منو راحت او تعرف احد راح سياحه (اليابان)

[7alawa]

مرحبا بنوتااات

بخاطري اروووح اليابان بس ما اعرف احد رايحلها!!
تسوى؟ شلون السوق ؟ فيها طبيعه؟
اروح توكيو او في احلا؟
شلون الاسعار؟ الفنادق؟ المطاعم؟ التذاكر؟ الموصلات!!
الناس نفسهم حلوه ؟ يتكلمون انجليزي!!؟؟
في مدينه العاب اسمهم dome city يمدحونها عالنت

بليز اللي تعرف تكتب كل اللي تعرفه :tek:

 

[7alawa]

للرفع
..
..
..

 

[فناتق^كويتيه]

انا اللي سمعته انها حيل حيل غاليه

ودخل الفرد اهناك مرتفع عشان جذي كل شي عندهم غالي

يعني اللي يروح لها يتوهق

انا مو متأكده سئلي عنها مكاتب السياحه اظمن لج

 

[7alawa]

مشكوووره يا قلبي ما قصرتي

 

[دمـوع الشـموع]

لوووووووووول

غاليه مره
قريب لي راحو شغل مساكين طفروا غاليه مره واكيد السوووق غالي
اذا تبين سوق روحي الصين سمعت بضايعهم رخيصه
وتايلند بس مارحت لهم

 

[7alawa]

يعني اليابان ما تسوى؟؟

 

[أمانيQ8]

اليابان نااااااااااااااااااااار وشرار غاليه وايد وايد

 

[Misty]

وايد وايد وايد غالية شي مو طبيعي الأكل والسكن والمصرف نار نار بس الشي الوحيد لرخيص الأجهزة
تره اليابانيين يعتبرون من الي دخلهم وايد عالي ماراح تسوه السفرة مع انه احسها وايد حلوة

 

[زيـنـه]

الديره حلوه و تسوى العنوه لها من الاعلام عليها في النت و التلفزيون
بس يبي لها ميزانيه كبيره لانها غاليه جدا .

 

[bashayerr]

آنا سامعة من زمان ... أنه من كثر ماهي غاليه قوطي البيبسي عندهم 5 دنانير كويتي !!!!!!!!!1 فما بالج الحين وطفرة ارتفاع الاسعار العالمية ؟!!! روحي وقوليلنا

 

[7alawa]

اوووووووووف البيبسي ب 5 دك !!
الماي ببلاش ؟؟ ههههههههههههههه
همممم شكلي اهون وايد احسن :\

مشكورين عالمرور

 

[عشوقة الأنيمي]

الله اكبر .. لهدرجة ..

البيبسي خمس دنانير .. !!!!!

يووووه بس شسوي حيييييل ودي أروح ..

شكلي مارح أروح إلى أن أشتغل .. وأخلص دراسة > <

أو أني بروح أدرس هناك .. هههههههه ..

بس ما أظن يدزون بعثات لليابان << الأخت عايشة الدور ..

 

[زينا]

روحي كوريا

 

[زينا]

بصراحه كوريا تسوى حلوووووووووووووووووه

 

[shouq81]

والله حتي انا ودي اروح فيدونا

 

[NOoOf 305]

هذي بعض المعلومات عن اليابان
http://travel.maktoob.com/vb/travel449244/

و هذا واحد مصور بالفيديو
http://travel.maktoob.com/vb/travel590418/

و هذي بعض التقارير
http://travel.maktoob.com/vb/travel622802/

http://travel.maktoob.com/vb/travel210447/

http://travel.maktoob.com/vb/travel123217/

و هذا تقرير راائع
http://travel.maktoob.com/vb/travel86128/

 

[lojeeen]

انا حاجزه حق اليابان ان شاء الله شهر سبعه الجاي مع سفريات القطان مسوين جروب سياحي على قولتهم مصرفها نفس مصرف اي دولة أوربية انتي احسن لج روحي للمكتب و استعلمي عنها اكثر لأنهم كل سنه يسوون جروب سياحه

 

[شهرزاد الحكاية]

ادري الموضوع قديم بس ماحبيت اطلع من غير ما اعلق ...

انا رحت اليابان العام اتينن وعجيبة وباذن الله ان شاء الله بكرر الروحة لها اذا الله اراد

الغالي فيها السوق اما الاكل والشرب والمصاريف فعادية جدا حالهاحال اوروبا ويمكن ارخص ...
قعدت فيها 15 يوم مروا بسرعة البرق ماحسيت فيها...

شدعوه بنات البيبسي خمس دنانير ضحكتوني لا والله البيبسي 200 فلس اذا غالي كلش ...

والماي نفس اسعا ر الكويت لا وستاربكس وماكدونالدز ارخص من الكويت

اتمنى اكون فدتكم ...​

 

[lojeeen]

ادري الموضوع قديم بس ماحبيت اطلع من غير ما اعلق ...

انا رحت اليابان العام اتينن وعجيبة وباذن الله ان شاء الله بكرر الروحة لها اذا الله اراد

الغالي فيها السوق اما الاكل والشرب والمصاريف فعادية جدا حالهاحال اوروبا ويمكن ارخص ...
قعدت فيها 15 يوم مروا بسرعة البرق ماحسيت فيها...

شدعوه بنات البيبسي خمس دنانير ضحكتوني لا والله البيبسي 200 فلس اذا غالي كلش ...

والماي نفس اسعا ر الكويت لا وستاربكس وماكدونالدز ارخص من الكويت

اتمنى اكون فدتكم ...​

طمنتينا واﻷه انتي ليش ما تكتبين عن تجربتج حتى يروح اﻷبس ﻷن حرام وايد اﻷي كانو بيروحون اليابان و هونو بسبه انها اغلى من اوربا

 

[lolwah]

لوجين الله يعافييج ابي رقم السفريات
يمكن احجز معاكم بالقروب