ملتقى عرايسنا السابع ..

[مركب الأمل]

فجورة

سيم سيم أنـــــــــا




زين وين هالأستاندات اللي حق العطور

أواللي على شكل صحون؟؟

 

[فجــــر]

>>> تقرا الردود وترد

بنات اللي تبي فرش للمكياج مضمونة لكم سنة

ما لكم الا فرش ميك اب فور ايفر

حتى معاها منظف خاص للفرش

بنات ترى مو شرط تاخذون باكيج الفرش كلها

اشتروها منفصلة واللي تستخدمونها بس

 

[بنت السلاطين]

:


يمال العافيه والله


خلاص خلاص اسدحهم بالدروووج ... وكلامكم سليم انا من زمان كنت نااااويه كذاااا بس فريت رااسي اشوووي
:

صحصح تخيلت شكل التواليت فله ... واختي اهياا اللي بتتصرف بالستاند للعطورااات وهالوسوالف يا عند ام عيسى او ام ساره بتشووف

:


صحيح الصحون اللي قلتي عليهاا شفتها بايكيا بغيت اخذهااا بس لي رووحه ثانيه لهم


ويعطيكم الف الف عافيه واصلا ما سألت الا اني اثق فيش انتي وركووووبه هالاموووووووووووووور



:

يالله فديتكم استأذن منكم

سبحان الله وبحمده ... سبحان الله العظيم

 

[فجــــر]

ستاندات العطور والله مادري

بس اسالي سلطونة لأنها قاعد تدور عليهم

والاستاندات الي على شكل صحون خذيناهم من سنتر بوينت

بس حسافة ما جابوا مثلها رحنا نبي ناخذ زيادة قالوا خلصوا

أنتي شوفي لش ستاند على شكل صحون مثلثة ولها قاعدة من تحت وحطي عطورش فيها او دهن العود والخلطات

واشتري الوان مناسبة لها من الكور او الحركات الصغيرة وانثريها معاها

 

[فجــــر]

سلطونة

يعافيش يا عمري

وما سويت شي اخت وبنت عم لازم افيدها

والله وياش

 

[فجــــر]

انا حطيت اغراضي بالجناط

خلوكم معاي

القمصان شلون شسوي فيها ؟

المكياج احطة بجنطة له اولازم احطة على التواليت واذا حطيته لازم له سلال كشخة واطقم ومن وين اشتريها؟

الشورات جل مع الاطقم واللوشنات شسوي فيها ؟وين احطها ؟مو يبيلها سلة حلوة للحمام؟

التواليت شسوي فيه؟ لازم ازينه مابي عادي جذي؟

وانا شريت مثل صندوق للحمر بلاستك شسوي فيه؟ اوديه بوابت الهدايا؟



والنعال تكرمون هي الحين بكراتينهم بالجنطة شلون لما تطلعهم الوالدة وين احطهم يبيلهم مثل الاستاند البلاستيك وشلون مازينة وان زينته شلون افككة ؟

شوفي القمصان حنا حطيناهم بشنطة وما وديناهم الا ثاني يوم

تدرون بعد حركات الشباب والتفتيش الا ما ندر << ركزوا عليها

المكياج شرينا له بوكسات كشخة وذربة بنفس الوقت مو اللي شغلها واجد وماله داعي
وهي بأحجام مختلفة الكبير للشدوهات والكريمات
وواحد للمناكير و هكذا

حطيناهم فوق بعض ولفيناهم بنفس اللون تور وفيونكة وبشقتها على طول فكينا الربطة وحطيناها بالادراج

ولا تنسين السلال للشباصات وتوابعها

وسلال لشغلش بالحمام بس لازن تكون مناسبة لديكور الحمام و لونه << عاد انتي اسألي عن اللون

والمفروض ستاند النعال هم اللي شارينه واذا ما حطوا انتي اشتري

 

[صابرة الحمدلله]

صابره اخبار النفسيه واستعدادج للعرس

وين حجزتي صالونج

والله لين الحين محد فضالي والله احس انهم مومهتمين

وان شالله مفكرةعند كونينينتال

 

[صابرة الحمدلله]

صابره حبيبتي


ممكن رابط منتدى بلقيس

الرابط
//www.blqees.com/vb

وموفقه حببتي

 

[ميس الورد والشوق]

صباح الخيير

اليوم

يوه دخلنا يوم جديد

اقصد امس رحت عرس ماشاءالله يهببل والناس تشييش

اشتهيت ارقص

بس استحي

<<اخاف احد من اهل المعزب او جماعته يعرفوني فششششله>>

العرايس كانوا ثنتين الاولى عاديه جدا ودخلتها عاديه

اما

العروس الثانيه

صراحه ابدعت

وصج احس لوبينهم تحدي هي اللي اغلبت

مو بشكلها هي مبين كشخه يعني طرحتها ومكياجها وفستانها حلوين

بس اقصد الابداع في حركاات الدخله

هي مبين دي جي مالها مركز الانوار قريت بس في دي جي اثنين مدري اي واحد

صرااحه بدعوا فيها

مسويين لها قبل لاتدخل مثل شكل الستار وبعدين يفتحونه ثنتين وتمر نفس المسرح والشكل هذا موكبير لا يعني مثل طول المسطره الطويله

وبعدين تمشي وبنص الصاله

جاي كذا مثل الطوق تمر منه وعليه مثل مادري وش لون اقوله

يعني شفتوا نار الجراخيات واللي احيانا يحطونها على الكيك اللي تشب كذا بشكل نص دائري يعني على الجوانب

وبعدين مثل الممر على اليمين واليسار والبنص تمر العروس

وكل ماتمر يشبون هالنار مدري وشسموها

وصج قبل لاتوصل نص الصاله يعني يوم افتحوا اللي شكل الستار

حاطه بخاار وفقاعات وااااجد تهبببببل صراحه الحركه

ويغيرون اتجاه الفقاعات يوم تمشي وتجي الفقاعات فوق

ومسكره طبعا الليتات

ومن فوق اخر الصاله حاطين ليتات هاذي المدوره اللي تعطي الوان احمر واخضر وازرق

تهببل وتتحرك في كل اتجاه ومنوووره حييييل


صج صج العروس الثانيه ابدعت

صكت على الاولى


الله يوفقهم ويسعدهم


والدي جي مال اهل المعرس مدري العروس الاولى ميامي

وجايبين طقاقه سعوديه

زفت العروس الثانيه فطومه هب السعد حلوه والله من زمان ماسوها العرايس


الله يوفهم ويسعدهم

والعرس مايصير لنا ولامن قبيلتنا

بس رفيقة امي عازمتها وامي لاازم تاخذني معاها

ماتنستغني عني خخخخخخ

اقصد انا اللي قطيت وجهي ورحت مع ماما

يالله قولولي وش رايكم بالتقرير؟؟؟؟؟؟؟؟

 

[مركب الأمل]

10/10

يا ميووووووووووس

أي خللك كذا كل العرس عشان نعرف شنو الجديد والقديم


المراااااااسله ميووووووس من جميع عروس الكويت



يا ملحج والله

 

[ميس الورد والشوق]

فجور
ياقلبي الله يرحمه اللي مات ويشفي اللي بالعنايه المركزه
انا اخيي ذابحنا اشترولي مو اجروا لي يبي بقي

بس لو وش انا وامي وابي مو راضيين

والله نخاف عليهم

الله يهديهم يحبون سوالف لما يشوفون ناس وشباب حواليهم يحسون بالشعبيه ويقحصون ومدري وش يسوون الله يهديهم ويصلحهم

انا والدنيا
حياتي دندون اكيد انبولات لان اللي شفتيها انفشت اخدودها

هذا مفعولها بس كم يومي يعني يومين ثلاث بالكثير ويرد الوجه والخدود مثل ماكانت

بلاها كثر حلاها

الله يوفقش مابقى على عرسش شي انتي وجوجو وصابره

ومكياج حنان يهببببببببل صراحه انا اشوف اهتمام عندهم حق العرايس مو طبيعي ماشاءالله

مو مثل كونتننتال اللي اذا مااعجبش مكياجش وقلتيلها مو حلو قبت بوجهش وقالت انا خبيره الحمدلله والشكر

مع احترامي لوجهات نظر الجميع

سلطونه

انا بعد رايي من راي فجور يفضل المكياج بالادراج او بشنطة المكياج
انا ناويه مكياجي ان شاءالله بشنطه كبيره لهم

والعطور انا في بالي العطور اللي علبتها كشخه بغليه برا

مثل مخلط الحمرا
ونواه اللي من جنيد

وشكل الهرم اللي هو عود روعه 2 من العربيه

بس وبشوف اذا في اشياء حلوه ومنظرها حلو احطه

وحلات التواليت يكون في بس كم شغله بسيطه والباقي مثل على الجوانب شموع شكلها راقي وفخم تهبل الكبار

وشنطه سودا
شوفي توب شيك او نوران حلوه شناطهم اللي لونه اسود



صابره

هونيها ياعمري

واهلش اذا الحين طاخين مو انهم مو متهتمين بكره بس يحسون مابقى شي

تلقينهم ينجوزن ويروحون ويردون كنهم مسويين هذا كله من شهرين

توكلي على الله

والله كرييييم

بكمل قرايه

 

[ميس الورد والشوق]

10/10

يا ميووووووووووس

أي خللك كذا كل العرس عشان نعرف شنو الجديد والقديم


المراااااااسله ميووووووس من جميع عروس الكويت



يا ملحج والله

ههههههههههههههههههههههههاي

حلوه

مراسله


خلاص اي عرس اروحله اكتبلكم التفاصيل باذن الله\

عرس سلطوووونه

كللله ان شاءالله

اقولكم اياه

<<ياويل سلطونه من الحين تحاتي وش بقول عنهااااااا خخخخخخ المراسله ميووس تحروا باذن الله عرس سلطونه 1-3 تحروا الساعه 12 بالليل يوم جديد 2-3 خخخخخخخ>>

يااحلوش ويازينش ياركووبه

فديييت خشتش الخشف اللي ماشفتهاا


بس ركوبه ودي اسالش سووووال بس خاايفه


احم احم



وش اصلش


ياختي مدري انا ملخبطه

عجميه والا مطيريه


لالا تحكريني ترى اخاف بالليل محد عندي يطب معااااي:tomato2:

 

[ميس الورد والشوق]

سلطووونه

حياااااااتي

مبرووووووووووك حجزش للمصوره

وترى حنان شيك مو ترحين للستيديو لا هي معاها الاستيديو بالصالون كل شي وتطلع معاش وحده للصاله والبيت او الشقه

 

[ميس الورد والشوق]

تصبحووووون على خيير

اعيوني قامت تكبس

قايمه من الظهر خالي واهله متغديين عندنا ومن جانا الساعه 12 الظهر

سبحانك اللهم وبحمدك اشهد ان لا اله الا انت استغفرك واتوب اليك

 

[FRFO0ORA]

يا حلوين بماانكم متيمعييييين ابي صالونحلو حق ملجة اخوي ؟؟
حدي متوهقه

 

[أبلـــة منيـــرة]

السلام عليكم ورحمة الله وبركاته



صباح الخيـــــــــر..

رحت اليوم السالميه ...... وشريت هالا هوووب (( الجيجي)) ابيلتي
هاا كذا زين نقيت اللي ناسبني منهم وهذا اللي ابيه

ايوووه صح






نداااااااء لأضـــــــــوى...


وين الخلطه النعومه : ) في الانتظــــــــــــاااار قلبووووووو

يا حلوين بماانكم متيمعييييين ابي صالونحلو حق ملجة اخوي ؟؟
حدي متوهقه

هلا فيج..... شوفي قلبوو انا اشوف الصالون التوب الحين (حنان دشتي)
فرع ابوحليفه...فيه حياة وسيما.....وفرع بستكي فيه امل...
كل اللي في حنان شغلهم حلوو بس هذول الاحلى...


وهنيه البنات بعد يمدحون (رشا شيك) بس صراحه ما جربته ولا شفت شغله على احد..

وبعد صالون( المارينا) عند بريجيت...وايضا ما شفته


بس انا ارشح لج (حنان دشتي) ومري على هالصالونات وشوفي اللي يناسبج..




بالتوفيق..

 

[يارا 2009]

صباح الخير

 

[نعنـــاعهـ]

السلام عليكم ورحمة الله وبركاته



بكتب لكم عن مشواري امس ،،،

رحت للفراونيه مجمع مناور في محل شنط مسوي تنزيلات شريت منه جنطه مع بوكها الجنطه تقريبا سعرها 35 وشوي والبوك بعشره ،،
وشريت لي شحاطه طبيه حق الكليه عشان اخذ راحتي بالمشي ،،

ورحت للعربيد طلعت راعتي والحمدلله طلعت روووعه ناعمه وشغلها ذرب،،
وشفت الذهب الغرام 6,800
بس وااااااااااي شفت كذا طقم يهبلووون انا وامي قعدنا نختار لين وصل معنا 4 اطقم بدون تراجي الا طقم واحد معه تراجي،،

قالنا بعد الخصم سعرهم 5000ومدري كم ضحكت قلت يمه امشي بس امشي
5000 من وين اجيبها انا مخليه 3500 للذهب 2 اصفر وواحد ذذهب ابيض ،،

ورحت للوشاح الذهبي شريت ملفع يجي على الحواف ورد كبير كله كرستال رمادي فضيع قالت لي 25 واخذتها ب 18
وفي محل طحت عليه انا وامي محل يفصل دراريع ناعمه ورخييييص حيييييييييل سألو وين محل الوشاح الذهبي وويوصفونه لكم الوشاح الذهبي بالطابق الارضي ومحل الدراريع بالسرداب في كذا محل اول ماتنزلين من الاصنصيل قدامج والله يابنات دراريع ناعمه وذربه اتهبل وقسما انا وامي احترنا وش نفصل فصلت 3 واذا بطلعهم بفصل بعد 2 ،،
الوحده فصلتها تتوقعون كم؟؟؟؟؟؟؟؟؟

الوحده

ب 9 ^_^ يابلاش
وشغلها وخامتها تكلف اقل شي 15 د.ك
الهندي يقول المحل رخيص لانه توه جديد وقال اذا انتي عندج موديل بكتلوج او مجله انا سوي نفسه نفسه قلت حلووو ورحت شريت خام واكسوارات للبدله اللى ابي افصلها واذا رحت مره ثانيه بقوله يسوي مثلها ،،

وشريت من محل مكياج هندي شريت كريم اساس فيه لمعه اتهبببببببل ماركة مكياج بدينار ونص اخذته دينار راح اخلطه مع كريمي الاساس راح يعطي لمعه اتهبل ع الوجه هذي طريقة بنت عمو سوتها والكل سال وش اسم كريمها؟
وشريت جنطه ماركة فندي مع بوكها للكليه شوي كبيره علشان احذف الكتب فيها،،
وبس ،،

وانشالله اذا رحت بعد ماني مقصره بقولكم كل شي مفيد وجديد

والله يهنيني انشالله بمشترواتي ويوفقني

ودمتم سالمين

 

[آنسه صفاء]

السلاااااااااااااااااااااااااااااااااااام عليكممممممممممممممممممم


بنات شفت كتالوج عرايس وشفت نفانيف عرايسسسسس روعه والمصممه مادري الاتيليه اسمه ذكرى

هذا رقمهم

9824665 - 5665602 - 5665601​

 

[آنسه صفاء]

تصدقين ميوس الله يعينهم العروستين بليله

كل وحده بتحاتي المقارنه وعلى اعصابها مالومها ودها تطلع مميزه والله يوفقكم ان شاء الله

وخاطري اروح عرس بعروستين بس ماصارت عندنا للحين



نعنع ماشاء الله عليج انا للحين مادري جم احط للذهب يمكن 1500 اقل شي
وان شاء الله اذا كفى المهر بزيده لاني ناويه اخلى الذهب اخر شي