؛؛؛ سؤال محرج !! عـــــادي تتزوجين وفيج حب شباب؟ ؛؛؛؛

[الحائررة]

بنات بسألكم اللي عانت وتعاني من حب الشباب بدون علاج

وظهرها وكتفوفها وبطنها وريولها وكل جسمها بقع من اثار حب الشباب


ماتحس باحراج لما تتزوج؟؟


هل فيه وحده تزوجت وجسمها مرقش ومبقع ومخطط وما استحت تلبس قمصان عاريه

وشكل الظهر يسد النفس من كثر ماهو مبقع حتى لو انها جميله وبيضا بس الاثار تسبب تشوهات


كيف الوحده ممكن تتغلب على هذا الشي بدون احراج !

 

[ام كوثر2007]

حبيبتي صعبه اشوي .. خصوصا منظر الجسم لازم علي الاقل يكون صافي انتي عروس .


صعبه علي الريال ترا .. في بعض الريايييل تلوع جبودهم لو طلعت لج حبه الدوره فما بالج جسم كله متشوه من الحبوب واثاراها .


ليش ما تعالجين نفسج قبل الزواج احسن لج .


لو استمريتي علي السدر شهر كامل والله بيصفي جسمه كله من الحبوب بس استمري علي الخلطه . واذا ما تعرفينها كلميني عشان اقولها لج ترا ما يبيلها شي ..


الاهتمام وايد مهم حبيبتي ..

وعسى الله يوفقج يا رب ويتمم لج علي خير .

 

[الحائررة]

شلون طريقة خلطة السدر حبوبه

 

[white**angel]

انا ظهري وويهي من لمن كنت بالثنويه حبوووب بس ظهري اووووفر ويهي في بس مووو اللي مشوه لا عادي بس كان يضايقني
عاد قعدت اقراا عن منقوع المره وقلت شوراي بجربهااا وصج عجيييييييييييييييبه صفت ويهي وجسمي كلااااااااااااااا
ومن عقبها ماعرف شي اسمه حب شباب اللهم الاا اذا حفيف احط من المنقوع ويروحوون بس استمري ولاا تهملين

 

[بنوته ستايل]

انا فيني حبوب بظهري..ومافي شي ماجربته تعبت بدون فايده
خصوصا منطقه الظهر تعب بالاهتمام ماتوصلين لها بسهوله يبيله احد يساعد

اختي قوليلنا طريقه السدر الله يجزاج خير..
بس انا الي اعرفه ان السدر يطلع شعر؟؟

 

[فخر البداوه]

صحيح شنو خلطة السدر قلبي

 

[بنوته ستايل]

انا ظهري وويهي من لمن كنت بالثنويه حبوووب بس ظهري اووووفر ويهي في بس مووو اللي مشوه لا عادي بس كان يضايقني
عاد قعدت اقراا عن منقوع المره وقلت شوراي بجربهااا وصج عجيييييييييييييييبه صفت ويهي وجسمي كلااااااااااااااا
ومن عقبها ماعرف شي اسمه حب شباب اللهم الاا اذا حفيف احط من المنقوع ويروحوون بس استمري ولاا تهملين

حياتي شلون طريقتها؟؟
ومن وين اشتريها ؟؟
وجم مدتها عشان تبين النتيجه؟؟
الله يجزاج الجنه

 

[beren saat]

لا يبيله طبعا اهتماام وخلطات وعالجي بشررتج عند دكتووور

 

[قطوووة]

تغذية + ترطيب + اهتمام + استمرارية + حماما ت مغربية

ؤاهم شي النظافة

 

[جنزبيلا]

من صجج انتي !!!!!!
يباااا عااااادي شدعووووه
الله يخلي الروكتين
ماجربته بس شفت نتايجه روعه
لو عرسي مطول جان استعملته بس مايمدي يبله ٦ شهور
لاتوسوسين والاثار الله يخلي الحمام المغربي يطلعلج جلد ثاني
تزوجي ومالج شغل 

 

[حلا2011]

بالتوفيق يااااااااااااااااااارب

 

[الحائررة]

الحمام المغربي مايناسب لازم اتفصخ واخلي وحده تفركني وتلمس جسمي !! وووووووووووع ماحب وحده غريبه اكشف عندها وتقعد تتلمس فيني شنو هذا



المرة جربتها على ويهي ماجابت نتيجة وصعبه استخدامها للظهر !! شلون بحطها على ظهري!

واللي كتبت اهتمام ونظافة والله نظيفين بس البشرة الدهنيه عذاب على صاحبتها مهما كانت نظيفه


الروكتان صعبه استخدم الكورس اخاف منه لانه يبي له متابعه وفحوصات ويأثر على الكبد والقولون ووايد متعب ويسبب جفاف

 

[ام كوثر2007]

حبيبتي انا بشرتي بعد دهنيه وكانت ملوعه جبدي بحب الشباب مع اني خلاص ماني شباب هههههههه


خلطه السدر انا مستمره عليها الحين صار لي اكثر من ست اشهر والحمدلله ما شفت منها الا كل خير والله . صرت لو اشوف وحده بالشارع ويها مشوه من البقع او لونه مو واحد اقولها عليه ..


تخلطين بعلبه بلاستك او زجاج عندج ..


قفشه كبيره سدر

قفشه كبيره نشاا

قفشه كبيره عيش مطحون ( رز )

قفشه كبيره شوفان مطحون .

كلهم خلطوهم بالعلبه . وكل ما تبين تحطين . اخذيلج الكميه اللى تكفيج بطاسه صغيره . وصبي فوقها عسل وماي ورد .

وقعدي مسحي ويهج فيها بس طبعا لازم يكون ويهج نظيف ومغسلته عدل .

عشان تستوعبه الخلطه والبشره تستفيد منها .

خليه علي بشرتج تقريبا نص ساعه . انا اخليه ساعه الا ربع .

بعدين تدخلين صوب المغسله اتحطين اشوي ماي دافي بيدج

وقعدي فركي ويهج بحركات دائريه يصير مثل السنفره يعني

عقب غسلي ويهج بماي فاتر

ورطبي جسمج او ويهج بمرطب ضروري المرطب


تقدرين تسوين كميه اكبر . انا مسويه علبه كبيره ومخليتها لانه استخدامي لا بشكل يومي ..

داومي عليها مو يومين وتملين . لانه اذا ما ستمريتي ما راح تشوفين اي نتايج .


وبالنسبه للي تقول ينبت شعر .. لا يا قلبي هذا اذا حطيتيه علي راسج بس علي الويه هذا انا جدامج ويهي مافيه ولا شعره الحمدلله .

وعساااكم تشوفون الخير وربي يسهل علي الجميع .

 

[ام كوثر2007]

اختي حائره بالنسبه للحمام المغربي .. بعطيج طريقتي اذا انتي ما تحبين احد يتكشف علي جسمج . وان شاءالله هالطريقه تفيدج ..


انا صراحه ما شريت خيمه البخار اللى يقولوون عنها . وفكرت اشلون اسوي حمام مغربي في حمامي الخاص .


قمت كل اسبوع تقريبا . انقع نفسي بماي حار بالبانيووو . واقعد فيه لمده ربع ساعه بس .

وعقب احط صابون مغربي علي كل جسمي واقعد تقريبا ثلاث دقايق . علي ما اغسل شعري . وبعدين اشطف جسمي كله من الصابون .. يعني لا تخلين ولا نقطه صابون علي جسمج . وهاتي المفركه المغربيه السوده . طبعا تكونين منقعتها بماي حار قبل لا تبلشين سباحه ..

تلبسين المفراكه بيدج . وتقعدين تفكركين جسمج بحركه دائريه وشوفي البلاوي اللى تطلع .


اللى اكتشفته انه الماي الحار لمن الواحد يتنقع فيه . يفتح المسام نفس البخار بالضبط .

وهالشي انا مرتاحه منه وايد . لانه صج احس انه جسمي فتح بطريقه مو طبيعيه .


ونرجع نقول الترطيب وااااااااايد مهم عشان ما يخشن ويصير يابس الجسم .


موفقين ان شاءالله .

 

[love u 4ever]

أنا لمن حفيت ظهري بشيرة قب حبوب بصورة مو طبيعية .. واهي طبعا ماتوقع حب شباب

نصحتني بنت خالتي أشتري كريم ألفا كورت من الصيدلية .. وجربته ليلة عرسي وفعلاً خف وبدا يصغر شوي شوي ..

جربي هالكريم حبيبتي .. إن شاء الله يفيد معاج ..

موفقه .. وهالله الله بالعناية ..

 

[فدوووو]

ماقصرت ام كوثر

والسدر مايطلع شعر انا دايم عليه واسوي ليزر لجسمي ووجهي

 

[@ DLOO3TAH@]

ـأب

 

[reem alflla]

شدعووووووووووووووه الوحده ماتتزوج بس عشان حب شباب

خيتوو الحين واحد صاحي مافيه شي ذهبه ذهبه يصير لنا ماخذ وحده ماعندها ايد

انتي متأزمه عشان حب شباب لا تأزمون نفسكم وعااادي الحياه تمشي

موت عاد الي يسمع الريايل مافيهم عيووب ولاالجسم فتــنس

ويها يقطع الخلفه ومايشوف سرته ويتشرط

عادي انتي اهتمي راح راح ماراح اخر همي

 

[Laidy n3ooma]

لا والله ماتجرأ الله مكثر العيادات .. يعني احنا البنات نتفشل منها فما بالج بليله عرسي والناس كلها بطالعني غير ريلي بيشوف جسمي كامل ..

سوي جلسات تقشيير ولفي على العيادات وان شاء الله بتلقين حل

واذا على الظهر ماتقدرين توصلين له تقدرين اتخلين اختج او الخدامه تحط لج ..

 

[قطوه بطه]

شدعوه

اول شي تروحين دكتور جلديه

مره اسكينول مليون شي وشي

والاثار سوي تقشير

ومبروك مقدما