مشرفات الاغذيه = فراشات ؟

[اخت واختها]

مشرفات الاغذيه = فراشات ؟

بدون مقدمات

كلنا نعرف عن مشرفات التغذيه والوجبات الي توزع على طلبه الابتدائي

كلامي عن المشرفات

انا من الي اشتغلو بهالوظيفه من اول سنه وهذي ثاني سنه لي

استدعونا الشركات قبل التوظيف وفهمونا شغلنا نوزع الاكل ونرغب اليهال بالوجبات ونلم الزايد
ونعطيه الاداره تصرف فيه

لي هني اوكي

مشكلتنا من اول سنه العموم ماخذ فكره عن مشرفه الاغذيه انها فراشه !!!

يعني توزعين الاكل وتلمين الوصخ بعد الاكل !

هذا بنسبه حق بعض الاداريات

البعض منهم وضعج احسن عندهم شغلتج انج تشرفين على الفراشه نظفي هذا ونظفي هذاك وتجيكيين على الصفوف عقبها !!!

ليش مسؤولات فراشات واحنا ما ندري ؟؟

الفراشه موظفه حالها حالنا ليش نشرف على شغلها ؟؟

شعلاقه مشرفه الاغذيه بالتنظيف والترتيب ؟؟

بالذمه قولولي وين العلاقه ؟

اشتغلت بمدرستين وكلهم يقولولنا جيكو على صفوفكم وحافظو على النظافه ولي هاليوم يايه الوكيله تنزرني روحي جيكي على صفوفج وتقطط علي نغزات وانا ساكته وتغلط علي وتغلط وانا ساكته عنها

ما ادري يعني بتيني امسك المكنسه وانظف وياهم ولا شنو ؟؟؟

والوكيله الي قبلها كانت تكلمني عن الساحه وانها وصخه ؟!!!!

كلامي هذا موجهه حق كل وكيله ومسؤوله خافي ربج انا طلعت من المدرسه اليوم اتحسب عليهم وعلى ظلمهم

بمدرستي الاولاني يوم اني رديت عليهم وقتلهم هذا مو شغلي تبلو علي لين بغيت انفصل من شغلي

حتى الغبي الي مو دارس يعرف ان شغل الاغذيه بصوب وشغل التظيف بصوب ثاني

شلون هالاوادم صارو تربويات ماني عارفه ؟


قولولي الحل شنو ؟؟؟

يا اسكت عن حقي وانهان يا يقطعون رزقي ؟؟

تكفون قولولي شلحل ويا هلااشكال

 

[لحظه من فضلك]

لج الله حبيبتى الحال من بعضة وهذى هى المشكلة انا رئيسة قسم وكلنا نعامل على انا خدم والله ما ادرى وين الخلل الظاهر الكرسى الله ياخذة​

 

[أحلى البشر]

ترى العموم مايدري الله وين قاطه لو تروحين الديوان بكبره بتحصلين ناس مو فاهمه شي ولاتدري شنو مهامج الوظيفه
اصلا الديوان اهوا مركز التوظيف واهوا اللي يحدد اللي لج واللي عليج وفوق هذا انتي تفهمينهم لا وياليت يفهموون!! لا عندهم الغباء على اصوله وتيين تلومين الوكيله خليها على الله الدنيا داجه بس يبون معاش وبس اما المخ فاضي
موضوعج يه عالوتر الحساس الله يعينا على هالناس اللي ماتفهم

 

[أحلى البشر]

اي ونصيحتي لج روحي الديوان قوليلهم انا شهادتي كذا كذا ومسماي كيت وكيت ابي تعطوني شنو مهامي الوظيفي اللي لي واللي علي ولين طبعوها لج ( هذا ويهي !) خلي الورقه عندج واذا احد تميلح طليعله الورقه وقولي انا مو ملزومه بالنظافه !

 

[randomy]

حبيبتي انا مدرسه

مره حضرتلي رئيسة القسم ,,, مالقت تعليق عالدرس قالتلي الصف ورا وصخ البنات قاطين جياس البفك!!

شسوي يعني اييب مخمه والنظف !! مع العلم انهم بنات متوسطة

خلينا ساكتين بس!!

الله يعينا على هالحريم

 

[* فطامي *]

والله مو بس انتوا احنا ابلات و نتحاسب اذا الولد لابس ملابس رياضيه بحصتي انا اخذ افادة بقعد ساعه على ما نزفهم
غير سالفة النظافه و ترتيب الصفوف
الله يعين

 

[زهره الجلنار]

الله يعينج

 

[PuPa^^SWeeT]

عادي ياقلبي

احنا ابلات و كل شوي يقولولنا نظفو صفوفكم


نظفو الممر


رتبو الادراج علشان الافاينل

 

[amami al-kuwai]

شكو الفراشات والتنظيف بشغلكم

اساساً انتو مو لتنظيف المدرسة حتى الجهال يعرفون هالسالفه

 

[اخت واختها]

طلع كلكم جذي @@

 

[اخت واختها]

ولله يا خيتي تعبت وانا اشتكي

حتى اليوم الفراشه اشتكيلها اقولها انا شكو بالوصخ انا مجهزة اغذيه

تقول صه انا فراشه انا ينظف انتي يوزع اكل

ابيييه واهي هنديه ومو متعلمه وتقول جذي وهذيج تربويه مراة شوي وتصك الخمسين وهذي سوالفها

حسبي الله ونعم الوكيل فيها

 

[خضيرة]

انا معلمة لما اشوف صفى مو نظيف ابلغ منفذة الخدمة تقول للفراشة وتنبها على نظافة الصف وانا اكون متابعتها اواذا شفت غبرة على الطاولات اقولها مسحى الطاولات ولما يروحون الاطفال للمطعم وياكلون وجبتهم ما يطلعون منه الا لما ينظفون طاولتهم وبمساعده مشرفة التغذية تكلم الاطفال وتوجهم انهم يحافظون على النظافة واذا طلعو الاطفال من المطعم جت الفراشة ونظفت ومسحت المطعم باشراف و متابعة من مشرفة التغذية يعنى اى شى يتعلق بالمطعم فهو شغلج ومو حلو كل وحدة تقول انا مو مسئولة عن نظافة الصف يعنى شفتى اجياس بطاط اقول للطالبات شيلوهم واذا شفت صفى مو نظيف ابلغ المسئولة او انبه الفراشة وايد وحدة ما تصفق​

 

[!الجادل الصعب!]

انتي بس اشرفي عالفراشات بالصفوف .. الساحه شكو انتي فيهآ ..!
وهذآ ادارات الحريم بعضهم ماينعطون وجه ترآ .. الوحده لا مسكت منصب خلآص
تطلع الحره بـ الي تحتها ..!

 

[اخت واختها]

انا معلمة لما اشوف صفى مو نظيف ابلغ منفذة الخدمة تقول للفراشة وتنبها على نظافة الصف وانا اكون متابعتها اواذا شفت غبرة على الطاولات اقولها مسحى الطاولات ولما يروحون الاطفال للمطعم وياكلون وجبتهم ما يطلعون منه الا لما ينظفون طاولتهم وبمساعده مشرفة التغذية تكلم الاطفال وتوجهم انهم يحافظون على النظافة واذا طلعو الاطفال من المطعم جت الفراشة ونظفت ومسحت المطعم باشراف و متابعة من مشرفة التغذية يعنى اى شى يتعلق بالمطعم فهو شغلج ومو حلو كل وحدة تقول انا مو مسئولة عن نظافة الصف يعنى شفتى اجياس بطاط اقول للطالبات شيلوهم واذا شفت صفى مو نظيف ابلغ المسئولة او انبه الفراشة وايد وحدة ما تصفق​

انا مشتكلتي هني

اذا بجيك على شغل الفرااشات عيل مشرفه الفراشات شنو شغلها ؟؟؟

توزع جاي وماي على الاداره ؟؟

 

[حجيه هيونه]

لا حول ولا قوة الا بالله

حبيبتي اهدي

ماكو شغل بالعالم زين وحلو ومافيه مشاكل

انتي بس حاولي تتاكدين من الي لج والى عليج قبل تكلمين الوكيلة

مثل ما قالو البنات روحي الديوان وخل يطبعون لج المطلوب منج

 

[*مطبخ الذواقة*]

حسبي الله نعم الوكيل شهالظلم
انتم مشرفات تغذيه شكو بالساحة!!
في ناس فعلا ما تنعطى وجه
اختي صدقيني الرزق على الله وما يقص الراس الا اللي ركبه


وربي يعينكم​

 

[ام حنااين]

بوزارة التربية مافي قانون يحكم اي وظيفة كل واحد يشتغل كل شي يبونج تنظفين وتدرسين وانشطة وحتي عند البوابة الصبح وبالهدة حارس. اعرف ادارية قالتلي ناظرتها حتي احتياط تعطيها.

انصحج ساهمي بالاشراف علي الفراشات مو خوف منهم لان الرزق من ربنا ولكن عشان صحة اليهال يقعدون بمكان نظيف واحتسبي الاجر من ربج. والشغل مع الحريم لازم وراه تعب وقهر

 

[Eva-SS]

اها الحين عرفت .. مشرفة تغذية هذي الوظيفة اللي منعوج منها المطاوعه والبدو


ردًا على موضوعج

عندنا بالروضة مشرفات التغذية كانوا يحطون رجل على رجل حتى وجبات الاطفال ما يفجونها احنا المدرسات اللي نفج الوجبات وبعد مايخلصون الاطفال من الاكل تجي الفراشة تخم وراهم وتشيل القراطيس ومشرفات التغذية بطرق هاللابكوت وايفونها بيدها 3 مادري اربع قاعدات ويسولفون .. وناظرتنا هالسنة جديدة نفظتهم نفظه معتبره

فراشه ممنوع تدخل مع الاطفال وقت الاكل او حتى بعد الاكل تنظف .. وتنظيف الطاولات بعد الاكل شغلتهم .. قاموا يوزعون وجبات ويفجونها معانا للاطفال يعني صار لوجودهم فايدة

انا مابي اعمم بس هذا الوضع بروضتي

وعلى فكرة مو عيب انج تنظفين ومو عيب انج تكونين مسئولة فراشات مافيها شي لاهي عيب ولا حرام ..

 

[فطووومة]

الله يعينكم حبيبتي
كل شغله ولها سلبيات

هذي المعلمة تدرس وتناوب وتبيع بالمقصف وتركض ورا البنات بالفرصة عشان يشيلون باجي اكلهم ووووو
واهي اسمها معلمة مو مناوبه ولا حارس ولا شرطي تنشر الامن بالمدرسة

الله يعين الجميع

 

[اخت واختها]

الشغل والتنظيف مو عيب ادري

بس كل واحد له دوور

رئيسه الفراشات شغلتها تشرف على فراشاتها وشغلهم انا شغلي اوزع الاك لعى لايهال والم الزايد اوديه للاداره يتصرفون فيه

في شي اسمه نظام بس مشكله المدارس مو ماشين على النظام عشان جذي مشاكلهم وايد

لوادري ان السالفه جذي جان تعاقدت مع شركه تنظيف اشرفلي
رفع رفع رفع