بنات ياليت تساعدوني محتاره وتعباااااااااانه

[زي العسل]

شلونكم بنات ودي استشيركم بشي محتاره حيل وتعبانه والله وانتوا مثل خواتي عطوني حل؟:eh_s(11):

انا موظفه وعندي صغار اكمل دراستي الثانويه اقوم من الساعه 6الصبح البسهم واروح الدوام ارجع من الدوام الساعه2 ماتغدى على طول ادرسهم واشوف اذا عندهم واجبات ويايبه لهم مدرس بعد الساعه 4 اروح المدرسه وحاطه ايدي على قلبي مومتعوده اخلي عيالي واحاتي دراستهم وخصوصا اذا عندهم اختبارات ارد من المدرسه اكون خلاص تعبانه حدي ارد ادرسهم واعشيهم وانام زوجي طبعا صفر على الشمال ماله شغل بأي شي كل شي فوق راسي الجمعيه الطبيب المكتبه كل شي والله واهو بس نوم ودوام وديوانيات وفوق هذا يمد ايده ويغلط على اتفه سبب

ويعايرني يقول لو فيج خير كملتي دراستج مع اني والله كنت شاطره بس ظروف يتني خلتني ماكمل وحابه اكمل دراستي ولي طموح كبير وزني كل ماله ويقل 50كيلو وزني الحين بنات موعارف ضغط نفسي حيل علي وافكر اطلع من المدرسه وماكمل بس اقول باجر عيالي يكبرون وزوجي مودايم لي ويهدد بالزواج وتوني عمري 25سنه بنات شرايكم شسوي بحالتي انصحوني تكفون جزاكم الله خير :yaaaaaarb:

 

[^شوق الكويت^]

الله يعينج ,,


توكلي على الله و كملي دراستج و حاولي مع زوجج هو اللي يرووح يشتري الاغراض و اذا الميزانيه زينه خليه يجيب مدرس للاعيال ,,,,,,,




صدقيني كلها فتره و اذا توظفتي و الله ترتاحين باذن الله ,,



بس لا تتنازلين عن الشهاااااااااده مهما صاار ,,,,



و حاولي تتفاهمين مع زوجج انه يشاركم و خلي الاعيال يرووحون له يذاكر لهم ((دبسيه بالسالفه ))

 

[sereen]

الله يساعدج عمرى بس انتى لاتضغطين نفسج عاد اشوى اشوى بس المهم ريلج يتفهم عشان الامور تمشى وتقعدون قعدة
اتخطون النقاط على الحروف اللى لج واللى عليه او اذا مظطرة حطى سايق يخفف عليكم الوضع خلى الشغاله اشيل عنج
الطباخ هالفترة .................... اذا رضى زين على زين اذامارضى لج الله لاتخربين بيتج وعيالج لان التضحيه لازمه

يد وحدة ماتصفق

 

[نــور1]

الله يكون بعونج وان شاااء الله تكملين دراستج وتاخذين الثانوية والجامعة سهااالة دوامها يعطونج من وظيفتج دوام جزئي

يعني لا تحاتين


بالنسبة لزوجج قعدي تفاهمي ويااااه وقوليله وبكل هدوء وضعف انا مو قاردة اتحمل الضغط اللي اتعرض له حكم ضميرك فيني واشرحيله ومن غير صراااخ يومج من بدايته لي نهايته

وحاولي دخلين طرف ثالث حكيم من اهله أمه أخته أبوه ( بس تكونين ضامنه تعاطفهم ومساندتهم لج )

وتحملي يا بنت الحلال

أما تهديده لج بالزواج من ثانية ( جعله كما يعرس عليج ) هذا لانج انتي مو فاضية له

بعدين انا استغرب من الامهات اللي مجابلين عيالهم طووووووو ل النهار وهات يا تدريس انتي طلبي منهم يدرسون وبعدها قعدي وياكل واحد عشر دقايق سأليه عن اللي درسه

والله يسر لج امورج ويوفقج ويسمح دربج

 

[كندية]

والله الله يسااااااااااااااعدج حبيبتي...انا مو متزوجه و موراضيه اشتغل وادرس في نفس الوقت اقوول واايد ضغط...وهذا ماعندي مسؤاليه....

بصراحه لازم تتفاهمين مع ريلج مايصير كل شيء عليييج انتي...يعني اسمه ريااال البيت....
لو تقدرين تدرسين من غير الشغل يكووون احسن....بس لين اتخلصيين...او تشتغلييين نص دواام مثلا......

الله يوفقج اختي......

 

[بتبوتااا]

الله يكون بعونج حبيبتي بس مايصير كل شي عليج حاولي تكلمينه يعني دوامج ولا دراستج ولا عيالج ولا بيتج الله يعينج بصراحه

 

[زي العسل]

يعطيكم العافيه حبيباتي ثلجتوا صدري ماقصرتوا فديتكم رفعتوا من معنوياتي
بس ابقولكم عن شي صارلي متزوجه 10سنوات زوجي انتهيت منه مافي اصلاح فيه لامن اهلي لامن الأستشارات الأسريه اهله طبعا شي ميؤس منه انا ابكمل وربي انشالله وصدقوني يابنات نصييييييييييييييييييييييييييحه
عليكم بقيام الليل صلاة قيام الليل وربي اني لوماصليها كل يوم وادعي ربي يمكن انفجرت من زمان على المآسي الي اشوفها بحياتي صلاة القيام معجزه وهديه من ربي لنا انصحكم لاتنسونهااااااا ويعطيكم العافيه

 

[شهودة البطة]

حبيبتي الله يكون بعووووووووونج
ريلج شكله يتحجج بدراستج يعني يبي الحجه يتهاوش ويتزعل مو لأنج مهملته والاا مقصرة بحقة

اخذيها من اختج نصيحه كملي دراستج وضغطي على نفسج هالجم سنه وباجر انشالله لي تخرجتي
وتعدل معاشج اهوا الي بيركض وراج انشالله الله يهديه بس هالنموووونه منتشرة الله يكافينا الشر
ومثل ما قلتي صلاة الليل ترفع كل الهموم باذن الله
وخليها حلأه بودنك على قولة اخوانا المصريين بهاليام الي ما عندها شهاده ما تعيش
صج الرياييل هالايام ما يبون الي تداريهم وتباريهم اهم شي اهتمي بعيالج
اهتمي ينفسج لالالالالالالالالالالالالالا تهملين شكلج مهما زادت عليج الضغووووط
وحاول تتقربين حق هالمتعووووس يعني سولفيله عن مواقف صارت معاج بالدوام بس تكفين نقي سوالف تضحك مو سوالف ترفع الضغط ((خخخخخخخخ مو تيين تقولين له اليوم واحد تحرش فيني )) حسسيه بقيمته قولي لعيلج قدامة وجنج مو شايفته (( يمه هالشغله ما اقدر اشرحلك اياها روح لابوووك اهوا اشطر مني يعرف كل شي ))ههههههه
ترى يموتون بهالسوالف

الله يوفقج انشالله


وانشالله جزانا الجنه اجمعين

 

[موت الحمر]

حبيبتي اول شي ربي يعينج


و بعدين مثل ما قلتي عيالج ان شاء الله بيكبرون و بتخف عليج المسؤولية


دراستح لا تفكرين انج تهدينها

خلي التحبيط اللي يقوله لج ريلج دافع جدامه بإنج قادرة


العلم و الشهادة يبيلها ارادة و عزيمة


ما لج شغل فيه اذا اليوم اهوا يعاريج باجر الله العالم



كملي دراستج و الله يوفقج و احتسبي اللي تسوينه كله ان شاء الله بميزان حسناتج



العلم و الدراسة و شهادتج اهما اللي يشولونج على ريولج طول عمرج و ما يخليج تحتاجين لا ريلج و لا غيره سوى رب العالمين ما لنا غناة عنا



و بعدين دايما هوني على روحج قولي

يلا هانت راح الكثير و ما بقى الا القليل


عسى الله يوفقج و ينجحج و تحققين حلمج


اللهم آمين

 

[مرت ريلي]

لاحول ولاقوة الا بالله
مادري لي متى الريال
يطق زوجته بصراحة ما
عندي حل الا أدعيلج
الله يهديه ويعينج عليه

 

[LaSt WoMeN]

فكري بنتيجة هالتعب و كلها مسألة وقت و تتخرجين و ترتاحين و معاشج يزيد ..
أهم شي اهتمي بصحتج , و عيالج اذا بالمتوسط و الا ثالثة او رابعة ابتدائي تدريسهم
بيكون أسهل من اذا كانوا بعمر أصغر .. خليهم يعتمدون على روحهم بالدراسة و انتي
بس راجعيهم .. أو حطي لهم الأسئلة و تطلبين منهم اذا رجعتي تلاقينهم حالين واجباتهم
و خالصين و انتي تصلحين لهم .. لا تقولين ما يعرفون لأ راح يتعلمون ..
و اذا عندج عيال كبار خليدرسون الصغار و يشاركونج المسئولية و يعاونونج ...
موفقة ان شاء الله

 

[TeAcHeR_BeZaRiN]

1- كملي دراستج
2- اهتمي بنفسج
3- لا تسمحين له ايمد ايدة
4- ربي يرفقج
5- الزمي الاستغفااااااااااااااااااار وانا اختج

 

[softlady]

لا تهدين دراستج حرام


باجر تتذكرين هالايام وتضحكين عليها


وحاولي تتفاهمين معاه


واذا خلص شي من البيت لا اطيرين تييبينه


خليه اهو يروح حتى لو حنيتي وايد

مو كل شي عليج


حاولي اتصلحين الي خربتيه قبل لانج عوديته


الله يعينج


ان شاء الله نفرح فيج وانتي متخرجه يارب






بعد قلبـ قلبكمـ

مع تحياتيـ SOFTLADY



.

 

[نــور1]

شهود البطة :

حسبي الله على ابليسج صج صج خبرة يموتون بشغلة انهم اشطر منا نفذيها زي العسل في تدريس عيالج قوليهم وجنج ما تدرين ان ابوهم يسمعج ليوكم اشطر مني يعرف هالشغلة اكثر

 

[om deaj]

الله يعينج ,,


توكلي على الله و كملي دراستج و حاولي مع زوجج هو اللي يرووح يشتري الاغراض و اذا الميزانيه زينه خليه يجيب مدرس للاعيال ,,,,,,,




صدقيني كلها فتره و اذا توظفتي و الله ترتاحين باذن الله ,,



بس لا تتنازلين عن الشهاااااااااده مهما صاار ,,,,



و حاولي تتفاهمين مع زوجج انه يشاركم و خلي الاعيال يرووحون له يذاكر لهم ((دبسيه بالسالفه ))

وانا بعد معاها لا تتنازلين عن الشهادة ولا كملي منازل لا تضغطين على عمرج واذا احتجتي اي شي ترانا بالشوفة والله يوفقج يارب

الحمدلله عندج يهال وانتي صغييرة بس وقفي الحمدلله على الي عندج ودام ابوهم مايهتم ماله داعي تكودين
وموضوع انه بيتزوج خليه يروح ويجرب بيشوف من تتحمله وعنده يهال وهذا طبعه اذا انتي بنت حمايل ومتحملة وتبين الستر وايد غيرج بيقولون ماله داعي نتحمل>>>لا يهزج كلامه ترا الله اكبر وشايف الظلم الي عليج واكيد بينصرج مهما صار

لا تقولين اتطلق>>>فكري بعيالج وترا اغلب الي تطلقوا وعندهم يهال مايتزوجون وصعب انها تعيش بمجتمع لازال يرفض لقب مطلقة

عيالج عوديهم يدرسون وانتي راجعيلهم والي مو فاهم يردلج عشان تشرحينله ولا تعودينهم على المدرس الخوصوصي >>>شنو فايدة المدرسين بالله عليج
روحي المدرسة وشرحي للأخصائية الاجتماعية ظروفج في البيت وخل يكلمون المدرسين شوية يشدون حيلهم ويحللون معاشاتهم مع عيالج>>>وخصوصا الي من ذاك الصوب الله وكيلج يموتون بس يعطون دروس خصوصية لو الساعة 12 بليل
طلبي من خواتج يساعدونج في تدريسهم
سويلهم امتحانات>>>دشي قسم المعلمات ودوري ولا طلبي منهم يدزونلج امتحانات وامتحني عيالج في البيت

واهم اهم اهم شي لا تتنازلين عن الشهااااااااااااااااااااااااااادة تراها اهم شي والله وهي سند للمرة في هالزمن

وعشى الله يوفقج يارب ويكبرون شوي عيالج وتتخرجين وتفرحينا وترتاحين وعقبها ريلج بيحس انج صج خوش مرة الي تحملتي كل هذا وذيك الزة خل اشوف وين بيلقى وحدة احسن منج

 

[^وجد قلبي^]

كملي دراستج ماتنفعج الا الشهاده مالج شغل باحد فتره وتعدي صدقيني

الله يسهل دربج يارب

 

[pretty sarona]

الله يعيينج انشالله ,, لا تهديين دراستج .. شهادتج اهي اللي بتحمييج ابهالزمن ,, انشالله الثانويه و بتعدي بعديين الكلية مقدور عليها انشالله انتي تقدرين تتحكمين في موادج ,,, و ريلج الله يهدييه بس بيكسر مياديفج ,,, ادعيله بالهدايه وصبري ما بعد الضيج إلا الفرج

 

[غَـنْـجَـى و دَلـوعْ]

الله يعينج و يسهل عليج و يسخر لج زوجج حبيبتي مالج إلا ربج و الدعاااء مفعوله مثل السحر ..

و بعدين دراااستج لا تهدينها لو كان شنوو أهم شي شهادتج ضغطي على عمرج قد ما تقدرين ..


و زوجج صدقيني راح يجي بمحايل و المهاداة لا تكثرين عليه الحنة سايريه ليمن توصلين للي تبينه ..

 

[GAP^^الكبيرة]

البنات ما قصروا سمعي نصيحتهم لا تفكرين تهدين دراستج باجر محد بينفعج الا شهادتج

وشي ثاني .. لا تتحملين كلشي بروحج.. الضغط يولد الانفجار... غصب عليه يمسك معاج مسؤليه... ومو الا تراجعين لعيالج الدروس لهم عيل ليش حاطه مدرس؟؟؟.. والجمعيه لا تروحين.. شبيصير؟؟؟ مرده بيموت من اليوع وبيتحرك.. جابلي دراستج واهتمي بروحج وتوج صغيره .. باجر هالهموم بتكسر جسمج وصحتج وبتتحسفين على قد شعر راسج

 

[زي العسل]

مشكورين وجزاكم الله خير وانشالله بميزان اعمالكم ماقصرتوا صج الدنيا للحين بخير ابمشي بنصيحتكم من اليوم ادعولي بنات الله يرزق كل وحده انصحتني بالخير والعافيه