حتى بعد الاربعين واشلون عند ريلي اربط احس فشله يلاقيني رابطة الكرش
والتمارين توخرها ؟؟
لاني ناوية بعد الاربعين اشتغل على جهاز المعدة واسوي تمارين
بلير ردوا علي لاني صج متضاايقة

 

[لبى خشتك]

تبطي

قرت عين زوجج فيج ههههههههههههههه

انا الي ماجهزت وكل مارحت مايعجبني شي وماباقي الا 6 تيام

مادري اهي صالون ولا صبغ ولا تسوق ولاعباله البيبي

واليوم تهاوشت مع زوجي قهرني خرب علي فرحتي

ماقول الا الله يعيني

 

[لبى خشتك]

ونسيت اقولكم

رحت حق ردادة بسلوى شنو شااااااااااااااااااااااااااااااااااااااااااااااااااااااااااطرة

قالتلي والله لا اردج بنت واخلي زوجج يستانس

بنات سوتلي تمارين ودهنت بطني بزيت زيتون ودلكته

عقبها قالتلي روحي الحمام عزكم الله وشوفي من تحت تغير عليج ولا لا

والله حسيت بتغير قبل احط التحميله احس بتوسع اللحين لا فرق علي

سوري ع الجرأة

بس حبيت اكتب تجربتي حق الي ماجرب يمكن يستفيد

 

[انجبر قلبي]

عليج بالعافيه لبى