اهم الشغلات إلي تجهزينها حق البيبي والمستشفى خل نستفيد

[ألوي الكويت]

قوة بنات
توني حطيت لي ورقة وقلم بمناسبة قرب دخولي الشهر الثامن وقلت خل اكتب شنو بودي حق المستشفى:


اول شي الاغراض:
طقم الكفر
مواعين حلو القهوة
مفارش الطاولات والكلينكس
ستاند الككاو
اطقم التقديم(استكانات-فناجين-قلاصات)
وودي اودي الاوتي البخار اخاف كفري يحتاج تضبيط او قمصاني شرايكم؟؟


اغراضي:
قميصين للاستقبال
بجامتين مريحين
سليبر
تكرمون نعال حمام
كوتيكي وقطن للصدر
اندرويرات اللي استخدام واحد وينقط
ستيانات الراضاعه 2
كلنكس رطب
شباصات ومشط وكحل(ما استغنى )
كريم الصدر للرضاعة
فوطة
شاحن الموبايل


البيبي:
كيس البيبي 2
مهادات 3
صداري
بلسوتات
كبابيس
لحاف او كفر
فوط صغار
مصاصات
ممية الماي


شرايكم؟؟

لا تنسين مشط الشعر

ومرطب شفاة

وكريم للوجه وغسول الوجه


مشكوره ذكرتيني أحط شاحن للموبايل:ggdw:

 

[ألوي الكويت]

نفيشه

نسيتي الصواني للتقديم

 

[نفيشه]

بردانة
انا تقريبا جهزت شغلي باقي لي القمصان بخيطهم
وباقي لي كيسة البيبي
وطبعا حلو القهوة اخر شي بخليه
وكنت ناوية اسوي استقبال بالمستشفى بس الحين الظروف تغيرت والوالدة بتسوي قسطرة وماراح تكون موجوده فمو حلوة استقبال وامي مو عندي
اصلا ادري بروحي بقلبها نكد بس الله يعين
فالاشياء اللي مجهزتها كنت مجهزتها للاستقبال لكن الله قدر شي ثاني


الوي
اي صاجة الصواني وهم امس زدت القائمة تذكرت شغلات وايد كنت ناسيتها

 

[بنات حواء2]

حبيبتي ام عزيز اكلي شي في بهارات ترى ييب الطلق هذي معلومه يديده بس و الله اكيده اختي كلت شي سبايسي من شيليز ثاني يوم ولدت
خوش معلومه جربي مو خسرانه شي

و الله قعدت اسألج عشان تولدين ابسرعه بعد عمري انشاله الحين و انات اكتب الرد و انتي بالمستشفى والده و مفتكه يارب

 

[بنات حواء2]

يا بعد عمري أحبج يالكويت حياج الله حبيبتي بينه و انشاله يارب تكونين استفدتي من الموضوع و على طاري التنزيلات و ايد روعه اتلحين عندي جم انتيفه باخذهم الحين الصراحه خوش تنزيلات

 

[بنات حواء2]

هلا و الله بعد عمري ألوي الكويت على طاري مصنع الككاو زين قلتيلي بعد عمري عشان لمن اروح اروح على وقت مناسب


انشاله متى ناويه تشترين الككاو ؟

انتي بأي شهر الحين ؟

 

[بنات حواء2]

هلا و الله حبيبتي نفيشه مشكوره بعد عمري على اللسته بضبط نفس اغراضي إلي حطيتهم بسترى بنسبه حق الاوتي ترى ما يحتاي كلهم يومين و يخلصون انشاله يارب

 

[بنات حواء2]

هلا و الله SweeTa_4ever همن حلوه الفكره انا يت في بالي و قلت حق امي قالتلي ما يحتاي اهمه الناس بييبون هدايا

انا انشاله ناويه اسوي ختمة سورة ياسين بعد ولادتي بجم شهر حق البيبي و راح البس في و احط مكياج يعني كله واحد

رفيجتي قالتلي ليش ما تسوين حفله و اغاني و ديجي

بس الصراحه انا ما احب جذي مو زين حق الياهل و جذي ما يصير في بركه ايمع الناس على قرآن احسن بوايد و ابرك من هلخرابيط

 

[nazek_q8]

بنات حواء2

انتي من صجج الاكل اللي في سبايسي اييب الطلق؟؟
انا من حملت وانا ماحب اكل الا اكل سبايسي وفلفل وبهارات والا ما احس بطعم الاكل اشرب الدقوس شراااااااااااب

عليج بالعافية ختمة يس احسن من الاغاني والخرابيط عشان تتباركين بالياهل انا بعد بسوي ختمة قرءان او سفرة

 

[بنات حواء2]

هلا و الله حبيبتي bardana شفتي شلون و الله توني سمعت هالمعلومه و المشكله الكل يقولها يعني وايد ناس يعرفونها اليوم قعدت مع اهل ريلي و قالولي قلت خوش معلومه و الله اعلم

بنسبه حق الختمه اي و الله خير و بركه احسن من هلاغاني و الخرابيط اصلن ما تييب البركه حق البيبي حلاته صفره و تقرون قرآن و توزعينم على الناس شغلات مقري عليها احسن من هلخرابيط إلي ما تييب إلا العين و الذنب

 

[أم عزيـز]

ام عزيز

كل تأخيره فيها خيره ميخالف كل شي بأجره نطرتي 9 اشهر نطري هالاسابيع الله يهون عليج قلبي

وانتي الصاجه
انا مخليتها على الله وربج يكتب اللي فيه الخير

حبيبتي ام عزيز اكلي شي في بهارات ترى ييب الطلق هذي معلومه يديده بس و الله اكيده اختي كلت شي سبايسي من شيليز ثاني يوم ولدت
خوش معلومه جربي مو خسرانه شي

و الله قعدت اسألج عشان تولدين ابسرعه بعد عمري انشاله الحين و انات اكتب الرد و انتي بالمستشفى والده و مفتكه يارب

فديتج يا قلبي الله يسمع منج
توني يايه من المستشفى كان عندي موعد مراجعه وفحصتني الدكتوره مره ثانيه وقالت لي الرحم احسن من اول مره صاير طري المره اللي طافت كان يابس الحين ماشاء الله صاير طري بس مو مفتوح وراس البيبي نازل بالحوض لله الحمد وقالت لي استمري على الحلبه والأناناس والتمر وأشوف السبت الياي اللي اهو اخر موعد لي وبعدها قالت انتي تحددين متى راح تولدين !!

قلت لها ان شاء الله الموعد الياي اييج وتفحصيني وتشوفيني مفتوحه جم سانتي
قالت ان شاء الله بس انتي استمري على اللي قلتلج عنه ولا تنسين الجماع لوووول :dddds:

 

[بنات حواء2]

هلا و الله حبيبتي أم عزيـز ترى صج التمر وايد زين كثري منه و اذا ما تحبينه جذي اكلي المعمول يمشي الحال

و شربي عصير الانناس الفرش و الاحسن لخذي انناسه فرش قطعيها و اكليها فرش ترى وحده بوحده

ترى الجماع بعد وايد زين و يقول انه الحيوانات المنويه تيسر و تسهل الولاده

هذي معلومات اكيده سألت الدكتور فيها وقالي عنهم


على طاري الفحص ما يعور عادي و لا يعور انا خايفه من الفحص

 

[أم عزيـز]

هلا و الله حبيبتي أم عزيـز ترى صج التمر وايد زين كثري منه و اذا ما تحبينه جذي اكلي المعمول يمشي الحال

و شربي عصير الانناس الفرش و الاحسن لخذي انناسه فرش قطعيها و اكليها فرش ترى وحده بوحده

ترى الجماع بعد وايد زين و يقول انه الحيوانات المنويه تيسر و تسهل الولاده

هذي معلومات اكيده سألت الدكتور فيها وقالي عنهم


على طاري الفحص ما يعور عادي و لا يعور انا خايفه من الفحص

والله هذا اللي قاعده اسويه وان اشاء الله ربج يفرجها
انا توني ماكله تمر وشربت حلبه لووووول

والأناناس ريلي شاريلي بطل كبير فرش قالي كل يوم شربي قلاص
وانا كل ما تميت صبيت لي شوي وشربت مع اني ما احب الأناناس بس دام يفيد بجابله لوووول

وفعلا الجماع انا سمعت عنه والدكتوره نفسها اليوم قالت لي نفس الكلام وقالت وايد وايد زين واهم من المشي

اما الفحص يا قلبي شوفي انتي لا تشدين مع الدكتوره ورخي نفسج وحاولي تاخذين شهيق وزفيز لما تفحص وماراح يعورج ان شاء الله

اهو يعور لما تشدين وتسكرين نفسج راح تصيرين ضيجه
لكن اذا رخيتي نفسج وما فكرتي في الدكتوره وهي تفحصج ان شاء الله ماراح يعورج

 

[نفيشه]

بنات شنو اخر التجهيزات؟؟

 

[SweeTa_4ever]

ام عزيز
قالت ان شاء الله بس انتي استمري على اللي قلتلج عنه ولا تنسين الجماع لوووول


ههههههههههههههههههههههههههههه اي اهم شي الجماع


اهو يعور لما تشدين وتسكرين نفسج راح تصيرين ضيجه
لكن اذا رخيتي نفسج وما فكرتي في الدكتوره وهي تفحصج ان شاء الله ماراح يعورج


عاد هذا الي احاتي الفحص انا مره يوم كنت اخر الشهر الخامس ياني عوار بطني وفحصتني بقيت اموت يعوييييييير

 

[SweeTa_4ever]

نفيشه

بنات شنو اخر التجهيزات؟؟
انا الحمد الله خلصت شغل البيبي بس بقالي سوالف النظافه بعدين اشتري وخلصت حق نفسي تقريبا بس الحين قاعده اسوي سوالف الككاو


وانتي؟؟

 

[نفيشه]

سويتا

انتي باي شهر الحين؟؟
انا تقريبا خالصة من شغل البيبي
باقي لي البانيو مال السبوح وجنطة الاغراض
وطبعا الاغراض اللي من الجمعية والرضاعات هذي بيوم واحد

وانا باقي لي قمصان المستشفى وستيانات الرضاعة وبجامات مريحة وسليبر وااااااااااااااااااااي جني ماسويت شي

اما كفري ومواعين الحلو وطقم التقديم والمفارش خالصة تقريبا بس باقي لي السيفونيرات ابي شي حلو على الراحة بشوف لي

حاليا قاعده احاتي قمصان المستشفى اهم شي باقي لي

 

[SweeTa_4ever]

نفييشه

انا داشه الثامن وانتي؟

البانيو مال البيبي خذيته من مذركير مع لسفنجه الي تحته وسفنجه الفراك القمصان تلقينهم بالطاهر او انور حلوين وستايين الرضاعه خذيتهم من مذركير وبجامات ليلحين ماشريت لاتحاتين وانشالله في وقت اجهزين على راحتج

 

[SweeTa_4ever]

وي نفيشه توني اشوف توقيعج انتي معاي تقريبا 31 اسبوع بس انا قبلج بجم يوم بس

 

[أحبج يالكويت]

هلا والله مشكوورين على الرد


انا بنهاية الشهر الخامس


الله يستر الدكتور قالت لي 70 % ولد وبعدين قالت بنت

وانا اخذت كله وردي

مادري حاسه فيني بنوته